Morgunblaðið - 14.12.2002, Síða 66

ÚR VESTURHEIMI
66 LAUGARDAGUR 14. DESEMBER 2002 MORGUNBLAÐIÐ
G
erald R. Skinner er
fyrsti sendiherra Kan-
ada gagnvart Íslandi
með aðsetur á Íslandi,
en hann afhenti Ólafi
Ragnari Grímssyni, forseta Íslands,
trúnaðarbréf sitt 27. nóvember í
fyrra og sendiráðið tók formlega til
starfa í Reykjavík 15. maí síðastlið-
inn, tæplega ári eftir að íslenskt
sendiráð var formlega opnað í Ott-
awa. Starf kanadíska sendiherrans
felur meðal annars í sér heimsóknir á
Íslendingaslóðir í Kanada og í sinni
fyrstu ferð af þessum toga fór sendi-
herrann til Toronto, Ottawa, Winni-
peg, Gimli, Victoria og Vancouver.
„Tilgangurinn var að efla samskiptin
í víðum skilningi, kynna mig og
kynnast öðrum með sameiginlega
framtíð þjóðanna í huga,“ segir hann
og leggur áherslu á að þjóðirnar eigi
meira sameiginlegt en þegnarnir
geri sér jafnvel grein fyrir. „Sam-
starfið er að mörgu leyti gott, en við
getum eflt samvinnuna og sam-
skiptin á mörgum sviðum. Hins veg-
ar er gaman að sjá hvað tengslin
leynast víða og í því sambandi má
nefna að vetnisstrætisvagnarnir,
sem á að reyna á Íslandi á næsta ári,
eru framleiddir í Vancouver.“
Ræturnar mikilvægar
Sendiherrann hitti meðal annars
fulltrúa Íslendingafélaga og aðra
áhrifamenn í íslenska samfélaginu á
yfirreið sinni. Flesta ræddi hann við í
Manitoba og þar gaf hann sér tíma til
að tala einslega við ansi marga, en
dagskráin var vel skipulögð og var
hver og einn með sérstakan viðtals-
tíma. „Ég hef ekki komið í allar Ís-
lendingabyggðir, en það fer ekki á
milli mála að Kanadamenn af ís-
lenskum ættum eru mjög hreyknir af
uppruna sínum,“ segir Gerald. „Það
kemur kannski ekki á óvart í Nýja-
Íslandi í Manitoba en vakti athygli
mína á öðrum stöðum eins og til
dæmis í Vancouver við vesturströnd-
ina, þar sem sjá má í svonefndu Ís-
landshúsi að jafnmikil rækt er lögð
við að varðveita íslensku menningar-
arfleifðina eins og í öðrum íslenskum
samfélögum vítt og breitt um landið.
En umfram allt líta þessir þegnar á
sig sem Kanadamenn af íslenskum
uppruna.“
Gerald hefur komið víða við í Kan-
ada vegna náms og vinnu og þekkir
land og þjóð vel, en fólkið af íslenska
upprunanum kom honum að nokkru
leyti á óvart. „Að mörgu leyti má
segja að nú sé þriðja til fjórða kyn-
slóð fólks, sem flutti til Kanada, víða
að vaxa úr grasi. Almennt er föð-
urlandið ofarlega í huga þeirra sem
fyrst fluttu, afans og ömmunnar, en
sama á ekki við um afa- og ömmu-
barnið. Því er kunnugt um upprun-
ann en það tengist honum ekki sér-
staklega, er fyrst og fremst
Kanadabúi. Þetta virðist samt yf-
irleitt ekki eiga við um Kanadamenn,
sem eiga ættir að rekja til Íslands,
því þeir tengjast upprunanum mjög
sterkum böndum. Þessi munur á
tengslum við ræturnar kom mér á
óvart, en þessi tenging hefur mikið
að segja og er mjög jákvæð.“
Sameiginlegir hagsmunir
Viðskipti milli þjóðanna hafa auk-
ist síðan sendiráðin voru formlega
opnuð og Gerald segist vona að við-
ræður sínar í ferðinni leiði til auk-
inna samskipta Íslands og Kanada á
ýmsum sviðum. Mikil gróska sé í
menningarmálunum, einkum hvað
íslenska menningu í Kanada varði,
en Íslendingar standi framarlega á
ýmsum öðrum sviðum eins og til
dæmis í hátækni, nýtingu nátt-
úrulegra auðlinda og erfðafræði og
þar séu miklir samstarfsmöguleikar.
Á menningarsviðinu hafi Íslendingar
látið gott af sér leiða, meðal annars
við íslenskudeild Manitobaháskóla,
og íslensk menning sé í hávegum
höfð við Victoriaháskóla. Hins vegar
hafi Kanadamenn ekki kynnt menn-
ingu sína sem skyldi á Íslandi og þá
sé hann ekki einungis að tala um
bókmenntir heldur t.d. líka rann-
sóknir Kanadamanna á norð-
urslóðum. Þar eigi þjóðirnar sameig-
inlegra hagsmuna að gæta enda sitji
Adrienne Clarkson, landstjóri Kan-
ada, og Ólafur Ragnar Grímsson,
forseti Íslands, þar við sama borð.
„Málefni norðurslóða skipta þjóð-
irnar miklu máli. Forseti Íslands er
frumkvöðull að stofnun Rann-
sóknaþings norðursins og hug-
myndir hans um þessi málefni eru
mjög áhugaverðar.“
Gerald segir að opnun kanadíska
sendiráðsins í Reykjavík og opnun
íslenska sendiráðsins í Ottawa hafi
markað viss tímamót í samskiptum
þjóðanna. „Við byggjum á 1000 ára
gamalli sögu og það er í okkar hönd-
um að treysta þann grunn. Mögu-
leikarnir eru margir og það eru
spennandi tímar framundan.“
Sendiherra Kanada á Íslandi í heimsókn á Íslendingaslóðum í Kanada
„Spennandi tímar framundan“
Gerald R. Skinner,
sendiherra Kanada á
Íslandi, heimsótti
Íslendingabyggðir í
Kanada í fyrsta sinn
fyrir skömmu. Steinþór
Guðbjartsson varð á
vegi hans og ræddi við
hann um ferðina.
Morgunblaðið/Steinþór
Fálkarnir urðu Ólympíumeistarar í íshokkíi 1920, en leikmennirnir voru af
annarri kynslóð Íslendinga og bjuggu í Winnipeg. Marno Olafson, formað-
ur fjáröflunarsjóðsins UIA, færði Gerald Skinner, sendiherra, peysu með
merki meistaranna að gjöf.
Morgunblaðið/Steinþór Guðbjartsson
Að loknum viðtalstímum í menningarmiðstöðinni í Gimli. Frá vinstri: Eiður Guðnason sendiherra, aðalræðismaður
í Winnipeg, Tim Arnason, forseti Íslendingadagsnefndar, dr. Irvin Olafson, einn helsti hvatamaður að byggingu
miðstöðvarinnar, Gerald Skinner, sendiherra, David Gislason, formaður Íslendingafélagsins Esjunnar í Árborg,
Darcy M. Carter, markaðs- og viðskiptafulltrúi alþjóða viðskiptaskrifstofu kanadíska ríkisins í Winnipeg, Marno
Olafson, formaður fjáröflunarnefndarinnar The United Icelandic Appeal (Sameinað íslenskt átak) og Neil Ófeigur
Bardal, aðalræðismaður Íslands í Gimli.
steg@mbl.is
J
Faxafeni 5
108 Reykjavík
Sími 588 8477
betrabak@betrabak.is
www.betrabak.is
TEMPUR
INNISKÓR
TEMPUR
HÆGINDASESSA
TEMPUR
BAKSTOÐ
TEMPUR-HÁLSKRAGINN
TEMPUR-HEILSUKODDI
BARNA
Yfir 32.000 sjúkra-
þjálfarar, kírópraktorar
og læknar um heim
allan mæla með Tempur
Pedic, þ.á.m. á
Íslandi.
Heilsunnar vegna
Jólagjöf
sem lætur
þér og þínum
líða betur
LAUGAVEGI 15 • Sími 511 1900
www.michelsen.biz
Kíktu á úrvalið á
Stórglæsilegir
skartgripir