Morgunblaðið - 04.02.2003, Blaðsíða 4

FRÉTTIR
4 ÞRIÐJUDAGUR 4. FEBRÚAR 2003 MORGUNBLAÐIÐ
Sölumenn okkar eru við símann frá kl. 8:00 – 17:00.
Hringdu í síma 520 6666 eða líttu á úrvalið í stórverslun
okkar að Réttarhálsi 2. Opið mán. – fös. 8:00 – 18:00.
SKRIFSTOFUVÖRUR
Vandaður 80 gr fjölnotapappír
500 blöð í búnti
298.-
Geisladiskar CD-R 25 stk
720Mb / 80 mín / 1x - 32x
1.458.-
Bréfabindi A4 7 cm kjölur
Ýmsir litir
138.- stk
Á tilboði núna
VÉDÍSI Vöku Kristjánsdóttur, fimm
ára fuglabónda í Hvassaleiti í
Reykjavík, brá heldur betur í brún á
sunnudag þegar smyrill gerði sig
heimakominn í garðinum hjá henni
og fangaði einn spörfuglanna, vina
hennar. Ekki nóg með það heldur
var hinn óboðni gestur svo óskamm-
feilinn að éta bráðina á þakinu á
nýja dúkkuhúsinu sem faðir hennar
smíðaði handa henni síðastliðið
sumar.
Védís og pabbi hennar, Kristján
Þór Hallbjörnsson, hafa af og til gef-
ið smáfuglunum í vetur og þá sér-
staklega þegar harðnar á dalnum
hjá þeim. Í kuldakastinu á sunnudag
höfðu þau hugsað sér að leggja hópi
skógarþrasta til svolítinn matarbita
þegar þau urðu vitni að atburðinum.
Alveg óð út í kettina
„Það slútir tré yfir dúkkuhúsinu
og það var krökkt af fuglum í því
rétt áður en við löbbuðum frá svöl-
unum og fram í eldhús til að ná í
brauð,“ segir Kristján. „Svo þegar
við komum til baka var allt horfið og
smyrillinn að éta einn kostgang-
arann okkar.“
Hann segir þá stuttu hafa alger-
lega orðið forviða við þessa sjón.
„Það datt alveg yfir hana þegar hún
sá að það var smyrill að gæða sér á
einum fuglinum uppi á dúkkuhúsinu
hennar. Við höfum stundum verið í
hálfgerðum vandræðum með fugla-
hús, sem við smíðuðum nýlega, því
kettirnir í hverfinu hafa verið að
ráðast í það. Þegar kettirnir koma
verður Védís alveg óð og beitir öll-
um brögðum til að reka þá burtu. En
þarna varð hún alveg orðlaus enda
kannski ekkert hægt að gera því
skaðinn var skeður.“
Smyrillinn gæddi sér á fuglinum í
ró og næði og var að sögn Kristjáns
sallarólegur þegar hann gekk að
dúkkuhúsinu og smellti af honum
mynd. „Ég stóð bara um einum
metra frá honum þegar ég tók
myndina en svo flaug hann í burtu
þegar hann var búinn að éta fugl-
inn.“
Hann segir Védísi ekki hafa tekið
atvikið mjög nærri sér enda hafi
verið útskýrt fyrir henni að svona
gengi lífsbaráttan fyrir sig hjá sum-
um dýrum. Engu að síður er óhætt
að segja að ungi fuglabóndinn í
Hvassaleitinu hafi orðið fyrir nokkr-
um búskaparraunum þennan dag.
Smyrillinn reyndist hin besta fyrirsæta og horfði beint í myndavélina á
meðan Kristján smellti af þar sem hann stóð aðeins um metra frá honum.
Eftir að hafa hesthúsað skógarþröstinn flaug smyrillinn á brott.
Ungur fuglabóndi í Hvassaleitinu
verður fyrir búsifjum
Smyrill át skógar-
þröst á þaki garðhúss
JÓHANNES Gunnarsson, lækninga-
forstjóri Landspítala, segir að vissrar
ónákvæmni hafi gætt í orðum hans
þegar hann sagði í samtali við Morg-
unblaðið, að verð á lyfjum til spítalans
hafi hækkað um 28% á síðasta ári.
Þetta hafi verið kostnaðarhækkun en
ekki verðhækkun á lyfjum ein og sér.
Inni í þessari hækkun sé aukin notk-
un lyfja, notkun á nýjum og dýrari
lyfjum auk verðbreytinga. Hann seg-
ir þetta atriðið það eina í málflutningi
forsvarsmanna Landspítalans þar
sem gætt hefði ónákvæmni.
Lyfjaheildsalar innan Samtaka
verslunarinnar hafa gagnrýnt orð Jó-
hannesar um hækkun lyfjaverðs. Í
bréfi sem samtökin sendu forstjóra
LSH fyrir síðustu helgi segir að lyfja-
verð hafi lækkað um 6% á síðasta ári
og því sé fullyrðing Jóhannesar um
28% hækkun mjög alvarleg þar sem
hún sé röng.
Einnig segir í bréfinu að ósambæri-
legt verð hafi verið notað í saman-
burði spítalans á lyfjaverði. Alvarleg-
asta dæmið er að mati Samtaka
verslunarinnar samanburður á verði
lyfsins Glivec, sem birtur var í Morg-
unblaðinu 25. janúar sl., þar sem not-
að var verð hér á landi áður en lyfið
var skráð og heildsöluverð án virð-
isaukaskatts í Noregi og Svíþjóð.
Jóhannes segir þennan samanburð
réttan því svona hafi þetta verið til
skamms tíma. Aðspurður segir hann
rétt að Glivec sé nú skráð lyf og í kjöl-
farið hafi það lækkað í verði. „Við er-
um með mörg önnur dæmi um dýr lyf
þar sem verðmunurinn er álíka mik-
ill,“ segir Jóhannes og vísar þá að-
allega til óskráðra lyfja sem seld eru
til Landspítalans – háskólasjúkra-
húss. Þau lyf lúti engu verðlagseft-
irliti og séu að mati forsvarsmanna
LSH miklu dýrari hér á landi og ekki
sé eingöngu hægt að vísa til flutnings-
kostnaðar og fámenns markaðar til að
skýra þann verðmun. Verðmunurinn
sé því óútskýrður og ekki sé fallist á
að þessi samanburður sé alrangur.
Jóhannes segir margt villandi í
málflutningi Samtaka verslunarinn-
ar. Ekki sé hægt að munnhöggvast í
fjölmiðlum um verð á einstökum lyfj-
um heldur verði að skoða heildar-
myndina. Að því sé unnið innan LSH.
Ónákvæmni gætti í orðum lækningaforstjóra LSH
28% kostnaðarhækkun
en ekki verðhækkun
Mikill verðmunur
á óskráðum lyfj-
um er óútskýrður
MILLI fimm og sex hundruð manns sóttu lækning-
arsamkomu í Vetrargarðinum í Smáralind í gærkvöld til
að sjá og hlusta á lækningarprédikarann Charles Nidi-
fon. Að sögn Högna Valssonar, forstöðumanns Vegarins,
töldu nokkrir gestanna sig fá bót meina sinna með að-
stoð prédikarans. „Fólk talar um að það finni hita í lík-
amanum þar sem það er aumt,“ segir Högni. „En prédik-
arinn talar um að það þurfi trú til að taka við lækningu.“
Það eru trúfélögin Krossinn, Vegurinn og Hvíta-
sunnusöfnuðurinn sem standa að heimsókn Nidifon.
Morgunblaðið/Árni Sæberg
Leita eftir lækningu meina sinna
BENSÍNLÍTRINN hjá Olíufélag-
inu ehf. og Skeljungi hf. hækkaði um
1,70 kr. í gær og fór í 99,90 kr. fyrir
95 oktana bensín á þjónustustöðvun-
um en samkvæmt upplýsingum frá
olíufélögunum er hækkunin tilkomin
vegna hækkana á heimsmarkaðs-
verði á olíu að undanförnu. Olíuversl-
un Íslands hf. hafði ekki tekið
ákvörðun um hækkun í gærkvöldi.
Olíufélagið varð fyrst til að til-
kynna hækkunina að þessu sinni en
fram kom að hagstæð gengisþróun
að undanförnu vægi á móti hækk-
unum á heimsmarkaðsverði. Fyrir
utan bensínhækkunina hækkar dísil-
olía um 60 aura á lítrann og flotaolía
og svartolía um 90 aura á lítra.
Verð í sjálfsafgreiðslu á þjónustu-
stöðvum ESSO á höfuðborgarsvæð-
inu fyrir 95 oktana bensín er 95,90
kr. á lítrann og á ESSO Express
stöðvum 94,70 kr. en 99,90 kr. með
fullri þjónustu. Sama verð er á 95
oktana bensíni á Shellstöðvunum á
höfuðborgarsvæðinu.
Bensínlítrinn
hækkar um 1,70 kr.
MAÐUR, sem um helgina braust inn
í söluturn í Hafnarfirði, hafði ekki
erindi sem erfiði þegar hann braut
upp bílalúgu og teygði sig í peninga-
kassa og ætlaði að kippa honum út.
Hann áttaði sig ekki á því að kassinn
var allt of stór fyrir lúguna.
Þjófavarnarkerfi söluturnsins fór
af stað og sendi innbrotsboð til Ör-
yggismiðstöðvar Íslands. Í tilkynn-
ingu frá fyrirtækinu segir, að skarp-
ar og fínar myndir frá öryggis-
myndavélum staðarins sýni manninn
gera ítrekaðar tilraunir til að ná
kassanum út, þótt ljóst sé að það
muni aldrei ganga. Eftir að þjófurinn
hvarf af vettvangi leið ekki nema
hálftími þar til Öryggismiðstöðinni
barst annað innbrotsboð frá öðrum
söluturni í Hafnarfirði, þar sem sami
þjófur virðist hafa verið að verki. Svo
virðist sem þjófurinn, sem ekki kom
kassanum gegnum lúguna, hafi ekki
áttað sig á því af hverju það tókst
ekki því myndavélar sýna hann
reyna það sama á seinni staðnum,
brjóta bílalúgu og reyna að koma allt
of stórum kassa út um lúguna. Þjóf-
urinn hafði ekkert upp úr krafsinu
annað en skrámur og skurði.
Of stórir peninga-
kassar í Hafnarfirði
TVEIR ítalskir fjallagarpar á
reiðhjólum afþökkuðu aðstoð
lögreglu og þaulreynds fjalla-
leiðsögumanns í gær en þeir
voru þá á Breiðamerkursandi í
norðanstormi og skafrenningi.
Flutningabílstjóri hafði til-
kynnt lögreglu að tveir hjól-
reiðamenn væru í vandræðum
á sandinum en þeir reyndust
fullkomlega sjálfbjarga og í
stað þess að þiggja far af sand-
inum tjölduðu þeir í vegarkant-
inum og hugðust bíða eftir
betra veðri.
Einar Rúnar Sigurðsson,
fjallaleiðsögumaður frá Hofs-
nesi, kom að mönnunum um
kaffileytið í gær en vindurinn
hafði þá feykt hluta af búnaði
þeirra af kerrum sem þeir
drógu á eftir hjólunum. Einar
bauð aðstoð sína sem þeir af-
þökkuðu. Um sama leyti bar að
Sigurð Guðnason, varðstjóra
lögreglunnar á Höfn, en flutn-
ingabílstjóri hafði tilkynnt um
hjólreiðamenn í vanda og þótti
Sigurði rétt að kanna málið.
Ítalirnir töluðu ekki góða ensku
þótt flest kæmist að lokum til
skila. Mennirnir vildu enga
hjálp og tjölduði í snjóskafli við
veginn.
Fjalla-
garpar á
reiðhjóli