Morgunblaðið - 04.02.2003, Blaðsíða 6

FRÉTTIR
6 ÞRIÐJUDAGUR 4. FEBRÚAR 2003 MORGUNBLAÐIÐ
FIMM ungmenni voru hætt komin
þegar jeppi sem þau voru í fór nið-
ur um vök á Hafravatni, um 40
metrum frá landi, rétt eftir mið-
nætti í fyrrinótt. Stúlka náði ekki
að losa öryggisbeltið áður en jepp-
inn sökk og fór með honum til
botns. Henni tókst að lokum að
losa beltið og í sömu andrá kafaði
kærasti hennar niður að jeppanum
og togaði hana út. Ungmennin
kröfluðu sig upp á ísinn og gengu
og hlupu síðan rennblaut um 2–3
km leið að Bassastöðum þar sem
þau fengu aðstoð. Norðankaldi,
skafrenningur og um sex stiga
frost var þegar þetta gerðist.
Ungmennin eru á aldrinum 18–
19 ára, ein stúlka og fjórir piltar.
Baldvin Vigfússon hafði fengið
fjölskyldubílinn, rauðan Land
Rover Discovery, árgerð 1998,
lánaðan til að fara í bíó með vinum
sínum. Í samtali við Morgunblaðið
sagði Baldur að á heimleiðinni hafi
honum og fleirum í bílnum dottið í
hug að aka út á ísilagt Hafravatn.
Þau töldu ísinn traustan en annað
kom á daginn. Eftir um 500 metra
akstur segist Baldvin hafa séð
vakir allt í kring. Hann hægði á
bílnum og ætlaði að snúa við en þá
brotnaði ísinn undan framhjólun-
um og bíllinn byrjaði að sökkva.
„Við urðum verulega skelkuð,“
segir Baldvin. Þegar hann áttaði
sig á hvað var að gerast reyndi
hann að opna hurðina en tókst
ekki þar sem vatn og ís þrýstu á
móti. Hann skrúfaði þá niður
rúðuna og klifraði út, í þann mund
sem vélarhlífin fór á kaf. „Þetta
gerðist svo snöggt. Ég var bara
allt í einu kominn út úr bílnum og
ofan í vatnið. Þegar ég sá að allir
voru komnir úr bílnum hugsaði ég
bara um að halda mér á floti,“ seg-
ir hann. Hann telur að piltur sem
sat í framsæti hafi líka komist út
með því að skrúfa niður rúðu.
Tveir piltar í aftursæti stukku út
um dyrnar en stúlkunni sem sat í
miðjunni tókst ekki að losa bílbelti
sitt í tæka tíð og sökk með jepp-
anum. Baldur segir að kærasti
hennar hafi þá kafað niður að bíln-
um og í þann mund sem hún losaði
beltið togaði hann í hana. Að-
spurður segist Baldvin ekki hafa
verið í bílbelti, hann hafi haft vit á
því að losa það áður en hann ók út
á vatnið. Fimmmenningunum
tókst síðan að krafla sig upp úr
vökinni og upp á ísinn með erf-
iðismunum. Tveir piltanna og
stúlkan voru blaut upp fyrir haus
og hinir piltarnir rennvotir. Sjálf-
ur missti Baldvin skóna ofan í
vatnið og hljóp því á sokkaleist-
unum. Eftir um tveggja kílómetra
göngu og hlaup börðu þau upp á
Bassastöðum, öll köld og blaut en
stúlkan var einna verst haldin. Á
Bassastöðum fengu þau aðstoð og
þaðan var hringt eftir sjúkrabif-
reiðum. Þau fengu að fara heim af
slysadeild Landspítalans eftir að-
hlynningu.
Í gærmorgun var vökin sem
bíllinn fór niður um ísilögð á ný.
Ekkert sást til jeppans en hann er
talinn vera á a.m.k. 3–4 metra
dýpi. Hafravatn er dýpst 28 metr-
ar. Að sögn Baldvins er ekki búið
að ákveða hvenær reyna á að ná
bílnum upp. Samkvæmt upplýs-
ingum frá Vátryggingarfélagi Ís-
lands bæta hvorki kaskó-trygging
né svokölluð utanvegakaskó-
trygging tjón af þessu tagi.
Hægði á bílnum
þegar hann sá
vakir allt í kring
Morgunblaðið/Þorkell
Jeppinn hvarf í vök á Hafravatni, um 40 metra frá landi. Jeppinn er talinn liggja á a.m.k. 3–4 metra dýpi.
Stúlku tókst ekki
að losa bílbelti og
sökk með jepp-
anum í ískalt
Hafravatn
INGIBJÖRG Sólrún Gísladóttir,
fyrrverandi borgarstjóri, afhenti
eftirmanni sínum, Þórólfi Árnasyni,
lyklavöldin að Ráðhúsi Reykjavíkur
í gær. Hinn nýi borgarstjóri segir
starfið leggjast vel í sig þótt útlit sé
fyrir að það verði talsvert annasamt.
Það var þétt dagskrá sem beið
Þórólfs á fyrsta degi hans í embætti
borgarstjóra en hún hófst kl. 9 á því
að hann tók við lyklunum að Ráð-
húsinu úr hendi Ingibjargar Sól-
rúnar Gísladóttur. Og honum leist
vel á húsakynnin. „Þarna er mikið
öryggiskerfi sem ég þarf að læra á.
Ráðhúsið er opið almenningi og þess
vegna þurfa að vera ákveðnar að-
gangstakmarkanir í þessu mikla
húsi og þetta virkar allt vel sýnist
mér,“ segir hann.
Eftir að vera kominn með lykla-
völdin í hendur gekk Þórólfur um
Ráðhúsið og heilsaði starfsfólkinu
þar. „Það var rétt að maður náði að
sjá framan í mannskapinn því það er
ansi stíf fundadagskrá hjá borg-
arstjóra fyrsta mánudag í hverjum
mánuði þar sem þá er verið að und-
irbúa borgarráðsfund daginn eftir. Í
framhaldinu er svo fundað með
embættismönnum og sömuleiðis
borgarfulltrúum meirihlutans.“
Dagurinn skipulagður
frá morgni til kvölds
Fundahöldum var þó ekki lokið
þegar borgarfulltrúunum sleppti því
í gær sat nýr borgarstjóri jafnframt
fund með Sambandi sveitarfélaga á
höfuðborgarsvæðinu auk þess sem
sendiherra Palestínu leit inn. „Mér
heyrðist það á forvera mínum að
þessi stífa dagskrá væri einkenni
þessa starfs því það væri skipulagð-
ur dagurinn frá morgni til kvölds,“
segir Þórólfur og býst ekki við því
að sitja auðum höndum í embættinu
framundan.
Aðspurður hvort borgarbúar
megi búast við því að verða varir við
breytingar með nýjum borgarstjóra
segir hann: „Ætli það sé ekki full-
snemmt að segja það áður en maður
er byrjaður. Ég held að það sé best
að láta verkin tala. Það er mjög stíf
dagskrá næstu tvær, þrjár vikurnar
og náttúrulega búið að bóka mig að
mér forspurðum en maður verður
bara að treysta því fólki sem kann á
þessa hluti.“
Þórólfur Árnason tók við embætti borgarstjórans í Reykjavík í gær
Morgunblaðið/Þorkell
Dagurinn hófst á því að Ingibjörg Sólrún Gísladóttir, fráfarandi borg-
arstjóri, afhenti Þórólfi Árnasyni lyklavöldin að Ráðhúsinu.
Morgunblaðið/Sverrir
Þórólfur átti meðal annars fund með Helgu Jónsdóttur borgarritara og
Önnu Kristínu Ólafsdóttur, aðstoðarkonu borgarstjóra, á skrifstofu sinni.
„Best að láta
verkin tala“
Morgunblaðið/Sverrir
Það fór vel á með fólki á fundi Sambands sveitarfélaga á höfuðborg-
arsvæðinu sem Þórólfur sótti á fyrsta starfsdegi sínum. Hér eru það Ragn-
heiður Ríkharðsdóttir, bæjarstjóri Mosfellsbæjar, Þórólfur og Guðmundur
Malmquist, framkvæmdastjóri Sambandsins, sem eiga góða stund saman.
GRUNNSKÓLAKENNARAR í
námsleyfi eiga að fá greidd laun í
samræmi við kjarasamning en ekki
ákvörðun Námsleyfasjóðs grunn-
skólakennara og þeir eiga líka að fá
greiðslur úr svokölluðum launapotti.
Þetta var niðurstaða Héraðsdóms
Vesturlands sem hefur dæmt Náms-
leyfasjóð og Akraneskaupstað til að
greiða grunnskólakennara tæplega
130.000 krónur auk dráttarvaxta
vegna vangoldinna launa meðan á
námsleyfi stóð, sem og málskostnað
kennarans, 300.000 krónur.
Þrír áþekkir dómar
Á síðustu tveimur mánuðum hafa
fallið þrír héraðsdómar þar sem
sveitarfélögum er gert að greiða
kennurum laun sem dómurinn taldi
að þeir ættu rétt á.
Kennarinn lauk kennaraprófi árið
1981 og hefur unnið sem sérkennari
við Grundarskóla á Akranesi og auk
þess sinnt störfum fagstjóra fimm
tíma í viku. Hún sótti um námsleyfi
skólaárið 2001–2002 og var skv.
ákvæði í grunnskólalögum á launum
meðan á því stóð. Launagreiðandi
var Akraneskaupstaður en bærinn
fékk greiðslurnar endurgreiddar frá
Námsleyfasjóði. Á því tímabili fékk
hún laun samkvæmt ákvörðun sjóðs-
ins en ekki eftir kjarasamningi. Var
miðað við launaflokk 232 sem gildir
um umsjónarkennara. Þessu vildi
konan ekki una og stefndi sjóðnum
og Akraneskaupstað.
Héraðsdómur Vesturlands féllst á
sjónarmið hennar og taldi að hún
hefði átt að fá greitt eftir kjarasamn-
ingi sem bæði bæjarfélagið og kenn-
arinn væru bundin af, einnig meðan
á námsleyfinu stóð. Auk þess ætti
hún rétt á greiðslum úr svokölluðum
launapotti. Akraneskaupstaður var
dæmdur til að greiða konunni
tæp130 þús. í vangoldin laun, ásamt
dráttarvöxtum, og Námleyfasjóði að
endurgreiða bænum þá upphæð.
Finnur T. Hjörleifsson héraðs-
dómari kvað upp dóminn. Guðni Á.
Haraldsson hrl. sótti málið f.h. kon-
unnar. Tryggvi Bjarnason hdl. hélt
uppi vörnum fyrir Akraneskaupstað
og Óskar Norðmann hdl. fyrir
Námsleyfasjóð.
Námsleyfa-
sjóður getur
ekki ákveð-
ið laun