Morgunblaðið - 04.02.2003, Blaðsíða 39

MORGUNBLAÐIÐ ÞRIÐJUDAGUR 4. FEBRÚAR 2003 39

ENSKIR fjölmiðlar sögðu frá því í
gær að Eiður Smári Guðjohnsen
hefði samþykkt nýjan fjögurra ára
samning við Chelsea. Samkvæmt
heimildum Morgunblaðsins er þetta
ekki rétt. Chelsea, sem á í fjárhags-
erfiðleikum, hefur tilkynnt að liðið
geri ekki nýja samninga við leikmenn
sína fyrr en í fyrsta lagi eftir yfir-
standandi keppnistímabil – er ljóst
verður hvort Chelsea tryggi sér sæti í
Meistaradeild Evrópu, eða ekki.

ÁRNI Gautur Arason lék sinn
fyrsta leik í marki Rosenborg á und-
irbúningstímabilinu þegar norsku
meistararnir í knattspyrnu unnu
Bodö/Glimt, 3:1, í æfingaleik á laug-
ardaginn. Árni Gautur gekkst undir
aðgerð vegna meiðsla í nóvember.

TERRY Venables, knattspyrnu-
stjóri Leeds, hefur rætt við Peter
Ridsdale, stjórnarformann félagsins,
og tilkynnt að hann verði áfram á Ell-
and Road, en hann hafði hótað að fara
ef Jonathan Woodgate yrði seldur til
Newcastle, sem var gert sl. föstudag.

MORTEN Wieghorst, landsliðs-
maður Dana í knattspyrnu, sýndi
mikið drenglyndi í leik gegn Íran á al-
þjóðlegu móti í Hong Kong á laug-
ardaginn. Dæmd var vítaspyrna á Ír-
ani þegar einn leikmanna þeirra
greip boltann en hann hafði ruglast í
ríminu þar sem áhorfandi hafði blásið
í flautu. Wieghorst tók vítaspyrnuna
en skaut viljandi framhjá markinu og
hlaut mikið lof fyrir. Íran vann, 1:0.

DAVID O’Leary hefur náð sam-
komulagi við Leeds United í máli sem
hann höfðaði eftir uppsögn hjá félag-
inu í júní í fyrra. Leeds hefur sam-
þykkt að greiða honum ótilgreinda
upphæð auk lögfræðikostnaðar.

STEVEN Gerrard var í gær
dæmdur í þriggja leikja keppnisbann
af aganefnd enska knattspyrnusam-
bandsins fyrir brot á Gary Naysmith
í viðureign Liverpool og Everton
skömmu fyrir jól. Hann missir þar
með af leikjum Liverpool við Crystal
Palace í bikarkeppninni og við Middl-
esbrough og Birmingham í deildinni.
Gerrard slapp við greiðslu sektar.

GERARD Houllier, knattspyrnu-
stjóri Liverpool, var æfur yfir úr-
skurðinum í gær. „Þetta var slys, eins
og gerist í fótboltanum. Gerrard fór
ekki í návígið með þeim ásetningi að
meiða leikmanninn,“ sagði Houllier.

ALEN Boksic mun vera hættur að
leika með Middlesbrough, en hann er
með samning við félagið til vorsins.
Boksic hefur fengið sig fullsaddan í
herbúðum félagsins. Talsmaður
Middlesbrough vildi ekki staðfesta
þetta í gær.

ALAN Smith verður að öllum lík-
indum áfram í herbúðum Leeds, en
samningur hans við félagið rennur út
í vor. Til stendur að Smith og for-
ráðamenn Leeds hittist í vikunni og
gangi í grundvallaratriðum frá nýjum
samningi sem gæti fært honum
40.000 pund í vikulaun, eða u.þ.b. 5,2
milljónir króna.

GRAEME Souness, knattspyrnu-
stjóri Blackburn, gæti átt yfir höfði
sér refsingu vegna ummæla hans í
garð norska varnarmannsins Ronny
Johnsens hjá Aston Villa eftir leik
liðanna á sunnudag. Souness var óður
yfir því að Johnson skyldi hlaupa til
dómarans og heimta rautt spjald á
James McEveley, leikmann Black-
burn, eftir að hann braut illa á Mark
Delaney, leikmanni Villa, skömmu
fyrir leikslok.

SOUNESS kvaðst hafa talið að
Johnsen væri heiðvirður leikmaður.
„Héðan í frá er hann bara einn
„Johnny útlenski“ til viðbótar, og það
eru margir slíkir í fótboltanum,“
sagði skoski harðjaxlinn, sem sjálfur
hikaði ekki við að taka fast á mótherj-
um sínum á árum áður.

ÍSLAND hefur tekið fimm sinnum
þátt í handknattleikskeppni Ólympíu-
leikanna, ekki fjórum sinnum eins og
sagt var í blaðinu í gær. Þar láðist að
geta þess að Ísland var með á leik-
unum í München árið 1972.
FÓLKHAGNAÐUR varð af heildar-rekstri Knattspyrnusambands Ís-
lands árið 2002, 38,2 milljónir
króna, og hefur þá verið tekið tillit
til tæplega 10 milljóna króna
greiðslu til aðildarfélaga. Regluleg
starfsemi Knattspyrnusambands-
ins, án Laugardalsvallar, var í sam-
ræmi við áætlanir. Rekstrartekjur
voru 11% meiri en áætlað hafði ver-
ið og rekstrargjöld fóru 6% fram úr
áætlun, en líta verður til þess að í
því felst áðurnefnd greiðsla til að-
ildarfélaga sem ekki hafði verið
áætluð, svo og að gjaldaáætlun var
aðeins um 1% umfram áætlun.
Regluleg starfsemi Laugardals-
vallar var í föstum skorðum, en
miðað við áætlanir varð um 10%
hækkun á rekstrartekjum og
rekstrargjöldum. Tap varð af
reglulegri starfsemi Laugardals-
vallar tæpar 2,8 milljónir kr., en að
teknu tilliti til fjármagnsliða varð
19,6 milljóna kr. hagnaður á
rekstrinum.
Fjármagnsliðir hafa mikil áhrif á
heildarniðurstöðu KSÍ. Á árinu
2002 voru fjármunatekjur sam-
bandsins kr. 50,9 milljónir en fjár-
magnsgjöld voru 24,2 milljónir
króna.
Rekstur KSÍ hefur gengið vel
undanfarin ár og var eigið fé sam-
bandsins í árslok 2002 orðið 131
milljón króna.
Verulegur
hagnaður hjá KSÍ MICHAELA Dorfmeister frá Austurríkivann risasvig kvenna á heimsmeist-
aramótinu í skíðaíþróttum sem fer fram
þessa dagana í St. Moritz í Sviss. Í næstu
sætum urðu Bandaríkjamennirnir Kirs-
ten Clark og Jonna Mendes – munaði
aðeins 0,02 sekúndum á Dorfmeist-
er og Clark. Dagný Linda
Kristjánsdóttir, Akureyri, tók
þátt í keppninni og hafnaði í
27. sæti, 2,66 sekúndum á
eftir Dorfmeister. 40 kepp-
endur tóku þátt og komust
34 þeirra og í mark.
Dagný Linda keppnir
einnig í bruni, svigi og
stórsvigi.
Björgvin Björgvinsson
frá Dalvík keppir einnig
á HM, í svigi og stór-
svigi.
Dagný Linda
Kristjáns-
dóttir
Dagný Linda í
27. sæti á HM
Mikil spenna var fyrir viðureignÖnnu Soffíu og Gígju Guð-
brandsdóttur í -70 kg flokki. Þær
stöllur æfa saman
og hafa marga hildi
háð en Gígja alltaf
haft betur og engin
breyting varð á.
Þær mættust síðan aftur í opna
flokknum en nú hafði Anna Soffia
betur eftir langan og strangan bar-
daga. „Ég hef aldrei unnið Gígju áð-
ur og er sjö árum yngri svo að það
hlaut að koma að því,“ sagði Anna
Soffía, sem er aðeins 18 ára, hefur
æft júdó í fjögur ár, varð Norð-
urlandameistari í fyrra og hyggur á
frekari sigra.
Heimir lagði alla mótherja sína í
+100 kílóa flokki og síðan aftur í
opnum flokki.
„Ég hafði
mestar áhyggj-
ur af glímunni við Ingiberg Sigurðs-
son sem er líka með svart belti,“
sagði Heimir, sem mun ekki slá
slöku við á næstunni. „Ég hef hugs-
að mér að fara á sterkt opið mót í
Danmörku 22. febrúar. Ég hef farið
þangað áður og gengið vel en ætla
að gera enn betur í ár, náði fimmta
sæti síðast en ætla að vinna það
núna, stefni alltaf á að vinna því
annað væri mistök. Síðan er Ís-
landsmót í apríl, Norðurlandamótið
í maí og svo hef ég stefnt á Smá-
þjóðaleikana. Það er því nóg að gera
svo að maður verður að halda sér
við en það hvetur mann bara til að
halda áfram að æfa og taka á því.“
Stórar yfirlýsingar um að núskyldi hreinsa upp gömul Ís-
landsmet gáfu fögur fyrirheit. María
hóf leikinn og í ann-
arri lyftu sinni tók
hún upp 73 kíló og
bætti metið um hálft
kíló en gerði enn bet-
ur með 75 í næstu og 77,5 í auka-
tilraun. „Ég ætlaði ekki að vera með
á þessu móti en það gekk svo vel á
æfingum að ég sló til með stuttum
fyrirvara því ég vissi að ég ætti
möguleika á að ná metinu,“ sagði
María og það var því við hæfi að taka
við verðlaununum úr hendi Jóhönnu
Eiríksdóttur, sem hafði sjálf haldið
metinu í þrjú ár. „Ég var búin að
stefna að því að bæta við Íslands-
metið og gerði það um hálft kíló með
því að taka 73 í annarri tilraun en ég
vissi að ég ætti möguleika á tveimur
betur og náði því í þriðju. Hinsvegar
alger bónus að bæta það enn betur
og kom mér á óvart.“ María hefur
aðeins æft lyftingar í rúmt ár.
Í karlaflokki bar fyrst til tíðinda
þegar Domenico Alex Gala reyndi að
bæta 11 ára met Kára Elíssonar í
82,5 kg flokki en tókst ekki. Næst
var komið að Hermanni Her-
manssyni í 90 kg flokki þegar hann
bætti met Jóns Gunnarssonar um
hálft kíló í þriðju tilraun. Ingvar Jóel
Ingvarsson hreif áhorfendur með
sér í 110 kg flokki þegar hann bætti
tíu ára gamalt met Baldvins Skúla-
sonar um hálft kíló og tók upp 240,5
kíló. Hann hóf síðan upp 245 en lyft-
an var ekki gild.
Næsta met fauk þegar kom að
+125 kílóa köppum. Magnús Ver tók
auðveldlega upp fyrstu tvær lyftur
sínar en í þriðju bætti hann Íslands-
metið um kíló, lyfti 263,5 kílóum.
Stemmningin var mikil í salnum og
Magnús Ver lét þá setja 270 kíló á
stöngina, sem hann hafði upp með
dyggum stuðningi áhorfenda. „Ætl-
unin var að lyfta mestu þyngd í
bekkpressu sem tekin hefur verið á
Íslandi – það tókst og ég sló Íslands-
met í leiðinni en það var svolítið eftir
og maður hefur möguleika að fá
aukatilraun til að slá met og um að
gera að nýta það,“ sagði Magnús Ver
sem fór hamförum á bekknum.
Í lok mótsins voru afhent stiga-
verðlaun mótsins og komu þau í hlut
Magnúsar Vers og Maríu. Einnig
var kraftlyftingafólk ársins verð-
launað en það voru María og Auðunn
Jónsson, sem var að koma úr upp-
skurði á öxl og gat ekki verið með.
Heppni og
hæfni fóru
saman
BROTIÐ var blað á 30 ára afmælismóti Júdósambandsins á laug-
ardaginn í Hagaskóla þegar Anna Soffía Víkingsdóttir og Heimir
Haraldsson sigruðu í opnu flokkunum í fyrsta sinn. Það var samt
ekki fyrr en eftir mikil átök og snarpar glímur enda fóru þau ekki
auðveldu leiðina.
JÚDÓ
Stefán
Stefánsson
skrifar
Morgunblaðið/Sverrir
Hermann Hermannsson fagnar meti sínu í 90 kg flokki – 206 kg.
Tilþrif og met féllu
MAGNÚS VER Magnússon stal senunni af mörgum
góðum senuþjófum á Íslandsmótinu í bekkpressu, sem
fram fór í húsakynnum B&L á laugardaginn – þegar
hann lyfti 270 kílóum en meiri þyngd hefur íslendingur
ekki tekið í bekkpressu. María Guðsteinsdóttir þríbætti þriggja ára
gamalt Íslandsmeti í 60 kg flokki. Ónefnt er áhorfendamet því tæp-
lega 300 voru mættir og létu vel af sér vita.
BEKKPRESSA
Stefán
Stefánsson
skrifar
ÍÞRÓTTIR
HEIMSMET öldunga í bekk-
pressu er í hættu því þegar
Magnús Ver Magnússon lyfti 270
kílóum á laugardaginn tók hann
upp tólf og hálfu kílói betur en
gildandi heimsmet. Magnús Ver
verður fertugur á árinu og því
kominn í öldungaflokk. Metið
fæst hins vegar ekki staðfest því
á mótinu voru ekki nægilega
margir alþjóðlegir dómarar.
Hins vegar er lyftan Norð-
urlandamet því alþjóðlegir dóm-
arar voru nógu margir. Í dag eru
nokkur alþjóðleg lyftinga-
sambönd og er sitthvort metið
fyrir Norðurlönd, Evrópu ásamt
heimsmeti. Norðurlandametið er
257,5 kíló, Evrópumetið 245 kíló
og heimsmetið 257,5 kíló.
Magnús yfir heimsmeti