Morgunblaðið - 04.02.2003, Blaðsíða 24

24 ÞRIÐJUDAGUR 4. FEBRÚAR 2003 MORGUNBLAÐIÐ
Hallgrímur B. Geirsson.
Styrmir Gunnarsson.
Framkvæmdastjóri:
Ritstjóri:
STOFNAÐ 1913
Útgefandi: Árvakur hf., Reykjavík.
Aðstoðarritstjórar:
Karl Blöndal, Ólafur Þ. Stephensen.
Fréttaritstjóri:
Björn Vignir Sigurpálsson.
FJÁRMÁLAEFTIRLITIÐveitti í gær samþykki sittfyrir að Samson eignar-haldsfélag ehf. eignist
virkan eignarhlut, eða 45,8% hluta-
fjár, í Landsbanka Íslands hf. Fjár-
málaeftirlitið hefur lagt mat á hæfi
Samson til að fara með virkan eign-
arhlut í Landsbankanum í sam-
ræmi við ákvæði laga um fjármála-
fyrirtæki.
Viðhalda tilteknu
eiginfjárhlutfalli
Fram kemur í umfjöllun Fjár-
málaeftirlitsins að það tók m.a. til
athugunar ítarlegar upplýsingar
um fyrirhugaða fjármögnun fjár-
festingarinnar og fjárhagsstöðu
Samson og aðila sem það er í nánum
tengslum við. „Með vísan til fram-
kominna upplýsinga hefur Fjár-
málaeftirlitið ekki ástæðu til að
efast um hæfi Samson til þess að
eiga umræddan eignarhlut í Lands-
banka Íslands hf. Það mat Fjár-
málaeftirlitsins byggist m.a. á eft-
irfarandi:
 Fyrir liggja upplýsingar um eig-
infjárframlag vegna kaupanna,
áform um frekari fjármögnun og
tryggingar. Ennfremur liggur fyrir
að Landsbankinn sjálfur eða tengd-
ir aðilar munu ekki koma að fjár-
mögnun kaupanna.
 Í því skyni að tryggja viðunandi
fjárhagsstöðu félagsins til framtíð-
ar mæltist Fjármálaeftirlitið til
þess að skilgreind yrðu fyrirfram
fjárhagsleg viðmið í starfsemi fé-
lagsins. Benti Fjármálaeftirlitið í
því efni á að unnt væri að miða við
þær reglur sem gilda um eignar-
haldsfélög á fjármálasviði sam-
kvæmt lögum nr. 161/2002 um fjár-
málafyrirtæki, þó félagið teldist nú
ekki til slíkra félaga. Af hálfu Sam-
son hefur því verið lýst yfir að gert
sé ráð fyrir að eiginfjárhlutfall þess
verði 30%, þó sveiflur geti orðið á
hlutfallinu. Lækki hlutfallið og ekki
líklegt að hlutfallið hækki aftur inn-
an fárra mánaða muni eigið fé Sam-
son verða aukið.
 Samson hefur ennfremur lýst
því yfir að það muni senda Fjár-
málaeftirlitinu árs- og hálfsársupp-
gjör félagsins innan tiltekinna tíma-
fresta.
 Þá hefur Samson breytt sam-
þykktum sínum með þeim hætti að
tilgangur félagsins er nú takmark-
aður við eignarhald á hlutabréfum í
Landsbanka Íslands hf. Ekkiverður
því um annars konar rekstur í fé-
laginu að ræða,“ segir í umfjöllun
Fjármálaeftirlitsins.
Fram kemur að Fjármálaeftirlit-
ið telur ekki ástæðu til að gera at-
hugasemd við hæfi félagsins til að
fara með eignarhlutinn í bankanum.
„Í þessu efni hefur Fjármálaeftirlit-
ið leitað upplýsinga um hvernig
staðið verði að vali á fulltrúum fé-
lagsins til kjörs í bankaráði. Í því
efni hefur því verið lýst yfir af hálfu
Samson að fyrir hönd félagsins
muni taka sæti í bankaráði Lands-
banka Íslands hf. aðilar með fag-
þekkingu og að í fyrstu muni ein-
ungis einn af eigendum Samson
sækjast eftir kjöri í bankaráð.“
Takmarka aðgang að upplýs-
ingum um viðskiptamenn
Einnig kemur fram að Fjármála-
eftirlitið telur ekki ástæðu á grund-
velli framkominna upplýsinga til að
ætla að breyting á eignarhaldi muni
leiða til hagsmunaárekstra á fjár-
málamarkaði. Er það m.a. rökstutt
á eftirfarandi hátt:
„Í bréfum Fjármálaeftirlitsins til
Samson og viðræðum við forsvars-
menn þess hefur verið lögð á það
rík áhersla að tryggt verði að eign-
arhlutur þeirra í bankanum, ef af
verður, skapi þeim ekki stöðu eða
ávinning annan en þann sem felst í
ávinningi almennra hluthafa af heil-
brigðum og arðsömum rekstri
bankans. Þannig muni félagið, eig-
endur þess, tengdir aðilar eða
kjörnir fulltrúar í bankaráði ekki
njóta aðstöðu í bankanum, s.s. við-
skiptakjara, íhlutunar í viðskipta-
legar ákvarðanir er varða þá sjálfa,
tengd félög eða samkeppnisaðila
eða upplýsinga um viðskipti núver-
andi eða tilvonandi samkeppnisfyr-
irtækja.
Í þessu sambandi hefur Fjár-
málaeftirlitið m.a. yfirfarið núgild-
andi starfsreglur bankaráð
banka Íslands hf., auk þ
hugað hefur verið að star
starfsmanna bankans. Þó
andi reglur teljist fullnægj
að við núverandi aðstæð
Fjármálaeftirlitið fram hu
um tilteknar breytingar
reglum bankans, en breyt
myndu miða að auknum
ásamt því að styrkja umg
viðskipti bankaráðsmann
laga þeim tengdum við ba
takmarka aðgang bankará
að upplýsingum um viðskip
Meðal atriða sem Fjárm
litið lagði til er að reglum
ráðs verði breytt á þann
tryggt verði að upplýsing
bankaráðsmanna fari aðei
gegnum bankaráð, að sta
um verði óheimilt að veit
ráðsmönnum upplýsingar
skiptamenn bankans
vanhæfisreglur í bankará
styrktar og að upplýsing
bankaráðs um fyrirgre
venslaðra aðila verði víðt
taki ótvírætt til einstakling
irtækja í nánum tengs
bankaráðsmenn. Þessar u
ar eru ennfremur liður í r
upplýsingagjöf lánastofn
Fjármálaeftirlitsins.
Fjármálaeftirlitið óskað
miða frá Samson og Lan
Íslands hf. vegna fyrrgre
lagna. Af hálfu Samson h
verið lýst yfir að félagið sé
vinna að breytingum á innr
bankans á þeim grunni se
var fram af hálfu Fjármál
ins. Bankastjóri Landba
lands hf. hefur ennfremur
leyti staðfest að framkomn
ur falli vel að hugmyndum
og að hann muni beita
breytingum í samræmi v
komnar tillögur.“
Fjármálaeftirlitið teku
fram að ekki sé tilefni til a
grundvelli fyrirliggjandi
inga, að eignarhald ums
torveldi eftirlit með Land
um. Fram kemur að félag
lýst yfir að það muni í k
Fjármálaeftirlitið hefur veitt samþykki sitt fyrir að
félag ehf. fari með virkan eignarhlut í Landsb
Ekki ástæða til a
um hæfi Sams
Fjármálaeftirlitið hefur
komist að þeirri nið-
urstöðu að Samson
eignarhaldsfélag ehf. sé
hæft til að fara með
45,8% eignarhlut í
Landsbanka Íslands.
Félagið ætlar m.a. að
beita sér fyrir að fag-
aðilar, sem ekki eru
eigendur að Samson,
taki sæti í bankaráði.
Einnig verður innri
reglum bankans breytt
að tillögu Fjármálaeft-
irlitsins m.a. um upp-
lýsingagjöf til banka-
ráðsmanna.
Gengið var frá sölu á 45,8% hlut í Landsbanka Íslands fyrir 12,3 m
Eigendur Samsonar eru f.v. Magnús Þorsteinsson, Björgólfur Th
’ Deilur um BalticBottling Plant hafa
ekki áhrif. ‘
ÁFALL FYRIR SCHRÖDER
Úrslit kosninga í tveimur sam-bandslöndum Þýskalands umhelgina eru mikið áfall fyrir
Gerhard Schröder, kanslara Þýska-
lands. Flokkur kristilegra demókrata
(CDU) vann stórsigur í Hessen og
Neðra-Saxlandi en Jafnaðarmanna-
flokkur Schröders missti mikið fylgi. Í
Hessen bættu kristilegir demókratar
við sig rúmlega fimm prósentustigum
en jafnaðarmenn misstu rúmlega tíu
prósentustiga fylgi. Í Neðra-Saxlandi
bættu kristilegir demókratar við sig
rúmlega tólf prósentustiga fylgi en
jafnaðarmenn misstu rúmlega fjórtán
prósentustiga fylgi. Ekki síst eru úr-
slitin í Neðra-Saxlandi álitshnekkir
fyrir Schröder. Hann var sjálfur for-
sætisráðherra þar um árabil og hafði
veruleg afskipti af kosningabaráttunni
fyrir kosningarnar um helgina.
Einungis fjórir mánuðir eru liðnir
frá því ríkisstjórn Schröders var end-
urkjörin í þingkosningum. Á þeim
tíma sem síðan er liðinn hefur ekki
verið tekið af festu á hinu erfiða
ástandi í efnahagsmálum. Atvinnu-
leysi heldur áfram að aukast og hag-
vöxtur er lítill sem enginn. Helstu að-
gerðir stjórnarinnar gætu jafnvel
orðið til að gera ástandið enn verra.
Skattar hafa verið hækkaðir og í síð-
asta mánuði lét ríkisstjórnin undan
verkfallshótunum opinberra starfs-
manna og hækkaði laun töluvert um-
fram verðbólgu.
Það vekur athygli að Græningjar,
samstarfsflokkur jafnaðarmanna í rík-
isstjórninni, halda fylgi sínu í kosning-
unum. Í Hessen bættu þeir við sig
tæpum þremur prósentum.
Kosningarnar hafa engin áhrif á
stöðu ríkisstjórnar Schröders í Sam-
bandsþinginu. Aftur á móti hefur
stjórnarandstaðan nú öruggan meiri-
hluta í efri deild þingsins, Sam-
bandsráðinu, sem getur beitt neitun-
arvaldi gegn frumvörpum
stjórnarinnar. Það virðist því ljóst að
Schröder verður í framtíðinni að
treysta á samstarf við stjórnarand-
stöðuna í auknum mæli til að knýja
mál í gegn. Í þýskum fjölmiðlum er nú
þegar farið að ræða þann möguleika að
núverandi stjórnarsamstarfi verði slit-
ið og þess í stað mynduð samsteypu-
stjórn jafnaðarmanna og kristilegra
demókrata. Það virðist þó ólíklegt sem
stendur og Schröder hefur sjálfur vís-
að vangaveltum um slíkt á bug.
Hins vegar verður framhaldið erfitt
fyrir ríkisstjórnina ef CDU kýs að
hleypa einungis þeim frumvörpum í
gegn, sem flokkurinn sættir sig við.
Schröder yrði þá að gera málamiðlanir
jafnt til hægri sem vinstri. Við græn-
ingja í ríkisstjórninni og kristilega
demókrata í Sambandsráðinu.
Andstaða Schröders við stríð gegn
Írak, með eða án samþykkis Samein-
uðu þjóðanna, er talin hafa ráðið úr-
slitum um kosningasigur hans í sept-
ember í fyrra. Hann hefur undanfarið
sætt harðri gagnrýni frá CDU vegna
þessarar afstöðu og Angela Merkel,
formaður kristilegra demókrata, sagði
í gær að úrslitin sýndu að kjósendur
hefðu hafnað afstöðu kanslarans í
Íraksdeilunni. Þýskaland ætti ekki að
einangra sig heldur eiga náið samstarf
við bandamenn sína í Evrópu og
Bandaríkjunum um mikilvæg mál.
Kannanir sýna að mikill meirihluti
Þjóðverja er andvígur hvers kyns
stríðsaðgerðum gegn Írak. Hin ein-
arða afstaða Schröders í málinu dugði
hins vegar ekki til að tryggja flokkn-
um sigur í kosningum á ný.
ÁRANGUR HANDBOLTALANDSLIÐSINS
Árangur íslenska karlalandsliðsinsí handknattleik á heimsmeistara-
mótinu í Portúgal er ánægjulegur.
Guðmundur Guðmundsson þjálfari
lýsti því yfir fyrir mótið að mark-
miðið væri að ná sæti, sem tryggði
liðinu þátttöku á næstu Ólympíuleik-
um, sem haldnir verða í Aþenu á
næsta ári. Því markmiði náði lands-
liðið á sunnudag þegar það bar sig-
urorð af Júgóslövum með sannfær-
andi hætti og tryggði sér þar með 7.
sæti í mótinu, en sjö efstu sætin
tryggðu þátttökurétt á Ólympíuleik-
unum. Með þessum árangri er tryggt
að íslenska handboltalandsliðið tekur
þátt í fimm helstu stórmótum, sem
haldin eru í íþróttinni, í röð, en
frammistaða liðsins í Evrópumeist-
aramótinu í Svíþjóð á liðnu ári þegar
liðið hafnaði í 4. sæti tryggði því jafn-
framt þátttöku í næsta Evrópumeist-
aramóti. Þá lék liðið á heimsmeist-
aramótinu í Frakklandi 2001.
Leikarnir í Aþenu verða fjórðu Ól-
ympíuleikarnir, sem landsliðið tekur
þátt í, af síðustu sex. Landsliðið
komst reyndar fyrst á Ólympíuleika
árið 1972 þegar þeir voru haldnir í
München. Næst lék liðið á Ólympíu-
leikunum í Los Angeles árið 1984, þá
í Seoul 1988 og Barcelona 1992.
Landsliðið lék hvorki á leikunum í
Atlanta 1996 né Sydney 2000, en tek-
ur nú upp þráðinn að nýju.
Íslenska landsliðið í handbolta vek-
ur miklar tilfinningar með þjóðinni og
þegar það tekur þátt í stórmóti verð-
ur annar hver Íslendingur skyndilega
alvís um íþróttina. Þótt íþróttamönn-
um í öðrum greinum hafi í áranna rás
vegnað betur á Ólympíuleikum en
handknattleiksliðinu hefur þjóðin
fylgst með af mun meiri innlifun þeg-
ar liðið hefur verið meðal keppenda.
Oft er haft á orði að margar íþrótt-
ir njóti meiri hylli en handbolti og
vinsældir hans séu einangraðar við
takmörkuð svæði. Þetta kom berlega
í ljós í þeim getumuni sem var á
landsliðum þeim, sem tóku þátt í
heimsmeistarakeppninni í Portúgal.
En því er heldur ekki hægt að neita
að handbolti er erfið íþrótt, sem
krefst mikils af leikmönnum, og fátt
er jafn spennandi og að fylgjast með
jöfnum handboltaleik.
Á þessu heimsmeistaramóti veitti
íslenska landsliðið okkur í nokkrum
leikjum slíka spennu. Þessir leikir
unnust ekki allir, en sýndu um leið að
bestu handboltaþjóðir heims þurfa að
hafa verulega fyrir því að leika við Ís-
lendinga og geta ekkert bókað fyr-
irfram.
Iðulega eru miklar kröfur gerðar
til landsliðsins og oft óhóflega miklar
og þrýstingurinn getur verið mikill. Í
Portúgal sýndi liðið hins vegar bæði
styrk og stöðugleika þótt ekki sé það
án veikleika og sannaði að það hefur
tryggt sér verðskuldaðan sess í hand-
bolta. Það er því ástæða til að óska
liðinu til hamingju með árangurinn.