Morgunblaðið - 04.02.2003, Blaðsíða 17

AKUREYRI
MORGUNBLAÐIÐ ÞRIÐJUDAGUR 4. FEBRÚAR 2003 17
Halldór Gunnarsson aðstoð-
arskólastjóri í Glerárskóla verður
framsögumaður á fræðslufundi
Skólaþróunarsviðs kennaradeildar
HA í dag, þriðjudaginn 4. febrúar en
hann hefst kl. 16.15 í stofu 25 í Þing-
vallastræti.
Fjallar fyrirlesturinn um þróun
innra mats í Glerárskóla og mun
Halldór gera grein fyrir þróun innra
mats í skólanum undanfarin þrjú ár.
M.a. fjallar hann um gerð matsáætl-
unar og framkvæmd hennar. Þá
verður matstækið Glerverk kynnt
og sýndir notkunarmöguleikar þess
við sjálfsmat skóla.
Í DAG
TÖLUVERÐUR erill var hjá lög-
reglu á Akureyri um helgina, eink-
um vegna veðurs og ófærðar, en fjöl-
margir þurftu aðstoðar við af þeim
sökum. Ökumenn lentu í vandræð-
um þar sem skilyrði til aksturs voru
ekki upp á það besta í stórhríðinni
og nutu margir aðstoðar lögreglu
við að komast leiðar sinnar. Alls
voru skráð níu óhöpp í umferðinni í
vikunni og má rekja flest þeirra til
hálku og erfiðra akstursskilyrða.
Lögregla hafði afskipti af tveimur
mönnum sem áttu í átökum í and-
dyri veitingastaðar í bænum, en í
ljós kom, þegar þeir höfðu verið
skildir að, að óvissa ríkti um upptök
átakanna. Einna helst datt mönn-
unum í hug að þau ættu rætur að
rekja til þess að þeir væru hvor úr
sínu þorpinu fyrir vestan. Féllust
þeir á að slíkt ætti engan veginn við
að því er fram kemur í dagbók lög-
reglunnar.
Síðdegis á laugardag var óskað
eftir aðstoð lögreglu vegna slags-
mála í tilteknu húsi í bænum, en
hringt var um neyðarlínu og beiðnin
ítrekuð í símtali til lögreglu skömmu
síðar. Í ljós kom að um gabb var að
ræða og voru viðkomandi kærðir
fyrir tiltækið.
Morgunblaðið/Kristján
Vetur konungur minnti á sig á Akureyri á sunnudag og þar er nú mjög vetrarlegt um að litast.
Erill vegna veðurs
og ófærðar
TIL stendur að rífa Sverrisbryggju
á Akureyri á þessu ári og byggja
aðra bryggju í staðinn á svipuðum
stað. Sverrisbryggja er gömul tré-
bryggja, sunnan við Tangabryggju,
sem orðin er mjög lúin og varasöm.
Hún hefur verið notuð í tengslum
við starfsemi gömlu fóðurvöru-
deildar KEA og nú Bústólpa.
Tangabryggja var tekin í notkun
síðla árs 1993 en hún er 70 metra
löng og hefur verið notuð fyrir
stærri skip.
Tangabryggja og Sverrisbryggja
liggja saman en Sverrisbryggja
liggur neðar og skagar auk þess
lengra út í sjó. Hörður Blöndal,
hafnarstjóri Hafnasamlags Norð-
urlands, sagði að í stað Sverris-
bryggju væri hugmyndin að byggja
styttri og léttari bryggju í línu við
Tangabryggju en þó yrði bil á milli
þeirra. „Við erum að tala þarna um
40 metra langa bryggju, sem kæmi
um 20–30 metrum sunnan Tanga-
bryggju.“ Saman væri m.a. hægt
að nýta þessar tvær bryggjur fyrir
skemmtiferðaskip. Hörður sagði að
komum skemmtiferðaskipa væri að
fjölga og að hér væru jafnvel tvö
skip sama daginn.
Ný löndunarbryggja
í Krossanesi
Þá er unnið að dýpkun í Krossa-
nesi, þar sem byggð verður ný
löndunarbryggja fyrir Krossanes-
verksmiðjuna. Þar er nú gömul
trébryggja en í stað hennar verður
byggð ný 80 metra stálþilsbryggja
með steyptri þekju. Nýja löndunar-
bryggjan verður aðeins sunnar en
sú gamla og slitin frá olíubryggj-
unni sem þar er. Hörður sagði ráð-
gert að dýpka niður á 10 metra við
nýju bryggjuna og síðan yrði stál-
þilið rekið niður næsta sumar og
haust. Á næsta ári verður svo þekj-
an steypt. Kostnaður við dýpk-
unina og fráganginn á stálþilinu í
Krossanesi er áætlaður um 80
milljónir króna.
Einnig er stefnt að því í sumar
að ljúka framkvæmdum við vest-
urkant Fiskihafnarinnar en þar á
eftir að steypa þekju að hluta.
Morgunblaðið/Kristján
Kristján Jónsson, starfsmaður Bústólpa, á Sverrisbryggju sem orðin er
mjög lúin og varasamt er að fara með þung tæki um.
Ný bryggja
byggð í stað
Sverrisbryggju
NÝR sjónvarpssendir auk öflugs
dreifikerfis á vegum Stöðvar 1 fyrir
Akureyri og nágrenni hefur verið
tekinn í notkun og standa tilraunaút-
sendingar nú yfir. Hægt er að stilla
inn á merki stöðvarinnar á mynd-
lykla eða beint í viðtækið á uhf-tíðni,
21,471,25 mhz.
Gerður hefur verið samningur við
heimamenn um að annast dagskrár-
gerð og verður dagskrá Stöðvar 1
því sniðin að þörfum íbúa á svæðinu,
auk þess sem boðið verður upp á
hefðbundna dagskrá sem send verð-
ur út um svipað leyti á dreifikerfi
stöðvarinnar við Faxaflóa. „Þetta er
gert til að koma til móts við byggð-
arlög á landsbyggðinni með dagskrá
sem endurspeglar púlsinn í viðkom-
andi bæjarfélagi,“ segir í frétt frá
Stöð 1 og að sú fyrirmynd sé sótt til
útlanda.
Ráðgert er að sýna kvikmyndir öll
kvöld, auk þess að starfrækja SMS-
gagnvirkt sjónvarp fyrir yngri kyn-
slóðina.
Öflugur sjónvarps-
sendir fyrir Stöð 1
tekinn í notkun
Tilraunaút-
sendingar
hafnar
MEIRIHLUTI bæjarráðs Akureyr-
ar samþykkti á síðasta fundi sínum
að gera ekki athugasemd við að leyfi
til útleigu á einkasal í Verkmennta-
skólanum á Akureyri verði veitt að
uppfylltum lögboðnum skilyrðum.
Einn bæjarfulltrúi, Oddur Helgi
Halldórsson, L-lista, bókaði að hann
væri andvígur umsögn bæjarráðs.
Hjalti Jón Sveinsson, skólameist-
ari VMA, sagði að síðastliðið haust
hefði ný bygging verið tekin í notkun
við skólann og í henni væri salur með
góðri aðstöðu. „Við vildum að fleiri
fengju að njóta þessarar aðstöðu,“
sagði Hjalti Jón. Hann sagði mikið
um fundi og ráðstefnuhald við skól-
ann og menn hefðu viljað hafa það
svigrúm að geta boðið upp á veit-
ingar í tengslum við það.
Samtök ferðaþjónustunnar gagn-
rýna í fréttabréfi sínu sem birt er á
vefsíðu samtakanna að skólinn sé
farinn að leigja út húsnæði án þess
að hafa til þess leyfi og þannig hafi
skólinn staðið fyrir ólöglegri veit-
inga- og áfengissölu. Hjalti Jón sagði
þetta misskilning. Öll tilskilin leyfi
væru nú fyrir hendi.
VMA leigir út sal
undir samkomur
Viljum
að fleiri fái
notið góðr-
ar aðstöðu