Morgunblaðið - 04.02.2003, Blaðsíða 48

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 4. FEBRÚAR 2003 VERÐ Í LAUSASÖLU 190 KR. MEÐ VSK.
TÍMI vetraríþrótta er sannarlega runninn upp eftir mikil hlýindi
fyrri hluta vetrar. Skíðamenn hafa tekið fram búnað sinn og
stunda norrænar greinar á flatlendi og alpagreinarnar í þeim
skíðabrekkum sem nothæfar eru. Þessi gönguskíðakappi skellti
sér á ísi lagt Rauðavatnið í 6 stiga frosti og skafrenningi. Vatnið er
vinsælt til vetraríþrótta, þar sem saman koma hestamenn á skaflajárn-
uðum klárum sínum, skautafólk, vélsleðamenn og svo auðvitað skíða-
fólkið.
Morgunblaðið/Brynjar Gauti
Á gönguskíðum á Rauðavatni
ÞAÐ bar til annan jóladag í hittifyrra
að hrútur hvarf úr litlum ærhópi sem
látinn er liggja við opið á eyðibýlinu
Innri-Bug, skammt innan við Ólafsvík.
Hrútsins var leitað dyrum og dyngjum í
þrjá daga án árangurs. Snjóföl var á
jörðu og var því leitað vandlega að för-
um eftir hann en engin fundust. Á
fjórða degi stóð hann svo við fjárhúsdyr
í Geirakoti sem er næsti byggði bær.
Þangað er ekki auðratað því hindranir
eru á þeirri leið nema farið sé eftir
þjóðveginum. Þetta þótti sæta nokkurri
furðu, en ekki var meira um það rætt.
Um síðustu jól var það svo annar
hrútur sem embættaði ærnar í Bug. Var
sami háttur á hafður og féð látið liggja
við opið innan lokaðrar túngirðingar.
Annan jóladag hvarf þessi hrútur líka
sporlaust, var þá nýlokið fyrra gang-
máli ánna rétt eins og árið áður. Sú síð-
asta var varla hætt að beiða. Nú var
minna leitað, en á fjórða degi var svo
þessi hrútur kominn aftur í ærnar og
var hinn brattasti.
Nágrannar sem ekki sjást?
Óskar Þorgilsson í Ólafsvík, eigandi
kindanna, veit ekki hvað halda skal um
hvarf hrútanna og er ekki margmáll
þar um. Hinu þykist hann hafa vissu
fyrir, að hann eigi fleiri nágranna en
séðir verði hvern dag og séu hrútarnir
þeim ekki ofgóðir til nota.
Rétt er að geta þess að í Bug er fag-
urmagnað umhverfi. Upp frá túninu er
vel gróin hlíð upp að hamraveggjum en
fram af þeim skerast tvö lækjargil. Eru
þarna fallegar brekkur og klettar, stap-
ar og steinar.
Neðanvert við túnið er svo Bugsvatn
og neðst í túninu í Ytri-Bug er stór hóll
sem heitir því fallega nafni Krosshóll.
Hvað varð
um hrútana
á Innri-Bug?
EIGENDUR olíufélagsins Atlantsolíu
hyggjast opna bensínstöð eða -stöðvar á
Stór-Reykjavíkursvæðinu í sumar en þeir
gera ráð fyrir að hefja sölu olíu til skipa í
næsta mánuði.
Atlantsolía er í eigu sömu aðila og eiga
Atlantsskip. Símon Kjærnested, fram-
kvæmdastjóri Atlantsolíu, segir að vel hafi
gengið að reisa olíutanka félagsins á suð-
urbakka Hafnarfjarðar, tveir séu tilbúnir
og sá þriðji og síðasti verði væntanlega
tilbúinn í vikulok. „Ætli við byrjum svo ekki
að dæla í næsta mánuði,“ segir hann.
Til að byrja með ætla Atlantsskip fyrst
og fremst að selja olíu til skipa, en einn
tankurinn er útbúinn fyrir bensín og segir
Símon að áhugi sé á því að opna bensínstöð
eða -stöðvar á Stór-Reykjavíkursvæðinu.
„Við erum að vinna í því en eigum eftir að fá
leyfi,“ segir hann. „Við tökum þetta skref
fyrir skref og getum hugsanlega opnað
bensínstöð um mitt árið.“
Sala Atlantsolíu að hefjast
Ætlar að
opna bens-
ínstöðvar
Morgunblaðið/Þorkell
Framkvæmdum við olíutanka Atlantsolíu
í Hafnarfjarðarhöfn er að ljúka.
HÓPUR nemenda og eðlisfræði-
prófessora frá tækniháskólanum í
Eindhoven í Hollandi er vænt-
anlegur í vísindaleiðangur til Ís-
lands í haust til að rannsaka
torfbæi og -kirkjur hér á landi
hátt og lágt. Um er að ræða 10–
12 manna hóp sem hyggst m.a.
kynna sér Byggðasafnið á Skóg-
um, Árbæjarsafn, Núpsstaðar-
kirkju og Hofskirkju í Öræfum.
Einnig stendur til að gera mæl-
ingar á Gullfossi, Geysi og Skóga-
fossi og skoða gróðurhús á Suð-
urlandi.
Hópur úr sama skóla fór í leið-
angur til Lapplands á síðasta ári
þar sem eðlisfræðirannsóknir
fóru fram á hóteli sem byggt er
úr ís í bænum Jukkasjärvi. Vöktu
niðurstöður þeirra rannsókna at-
hygli og fengust m.a. birtar í hol-
lenskum og belgískum vísindarit-
um. Einn nemendanna, Joost van
Hoof, sagði í samtali við Morg-
unblaðið að mikill áhugi hefði
verið fyrir því að fara í annan
leiðangur í ár. Hann er á lokaári í
námi sínu við skólann en er nokk-
urs konar leiðangursstjóri þar
sem hann er einnig farinn að
kenna með námi.
„Þema okkar á síðasta ári var
snjór og ís og eðlisfræði bygginga
í heimskautaloftslagi. Núna vild-
um við skoða eitthvað heitt, þurrt
og rakt. Að auki vildum við
kanna byggingar sem teljast sér-
stakar á heimsvísu. Í umræðum
okkar á milli komu upp staðir
eins og hellaíbúðir í Tyrklandi,
bærinn Petra í Jórdaníu, sem
höggvinn er inn í kletta, rómönsk
leikhús á Kýpur og hellar í Slóv-
eníu. Þá kom Ísland fljótlega til
tals en ég hafði séð myndir af ís-
lenskum torfbæjum í tískutíma-
riti. Á endanum varð Ísland svo
fyrir valinu hjá okkur,“ sagði van
Hoof.
Hann sagði torfbæi fyrirfinnast
í norðurhluta Hollands en litlar
upplýsingar lægju fyrir um eðl-
isfræðina á bakvið byggingarlag
þeirra. Tók hann sem dæmi mæl-
ingar á bergmáli eða endurómun
í torfbyggingum, lýsingu og raka-
stigi. Notast hópurinn m.a. við
búnað sem tekur innrauðar ljós-
myndir. Þá hefur raftækjafram-
leiðandinn Philips, sem er með
höfuðstöðvar í Eindhoven, ákveð-
ið að styrkja hópinn með full-
komnum búnaði til ljósmælinga.
„Það er margt sem hægt er að
rannsaka nánar. Einn prófessor-
anna okkar er að skoða sögu-
frægar kirkjur í Hollandi og hef-
ur mikinn áhuga á að skoða
íslenskar torfkirkjur og hvernig
innviðum þeirra er haldið við,“
sagði Joost van Hoof en von er á
hópnum til Íslands um miðjan
október nk.
Athyglisvert og
ánægjulegt val
Páll Valdimarsson, prófessor í
vélaverkfræði við Háskóla Ís-
lands, sagði Hollendingana hafa
haft samband við sig og lýst yfir
áhuga á að fá fyrirlestra flutta
innan verkfræðideildar skólans.
Unnið væri að því í samráði við
fleiri kennara. Páll sagði það at-
hyglisvert að Ísland hefði orðið
fyrir valinu hjá Hollendingunum
og ánægjulegt að þeir ætluðu að
kynna sér torfbyggingar nánar.
Greinilega væri unnið að und-
irbúningi Íslandsferðarinnar af
miklum metnaði og áhuga.
Vísindaleiðangur hollenskra prófessora og nemenda
Rannsakar íslensk-
ar torfbyggingar
Morgunblaðið/Jónas Erlendssson
Á Núpsstað við Lómagnúp er ein af örfáum torfkirkjum sem til eru á
Íslandi. Myndin er af gömlu útihúsunum á Núpsstað.
KJARANEFND Reykjavíkurborg-
ar ákvað á fundi sínum í síðustu viku
að hækka laun æðstu stjórnenda
borgarinnar um 7% frá síðustu ára-
mótum. Áður hafði nefndin ákveðið
3% hækkun frá þeim tíma en því hef-
ur nú verið breytt, m.a. til samræmis
við ákvörðun kjaranefndar ríkisins
um laun æðstu embættismanna
þjóðarinnnar sem hafði ákveðið 7%
hækkun frá áramótum. Um er að
ræða á fjórða tug stjórnenda ýmissa
stofnana borgarinnar.
Kjaranefnd borgarinnar ákvað í
lok desember að hækka laun æðstu
embættismanna hennar um 3% m.a.
með vísan til þess að almenn laun
borgarstarfsmanna myndu hækka
um 3%. Þá lá fyrir ákvörðun kjara-
nefndar ríkisins um að hækka laun
æðstu stjórnenda um 7%.
Birgir Björn Sigurjónsson, for-
stöðumaður kjaraþróunardeildar
Reykjavíkurborgar, er formaður
kjaranefndar. Hann sagði við Morg-
unblaðið í gær að æðstu stjórnendur
borgarinnar hefðu fengið áfanga-
hækkanir líkt og kveðið væri á um í
almennum kjarasamningum, en ekk-
ert annað. Því hefði verið ákveðið að
leiðrétta kjör þeirra á ný og hefði
síðasti úrskurður kjaranefndar rík-
isins verið til viðmiðunar. Birgir
Björn minnti á að í verklagsreglum
kjaranefndar borgarinnar kæmi
fram að taka ætti mið af ákvörðunum
kjaranefndar ríkisins og tryggja
stjórnendum sömu launaþróun.
Laun borgarstjóra eru ekki
ákvörðuð af kjaranefnd borgarinnar
heldur fylgja þau kjörum forsætis-
ráðherra hverju sinni.
Reykjavíkurborg
breytir fyrri ákvörðun
7% hækkun
til æðstu
stjórnenda