Morgunblaðið - 26.02.2003, Blaðsíða 40

40 MIÐVIKUDAGUR 26. FEBRÚAR 2003 MORGUNBLAÐIÐ
+, 

  *$

- % & 

 

     
  

     

        
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐSKIPTASIÐFERÐI Flugleiða
hefur verið til umtals í Bréfum til
blaðsins. Hinn 18/2 skrifuðu Rúnar
Sig. Bergsson og Jóhann Guðmunds-
son í sambandi við kaup á farmiða til
Baltimore.
Síðastliðið sumar keypti ég far-
miða hjá Flugleiðum til Svalbarða í
Noregi með millilendingu í Oslo og
Tromsö og til baka.
Þar sem ég vildi hafa vaðið fyrir
neðan mig hafði ég tímanlega sam-
band við Flugleiðir til að athuga með
far. Um það bil 7 vikum fyrir fyrir-
hugaða brottför fæ ég senda ferða-
áætlun og þær upplýsingar frá þjón-
ustufulltrúa að verð farmiðans sé
57.820, flug, skattar og gjöld innifalin.
Ég þurfi hins vegar að gista í Osló þar
sem allt kvöldflug samdægurs með
Braathens til Longyearbyen sé upp-
bókað á því viku tímabili sem til
greina kom. Jafnframt fæ ég að vita
að ganga verði frá sölu miðas fljót-
lega þar sem mikið sé bókað. Tveim
dögum seinna bóka ég far frá Kefla-
vík hinn 10. júlí og geng frá kaupum
daginn eftir. Vart er ég búin að leggja
tólið frá mér þegar fyrgreindur þjón-
ustufulltrúi hringir og afsakar að því
miður sé verðið ekki 57.820 krónur,
heldur 72.570, eða 14.750 krónum
hærra, hvort ég vilji halda fast við
bókunina. Ákörðunin hafði verið tek-
in, auk þess sem mér fannst ég vera
að brenna á tíma og greiðsla upp á
72.570 er skuldfærð 6 vikum fyrir
brottför.
Þar sem fjölskyldurmeðlimur var
að velta fyrir sér að fara á svipuðum
tíma læt ég hann vita að það sé ekki
seinna vænna að taka ákvörðun, allt
tengiflug frá Osló sé að verða full-
bókað. Það er svo ekki fyrr en í byrj-
un júlí að hann kaupir farmiða á Net-
inu, en þá horfa málin öðru vísi við.
Hann fékk far sömu leið og ég hinn
12. júlí eða tveim dögum seinna og
kostaði farið þá 56.730, auk þess sem
nú var hægt að komast samdægurs
alla leið.
Áður en ég fór spurðist ég fyrir
hverju þessari hækkun á mínum miða
sætti og var mér tjáð að það væru
skattar, núgildandi verð farmiðans
væri orðið mun hærra. Á farmiðanum
kemur hins vegar fram að skattarnir
eru 4.730 (fyrir Keflavík- Osló) +
1.940 (Osló – Tromsö – Longyear-
byen) eða samtals 6.670 krónur. Þeg-
ar ég síðan spurði hvers vegna ég
hefði fengið það svar rúmum mánuði
fyrr að útilokað væri að komast sam-
dægurs alla leið, var svarið að senni-
lega hefði eitthvað losnað af sætum.
Ekki veit ég hvernig Guðjón Arn-
grímsson, upplýsingafulltrúi Flug-
leiða, útskýrir þessa viðskiptahætti.
Með útsölu eða árstíðabundinni sölu
vara eins og hann gerði í svari sínu til
þeirra Rúnars og Jóhanns hinn 20.
febrúar? Er hægt að selja vöru á út-
sölu sem ekki er lengur til að eigin
sögn? Síðan hef ég leitað allra ann-
arra leiða en Flugleiða, en Flugleiðir
ávarpa viðskiptavini sína við lend-
ingu: Thank you for choosing Ice-
landair. Því miður höfum við hér ekki
mikið val.
SIGRÚN JÓNSDÓTTIR,
myndlistarkennari,
Freyjugötu 25, Reykjavík.
Enn um viðskipta-
siðferði Flugleiða
Frá Sigrúnu Jónsdóttur:
NOKKUÐ hefur verið ritað hérna á
síðum Morgunblaðsins um varðveislu
á gömlum bátum. Þann 3.2. nýverið
birtist grein með fyrirsögninni „er
„Gullmolinn“ kannski kolamoli“.
Furðulegt viðhorf birtist í greininni
frá manni sem er „áhugamaður um
varðveislu sjóminja“, um það hvort
réttlætanlegt væri að varðveita skip
og báta sem ekki eru smíðuð hérna á
Íslandi. Tilefni þess bréfs sem birtist
var að í umræðunni er að varðveita
eigi mb. Baldur GK 97, sem „áhuga-
maðurinn“ sagði að væri best geymd-
ur sem líkan á safni Duus, ástæða, jú,
hann er ekki smíðaður á Íslandi. Ég
er alveg sammála því að varðveita eigi
mb. Baldur GK, því mb. Baldur GK er
mjög merkilegur bátur, hann var
smíðaður 1961 í Svíþjóð eftir teikn-
ingum Egils Þorfinnssonar, hann var
búinn að leggja mikla vinnu í að
teikna þennan bát. Byggingarlag
bátsins vakti strax athygli enda var
mb. Baldur GK (sem þá var Baldur
KE 97) var frambyggður og var hann
einn af þeim fyrstu á landinu til að
koma frambyggður. Mér telst svo til
að mb. Björgvin EA 75 hafi verið
fyrstur enn hann kom árið 1960. Í Sjó-
mannablaðinu Víkingi, 4. tbl. 1961, er
grein um mb. Baldur KE og þar er
meðal annars sagt. „Skapast við þetta
mjög bætt vinnuskilyrði miðað við hið
venjulega byggingarlag, þar sem þil-
farið er samfellt frá stýrishúsi og aft-
ur í skut. Nýtist þilfarið því mun bet-
ur en ella, og stýrishúsið veitir auk
þess mikið skjól við vinnuna.“
Þessi tilhögun og teikning virtist
ganga vel enda var 1963 smíðaður
mb. Hólmar GK 546 og var svo til eins
og Baldur KE nema hvað að hann var
smíðaður í Njarðvík, sem sé íslensk
smíði. Fimm árum síðar kemur svo
annar bátur sem er í meginatriðum
eins og Baldur KE nema hvað að brú-
in er stærri en það var mb. Glaður KE
67. Undanfarin ár er ég búinn að vera
að safna aflatölum frá öllu landinu frá
síðustu öld og þar hef ég tekið eftir
því, að frá þeim tíma sem Baldur KE
kom til landsins hefur hann verið með
aflahærri eða aflahæstur báta með
dragnót ár eftir ár.
Í dag er mjög lítið orðið eftir af tré-
bátum í rekstri og er það miður enda
hefur mér fundist gömlu bátarnir
margir hverjir mjög fallegir, margir
þessara báta liggja núna í höfnum
landsins öllum til ama og engum til
gagns, en allir eiga þeir sameiginlegt
að allir hafa þeir sögu á bak við sig,
sumir hafa lent í sjávarháska, aðrir
komið drekkhlaðnir af þorski eða síld.
Ég hef mikinn áhuga á að skrifa og
grennslast fyrir um sögu báta og sér-
staklega aflabrögð þeirra, en ef á að
varðveita bát eins og mb. Baldur þá
þarf að ganga þannig frá málum að
hann skemmist ekki eins og t.d Kútt-
er Sigurfari var farinn að gera.
Hver bátur hefur sína sál og sögu.
GÍSLI REYNISSON,
Sléttahrauni 29, 220 Hafnarfirði.
Sál og saga
Frá Gísla Reynissyni: