Morgunblaðið - 11.03.2003, Blaðsíða 2
FRÉTTIR
2 ÞRIÐJUDAGUR 11. MARS 2003 MORGUNBLAÐIÐ
FRAKKAR FASTIR FYRIR
Frakkar lýstu því í gær ótvírætt
yfir að þeir hygðust beita neit-
unarvaldi í öryggisráði Sameinuðu
þjóðanna gegn ályktunardrögum
sem Bretar og Bandaríkjamenn hafa
lagt fram og sem fela í sér að þeim
verði heimilað að ráðast á Írak hafi
Írakar ekki afvopnast fyrir 17. mars
nk. Rússar gáfu einnig sterklega til
kynna að þeir myndu beita neit-
unarvaldi.
Dagvinnulaun tvöfölduðust
Dagvinnulaun opinberra starfs-
manna hafa nær tvöfaldast á síðustu
sex árum eða frá því í ársbyrjun
1997. Lífeyrisskuldbindingar
b-deildar Lífeyrissjóðs starfsmanna
ríkisins hafa vaxið samsvarandi úr
135 milljörðum króna í 260 milljarða.
Góð staða Íslandsbanka
Íslandsbanki er með umtalsvert
hærra eiginfjárhlutfall en aðrir nor-
rænir bankar. Bankinn er jafnframt
með bestu arðsemi eigin fjár af nor-
rænu bönkunum á síðasta ári. Loks
er Íslandsbanki með næstlægsta
kostnaðarhlutfall þessara banka, að
því er kom fram í ræðu Bjarna Ár-
mannssonar, forstjóra Íslands-
banka, á aðalfundi bankans í gær.
Engin kjarnorkuvopn
Stjórnvöld í Íran hafa borið til
baka fréttir þess efnis að kjarn-
orkuáætlun þeirra sé mun umfangs-
meiri en hingað til hefur verið talið.
Bandarískir embættismenn héldu
því fram á sunnudag að Íranar væru
staðráðnir í að komast yfir kjarn-
orkuvopn.
Fjórir ganga úr stjórn
Fjórir ganga úr stjórn Eimskipa-
félags Íslands á aðalfundi nk.
fimmtudag, þ. á m. stjórnarformað-
urinn Benedikt Sveinsson. Auk hans
hætta þeir Jón H. Bergs, Gunnar
Ragnars og Kristinn Björnsson. Inn
í stjórnina koma þau Inga Jóna
Þórðardóttir og Einar Sveinsson.
Arafat áfram valdamestur
Palestínska þingið hefur sam-
þykkt stofnun nýs embættis for-
sætisráðherra. Hefur Yasser Arafat,
forseti heimastjórnar Palestínu-
manna, tilnefnt Mahmoud Abbas í
embættið. Svo virðist þó að Arafat
muni áfram hafa tögl og hagldir í
palestínsku heimastjórninni.
Y f i r l i t
Í dag
Sigmund 8 Viðhorf 32
Viðskipti 12/14 Minningar 32/36
Erlent 15/17 Hestar 37
Höfuðborgin 18 Bréf 40/41
Akureyri 19 Dagbók 42/43
Suðurnes 20 Íþróttir 44/47
Landið 21 Leikhús 48
Neytendur 22 Fólk 50/53
Listir 23/24 Bíó 54/57
Umræðan 25/27 Ljósvakar 54
Forystugrein 28 Veður 55
* * *
ÁÆTLAÐ er að hefja framkvæmdir við gatna-
og gönguleiðir í Bankastræti í Reykjavík í vik-
unni og á þeim að ljúka um miðjan júní. Jafn-
framt verður hafist handa við samskonar fram-
kvæmdir á hluta Bergstaðastrætis og
Vegamótastígs, milli Laugavegar og Skóla-
vörðustígs, sem lýkur á sama tíma. Um miðjan
apríl er ráðgert að hefja gatnaframkvæmdir við
Lækjargötu, á vegarkafla milli Bankastrætis og
Austurstrætis sem lýkur um miðjan ágúst. Það
eru Íslenskir aðalverktakar sem annast fram-
kvæmdirnar.
Að sögn Sigurðar Skarphéðinssonar gatna-
málastjóra verður farið í jarðvegsskipti, allar
lagnir verða endurnýjaðar og hitalagnir settar í
jörðu. Að loknum breytingum mun ásýnd og
yfirbragði Bankastrætis svipa til endurbætts
hluta Skólavörðustígs.
Brú undir Lækjargötu sýnileg aftur?
Síðar í vor verður hafist handa við að grafa of-
an í Lækjargötu. Að sögn Sigurðar er að öllum
líkindum gömul brú yfir lækinn sem þarf að
varðveita. Ekki hefur verið grafið í götuna í ára-
tugi og á reiki hvar brúin er nákvæmlega nið-
urkomin og í hvaða ástandi hún er.
„Við höfum ekki séð hvernig hún lítur út en í
áætlunum okkar er gert ráð fyrir að hún fái að
vera í friði áfram. Það væri hins vegar mjög
gaman ef það væri hægt að ná henni upp á yf-
irborðið og láta hana sjást á einhvern hátt,“ seg-
ir Sigurður.
Að sögn Sigurðar hafa verið haldnir fundir
með öllum hagsmunaaðilum í tengslum við fram-
kvæmdir við göturnar í sumar. Upphaflega stóð
til að halda áfram með framkvæmdir upp Skóla-
vörðustíg. Sigurður segir að fólk við götuna hafi
ekki viljað fá „tvö mögur ár í einu“ enda komi
framkvæmdir óhjákvæmilega við rekstur versl-
ana. Frekari framkvæmdum við götuna hafi því
verið frestað um ár.
Framkvæmdir við Bankastræti að hefjast
Ljósmynd/Saga Reykjavíkur
Gatnamálastjóri segir vel koma til greina að varðveita brúna yfir lækinn í
Lækjargötu í einhverri mynd. Á sínum tíma var holræsum í Þingholtunum
og Miðbænum veitt í lækinn og fékk hann af því viðurnefnið Fúlilækur.
Morgunblaðið/Golli
Starfsmenn Íslenskra aðalverktaka voru önnum kafnir í gær við að girða af
framkvæmdasvæðið í Bankastræti. Þeim sem leið eiga um Laugaveg er
bent á að keyra þaðan um Hverfisgötu eða Amtmannsstíg.
Grafið niður á brú yfir
Lækjargötu síðar í vor
VERKALÝÐSHREYFINGIN er
með í undirbúningi tillögur um víð-
tækar breytingar í velferðarmálum,
þ. á m. í málefnum atvinnulausra.
Meðal tillagna sem þegar liggja fyr-
ir er að atvinnuleysisbætur verði
þegar í stað hækkaðar úr kr. 77.452
í kr. 93.000 á mánuði.
Mikil vinna hefur átt sér stað á
umliðnu ári á vettvangi ASÍ um vel-
ferðarmálin og samkvæmt upplýs-
ingum Grétars Þorsteinssonar, for-
seta ASÍ, er að því stefnt að
tillögurnar verði endanlega frá-
gengnar og kynntar undir lok næstu
viku.
Fjallað er um þann hluta tillagn-
anna sem snúa að málefnum at-
vinnulausra á vefsíðu Rafiðnaðar-
sambandsins.
Þar segir að auk tillögu um hækk-
un atvinnuleysisbóta í 93.000 kr. sé
lagt til að hafin verði skoðun á því
að tekjutengja atvinnuleysisbætur
og skráningarferlið verði endur-
skoðað og það einfaldað. Dregið
verði úr tíðni skráninga ásamt því
að einfalda alla umsýslu. Áhersla er
ennfremur lögð á aðstoð, ráðgjöf og
menntunarúrræði fyrir fólk í at-
vinnuleit og virka vinnumiðlun. Þá
er lagt til að löggjöf um atvinnuleys-
istryggingar og vinnumarkaðsað-
gerðir verði endurskoðuð og sett
verði lög um einkareknar vinnu-
miðlanir.
Verkalýðshreyfingin undirbýr tillögur í velferðarmálum
Atvinnuleysisbætur verði
hækkaðar í 93.000 krónur
CHEN Huiping, kínverskur læknir
sem búsettur hefur verið hér á landi
við nám og störf frá árinu 1996, varði
í gær doktorsritgerð við læknadeild
Háskóla Íslands.
Að sögn Sigurðar Ingvarssonar,
líffræðings og leiðbeinanda Chens,
er hann fyrsti Asíubúinn sem ver
doktorsritgerð hér á landi. Chen hef-
ur starfað við Tilraunastöðina í
meinafræðum á Keldum frá því síðla
árs 2002 og mun vinna þar áfram að
rannsóknarverkefnum. Hann kom
upphaflega til landsins í atvinnuleit
og starfaði m.a. við rannsóknir á
frumulíffræðideild Landspítala há-
skólasjúkrahúss. Að sögn Sigurðar
hafði Chen dvalið hér á landi í tæp
þrjú ár þegar hann ákvað að nýta
vinnu sína og efnivið í doktorsrit-
gerð. Doktorsritgerðin fjallar um
galla í erfðaefni brjósta- og maga-
krabbameins. Sigurður segir það í
raun engin nýmæli að vísindamenn í
ólíkum löndum starfi náið saman
þótt vissulega séu það nýmæli að
kínverskur læknir velji að verja
doktorsritgerð sína hér á landi.
„Við teljum alþjóðavæðinguna
hafa komið fyrr hjá okkur sem erum
í vísindunum heldur en er að gerast í
íslensku þjóðfélagi núna varðandi
viðskipti og þvíumlíkt,“ segir hann.
Tungumálið erfitt
Chen sagði í samtali við Morgun-
blaðið að sér hafi liðið ákaflega vel á
Íslandi og að hann hafi ekki hug á að
yfirgefa landið í bráð enda næg verk-
efni fram undan. Hann sagði tungu-
málið að vísu erfitt, íslensk menning
væri mjög ólík kínverskri menningu
og veðrið væri ekki eins og hann ætti
að venjast. Hann sagði fólkið á hinn
bóginn ákaflega elskulegt.
Eiginkona Chens er einnig í námi
hér á landi og stefnir að því að ljúka
meistaranámi við Rannsóknastofnun
fiskiðnaðarins í lok þessa árs eða
byrjun næsta árs.
Fyrsti Asíubúinn sem ver
doktorsritgerð við HÍ
Eiginkona hans
stefnir á að
ljúka héðan
meistaraprófi
Morgunblaðið/Kristinn
Við doktorsvörnina í gær. Frá vinstri: Stefán B. Sigurðsson, varaforseti
læknadeildar og stjórnandi athafnarinnar, Stefan Imreh, frá Transylvaníu
og doktor við Karolinska Institutet í Stokkhólmi, og Chen Huiping.
DRENGURINN sem lést í bílslysi á
Reykjanesbraut á sunnudagskvöld
hét Jónas Einarsson Waldorff, til
heimilis á Álsvöllum 4, Reykja-
nesbæ. Jónas fæddist 1. apríl 1989
og eru foreldrar hans Helle Alhof og
Einar Þórðarson Waldorff. Jónas
var nemandi í Heiðaskóla í Reykja-
nesbæ.
Lést í
bílslysi
VIÐBÓTARSAMNINGUR Flug-
félagsins Atlanta við breska flug-
félagið Excel Airways hljóðar uppá
3,7 milljarða króna en upprunalegur
samningur var að andvirði 7,3 millj-
arðar. Excel tryggir sér vélar af
gerðinni B747, B757 og B767 mán-
uðina maí til október á samningstím-
anum.
Hafþór Hafsteinsson, forstjóri
Atlanta, segir að með samningnum
séu í það heila tryggð 210 störf.
Hann segir fyrst hafa verið samið við
Excel árið 2001 til tveggja ára og
með viðbótinni sé samningurinn
jafnframt lengdur til ársins 2006.
Flogið er frá Gatwick-flugvelli við
London, Manchester og Glasgow til
ýmissa áfangastaða í Evrópu og
Bandaríkjunum.
Starfsmenn Atlanta eru nú rúm-
lega 1.100. Flugmenn og flugvél-
stjórar eru um 250, um 500 starfa við
þjónustu um borð og 315 starfa á
jörðu niðri. Starfsstöðvar félagsins
eru tíu í átta löndum.
Viðbótar-
verk hjá
Atlanta
Þriðjudagur
11. mars 2003
Prentsmiðja
Morgunblaðsins blað B
w
w
w
.f
rj
a
ls
i.
is
Ráðgjafar okkar veita allar nánari upplýsingar. Þú getur
komið við í Ármúla 13a, hringt í síma 540 5000 eða sent
tölvupóst á frjalsi@frjalsi.is
Ertu að kaupa, byggja eða breyta? Þú getur á auðveldan
hátt samið um fasteigna- eða framkvæmdalán hjá Frjálsa
fjárfestingarbankanum. Um er að ræða hagstætt lán, sem
veitt er til allt að 25 ára gegn veði í fasteign.
Dæmi um mánaðarlega greiðslubyrði af 1.000.000 kr.*
Vextir % 7,5% 8,5% 9,5% 10,5% 11,5%
5 ár 20.000 20.500 21.000 21.500 22.000
15 ár 9.300 9.800 10.400 11.000 11.700
25 ár 7.400 8.100 8.700 9.400 10.200
*Lán með jafngreiðsluaðferð án verðbóta.
Frjálsa fjárfestingarbankans
Fasteignalán
Allt að 75%veðsetningarhlutfallaf verðmæti fasteignar
Þúsundir fasteigna af öllum stærðum og öllum gerðum alls staðar á landinu
Mikil
hreyfing
Rætt við
Björn Þorra
Viktorsson 4
Fallegthús
viðFrakkastíg
Endurbygging
viðSkipholt
Vel heppnuð
endurnýjun 12
Nýjar íbúðir
í grónu hverfi 26
!"!#$!
% "
#$
&'(
)*+
&'(
) *+
!
"#$$
%$! "&&'
-%.$/#$
%"/++%
01%23+
456#0!+
(1+1/7+ !+
8+ 23+
'%" 9+
"
:$+;
% ":$+;
$!+%.+
:$+;
% ":$+;
(
(%<) "%"+$
+$ 1+=""+)>>>1+
?"/@+AB
*
*
*
*
!!,
" # $
)*
+" /@AB
-.
/
0
"'
"%
"
&
/./
"$&"-
/'10
/"
/''1'
//1/
+B
2! 3
! $ '$
-$! "&&'
8%"+#$!
&"
%""+
% ! "!
$ $ $
STAÐAHVERFI hefur yfir sér
sérstakt yfirbragð. Skipulag hverf-
isins tekur mið af staðsetningu
þess á ströndinni fyrir neðan
Korpúlfsstaði, sérkennilegu lands-
lagi og miklu útsýni.
Einstök útivistaraðstaða er í
Staðahverfi, en þar er einn sér-
stæðasti golfvöllur landsins. Korp-
úlfsstaðaá, sem er laxveiðiá, renn-
ur í jaðri byggðarinnar.
Hverfið er austasta hverfi borg-
arinnar og í framtíðinni mun það
tengja saman íbúðarbyggðina í
Víkurhverfi og Engjahverfi, sem
liggja fyrir vestan það, og fyrir-
hugaða íbúðarbyggð í Mosfellsbæ
austan Korpúlfsár.
Sú stund færist nú nær, þegar
hægt verður að aka beint á milli
Staðahverfis og Mosfellsbæjar, en
tenging Baugshlíðar í Mosfellsbæ
við Vesturlandsveg á eftir að
skipta miklu máli fyrir byggðina á
öllu þessu svæði. Þessi vegur er
veruleg samgöngubót og verður til
þess að færa byggðina saman og á
eflaust eftir að hafa mikil áhrif á
mannlíf á þessu svæði.
Nafn sitt dregur Staðahverfi af
gömlu sveitabæjunum á þessu
svæði og öll götuheiti enda á orð-
inu staðir. Landinu hallar nokkuð
til norðurs og norðvesturs, sem
eykur enn á útsýnið út yfir sundin
og til fjalla. Sunnan til er landið
tiltölulega flatt, en norðan til á
svæðinu eru rimar og klettar og
því fer að halla meira niður að
ströndinni.
Fjölbreyttar húsagerðir
Staðahverfi er ekki stórt hverfi,
en íbúðir þar eru um 400 og íbúar
um 1.200. Í hverfinu eru mjög fjöl-
breyttar húsagerðir, en þar eru
bæði stór fjölbýlishús með mörg-
um íbúðum og einnig einbýlishús
og raðhús.
Bæði yngra og eldra fólk hefur
sýnt Staðahverfi áhuga. Þar á
meðal er ekki sízt golfáhugafólk,
enda þótt hverfið sé ekki sérsniðið
fyrir golfara.
Gríðarleg ásókn var í lóðir í
Staðahverfi, þegar uppbygging
þess hófst og beið fólk í biðröðum
til þess að verða sér úti um lóð á
beztu stöðunum. Mest var ásóknin
í lóðirnar næst sjónum og fengu
færri en vildu.
Hverfið er nú að kalla fullbyggt,
enda þótt enn megi sjá þar hús í
smíðum. Ekki er mikið um að eign-
ir þar komi í sölu, en vegna vin-
sælda hverfisins er eftirspurn eftir
eignum þar mikil og þær fara yfir-
leitt á háu verði.
Útsýnið út á sjóinn snar þáttur
í stemmningu Staðahverfis
Morgunblaðið/Ingó
Horft frá Úlfarsfelli yfir Staðahverfi og út yfir sundin. Staðahverfi er austasta hverfi borgarinnar og liggur meðfram
ströndinni fyrir neðan Korpúlfsstaði með miklu útsýni út á sjóinn og til fjalla.