Morgunblaðið - 11.03.2003, Side 35

kynnast honum en til þess gafst
ekki tækifæri. Hún hitti hann einu
sinni í mjög stuttan tíma. Þegar ég
sagði henni frá andláti afa laut hún
höfði og sagði leið á svip: „Ég sakna
hans.“ Ég segi það sama: „Afi, ég
sakna þín.“ En nú er tíminn til að
kveðja. Tárin sem við fellum er sem
rigning þar sem þú býrð nú. Þú
býrð í hjarta okkar. Seinna mun þar
blóm skjóta rótum og það mun vaxa
og dafna. Því meira sem regnið er
því betur mun blómið dafna og
verða eilíft.
Sonja.
Sérhver reynsla sem Guð gefur
okkur, sérhver persóna sem hann
lætur verða á vegi okkar, er ná-
kvæmlega rétti undirbúningurinn
fyrir framtíðina sem hann einn
þekkir.
Elskulegur afi okkar hefur kvatt.
Við erum þakklátar fyrir allt
hrósið, vináttuna, ástina og skilning-
inn sem hann gaf okkur.
Arnfríður og Thelma.
Bróðir minn Þorgeir Guðmunds-
son var tekinn í fóstur til vinafólks
foreldra okkar, hjónanna að Mel-
rakkanesi í Álftafirði Helga Einars-
sonar og Sigþóru Guðmundsdóttur.
Þar ólst svo Þorgeir upp til fullorð-
insára. Varð stór og sterkur og stór-
huga snemma. Í sveitinni mun hon-
um hafa þótt þröngt um sig til
athafna svo sem hugur hans stóð til.
Laust eftir 1950 hleypti hann heim-
draganum og fór til Reykjavíkur og
síðan lá leiðin austur í Árnessýslu. Í
Kaldaðarnesi bjó stórbúi frændi
hans Jörundur Brynjólfsson frá
Starmýri. Þangað fór Þorgeir sem
vinnumaður. Jörundur var með
margt fólk í vinnu. Þar kynntist
Þorgeir ungri myndarstúlku norðan
úr Skagafirði. Hún hét Arnfríður
Gunnarsdóttir frá Ábæ.
Þau giftust og hófu nokkru síðar
búskap á Bræðrabóli í Ölfusi. Þar
bjuggu þau í nokkur ár með kýr en
fluttu síðar í Þorlákshöfn. Þau eign-
uðust átta börn sem öll náðu þroska.
Ein dóttir þeirra, Sigríður, dó 2001.
Við hjónin ásamt börnum okkar
áttum því láni að fagna að heim-
sækja þau Þorgeir og Arnfríði
nokkrum sinnum meðan þau bjuggu
á Bræðrabóli og eigum þaðan afar
góðar minningar. Þau voru sannir
höfðingjar heim að sækja. Eftir að
þau fluttu í Þorlákshöfn fórum við
oft með þeim í styttri og lengri ferð-
ir. Eftirminnilegt var að dvelja í
tjaldi í sumarblíðu á Þingvöllum og
Landmannalaugum og víðar. Var þá
oft glatt á hjalla meðal eldri sem
yngri.
Þau Þorgeir og Arnfríður fóru
ekki varhluta af veikindum en hörk-
uðu það allt af sér. Eitt sinn kom
Þorgeir heim til mín ofan af Land-
spítala og varð að skilja Arnfríði eft-
ir þar. Hún var talsvert veik og varð
að fara í rannsókn. Eðlilega var
Þorgeir daufur yfir heilsufari konu
sinnar er ég ræddi við hann. Allt í
einu var dyrabjöllunni hringt. Ég
fór til dyra. Utan við dyrnar stóð
Arnfríður hlæjandi og hress, hún
sagði: „Ég sagði hjúkrunarkonunni
að það væri ekkert að mér, kvaddi
og fór.“ Svona var Arnfríður, alltaf
ákveðin á hverju sem gekk.
Eftir að Þorgeir og Arnfríður
fluttu til Svíþjóðar höfðum við Þor-
geir öðru hvoru samband gegnum
tölvurnar okkar og rifjuðum upp
það sem við höfðum upplifað í sveit-
inni heima. Þegar ég nú fæ mér sæti
framan við tölvuna og rifja upp það
sem okkur fór á milli minnir það
mig næstum á er við sátum saman í
kvistherberginu þínu austur á Mel-
rakkanesi er ég var þar næturgest-
ur og spáðum í spilin, t.d. hvað tek-
ur við fyrir handan. Nú veistu það.
Þorgeir minn, ég þakka margar
góðar samverustundir okkar og flyt
Arnfríði og fjölskyldu hennar sam-
úðarkveðju frá okkur hjónunum og
fjölskyldum okkar. Ég er ekki í vafa
um að vel hefur verið tekið á móti
þér af ástvinum þínum þarna hinum
megin og sjálfsagt hefur hún fóstra
þín fagnað þér vel og verið með
heitt á könnunni ef ég þekki hana
rétt.
Egill Guðmundsson.
MINNINGAR
MORGUNBLAÐIÐ ÞRIÐJUDAGUR 11. MARS 2003 35
✝ Baldvin Ólafssonhúsasmiður
fæddist í Múla í Gufu-
dalssveit 5. júní 1913.
Hann lést á Hjúkrun-
arheimilinu Skóg-
arbæ 28. febrúar síð-
astliðinn. Foreldrar
hans voru Ólafur
Valdimar Ólafsson, f.
2.2. 1879, d. 15.5.
1962, og Sigurborg
Valgerður Jónsdótt-
ir, f.23.11. 1875, d.
14.4. 1960. Systkini
Baldvins voru níu og
eru öll látin.
Eiginkona Baldvins var Odd-
fríður Erlendsdóttir, f. 9. maí
1907, d. 28. desember 1996. For-
eldrar hennar voru Erlendur Þor-
valdsson söðlasmiður, ættaður úr
Álftaneshreppi á Mýrum, og
María Guðmundsdóttir húsmóðir,
ættuð úr Skagafirði. María og Er-
lendur bjuggu í Reykjavík. Bald-
vin og Oddfríði varð ekki barna
auðið en bróðurdóttir Oddfríðar,
María Guðmundsdóttir, var mikið
hjá þeim sem kornabarn vegna
veikinda móður
sinnar.
Tíu ára gamall
flutti Baldvin ásamt
fjölskyldu sinni að
Naustabrekku á
Rauðasandi. Þar ólst
hann upp og vann
ýmis störf, við fisk-
veiðar og annað sem
til féll. Árið 1940
vann Baldvin við ull-
arvinnslu á Álafossi í
Mosfellssveit.
Baldvin og kona
hans bjuggu meðal
annars á Hallveigar-
stíg 10 og Háteigsvegi 50 í
Reykjavík.
Baldvin vann við húsasmíðar í
Reykjavík um nokkurra ára skeið
og lærði síðar þá iðn.
Grásleppuveiðar stundaði Bald-
vin oft á sumrin og var gert út frá
Ægisíðunni í Reykjavík. Baldvin
bjó á Hjúkrunarheimilinu Skóg-
arbæ síðustu tvö árin.
Útför Baldvins verður gerð frá
Háteigskirkju í dag og hefst at-
höfnin klukkan 10.30.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að kynnast
þér.
(Ingibj. Sig.)
Elsku Baldvin minn, hjartans
þakklæti fyrir umhyggju þína í minn
garð frá því ég man fyrst eftir mér.
Ég var nú ekki nema fimm mánaða
kríli þegar þið hjónin tókuð mig í
tímabundið fóstur vegna veikinda
móður minnar og var því ykkar heim-
ili mitt annað heimili í mörg ár.
Minningar streyma fram um ferð-
irnar í sveitina, Álftárósferðirnar,
veiðiferðirnar á litla bátnum þar sem
við vorum að veiða sel og ég í rauðu
úlpunni. Svo voru það nú bíltúrarnir á
sunnudögum og þá var alltaf keyptur
ís.
Af nógu er að taka því mikið gerð-
um við saman og alltaf var gaman að
sitja á kassanum hjá þér í bílskúrnum
þegar þú varst að smíða eitt og annað.
Já, á Háteigsveginum var alltaf
gott að vera, gott að sofa, borða og þá
sérstaklega þegar Oddý sauð selkjöt-
ið og á vorin voru það svartfuglsegg-
in.
Margar og góðar minningar sækja
á hugann við fráfall þitt, elsku Bald-
vin minn, og ég geymi þær dýrmætu
minningaperlur í huga mér.
En nú er langri ævi þinni lokið og
væntanlega margir sem taka á móti
þér í nýjum heimkynnum. Far þú í
friði, minn kæri, guð blessi þig og
hafðu bestu þakkir fyrir allt sem þú
veittir mér. Þakka þér samfylgdina
gegnum árin.
Alúðarþakkir færi ég starfsfólki
Skógarbæjar/Hólabæjar fyrir góða
umönnun Baldvins.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt,
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
(Þórunn Sig.)
María Guðmundsdóttir.
BALDVIN
ÓLAFSSON
Móðir okkar,
HELGA JÓNA ELÍASDÓTTIR
fv. skólastjóri og organisti á Þórshöfn,
Hringbraut 50,
Reykjavík,
andaðist á dvalar- og hjúkrunarheimilinu Grund
laugardaginn 8. mars sl.
Pálmi Ólason,
Sigríður Óladóttir,
Davíð Ólason,
Gyðríður Elín Óladóttir.
Móðir mín, tengdamóðir, amma og langamma,
ELÍN MAGNÚSDÓTTIR,
lést á dvalarheimilinu Hlíð, Akureyri, þriðjudaginn 25. febrúar.
Útförin hefur farið fram í kyrrþey að hennar ósk.
Þökkum samúðarkveðjur og vinarhug og öllum sem önnuðust hana á
Hlíð.
Jón Laxdal Jónsson, Ólöf Oddsdóttir,
ömmubörn og langömmubörn.
Móðir okkar, tengdamóðir, amma og lang-
amma,
GUÐRÚN J. ÞORSTEINSDÓTTIR
píanóleikari,
Laugarásvegi 73,
er látin.
Elísabet Waage, Helgi Kristinsson,
Benedikta G. Waage, Hallur Árnason,
Jón Þorsteinn Gunnarsson, Margrét Birgisdóttir,
María S. Gunnarsdóttir, Gérard Lemarquis,
Guðmundur Óli Gunnarsson,
Hörður Gunnarsson,
barnabörn og barnabarnabörn.
Elskulegur faðir okkar, tengdafaðir og afi,
SKJÖLDUR ÞORLÁKSSON,
Faxabraut 32c,
Keflavík,
lést á Heilbrigðisstofnun Suðurnesja laugar-
daginn 1. mars.
Jarðarförin hefur farið fram í kyrrþey að ósk
hins látna.
Aðstandendur þakka auðsýnda samúð og vinarhug við andlát hans og
útför. Sérstakar þakkir til starfsfólks Heilbrigðisstofnunar Suðurnesja.
Guð blessi ykkur öll.
Sólveig Skjaldardóttir, Rúnar Ingibergsson,
Arnar Skjaldarson, Sigríður Þ. Vigfúsdóttir,
Guðbjörg Skjaldardóttir
og barnabörn.
Innilegar þakkir til allra þeirra, sem sýndu
okkur samúð og hlýhug við andlát og útför
SIGURÐAR HAFSTAÐ.
Sérstakar þakkir til starfsfólks á elliheimilinu
Grund fyrir góða ummönnun.
Ragnheiður Ragnarsdóttir Hafstað,
Þórunn Kielland, Jakob Kielland,
Ingibjörg Hafstað,
Hildur Hafstað,
Ragnar Hafstað, Þórdís Úlfarsdóttir,
Sigríður Hafstað,
Árni Hafstað, Uloma Hafstað,
barnabörn og barnabarnabörn.
Undirrituð viljum þakka öllum þeim, sem komu
við útför
ÞÓRU ÓLAFSDÓTTUR FANNBERG.
Eins viljum við þakka þeim, sem sendu blóm
og kort.
Ólafur Fannberg, Marissa B. Fannberg.
Ástkær eiginmaður minn og faðir okkar,
FRIÐRIK MAGNÚSSON
bóndi,
Hálsi, Dalvík,
andaðist á Fjórðungssjúkrahúsinu á Akureyri mánudaginn 10. mars.
Guðrún Þorsteinsdóttir
og börn.
Ástkær eiginmaður minn, sonur, faðir okkar,
fósturfaðir, tengdafaðir, afi og bróðir,
EIRÍKUR HREIÐARSSON
garðyrkjubóndi,
Grísará,
Eyjafjarðarsveit,
verður jarðsunginn frá Akureyrarkirkju fimmtu-
daginn 13. mars kl. 13.30.
Margrét Sigurðardóttir,
Ragnheiður María Pétursdóttir,
Sigríður Emilía Eiríksdóttir, Einar Þ. Einarsson,
Hreiðar Eiríksson, Hallfríður Böðvarsdóttir,
Sigurður Eiríksson, Hafdís Hrönn Pétursdóttir,
Snjólfur Eiríksson, Kristjana Helga Ólafsdóttir,
Aron Eiríksson,
Eiríkur Anton Eiríksson,
Helga Jóhannsdóttir,
barnabörn og systkini.