Morgunblaðið - 11.03.2003, Blaðsíða 37

HESTURINN og hesta-mennskan á greinilegamjög greiða leið að æskulandsins ef marka má
þau viðbrögð sem Æskan og hest-
urinn fékk um helgina. Á „general-
prufu“ á miðvikudagskvöldið voru
sýningarnar alls fimm talsins og fjöl-
menni á þeim öllum. Ætla má að vel á
sjötta þúsund manns hafi séð þessar
sýningar og því um einn fjölsóttasta
viðburð að ræða þar sem íslenski
hesturinn er í aðalhlutverki. Þótt
þessi viðburður snúist fyrst og fremst
um að skemmta og fræða æsku
landsins sótti sýninguna einnig fjöldi
fullorðinna og víst er að að báðir hóp-
ar skemmtu sér konunglega. Sjálf-
sagt er það eðli hvers áhugamáls að
hverjir boði sitt fagnaðarerindi og
reyni að vekja áhuga fjöldans á við-
komandi áhugamáli eða tóm-
stundaiðju. Sýningin Æskan og hest-
urinn er tvímælalaust orðin einn
öflugasti útstillingargluggi hesta-
mennskunnar og má ætla að sýningin
veki áhuga fjölmargra barna á þessu
heillandi viðfangsefni sem hesta-
mennskan er og mjög líklegt að ein-
hver þeirra muni eyða sínum frí-
stundum í samvistum við hestinn í
framtíðinni.
Eins og áður voru það börn, ung-
lingar og ungmenni sem báru uppi
flest sýningaratriðin en þó fékk
Kristinn Hákonarson að „fljóta með“
þótt ekki væri að þessu sinni í eigin
persónu heldur voru það fjórir lær-
lingar hans af yngri kynslóð sem létu
fáka sína leggjast og standa á fætur
með þau á baki. Það er ánægjulegt að
Kristinn, sem hiklaust má titla sem
einn af fremstu fjöllistamönnum úr
röðum hestamanna, skuli nú farinn að
kenna ungdómnum „trixin“.
Þá mætti Daníel Ingi Smárason,
sem er nýhættur að vera ungmenni,
með hund sinn Tangó og leystu þeir
ýmsar þrautir við góðar undirtektir
þar sem sá síðarnefndi var að sjálf-
sögðu í aðalhlutverki. Stökk Tangó
meðal annars yfir háan trévegg sem
að sögn ágæts þular, Huldu G. Geirs-
dóttur, var níu sinnum hærri en sá
fjórfætti.
Hin kunni reiðkennari og æsku-
lýðsgúrú hestamennskunnar, Rose-
marie Þorleifsdóttir, mætti ásamt
nokkrum nemendum Reiðskólans í
Geldingaholti sem hefur verið starf-
ræktur í áratugi. Sýndu þau hinar
margrómuðu Rosemarie-æfingar
eins og þær voru kallaðar hér í eina
tíð, þ.e. leikfimiæfingar ýmiss konar á
innbundnum hesti í taumhring. Þess-
ar æfingar gefa knöpum feiknagott
jafnvægi og má minna á að einfaldari
jafnvægisæfingar í taumhring eru
mjög góð leið til að byggja upp jafn-
vægi hjá knöpum styttra sem lengra
komnum.
Freyja A. Gísladóttir, sem er
margfaldur Íslands- og Landsmóts-
meistari, mætti með gæðing sinn og
sýndi fimiæfingar og undirstrikar
hún vel þá miklu kunnáttu og getu
sem ungir reiðmenn búa yfir í dag.
Það má öllum ljóst vera, eins og það
er gjarnan orðað á Hafrann-
sóknastofnun, að það eru geysisterkir
árgangar á leiðinni.
Boðið var upp á fjölmargar vel út-
færðar hóp- og skrautsýningar en
það voru krakkar úr hestamanna-
félögum á suðvesturhorni landsins
sem tóku þátt í þessum atriðum. Allir
verðlaunahafar yngri flokka frá
landsmótinu, tuttugu og fjórir talsins,
komu fram undir lok sýningarinnar.
Það sem kannski vantaði helst inn í
atriði sýningarinnar eru leikir á hest-
um eða leikjatengd keppni en þar er
af mörgu að taka. Eitt af grundvall-
aratriðum í reiðkennslu barna er að
láta þau gera æfingar í gegnum ýmiss
konar leiki og er þessi vettvangur
ákjósanlegur til að kynna slíkt til að
koma hugmyndaflugi af stað hjá þeim
sem fást við reiðkennslu.
Athygli vekur hversu góðar und-
irtektir þessi sýning hefur fengið hjá
fjölmörgum fyrirtækjum og ráðu-
neytum þegar leitað var eftir fjár-
stuðningi við sýninguna. Er óhætt að
álykta sem svo að í þessum stuðningi
felist mikil viðurkenning á hesta-
mennskunni sem vænlegrar leiðar til
að tryggja æsku landsins gott og heil-
brigt uppeldi. Meginstyrkurinn ligg-
ur ekki hvað síst í því hversu góða
samleið kynslóðirnar eiga í áhuga-
málinu. Sjá má krakka allt niður í
þriggja til fjögurra ára fara á hestbak
og mörg dæmin eru til um fólk á tí-
ræðisaldri sem stundar hesta-
mennsku af miklum krafti. Þær eru
ófáar fjölskyldurnar sem lifa og
hrærast í hestamennskunni þar sem
allir meðlimir eru að fást við það
sama, að ríða út. Ekki er gamanið al-
veg búið þótt þessar vel heppnuðu
sýningar séu að baki því um næstu
helgi verður boðið upp á atriði úr sýn-
ingunni í Húsdýragarðinum í Laug-
ardal sem var samstarfsaðili um sýn-
inguna. Voru afhentir um fimm
þúsund frímiðar í Húsdýragarðinn til
þeirra sem sóttu sýninguna.
Fimm þúsund manns á sýningunni Æskan og hesturinn í Reiðhöllinni í Víðidal um helgina
Öflugasti
útstillingar-
gluggi hesta-
mennskunnar
Morgunblaðið/Vakri
1. Verðlaunahafar landsmótsins á
síðasta ári fylktu liði á glæstum
gæðingum.
2. Rosemarie í Geldingaholti og
lærisveinar hennar sýndu fimleika
á hesti í taumhring við góðar und-
irtektir.
3. Pollarnir fylktu liði í einu atriði
og voru margir að stíga sín fyrstu
skref í sýningarmennsku og vafa-
laust ekki þau síðustu.
4. Tangó og Daníel Ingi slógu enn
og aftur í gegn og setti sá fyrr-
nefndi persónulegt met í hástökki.
5. Fjórir lærisveinar Kristins Há-
konarsonar lögðu fjóra, ekki á
skeið heldur á hliðina, og ein úr
hópnum, Linda Rún Pétursdóttir,
lagði sig á gæðing sinn.
6. Söngkonan unga og stórefnilega
Halldóra Friðjónsdóttir sýndi og
sannaði að árangur hennar í
söngvakeppni á Ítalíu var engin til-
viljun. Vakti vel fyllt og óvenju
þroskuð rödd hennar óskipta at-
hygli sýningargesta.
7. Hinir glæstu hvítu Lippizaners-
hestar spánska reiðskólans í Gusti
vekja ávallt mikla athygli og á því
var engin breyting nú.
Hinir ungu sýningargestir fóru ekki bónleiðir
til búðar frekar en fyrri daginn á sýningunni
Æskan og hesturinn í Reiðhöllinni um helgina.
Valdimar Kristinsson var einn þeirra fimm
þúsund manna sem börðu augum þessa vel
heppnuðu sýningu.
1
2
3
4 5
6
7
HESTAR
MORGUNBLAÐIÐ ÞRIÐJUDAGUR 11. MARS 2003 37
Reiðfatnaður
Náttúrulegur lífsstíll
FREMSTIR FYRIR GÆÐI