Morgunblaðið - 11.03.2003, Blaðsíða 20
SUÐURNES
20 ÞRIÐJUDAGUR 11. MARS 2003 MORGUNBLAÐIÐ
Heilsársbústaðir frá Norður-Noregi
Að láta sig dreyma um sumarbústað er ljúft
Að láta drauminn rætast er hjá okkur
Bústaðir í
háum gæðaflokki.
Henta vel við
íslenskar aðstæður.
Fáið sendan bækling.
„ÞAÐ hefur verið jöfn og góð veiði á
línuna allan ársins hring í mörg ár.
Segja má að það hafi varla klikkað
túr hjá bátunum í heilan áratug,“
segir Pétur H. Pálsson, fram-
kvæmdastjóri Vísis hf. í Grindavík.
Hann segir góð aflabrögð ekki þurfa
að koma á óvart, enda í samræmi við
það sem fiskifræðingar hafi lengi
haldið fram.
Vísir hf. gerir út sjö línubáta og
segir Pétur að hver bátur sé búinn að
fá 1.200 til 1.500 tonn það sem af er
fiskveiðiárinu og meðalafli á dag sé
um 10 tonn.
„Aflabrögðin eru í samræmi við
það sem fiskifræðingar Hafrann-
sóknastofnunarinnar hafa haldið
fram. Það er að koma upp mikið af
millistórum og smáum fiski en hins
vegar vantar stóra fiskinn. Þá hefur
ýsuveiðin verið mjög góð að undan-
förnu og það er sömuleiðis í takt við
útreikinga Hafrannsóknastofnunar-
innar. Aflabrögðin eru þannig meira
samkvæmt fiskifræðinni en margir
vilja vera láta.“
Vísir rekur fjórar fiskvinnslur,
eina í hverjum landsfjórðungi; í
Grindavík, á Þingeyri, á Húsavík og á
Djúpavogi. Fyrirtækið vinnur þorsk,
keilu, löngu og blálöngu í blautsöltun,
bæði í flök og flattan fisk, ásamt
frystum steinbít. Þá vinnur fyrirtæk-
ið einnig ýmsar aukaafurðir, s.s gell-
ur, lundir, þorskfés, sundmaga, salt-
marning og þurrkaða þorskhausa.
Um og yfir helmingur af ársafla
Vísisbátanna sjö er jafnan þorskur og
segir Pétur að nú stefni í að fjórð-
ungur aflans verði ýsa, bátarnir hafi
veitt vel á þriðja þúsund tonn af ýsu á
fiskveiðiárinu.
„Við höfum yfir góðum aflaheim-
ildum að ráða og höfum því ekki þurft
að halda aftur af bátunum, með því að
skammta á þá vikuafla. Aflabrögðin
hafa hins vegar verið þannig upp á
síðkastið að við erum að byrja að taka
í taumana, nú þegar fiskveiðiárið er
ríflega hálfnað. Það hefur þó dregið
nokkuð úr ýsuveiðinni að undanförnu
og við förum að beita einhverjum
bátanna í steinbít. Bátarnir eru á
þeim miðum þar sem veiðivonin er
best hverju sinni. Þeir hafa síðustu
vikurnar einkum verið að veiðum
vestur af landinu en þegar loðnan
gengur yfir svæðið, dettur línuaflinn
alveg niður og þá róa bátarnir á önn-
ur mið þar sem ekki er loðna eða færa
sig dýpra,“ segir Pétur.
Línufiskur er mjög víða eftirsóttur vegna afburðagæða. Mest af fram-
leiðslu Vísis fer á markaði á Spáni, Ítalíu og Grikklandi.
Morgunblaðið/Golli
Það er nóg að gera hjá fiskvinnslu Vísis hf. í Grindavík þessa dagana, enda
hafa aflabrögð línubáta félagsins verið með eindæmum góð.
Aflabrögð línubátanna hafa verið jöfn og góð árið um kring í mörg ár
„Varla klikk-
að túr í tíu ár“
Grindavík
ÁRNI Hinrik Hjartarson, 32 ára
viðskiptafræðingur, hefur verið
ráðinn í nýja stöðu fjármálaráð-
gjafa við fjármála- og rekstrarsvið
Reykjanesbæjar.
Árni hefur nýlokið framhalds-
námi í viðskiptafræði frá Við-
skiptaháskólanum í Árósum í Dan-
mörku. Að því er fram kemur á
heimasíðu Reykjanesbæjar verða
helstu verkefni hans að aðstoða
stjórnendur við fjárhags- og
rekstraráætlanagerð og fylgja
henni eftir. Hann verður yfir-
mönnum stofnana og fyrirtækja
Reykjanesbæjar innan handar
vegna allra innkaupa, hvort heldur
um er að ræða sameiginleg inn-
kaup eða útboð. Þá er gert ráð fyr-
ir að fjármálaráðgjafinn verði leið-
andi í vinnu við BSC-kerfi
Reykjanesbæjar, en það er árang-
ursmælikvarðakerfi sem verið er
að taka í notkun. Fjármálaráðgjafi
verður staðgengill framkvæmda-
stjóra fjármála og rekstrarsviðs.
Árni útskrifaðist sem stúdent
frá Fjölbrautaskóla Suðurnesja ár-
ið 1993. Kona hans er Kolbrún
Björk Sveinsdóttir sjúkraliði og
eiga þau tvo syni.
Ráðinn í
nýja stöðu
fjármála-
ráðgjafa
Reykjanesbær
LANDSSÍMINN hefur fært Björg-
unarsveitinni Suðurnesjum í
Reykjanesbæ að gjöf símabúnað til
að bæta samskipti björgunarsveitar-
manna. Gunnar Stefánsson, formað-
ur sveitarinnar, segir að gjöfin og
ráðstafanir sem henni fylgja hafi
mikinn sparnað í för með sér.
Síminn færði björgunarsveitinni
fimm GSM-síma og tilheyrandi bún-
að í fjóra bíla sveitarinnar og bát
hennar. Einnig ADSL-tengibúnað í
björgunarsveitarhúsið til þess að
auðvelda og tryggja útkall björgun-
arsveitarinnar. Jafnframt úthlutaði
Síminn félögum í björgunarsveitinni
símanúmerum í röð þannig að þeir
geta nýtt sér hópáskrift hjá Síman-
um. Geta því björgunarsveitarmenn
hringt án endurgjalds sín á milli og
milli bíla og báts og húss sveitarinn-
ar.
Jón Halldór Eðvaldsson, við-
skiptastjóri Landssímans á Reykja-
nesi, segir að með þessu vilji Síminn
leggja sitt af mörkum til að auðvelda
björgunarsveitinni störfin.
Síminn styrk-
ir Björgun-
arsveitina
Suðurnes
Reykjanesbær
Gunnar Stefánsson tekur við gjöfinni úr hendi Heiðrúnar Jónsdóttur, for-
stöðumanns upplýsinga- og kynningardeildar Símans.
Ljósmynd/Hilmar Bragi
SLÖKKVILIÐSMENN á flug-
völlum landsins voru á þriggja
daga námskeiði á Keflavík-
urflugvelli á dögunum og fóru
síðan á fimm daga námskeið á
Arlanda-flugvelli í Svíþjóð.
Námskeiðin eru skipulögð í
samstarfi Flugmálastjórnar Ís-
lands, slökkviliðsins á Keflavík-
urflugvelli og skóla slökkviliðs-
manna Flugmálastjórnar
Svíþjóðar. Þátttakendur á nám-
skeiðinu sem haldið var á Kefla-
víkurflugvelli í vikunni eru frá
slökkviliðunum á Keflavík-
urflugvelli, höfuðborgarsvæðinu
og Akureyri.
Samkvæmt upplýsingum Hall-
dórs Vilhjálmssonar, þjálf-
unarstjóra slökkviliðsins á Kefla-
víkurflugvelli, reyndist mikill
áhugi fyrir námskeiðinu og segir
að bundnar séu vonir við að fleiri
sérhæfð námskeið af þessu tagi
verði haldin í framtíðinni.
Slökkvi-
liðsmenn
flugvalla
læra meira
Keflavíkurflugvöllur
Gestirnir á námskeiðinu virtust ánægðir með sérmerktar diskaþurrkur
sem Haraldur Stefánsson slökkviliðsstjóri afhenti þeim í þakklætisskyni
fyrir framlagið. Frá vinstri: Haukur Hauksson, framkvæmdastjóri hjá
Flugmálastjórn, Bengt Parliden skólastjóri, Lars Erlandsson yfirkennari,
Björn Karlsson brunamálastjóri, Árni Birgisson, forstöðumaður hjá Flug-
málastjórn, og Haraldur Stefánsson er lengst til hægri.
SKIPULAGSSTOFNUN hefur til
athugunar skýrslu um mat á um-
hverfisáhrifum nýs skipulags við
förgun sorps á Suðurnesjum, þar á
meðal með byggingu nýrrar sorp-
brennslustöðvar í Helguvík. Fram-
kvæmdin er talin hafa óveruleg nei-
kvæð áhrif á umhverfið og vera
verulegt skref fram á við.
Umhverfismatið tekur til förgunar
sorps á Suðurnesjum í heild, jafnt
fyrir sveitarfélögin á svæðinu og
varnarliðið á Keflavíkurflugvelli.
Byggð verður sorpbrennslu-, mót-
töku- og flokkunarstöð í Helguvík og
útbúinn nýr urðunarstaður fyrir ösku
og óbrennanlegt sorp á Stafnesi.
Loftmengun fylgir sorpbrennslu
en í skýrslunni eru leidd að því rök að
umhverfisáhrif vegna útblásturs
verði óveruleg. Sömuleiðis benda nið-
urstöður matsskýrslunnar til þess að
mengun grunnvatns vegna hins nýja
urðunarstaðar á Stafnesi valdi ekki
umtalsverðum umhverfisáhrifum.
Gert er ráð fyrir eftirliti með báðum
þessum þáttum, það er að segja út-
blæstri frá brennslustöðinni og
grunnvatni og lífríki við urðunarstað-
inn.
Frestur til að gera
athugasemdir
Niðurstaða matsskýrslunnar í
heild, eins og henni er lýst í frétta-
tilkynningu frá Skipulagsstofnun,
sýnir að framkvæmdin hafi óveruleg
neikvæð áhrif á umhverfið og sé veru-
legt skref fram á við, við núverandi
aðstæður.
Matsskýrslan liggur frammi til
skoðunar á bæjarskrifstofum og
bókasafni Reykjanesbæjar og á
heimasíðu Sorpeyðingarstöðvar Suð-
urnesja, www.sss.is/ss. Frestur til að
skila skriflegum athugasemdum til
Skipulagsstofnunar rennur út 11.
apríl næstkomandi.
Mat á skipulagi sorpförgunar
Óveruleg neikvæð
umhverfisáhrif
Helguvík/Stafnes