Morgunblaðið - 11.03.2003, Blaðsíða 6

FRÉTTIR
6 ÞRIÐJUDAGUR 11. MARS 2003 MORGUNBLAÐIÐ
„MENNIRNIR eru fundnir. Ég end-
urtek mennirnir eru fundnir heilir á
húfi. Verkefninu er lokið.“ Svona
hljómaði tilkynning sem barst leit-
armönnum á Langjökli klukkan
11.30 í gærmorgun, tæpum sólar-
hring eftir að vélsleðamennirnir
Knútur Hreinsson og Jón Bjarni
Hermannsson urðu viðskila við sam-
ferðamenn sína. Leitin var ein um-
fangsmesta leitaraðgerð björg-
unarsveita Slysavarnafélagsins
Landsbjargar á þessum vetri, en alls
tóku 236 björgunarsveitarmenn þátt
í leitinni á 38 jeppum, 76 vélsleðum
og 10 snjóbílum. Þá leituðu þyrla
Landhelgisgæslunnar og flugvél
Flugmálastjórnar einnig.
Þegar Morgunblaðið kom í Þjófa-
krók, þaðan sem ekið er upp á jökul-
inn úr vestri, stuttu áður en Jón
Bjarni og Knútur fundust, voru þar
samankomnir björgunarsveit-
armenn og hundar sem biðu eftir að
vera kallaðir upp á jökul. „Við höf-
um í rauninni ekkert að gera upp á
jökul fyrr en við höfum einhvern
punkt til að leita út frá,“ segir Elín
Bergsdóttir, formaður Björg-
unarhundasveitar Íslands, en fimm
hundar voru til taks ef vélsleði
mannanna fyndist yfirgefinn. Þá
hefðu hundarnir getað rakið slóð
vélsleðamannanna. Nístingsfrost er
á jöklinum, en Elín segir að hund-
arnir þoli vel kuldann. „Það er ekki
nema 14 stiga frost. Það voru 20
gráður í síðasta útkalli, það var í það
kaldasta,“ segir hún.
Inni í skálanum í Þjófakrók er
boðið upp á heita súpu, sem yljar
köldum og þreyttum björg-
unarsveitarmönnum, sem sumir
hverjir hafa staðið vaktina í yfir 20
tíma. Einn þeirra, Jakob Guðmunds-
son, Björgunarsveitinni Brák í Borg-
arnesi, var kallaður út klukkan 15 á
sunnudag og hafði leitað alla nóttina
á jeppa ásamt félögum sínum án
nokkurrar hvíldar. Höfðu þeir fé-
lagar leitað stanslaust síðan þá, en
Jakob sagðist þó ekkert vera þreytt-
ur.
Komnir yfir þreytuna
„Nei, það er ekki komið að því enn
þá, við erum komnir yfir þreytuna
og svo hrynjum við væntanlega nið-
ur þegar við komum heim. Við höfð-
um nesti með okkur og það fór vel
um okkur svo það er ekki hægt að
vorkenna okkur,“ segir Jakob.
Segir hann að veðrið hafi verið
brjálað þegar þeir komu upp á jökul-
inn. „Það skóf svo mikið af jöklinum,
það var ekkert skyggni og við sáum
varla á milli bílanna,“ Jakob segir að
skyggnið hafi verið innan við tíu
metra, en um nóttina leituðu þeir á
svæðinu í kringum Þursaborgir og
urðu að aka eftir GPS-staðsetning-
artæki. „Við lögðum virkilega allt á
okkur til að finna mennina sem
fyrst, það var ekki hugsað um neitt
mikið annað en að klára þetta,“ seg-
ir Jakob. Segist hann hafa orðið
mjög glaður þegar hann heyrði að
mennirnir væru fundnir.
„Ekki hugsað um neitt
annað en að klára þetta“
Morgunblaðið/RAX
236 björgunarsveitarmenn tóku þátt í leitinni á 38 jeppum, 76 vélsleðum og 10 snjóbílum.
Á þriðja hundrað björgunarsveitarmanna tók þátt í einni umfangsmestu leit vetrarins
Morgunblaðið/RAX
Björgunarmennirnir Jakob Guðmundsson, Pétur Guðmundsson og Jón
Heiðar Hannesson gæða sér á súpu eftir að hafa staðið vaktina í tæpan sól-
arhring. „Við erum komnir yfir þreytuna og svo hrynjum við væntanlega
niður þegar við komum heim,“ segir Jakob.
Morgunblaðið/Brynjar Gauti
Bíll Hjálparsveitar skáta í Reykjavík á leið niður af jöklinum í Þjófakrók eftir að leit lauk.


 !"!"#%+% %++
1!<!"*/7$"!""!
# 
7$!$+5$$


**!<
*C+ /!1"# !+20+
!

*!!<$#7<



#%+2+%$$@








 


 

 
(@1%


  
  

  
    4
<
<
!+

/$+$/

/51<+

$
D#%+% %$0!
1+# D/<1%!
E/7$!!$
*!!<


   ÁHÖFN á TF-LÍF, þyrlu Land-
helgisgæslunnar, mun hafa flogið
tvisvar sinnum yfir staðinn sem
Knútur og Jón Bjarni hírðust á, en
kom ekki auga á þá fyrir skafrenn-
ingi á jöklinum.
Þyrlan hélt í leitarflugið frá
Reykjavík skömmu fyrir kl. 8 í
gærmorgun og leitaði í á fjórðu
klukkstund áður en hún yfirgaf
svæðið til að taka eldsneyti. Í milli-
tíðinni fundust félagarnir og fór
þyrlan þá aftur af stað og sótti þá
beint í Þjófakrók. Að sögn Jakobs
Ólafssonar, flugstjóra TF-LÍF, út-
bjuggu leitarmenn á jökli vel
merktan lendingarstað af mikill
fagmennsku sem var til mikillar
hjálpar. Hann segir aðstæður hafa
verið góðar fyrir flugáhöfnina, þar
sem flogið var ofan við hvassviðri
og skafrenning en á jörðu niðri
hafi veðrið óhjákvæmilega spillt
skyggninu.
Sáust ekki úr lofti
vegna skafrennings
„OKKUR var gríðarlega létt við
að sjá þá. Þetta er toppurinn á
þessu, það er mikil gleði að finna
menn heila á húfi. Það er það
sem gefur þessu starfi gildi,“
segir Böðvar Finnbogason í
Flugbjörgunarsveitinni í
Varmahlíð, einn fimm björgun-
arsveitarmanna sem komu
fyrstir að mönnunum tveimur
sem fundust rétt fyrir hádegi í
gær, eftir að þeirra hafði verið
saknað í rúman sólarhring.
Mennirnir fundust skammt
frá Fögruhlíð, norðan megin í
Langjökli, ekki langt frá Þjófa-
dölum. „Þegar við komum í Jök-
ulkrók sáum við mann rísa upp
úr snjóhúsi og veifa okkur,“ seg-
ir Böðvar. Hann segir að menn-
irnir hafi verið í ótrúlega góðu
ásigkomulagi. „Annar þeirra var
alveg þurr og bar sig mjög vel,
en hinn félaginn var blautur og
var byrjaður að kólna, en þeir
báru sig mjög vel. Þeir höfðu
grafið sér gott snjóhús þarna
með nestisboxunum sínum,“
segir Böðvar.
Böðvar segir að mennirnir
hafi fyrst beðið um tíma á jökl-
inum þar sem þeir vonuðust til
að félagar þeirra sem þeir voru á
ferð með fyndu þá. Síðan hafi
þeir, að sögn Böðvars, ákveðið
að fara niður af jöklinum þar
sem vélsleði mannanna gekk illa
auk þess sem veðrið var mjög
slæmt og harðfenni of mikið til
að byggja snjóhús á jöklinum,
sérstaklega þar sem mennirnir
voru ekki með skóflur.
Breiddu svefnpoka
yfir snjóhúsið
„Þarna niðri var mikið mýkri
snjór, betri og auðveldara að
grafa. Þeir voru með svefnpoka
með sér og náðu að breiða hann
yfir snjóhúsið til að það fennti
ekki inn í það og voru með eitt-
hvað af nesti með sér líka. Vistin
var nú held ég ekki afleit miðað
við hvernig komið var fyrir
þeim,“ segir Böðvar.
Hann segir að mennirnir hafi
orðið mjög glaðir þegar björg-
unarsveitarmennirnir, sem voru
úr Varmahlíð og frá Björgunar-
sveitinni Gretti á Hofsósi, birt-
ust. „Þeir sögðust hafa heyrt í
tækjum, en ekki séð nein tæki til
að geta gert vart við sig. Þeir
héldu fyrir í snjóhúsinu, annar
var það blautur og var töluverð-
ur vindur og vindkæling þannig
að það var best fyrir þá að vera
bara niðri í snjóhúsinu,“ segir
Böðvar.
„Mikil gleði
að finna
menn heila
á húfi“