Morgunblaðið - 15.03.2003, Page 49

BRÉF TIL BLAÐSINS
MORGUNBLAÐIÐ LAUGARDAGUR 15. MARS 2003 49
SÆLL aftur, nafni í „neðra“. Enn
og aftur hefur þér tekist það. Að
sýna hvers vegna þögn okkar hér á
Austurlandi sem viljum verja land
okkar gegn mestu náttúruspjöllum
af manna völdum í sögu Íslands er
svona áberandi, og nota bara til
þess fá orð. Nánast eins og það
standi svona einhvern veginn frek-
ar á milli línanna. Eins og í þínu
fyrra bréfi, það er rétt, þú sagðir
aldrei „ég fyrirlít“ en bréf þitt
hrópaði það samt hátt og skýrt.
Annars ætlaði ég mér ekki að
skrifa annað bréf en þar sem þú
biður mig að sanna að Kárahnjúka-
virkjun sé mestu náttúruspjöll af
manna völdum í sögunni, þá á ég
auðvitað við í sögu Íslands. Hvet ég
þig til að kynna þér málið og engin
leið er framhjá því að þetta sé hin
napra niðurstaða. Ég vil líka leyfa
mér að benda á þær þjáningar sem
framkvæmdin mun valda Hér-
aðsbúum m.a. með leirfoki yfir
byggð, staðreynd sem ekki verður
hrakin.
Hálendi Austurlands er ekki
einkaeign þess hluta þjóðarinnar
sem býr á okkar svæði. Það að
eyðileggja þessar gersemar er eng-
inn sjálfsagður réttur Austfirðinga.
Þótt Austfirðir yrðu mannlausir
eins og þú getur þér til um, verði
ekki af virkjun og álveri, ylli það
nú ekki spjöllum á náttúrunni.
Það er rétt að ömurlegt er að
hafa ekki vinnu, en mér er spurn
hvort þeir sem ætla sér að vinna í
álverinu séu þeir sömu og ekki vilja
störfin í fiskiðnaðinum. Þar þarf að
manna stöðurnar að miklu leyti
með erlendu vinnuafli eins og við
vitum. Og Impreglio hefur lýst því
yfir að þeir muni koma með sinn
eigin mannskap, rúmenska verka-
menn í miklum meirihluta. Ég sé
ekki alveg hvað er í þessu fyrir
okkur. Ef tekið væri aðeins brot af
því fé sem Kárahnjúkavirkjun
kostar mætti skapa ný störf sem
hefðu ekki þennan geigvænlega
fórnarkostnað í för.
Væntingar þeirra sem halda að
Kárahnjúkavirkjun hafi í för með
sér betri tíð með blómlegu mannlífi
á Austurlandi eru algerlega óraun-
hæfar. Áhrif svona skyndiinnspýt-
ingar af erlendu farandverkafólki í
lítil samfélög eru afar slæm sam-
kvæmt reynslu annarra Norður-
landa.
Sú hætta sem steðjar að hvað
þetta varðar hefur enga umfjöllun
fengið, en ekki skal þó farið út í
það hér því það er efni í heila
greinargerð út af fyrir sig.
Svo þakka ég þér kaffiboðið á
laugardag á Reyðarfirði, en ég kem
ekki. Jarðarfarir gera mig dapra.
En þig bið ég vel að lifa.
GRÉTA ÓSK
SIGURÐARDÓTTIR,
Vaði, Skriðdal.
Annað
„letters“
bréf
Frá Grétu Ósk
Sigurðardóttur
ÞRIÐJUDAGINN 4. mars kl. ca.
15:25 lenti Fi 205 á Keflavíkurflug-
velli með mig innanborðs.
Allt gekk sinn vanagang til að
byrja með, en þegar ég var að fara
í gegnum græna hliðið lenti ég í
„random“ úrtaki hjá fíkniefnalög-
reglunni. Þeir voru tveir og skoð-
uðu allan minn farangur mjög
gaumgæfilega og voru að því til kl.
ca. 17:00.
Ég vissi að vinur minn hafði tek-
ið sér frí frá vinnu í Reykjavík til
að sækja mig á flugvöllinn og ég
vissi að hann beið fyrir utan græna
hliðið.
Ég bað fíkniefnalögreglumennina
í tvígang að gefa mér leyfi til að
láta vin minn vita af mér á einhvern
hátt, en það var ekki við það kom-
andi, ég átti bara að sitja á stólnum
í herberginu.
Ég tek það skýrt fram að menn-
irnir voru mjög almennilegir við
mig að öðru leyti og ekkert út á þá
að setja.
Ég frétti síðar um kvöldið að vin-
ur minn beið fyrir utan til kl. 16:30,
þá fór hann í upplýsingabásinn og
þar var honum sagt að allir væru
komnir í gegn úr þessu flugi Fi-205
svo hann keyrði aftur til Reykjavík-
ur.
Þegar fíkniefnalögreglumennirnir
höfðu lokið sér af með mig og auð-
vitað ekkert fundið, því ég hata
fíkniefni, þá spurði ég annan þeirra
hvenær næsta flugrúta færi til
Reykjavíkur.
Hann sagði að það væri langt í
það. Klukkan var 17:00 og ég fór í
upplýsingabásinn og þar var mér
sagt að næsta flugrúta færi ca. kl.
22:00.
Leigubíll til Reykjavíkur kostar
9.000 krónur og ég átti ekki um
annað að velja. Ég ætla líka að
borga vini mínum 2.000 krónur upp
í bensínkostnað og vinnutap þó að
hann hafi farið fýluferð.
Ég er láglaunamaður og hver
þúsundkall skiptir mig máli. Mér
hefði þótt sæmandi fyrir yfirstjórn
fíkniefnalögreglunnar að koma mér
frítt til Reykjavíkur.
Af hverju gat starfsmaðurinn í
upplýsingum ekki gengið nokkra
metra til að athuga hvort einhver
væri í athugun þegar vinur minn
spurði hvort allir væru komnir í
gegn?
Af hverju var ekki hægt að koma
skilaboðum til vinar míns sem ég
vissi að beið fyrir utan?
Af hverju þarf að vera að búa til
vandamál í stað þess að leysa þau?
Ég vil fá svör við þessum spurn-
ingum frá þeim, sem setja þessar
reglur, á þessum sama vettvangi.
Mér þótti betra að gera þetta op-
inbert heldur en að hafa samband
beint, því ég er viss um að ég er
ekki sá eini sem hefur lent í svona
veseni.
Og þetta er hlutur sem þið þurfið
að taka til athugunar. Ef þið sem
stjórnið þessu hafið einhverja
sómatilfinningu þá vænti ég þess að
þið endurgreiðið mér þennan kostn-
að sem ég varð fyrir.
GÍSLI ÓSKARSSON,
Hæðargarði 19a,
Reykjavík.
Opið bréf til
fíkniefnalögreglunnar
Frá Gísla Óskarssyni
Í Séreignalífeyrissjóðnum eru fjölbreyttar fjárfestingarleiðir:
1. Séreignabók ber hæstu verðtryggðu vexti bankans hverju sinni, nú 6%.
Séreignabókin tryggir þér örugga ávöxtun og þú losnar við sveiflur
verðbréfamarkaðarins.
2. Ávöxtunarleiðir 1, 2 og 3, aldurstengd verðbréfasöfn þar sem hægt er að velja
um áhættu og vænta ávöxtun sem hentar mismunandi aldri.
Kostir þess að greiða 10% lágmarksiðgjald í Séreignalífeyrissjóðinn:
• Góð ávöxtun miðað við sambærilega sjóði samkeppnisaðila.
• Sameinar kosti samtryggingar- og séreignarsjóða.
• Hæsta hlutfall séreignar af öllum lífeyrissjóðum. Öll séreign erfist.
• Sveigjanlegir útborgunarmöguleikar.
• Ávallt hægt að sjá hreyfingar og stöðu í Heimilisbanka Búnaðarbankans
á Netinu.
Þeir sem eiga séreignasparnað hjá öðrum vörsluaðila geta fært hann til Búnaðar-
bankans og greiðir bankinn allan kostnað við flutninginn sem viðkomandi þyrfti
annars að greiða.
Nánari upplýsingar í síma 525-6060 og í útibúum Búnaðarbankans um land allt.
Séreignalífeyrissjóður Búnaðarbankans er öflugur
lífeyrissjóður sem hentar þeim sem hafa frjálst
val um aðild að lífeyrissjóði. Sjóðurinn hentar
einnig þeim sem vilja leggja fyrir í viðbótar-
lífeyrissparnað.
www.bi.is/lifeyrissjodur
F
í
t
o
n
/
S
Í
A