Morgunblaðið - 22.06.2003, Qupperneq 19

ast til að Íslendingar fái tækifæri til
að sjá Snjósýninguna á Listahátíð að
ári. „Þórunn Sigurðardóttir, fram-
kvæmdastjóri Listahátíðar, stendur í
samningaviðræðum um að fá Snjó-
sýninguna hingað til lands á Listahá-
tíð á næsta ári. Við vonum að af því
geti orðið.“
Húsgögn í grautinn
– Hvernig hefur ykkur gengið að
ná saman endum fjárhagslega með
þessum verkefnum í vetur?
„Ekki vel,“ viðurkennir Rosa.
„Okkur hefur ekki nægt að lifa spart
til að ná endum saman. Við höfum
þurft að selja frá okkur húsgögn til að
eiga í okkur og á. Svo hafa vinir okkar
verið okkur ákaflega hjálplegir. Núna
erum við að leita okkur að öðru leigu-
húsnæði í útjaðri borgarinnar. Með
því viljum við freista þess að lækka
leiguna og komast í meiri nálægð við
náttúruna,“ segir hún og hristir höf-
uðið þegar hún er spurð að því hvort
að þau eigi bíl. „Ef okkur tekst að
finna hentugt húsnæði vonumst við til
að geta fengið lán hjá fjölskyldunni
minni til að kaupa bíl til að komast til
og frá vinnu og svo erum við orðin of-
boðslega spennt fyrir því að fara að
ferðast um landið.“
– Hver er framtíðarsýn ykkar á Ís-
landi?
„Iceland var fyrsta samstarfsverk-
efni okkar Yuris úti í Hollandi. Eftir
þann gjörning fengum við fleiri tæki-
færi til að vinna saman. Draumur
okkar snýst í rauninni um að vinna
saman að einhverjum verkefnum á Ís-
landi. Yuri verður væntanlega með
einhvers konar dansuppfærslu á veg-
um Kramhússins í haust. Ég býst við
að ég komi að henni að einhverju
leyti. Smám saman vona ég svo að við
getum farið að færa okkur upp á
skaftið og helst að stofna einhvers
konar líkamstjáningarleikhús eða
leikhóp á Íslandi. Hver veit nema
okkur takist einhvern tíma að opna
okkar eigin jógastöð fyrir jóga, dans
og leiklist!“ segir Rosa dreymin á
svipinn.
Dýrmætar stundir í Alþjóðahúsi
Rosa viðurkennir að stundum hafi
hún fundið til einmanaleika á Íslandi.
„Sérstaklega þegar Yuri var í
Moskvu og Seoul. Á þeim tíma fór ég
að hitta aðrar erlendar mæður reglu-
lega niðri í Alþjóðahúsi á mánudög-
um. Núna hef ég reyndar ekki farið í
svolítinn tíma af því að mér hefur
fundist Dasha svo lítil. Ég er strax
farin að hlakka til að komast aftur
niður í Alþjóðahús í næstu viku. Fyrir
erlendar mæður með ung börn er
óneitanlega afar dýrmætt að fá tæki-
færi til að hitta aðrar konur í sömu
stöðu. Við fáum þarna tækifæri til að
veita hver annarri félagsskap og
stuðning og skiptast á upplýsingum
um ýmiss konar þjónustu.“
– Hafa Íslendingar verið áhuga-
samir um að kynnast rússneskri/hol-
lenskri menningu?
„Aðrir útlendingar hafa í rauninni
verið miklu áhugasamari um rúss-
neska menningu en Íslendingar,“
segir Yuri og Rosa tekur í svipaðan
streng. „Ég býst við að ein af ástæð-
unum fyrir því að Íslendingar eru
ekkert sérstaklega áhugasamir um
hollenska menningu sé að þeir haldi
að hún sé svo lík íslenskri menningu.
Ég var eini útlendingurinn í upptök-
um á sjónvarpsauglýsingu fyrir Eg-
ils-léttöl í vetur. Á meðan verið var að
taka upp auglýsinguna þurfti ég alltaf
annað slagið að vera að minna á að ég
þyrfti að fá fyrirmælin þýdd á ensku.
Ég virtist falla svo vel inn í hópinn að
stjórnendurnir voru fljótir að gleyma
því að ég væri útlendingur.“
Yuri segist þó ekki hafa lent í því
sama þegar hann lék í auglýsingu fyr-
ir Landssímann. „Ég býst við að ég sé
ekki alveg jafn Íslendingslegur að sjá
og Rosa.“
Duldir fordómar í Hollandi
Yuri og Rosa líta hvort á annað
þegar þau eru spurð að því hvort þau
hafi verið dugleg að kynnast Íslend-
ingum og íslenskri menningu. „Við
þekkjum þó nokkra Íslendinga. Aftur
á móti höfum við ekki verið alveg jafn
dugleg að kynna okkur íslenska
menningu. Við höfum heldur ekki allt-
af áttað okkur á svörunum þegar við
höfum spurt. Eru íslensku jólasvein-
arnir 9 eða 13?“ spyr Rosa og brosir
þegar henni finnst svarið dálítið loðið.
„Ég held að okkur eigi eftir að ganga
betur þegar við erum farin að tala dá-
lítið meiri íslensku. Við erum ekki bú-
in að fara á nein íslenskunámskeið því
að við vissum ekki í upphafi hvað við
myndum búa lengi á Íslandi og höfð-
um heldur enga peninga til að fara á
námskeið. Núna erum við ákveðin í að
búa áfram á Íslandi og ætlum að drífa
okkur á námskeið við fyrsta tæki-
færi.“
Yuri segist aldrei hafa orðið fyrir
kynþáttafordómum á Íslandi. „Ég hef
heldur aldrei upplifað dulda kyn-
þáttafordóma eins og ég kynntist í
Hollandi, þ.e. að litið væri á mig með
öðrum hætti af því að ég væri útlend-
ingur. Fyrir Hollendingum var ég í
fyrsta lagi útlendingur jafnvel þó að
ég talaði ágæta hollensku, svo leikari
og allt annað. Hollensku leikararnir
lágu heldur ekki á þeirri skoðun sinni
að ég myndi aldrei leika bitastæð
hlutverk eins og Hamlet á sviði í Hol-
landi af þeirri einföldu ástæðu að ég
væri útlendingur.“
Yuri og Rosa eru spurð að því hvað
þeim þyki helst miður í íslensku sam-
félagi. „Amerísk áhrif eru talsvert
meira áberandi á Íslandi en annars
staðar í Evrópu. Ég efast ekki um að
skiptar skoðanir séu á því hvort að
þessi áhrif séu af hinu góða eða ekki.
Ég er ekki hrifinn af þessum áhrifum,
kvikmyndunum, tískunni, mataræð-
inu, svo eitthvað sé nefnt. Íslendingar
ættu líka að huga betur að mataræði
sínu og borða minna af sykri og alls
kyns ruslfæði,“ segir Yuri. „Íslend-
ingar gleyma líka oft að drepa á kyrr-
stæðum bílum sínum,“ bætir Rosa
við. „Ég veit ekki af hverju Íslend-
ingar hegða sér stundum ótrúlega
ábyrgðarlaust gagnvart náttúrunni,“
heldur hún áfram. „Hugsanlega af því
að fólk gerir sér ekki grein fyrir því
hvað hún er dýrmæt – og viðkvæm.“
– Hvernig eru lífskjör almennings í
Rússlandi núna, Yuri?
„Rússar hafa verið að ganga í gegn-
um miklar efnahagslegar þrengingar.
Atvinnuleysi er áberandi og lífskjör
víðast hvar slæm. Móðir mín var
kennari og skólastjóri í áratugi í litla
þorpsskólanum í Úralfjöllum. Núna
er hún hætt að vinna og fær ellilífeyri
frá rússneska ríkinu. Greiðslan er
bara svo lág að hún dugir henni ekki
til framfærslu nema í örfáa daga í
hverjum mánuði. Ef hún ræktaði ekki
grænmeti í sínum eigin matjurtagarði
veit ég hreinlega ekki hvernig hún
drægi fram lífið. Engu að síður vil ég
trúa því að Rússland eigi eftir að rísa
aftur úr öskustónni einn góðan veð-
urdag. Rússland er ríkt af svo mörgu,
hefðum, reynslu og þekkingu, t.d. á
andlega sviðinu,“ segir Yuri alvarleg-
ur í bragði.
– Áttu systkini í Rússlandi?
„Já, einn bróður. Hann er yfirskóg-
arvörður í stórum skógi,“ svarar Yuri.
„Skógurinn er 8 sinnum stærri en allt
Holland,“ bætir Rosa við.
Hún segist eiga foreldra og tvær
systur í Hollandi. Hvað finnst þeim
um að hún búi á Íslandi? „Þeim finnst
Ísland alveg ótrúlega framandi land.“
– Hafa þau áhyggjur af ykkur hér?
„Já, hvort þau hafa,“ svarar Rosa
og brosir góðlátlega.
Morgunblaðið/Árni Torfason
Yuri og Rósa ætla að kynna orkujóga fyrir Íslendingum í sumar. En orkujógað er
ævaforn náttúruleg lækningaaðferð upprunnin í Rússlandi.
ago@mbl.is
Morgunblaðið/Golli
Rosa hefur einbeitt sér að uppeldi
Dasha og Léne undanfarnar vikur.
Samtök iðnaðarins boða til opins morgunverðarfundar þriðjudaginn
24. júní kl. 8:00 - 9:30 á Grand Hótel Reykjavík til að ræða hátt gengi
íslensku krónunnar.
Hátt gengi krónunnar, löngu áður en virkjunar- og stóriðjuframkvæmdir
eru komnar á fulla ferð, kemur á óvart. Ljóst er að iðnaðinum og öðrum
samkeppnisgreinum er ógnað ef ruðningsáhrif af völdum þeirra framkvæmda
verða ráðandi í efnahagslífinu næstu fjögur til fimm árin.
Á fundinum verður leitast við að svara eftirfarandi spurningum:
Hvað skýrir hækkun gengisins?
Hafa fjárfestar ofmetið áhrif
stóriðjuframkvæmda á gengið?
Hversu mikil neikvæð áhrif getur
langvarandi hátt raungengi
haft á útflutning og hagvöxt?
Hvað er til ráða í efnahagsstjórninni
til að hafa áhrif á lækkun gengisins?
Frummælendur eru:
- Þorsteinn Þorgeirsson, hagfræðingur SI
- Bolli Þór Bollason, forstöðumaður Efnahagsskrifstofu fjármálaráðuneytisins
- Már Guðmundsson, aðalhagfræðingur Seðlabanka Íslands
- Edda Rós Karlsdóttir, forstöðumaður Greiningardeildar Landsbanka Íslands
Fundarstjóri:
Sveinn Hannesson, framkvæmdastjóri SI
Fundurinn er öllum opinn.
Hátt gengi krónunnar:
Hvað er til ráða?
MORGUNBLAÐIÐ SUNNUDAGUR 22. JÚNÍ 2003 19
Hlí›asmára 15 • Sími 535 2100
haust
kr.
á mann
kr.
á mann
Frábærar
haustfer›ir til
Portúgals á
einstöku ver›i.
í
Portúgal
44
.9
00
39
.9
00
V
er
›
fr
á
V
er
›
fr
á
16
.,
2
3
og
3
0.
s
ep
te
m
be
r
7.
,
14
.
og
2
1.
o
kt
ób
er
Komdu me›
til Portúgals
og njóttu lífsins
me› Plúsfer›um
í Albufeira.
Sólríkt
Innifalið: Flug, gisting í eina
viku í stúdíói á Sol Doiro
og allir flugvallarskattar.