Morgunblaðið - 22.06.2003, Qupperneq 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 22. JÚNÍ 2003 VERÐ Í LAUSASÖLU 190 KR. MEÐ VSK.
ÍBÚAR á Austfjörðum eru orðnir
lúnir á þoku og rigningu dag eftir
dag, en víða á fjörðunum hefur ekki
sést til sólar í þrjár vikur eða þar um
bil. Í dag er gert ráð fyrir svölu
hægviðri eða hafgolu og skýjuðu við
austurströndina.
„Það er varla hægt að segja að
sést hafi í bláan díl á himni síðustu
vikurnar,“ sagði Bjarni Björnsson á
Fáskrúðsfirði í samtali við veðurvita
Morgunblaðsins. „Það hefur verið
skýjað og afskaplega vætusamt
hérna með fjörðum og suma daga og
nætur ansi dimm þoka. Samt alls
ekki kalt eins og oft verður kannski í
austan- og norðaustanátt, langt í
frá. Núna er norðaustan þræsa og
rigningarhraglandi með og það er
að heyra á tali manna að þeir séu að
verða hálfþreyttir á veðurlaginu.“
Hræðilegt að vinna inni í ein-
muna fallegu og góðu veðri
Bjarni segir að samkvæmt dag-
bókinni sinni sjái hann að oft hafi
verið rigning á þessum tíma und-
anfarin ár. „Við vonum að umskipti
verði þegar menn fara almennt að
hugsa um sumarfrí einhvern tímann
undir miðjan júlí. Spá er það nú
ekki, en innst inni býr maður alltaf
við þessa von. Þetta er annars ekki
svo alslæmt, því það er alveg hræði-
legt að vera inni að vinna í einmuna
fallegu og góðu veðri, það fer eig-
inlega jafnilla með sálartetrið og
þetta blautviðri,“ sagði Bjarni að
endingu. Á Breiðdalsvík og Djúpa-
vogi sást óvænt til sólar á föstudag,
en ekki er útlit fyrir áframhald þar
á, þar sem spá fyrir komandi daga
bendir til norðaustlægrar áttar með
rigningu og súld.
Austfirðingar eru orðnir lúnir eftir margra vikna þokusudda
Norðaustan
þræsa og
rigningar-
hraglandi
Morgunblaðið/Helgi Garðarsson
Þormóður Eiríksson, fyrrum bóndi og sjómaður á Eskifirði, gáir til veðurs í þoku og sudda á föstudaginn.
Egilsstöðum. Morgunblaðið.
FÍKNIEFNABROTUM
fjölgaði um 9,1% milli áranna
2001 og 2002 og hafa þau aldr-
ei verið fleiri. Rúmlega þús-
und manns voru kærðir, lagt
var hald á meira hass og kók-
aín en áður og aðeins einu
sinni hefur verið lagt hald á
meira magn af amfetamíni.
Þetta er meðal þess sem kem-
ur fram í yfirliti ríkislögreglu-
stjóra um fíkniefnabrot árið
2002.
Fíkniefnabrotum fjölgaði úr
911 árið 2001 í 994 árið 2002,
eða 9,1% milli ára. Lagt var
hald á 57 kg af hassi, 1,8 kg af
kókaíni og 7,2 kg af amfeta-
míni. Minna náðist af e-töflum
en síðastliðin ár eða rúmlega
800. Mest næst af fíkniefnum
þar sem farið er inn og út úr
landinu, einkum á Keflavíkur-
flugvelli eða 95,5% af hassinu,
15,5% af amfetamíninu og
84,1% af kókaíninu. Um 2⁄3
hlutar af öllum fíkniefnamál-
um koma upp á höfuðborgar-
svæðinu.
Fíkni-
efnabrot
aldrei
fleiri
Yfirlit fyrir árið 2002
SANDSKAFRENNINGUR hefur
verið á þjóðveginum á Austurfjöll-
um á Mývatnsöræfum undanfarið,
einkum er sunnanáttir hafa ríkt og
Vegagerðin því sett upp skilti þar
sem ökumenn eru varaðir við.
Sveinn Runólfsson landgræðslu-
stjóri segir þetta ekki koma sér á
óvart þar sem mikil landeyðing eigi
sér stað á þessum slóðum. Hann
segir þetta eitt af verstu landsvæð-
unum hvað þetta snerti og ekki
bæti úr skák hve lítil úrkoma sé
þarna. Sveinn segir þetta ennfrem-
ur sýna að upplástur sé víðs fjarri
úr sögunni þó að umræða um þau
mál hafi lítt verið áberandi síðustu
misseri.
Alvanalegt var áður að sandskrið
gerði veg þungfæran um Austurfjöll
á meðan þar var aðeins lítt upp-
byggður malarvegur. Fyrir tveimur
sumrum var lagður varanlegur,
uppbyggður vegur um Fjöllin en
eftir sem áður veltur sandur sunnan
af Mývatnsöræfum norður yfir veg
og gerir umferð stórvarasama.
Hætta fyrir vegfarendur
Sveinn segir Landgræðslu ríkis-
ins hafa fengið ábendingar um
sandskafrenning á þjóðveginum
austan við Mývatnssveit. Ljóst sé
að sandfokið geti verið hættulegt
fyrir ökumenn.
Hann segir að þrátt fyrir mark-
visst samstarf bænda og sveitarfé-
laga um landbætur á ákveðnum
svæðum sé mikið verk óunnið, sem í
sumum tilvikum geti jafnvel tekið
nokkra mannsaldra að sigrast á.
Vegagerðin hefur
aðvarað ökumenn
Morgunblaðið/Birkir Fanndal
Landeyðing á Mývatnsöræfum heldur áfram og er farin að valda sand-
skafrenningi yfir þjóðveginn. Myndin er tekin á Háröndum við Búrfell á
Mývatnsöræfum þar sem er víða að sjá uppblásin og yfirgefin moldarbörð.
Mývatnssveit. Morgunblaðið.
Sandskafrenningur og landeyðing á Mývatnsöræfum
STARFSMAÐUR Náttúrustofu
Vesturlands rak augun í forvitnileg-
an grip við venjubundna könnun á
refagrenjum í Þjóðgarðinum Snæ-
fellsjökli nýlega. Reyndist gripurinn,
sem fannst við greni í ábúð, vera
gervihnattasendir. Eru allar líkur
taldar á því að hann sé einn af sex
sendum sem notaðir voru til þess að
merkja margæsir á Álftanesi í fyrra-
sumar.
Margæsir eru farfuglar sem
staldra við á Fróni í rúman mánuð á
vorin til að fita sig fyrir varp í íshafs-
eyjum Kanada. Þær koma síðan við
aftur á haustin og dvelja í tæpa tvo
mánuði áður en þær hverfa til Bret-
landseyja.
Guðmundur A. Guðmundsson hjá
Náttúrufræðistofnun segir að fyrir-
tækið sem framleiddi sendinn eigi
eftir að staðfesta að þetta sé réttur
sendir og af hvaða margæs hann
komi. „Engu að síður er nærbuxna-
teygjan, sem við notuðum til þess að
halda sendinum á margæsunum þeg-
ar þær fella fjaðrir, sterk vísbending
um að svo sé.
Við höfum verið að fylgjast með
ferðum þessara margæsa og komst
ein þeirra í fréttirnar þegar inúíta-
veiðimaður í Kanada skaut hana og
skilaði sendinum. Önnur margæsin
lenti á Írlandi eftir einhverja hrakn-
inga. Hinar gæsirnar fjórar skiluðu
sér aftur til Íslands og nú þekkjum
við afdrif þessarar, hún hefur lent í
skolti rebba. Nú hefur þannig þriðji
sendirinn fundist af sex og er það
frábær árangur og gott að fólk hefur
augun hjá sér.“
Guðmundur segir rannsóknina
hafa skilað miklu magni af áhuga-
verðum gögnum og sé þessi fundur
mikilvæg viðbót við þau gögn.
Gervihnattasendir
fannst við greni
Morgunblaðið/Ómar
Margæsir á flugi yfir Álftanesi.