Morgunblaðið - 24.06.2003, Blaðsíða 6

FRÉTTIR
6 ÞRIÐJUDAGUR 24. JÚNÍ 2003 MORGUNBLAÐIÐ
„VIÐRÆÐUR fulltrúa íslenskra
og bandarískra stjórnvalda um
framtíð varnarsamstarfs landanna
byggðust á bréfaskiptum Banda-
ríkjaforseta og forsætisráðherra
Íslands,“ sagði Marisa Lino, sem
fer fyrir bandarísku sendinefnd-
inni, að loknum fundi í utanrík-
isráðuneytinu við Rauðarárstíg á
hádegi í gær.
„Við skiptumst á skoðunum um
hvernig ætti að halda áfram sam-
vinnu okkar í varnarmálum en þó
alltaf með grundvallarskuldbind-
ingar okkar um varnir Íslands að
leiðarljósi,“ sagði Lino.
Gunnar Snorri Gunnarsson, for-
maður íslensku viðræðunefndar-
innar, sagði að næstu skref yrðu
ákveðin eftir samráð við forystu-
menn ríkisstjórnarinnar. „Þetta
voru gagnlegar og vinsamlegar
viðræður og við eigum eftir að fara
yfir það með forsætisráðherra og
utanríkisráðherra betur,“ sagði
hann, en vildi ekkert tjá sig um
efnisatriði fundarins.
Viðræðunefndirnar ræddust við í
þrjá og hálfan tíma undir forystu
Gunnars og Lino. Aðrir í íslensku
viðræðunefndinni voru Helgi
Ágústsson, sendiherra Íslands í
Bandaríkjunum, Atli Ásmundsson,
blaðafulltrúi utanríkisráðherra,
Sturla Sigurjónsson, skrifstofu-
stjóri varnarmálaskrifstofu, Arnór
Sigurjónsson, sendifulltrúi utan-
ríkisráðuneytisins, Matthías Geir
Pálsson, sendiráðsritari og Albert
Jónsson frá forsætisráðuneytinu.
Í bandarísku sendinefndinni
voru auk Lino James I. Gadsden,
sendiherra Bandaríkjanna á Ís-
landi, Walter Andrusyszyn frá
þjóðaröryggisráðinu, Ian Brzez-
inski, varaaðstoðarráðherra í
bandaríska varnarmálaráðuneyt-
inu, David Johnson, yfirmaður í
bandaríska flughernum og Thomas
Thompson, næstráðandi Varnar-
liðsins á Keflavíkurflugvelli. Aðrir
frá bandaríska sendiráðinu á Ís-
landi voru Doria Rosen og Lisa
Kierans og frá utanríkisráðuneyt-
inu J. Patrick Murray og dr. Mary-
ruth Coleman.
Komið hefur fram í máli Hall-
dórs Ásgrímssonar utanríkisráð-
herra að George W. Bush Banda-
ríkjaforseti hafi í bréfi til íslenskra
stjórnvalda lýst vilja til að ræða
breytt fyrirkomulag varnarmála á
Íslandi. Í viðtali við Morgunblaðið
6. júní sl. sagði utanríkisráðherra
að þær loftvarnir sem væru á Ís-
landi í dag væru lágmarksviðbún-
aður. Davíð Oddsson forsætisráð-
herra svaraði bréfi Bush 11. júní
sl. og lýsti afstöðu íslenskra stjórn-
valda.
„Við höfum í dag átt gagnleg
skoðanaskipti og munum nú ráðg-
ast við stjórnvöld okkar áður en
ákveðið verður hvernig haldið
verður áfram,“ sagði Lino. „Meira
ætla ég ekki að segja í bili. Við höf-
um átt gagnlegar viðræður og
hlökkum til að ákveða hvernig við
tökum upp þráðinn að nýju,“ bætti
hún við. Spurð um það hvenær
næsti fundur færi fram sagði Lino
að það hefði ekki verið ákveðið.
„Það er ekkert ákveðið með það.
Við sjáum bara til,“ sagði Gunnar
Snorri þegar hann var spurður um
næsta fund viðræðunefndanna.
Bíða yrði eftir að málið þróaðist
áfram til að vita hvor samningsað-
ilinn hefði frumkvæði að því að
boða næsta fund.
Viðræður um framtíð varnarsamstarfs Íslands og Bandaríkjanna hófust í gær
Varnarskuldbindingar
hafðar að leiðarljósi
Fulltrúar stjórnvalda í
Bandaríkjunum og á
Íslandi ræddu í gær
afstöðu ríkjanna til
umfangs Varnarliðsins á
Keflvíkurflugvelli.
Viðræðurnar voru sagð-
ar vinsamlegar en engin
niðurstaða fékkst.
Málið er nú á borði
forystumanna ríkis-
stjórnarinnar.
Morgunblaðið/Jim Smart
Í viðræðunefnd Bandaríkjanna voru m.a. James I. Gadsden, Marisa Lino, Walter Andrusyszyn og Ian Brzezinski.
Morgunblaðið/Júlíus
Gunnar Snorri Gunnarsson ráðu-
neytisstjóri fór fyrir íslensku
nefndinni á fundinum í gær.
KARL Sigurbjörnsson, biskup Ís-
lands, sagði í ræðu við setningu
prestastefnu í gær að kirkjan þyrfti
að taka breytingum til þess að
tryggja stöðu sína í samfélaginu.
Biskup ræddi um niðurstöður könn-
unar sem gerð hefur verið um við-
horf til kirkjunnar. Hann sagði þær
vera alvarlegar ábendingar um
stöðu kirkjunnar og að aðgerð-
arleysi gæti orðið banamein kirkj-
unnar.
Á dagkrá prestastefnu er m.a.
stefnumótun Þjóðkirkjunnar, end-
urskipulagning prestakalla og drög
að erindisbréfum presta og djákna.
Þátttaka leikmanna ónóg
Biskup ræddi um að þátttaka
leikmanna væri ónóg innan kirkj-
unnar og velti fyrir sér hvernig á
því stæði að fólki þætti messuhaldið
vera leiðinlegt. Hann varar þó við
því að of stór skref séu tekin í þá átt
að laga kirkjuhaldið eftir kröfum
samtímans og sagði að helgihaldið
ætti ekki að vera „skyndibiti eða
barnamauk“.Biskupinn ræddi einn-
ig um að mörgum virtist sem ekki
væri nægum hluta fjármagns kirkj-
unnar varið til innra starfs þar sem
viðhald og rekstur kirkjubygginga
útheimti mikla fjármuni.
Í ræðu sinni vék biskup einnig að
þeirri afstöðu sem ríkjandi virðist
til kirkjunnar í íslensku samfélagi.
Hann lýsti áhyggjum af því ekki
nema lítill hluti þjóðarinnar taki
virkan þátt í safnaðarstarfi og sæki
messur. Hann ræddi um að kirkjan
ætti að einbeita sér að því að líta á
þátttöku fólks í kirkjunni í þremur
stigum. Hið fyrsta væri að fólk teldi
sig tilheyra kirkjunni, annað að
fólk tryði á kennisetningar hennar,
og hið þriðja að breytni fólks væri í
samræmi við kristna trú og gild-
ismat. Hann lýsti áhyggjum sínum
af því að þótt á Íslandi væri mikil
trúfesti við hefðir kirkjunnar þá
áskildu menn sér „algjört frelsi
gagnvart trúarsetningum þeirra“.
Vettvangur stefnumótunar
Prestastefnunni er ætlað að vera
vettvangur fyrir stefnumótun ís-
lensku kirkjunnar. Biskup taldi upp
nokkrar af þeim spurningum sem
hann telur að svara þurfi. Meðal
þeirra er hvernig styrkja megi „sið-
gæðisuppeldi í ljósi þeirrar upp-
lausnar siðarins sem við blasi“,
hvernig kirkjan geti sýnt bæði
stefnufestu og sveigjanleika and-
spænis „fálmkenndri leit og sjálf-
dæmishyggju“, og einnig velti hann
fyrir sér hvernig kirkjan eigi að
mæta „framsókn íslam í hinni
gömlu, kristnu Evrópu“.
„Það er mjög mikill vöxtur í ísl-
am í Evrópu en kirkjan er að hopa.
Við þurfum að halda vöku okkar
gagnvart því. Ég vil minna á þessa
staðreynd að út frá trúariðkuninni;
í íslam fylla menn moskurnar á
hverjum föstudegi en kirkjurnar
standa hálftómar. Það er staðreynd
sem sker í augun í þessu gamla vígi
kristninnar sem Evrópa er. Þetta
ætti að vera okkur áminning um að
þessi iðkun skiptir máli. Trúin er
samfélagsmyndandi afl og það er
kristnin ekki í sama mæli nú og hún
ætti að vera," sagði biskup í samtali
við Morgunblaðið í gær.
Kirkjan tali máli samtímans
„Hún tekur á sig margvíslegar
myndir, af því að hún gengur inn í
menninguna og mótar hana innan
frá, og sjálfa sig um leið,“ sagði
biskup. Karl sagði í samtali við
Morgunblaðið að hann árétti að
boðberar kristni hafi ætíð lagt
mikla áherslu á að ganga inn í
menninguna eins og hún er á hverj-
um stað. „Hún tekur á sig mynd
umhverfisins. Biblían er þýdd á
tungumál fólksins. Það er nauðsyn-
legt fyrir kirkjuna að tala mál sam-
tímans,“ sagði biskup. Hann sagðist
síður en svo vera að draga úr íslam
en vildi undirstrika mikilvægi þess
að kirkjan samlagist menningunni
og geti komið skilaboðum sínum
áleiðis á þann veg að fólkið skildi
hann.
Óbreytt ástand
yrði banamein
kirkjunnar
Morgunblaðið/Björn Björnsson
Biskup Íslands, Karl Sigurbjörnsson, og Sigurður Sigurðarson vígslubiskup við upphaf prestastefnu í gær.
BORGARFULLTRÚAR, for-
menn fulltrúaráða og formenn
framsóknarfélaga í Reykjavík
héldu fund í gær. Miklar um-
ræður um málefni Reykjavík-
urlistans hafa orðið eftir yfir-
lýsingu Guðmundar Árna
Stefánssonar, þingmann Sam-
fylkingar, um að hann teldi að
Samfylkingin ætti að bjóða alls
staðar fram undir eigin merkj-
um í næstu sveitarstjórnar-
kosningum. Alfreð Þorsteins-
son, oddviti framsóknarmanna
í borgarstjórn, segir að þessi
mál hafi verið rædd á fundinum
í gær: „Það var ekki gerð nein
samþykkt á þessum fundi en
menn voru einhuga um að
halda Reykjavíkurlistasam-
starfinu áfram. Fundarmenn
lýstu yfir ánægju með störf
Reykjavíkurlistans og þá ekki
síður nýja borgarstjórans, Þór-
ólfs Árnasonar.“
Hann segir að jafnframt hafi
yfirlýsingarnar á flokksstjórn-
arfundi Samfylkingarinnar ver-
ið harmaðar. Alfreð segir að
hver flokkur hafi rétt til að
ákveða hvernig hann hagar sín-
um framboðsmálum en að þrjú
ár væru til næstu kosninga og
ótímabært að kveða upp úr með
framhaldið.
Borgarfulltrúar meirihlutans
hittust á fundi í gærmorgun til
þess að undirbúa borgarráðs-
fund sem haldinn verður í dag.
Þá verður haldinn fundur ann-
að kvöld þar sem borgarfulltrú-
ar Reykjavíkurlistans munu
fara yfir ýmis mál. Að sögn Al-
freðs er langt síðan að boðað
var til þess fundar.
Hann segir að á þessum
fundi gefist færi á að ræða ýmis
mál varðandi samstarfið. „Það
er ekki ólíklegt að þessi mál
sem hafa verið í umræðunni
undanfarna daga verði rædd
þar en borgarfulltrúar Reykja-
víkurlistans voru sammála um
það í morgun að taka ekki þátt í
frekari umræðum um þetta.
Þeir töldu að þetta væri að baki
og stefna bara á framtíðina.“
Einhugur
um R-lista-
samstarf