Morgunblaðið - 24.06.2003, Blaðsíða 19

Skógarhlíð 18, sími 595 1000. www.heimsferdir.is
Heimsferðir bjóða nú síðustu sætin til þessarar heillandi borgar á hreint
ótrúlegum kjörum. Þú bókar 2 sæti, en greiðir bara fyrir 1, og kemst til
einnar fegurstu borgar Ítalíu á hlægi-
legu verði. Að auki getur þú valið
um úrval hótela í hjarta Verona og
bílaleigubíla frá Avis á einstaklega
hagstæðu verði.
Munið Mastercard
ferðaávísunina
2 fyrir 1
Verona
2. júlí
frá kr. 19.950
Verð kr. 19.950
M.v. 2 fyrir 1.
Fargjald kr. 32.600/2 = 16.300.
Skattar, kr. 3.650.
Samtals kr. 19.950 á mann.
Úrval hótela í boði.
LANDIÐ
MORGUNBLAÐIÐ ÞRIÐJUDAGUR 24. JÚNÍ 2003 19
FYRIRTÆKIÐ Norður-Sigling ehf.
á Húsavík, sem stendur fyrir hvala-
skoðun, hefur tekið nýjasta bát sinn,
þann fjórða í flota fyrirtækisins, í
notkun. Bjössi Sör heitir hann og var
smíðaður í skipasmíðastöð KEA. Var
hann síðasti báturinn sem hleypt var
af stokkunum hjá þeirri skipasmíða-
stöð. Hann er 28 tonn að stærð og
var lengst af gerður út frá Eyjafirði
undir nöfnunum Sólrún og Nausta-
vík og þá m.a. til hrefnuveiða.
Bátinn keypti Norður-Sigling frá
Breiðdalsvík sl. sumar og eftir gagn-
gerar endurbætur fór báturinn í sín-
ar fyrstu ferðir á dögunum. Þá sigldi
hann með félaga úr Ferðafélagi Ak-
ureyrar út í Flatey á Skjálfanda og
síðar um daginn með erlenda ferða-
menn í hvalaskoðun. Báturinn er
nefndur eftir Sigurbirni Sörenssyni,
fyrsta skipstjóra fyrirtækisins, en
hann er faðir þeirra Árna og Harðar
sem stofnuðu það á sínum tíma.
Að sögn Heimis Harðarsonar hjá
Norður-Siglingu ehf. hefur sumarið
farið vel af stað hvað varðar farþega-
fjölda og greinilegt að markaðsstarf
fyrirtækisins er að skila árangri.
Hvað hvalagengd varðar þá hafa
höfrungar og hnúfubakar verið að
sýna sig síðustu daga. Hrefnugengd
á þessari fornfrægu hrefnuveiðislóð
hefur hins vegar verið með minna
móti og oft sem flotinn hefur þurft að
redda sér á einu til tveimur dýrum.
Heimir segir það því hljóma an-
kannalega að heyra talað um hrefnu-
veiðar á þessu svæði sem og öðrum.
„Hrefnuveiðar á Skjálfanda myndu
undir eins stúta þessum nýja og mik-
ilvæga atvinnuvegi okkar Húsvík-
inga, en í fyrra heimsóttu, að talið er,
yfir 80 þúsund manns bæinn, flestir í
tengslum við hvalaskoðun og hvala-
safnið,“ sagði Heimir að lokum.
Norður-Sigling tekur
fjórða bátinn í notkun
Morgunblaðið/Hafþór Hreiðarsson
Bjössi Sör leggur í hvalaskoðun á Skjálfanda en hann er fjórði hvalaskoðunarbátur fyrirtækisins.
Húsavík
FÉLAGSMIÐSTÖÐIN Ný–ung á
Egilsstöðum gekkst um helgina fyr-
ir svokölluðum Öðruvísi Ólympíu-
leikum á Vilhjálmsvelli. Nemendur
úr 8. til 10. bekk Egilsstaðaskóla
kepptu í fimm óvenjulegum grein-
um og hlaut sigurvegarinn, Þorleif-
ur Bóas Ragnarsson, flug og bíl
með flugfélaginu LTU til Düssel-
dorf í Þýskalandi að launum.
Greinarnar sem keppt var í voru
skutlukast, köngulóarhlaup, fris-
bee-kastkeppni, táblýantsspark og
mjaðmahnykkjabolti. Táblýants-
sparkið fór þannig fram að kepp-
endur tóku blýant milli tánna við
Morgunblaðið/Steinunn Ásmundsdóttir
Keppt var í nýstárlegri íþróttagrein, táblýantssparki, á Öðruvísi Ólympíu-
leikum á Vilhjálmsvelli um helgina. Sigurvegarinn, Þorleifur Bóas Ragn-
arsson, hlaut að launum ferð til Þýskalands með LTU.
Öðruvísi Ólympíuleikar
Egilsstaðir
Skutlukast og mjaðmahnykkjabolti
meðal keppnisgreina
rásmark og spörkuðu honum eins
langt og hægt var. Í mjaðm-
ahnykkjaboltanum var band bundið
um mjaðmir keppenda og bundið í
það vatnsflaska. Átti svo að láta
dinglandi flöskuna velta bolta til-
tekna vegalengd.
Þessi nýstárlega keppni var fjöl-
menn og reyndi mjög á almenna
hæfileika þátttakenda til að vera
skemmtilegir. Segir Þráinn Sig-
valdason, forstöðumaður Ný-ungar
og skipuleggjandi keppninnar,
greinarnar til þess ætlaðar að sem
flestir, óháð getu í venjubundnum
íþróttum, geti att kappi. Ætlunin er
að Öðruvísi Ólympíuleikar verði ár-
legur viðburður í framtíðinni.
SÝNING á 23 verkum Sigrúnar Sig-
urðardóttur listmálara sendur yfir á
Hótel Hellissandi til 29. júní. Mynd-
efnið er að mestu íslenskt landslag
víða að en þó aðallega frá Snæfells-
nesi.
Þetta er þriðja einkasýning Sig-
rúnar auk þess sem hún hefur tekið
þátt í samsýningum sem haldnar
hafa verið í félagsmiðstöðinni Hæð-
argarði. Sigrún er fædd og uppalin á
Hellissandi en flutti ung til Reykja-
víkur. Hún hefur ávallt haldið tryggð
við æskustöðvarnar og til staðfest-
ingar á því enn á ný færði hún grunn-
skólanum að gjöf þrjú málverk þar
sem myndefnið er sótt í Bárðarsögu
Snæfellsáss. Hópur gesta mætti við
opnun sýningarinnar á Hótel Hellis-
sandi og við það tækifæri afhenti
Sigrún skólastjóra skólans, Huldu
Skúladóttur, málverkin.
Morgunblaðið/Hrefna Magnúsdóttir
Málverkin sem Sigrún færði skólanum. Hulda t.v. og Sigrún t. h. við afhendinguna.
Hellissandur
Málverkasýning á Hótel Hellissandi
ANDRÉS Magnússon hefur gefið Brydebúð í Vík í
Mýrdal nákvæma eftirmynd af skipinu Skaftfellingi, til
minningar um foreldra sína, Steinunni K. Andrésdóttur
og Magnús Ingileifsson, og bræður sína tvo, Bergstein
og Óskar, en þeir drukknuðu báðir ungir.
Andrés handsmíðaði skipið og tók smíðin um hálft ár,
enda er þetta ótrúlega nákvæm smíði. Meira að segja
inni í skipinu eru allir hlutir eins og þeir voru þegar
skipið var í notkun. Andrés sagði að sér hefði þótt
Brydebúð góður staður fyrir skipið þar sem faðir hans
hefði verið 15 ár á skipinu og foreldrar hans bjuggu
stærstan hluta ævi sinnar í Vík. En í Brydebúð var ein-
mitt sett upp sýning fyrir tveimur árum sem fjallar um
sjósókn við erfiðar aðstæður og ströndina á söndunum í
nágrenni Víkur.
Stjórn safnsins veitti þessari höfðinglegu gjöf viðtöku
og sagði Anna Björnsdóttir, formaður stjórnar, að það
væri ómetanlegt fyrir safnið að fá slíkan grip til eignar.
Morgunblaðið/Jónas Erlendsson
Svava Gunnarsdóttir með afa sínum Andrési Magn-
ússyni við líkanið sem hann smíðaði af Skaftfellingi.
Skaftfellingur endurgerður
Fagridalur
Fyrirtæki • stofnanir • heimili
Hreinsum rimla-, viðar-, strimla-
og plíseruð gluggatjöld
Einnig sólarfilmur
Eru rimlagardínurnar óhreinar?
sími 897 3634
dgunnarsson@simnet.is