Morgunblaðið - 24.06.2003, Blaðsíða 29

MINNINGAR
MORGUNBLAÐIÐ ÞRIÐJUDAGUR 24. JÚNÍ 2003 29
✝ Guðrún Árnadótt-ir fæddist á Seyð-
isfirði 17. ágúst 1910.
Hún lést á Hrafnistu í
Hafnarfirði 15. júní
síðastliðinn. Foreldr-
ar hennar voru Jón-
ína Gunnhildur Frið-
finnsdóttir, f. 8.
september 1885, d.
28. desember 1969, og
Árni Stefánsson, f. 8.
júní 1874, d. 16. júní
1946. Þau hjónin
eignuðust 14 börn og
komust 11 þeirra til
fullorðinsára. Eftir
lifa fjögur, þau eru Stefán, Þórunn
Hekla, Ingólfur og Sigurbjörn.
Guðrún flutti með foreldrum sín-
um nokkurra ára gömul til Akur-
eyrar og ólst þar upp. Hún flutti
rúmlega tvítug til Reykjavíkur og
fór að læra nudd hjá Karli Jónssyni
nuddlækni.
Hinn 12. október 1942 giftist
Guðrún Eyjólfi Júlíusi Einarssyni
vélstjóra en hann var ekkjumaður
með þrjú börn. Börn
Eyjólfs eru Karl, f.
1935, Elín Björg, f.
1936, og Einar Ómar,
f. 1938. Guðrún gekk
þeim í móðurstað.
Fyrir átti Guðrún
soninn Árna Stefáns-
son Vilhjálmsson, f.
1937, en hann ólst
upp hjá móðursystur
sinni á Norðfirði.
Guðrún og Eyjólfur
áttu saman tvær dæt-
ur, Ásgerði Huldu, f.
1944, og Jónínu
Gunnhildi, f. 1945.
Guðrún helgaði sig uppeldi
barna sinna en fór seinna að vinna
hjá Björgvini Finnssyni nuddlækni
og vann þar til sjötugs. Eftir lát
Eyjólfs, en hann lést 18. ágúst
1986, hallaði undan fæti hjá henni.
Hún bjó á Hrafnistu í Hafnarfirði
síðustu árin.
Útför Guðrúnar verður gerð frá
Fossvogskirkju í dag og hefst at-
höfnin klukkan 13.30.
Að leiðarlokum langar okkur
tengdadæturnar til að minnast
elskulegrar tengdamóður okkar. All-
ar bjuggum við fyrstu hjúskaparár
okkar í kjallaranum í Miðtúni 17, en í
því húsi bjuggu þau Guðrún og Eyj-
ólfur allan sinn búskap eða í tæp 42
ár. Á undan okkur höfðu búið í kjall-
aranum foreldrar Eyjólfs, Einar og
Evfemía, ásamt fjölskyldu sinni. Því
má segja að þetta hafi verið sann-
kallað fjölskylduhús.
Sambýlið við þau hjón og þá ekki
síst Guðrúnu, þar sem Eyjólfur var
löngum á sjónum, var ákaflega gott.
Aldrei nein afskiptasemi, en ávallt
tilbúin með góð ráð, ef eftir var leit-
að, hvort sem beðið var um ráð við
matargerð eða handavinnu.
Hún hafði ung lært að taka til
hendinni þar sem hún var þriðja í
röðinni í stórum systkinahópi. Eftir
að hafa annast stórt heimili, að
mestu ein vegna fjarveru Eyjólfs,
hóf hún aftur störf árið 1959 við það
sem hún hafði lært og starfað við áð-
ur en hún gifti sig en þá hafði hún
lært sjúkranudd hjá Karli Jónssyni
lækni, Túngötu 3. Starfsvettvangur
hennar nú var hjá Björgvin Finns-
syni lækni á Laufásvegi 13.
Upphaflega átti þetta aðeins að
vera sumarafleysing en varði í rúm
20 ár.
Guðrún hafði mikið yndi af allri
list, hvort sem voru málverkasýning-
ar, leikhúsferðir eða aðrir listvið-
burðir. Þegar Guðrún varð 85 ára
fóru börn og tengdabörn með henni í
leikhús, og valdi hún sýninguna Jes-
us Christ Superstar. Hún var sú eina
sem ekki kvartaði undan hávaðan-
um, hafði samt góða heyrn.
Það var ótrúlegt hvað hún fylgdist
með því sem unga fólkið var að gera,
og aldrei vottaði fyrir hneykslunar-
tón. Hún gladdist yfir hverri utan-
landsferð, sem afkomendur hennar
fóru og hafði hún ómælda ánægju af
þeim ferðum sem hún fór sjálf, fyrst
á togurunum með Eyjólfi og svo
seinna þegar þau fóru að fara til
dóttur sinnar og fjölskyldu, sem býr
í Svíþjóð. Guðrún og Eyjólfur eign-
uðust snemma bíl og voru dugleg að
ferðast. Guðrún var mikill náttúru-
unnandi og notaði hún oft blóm og
annan gróður sem fyrirmynd að
þeirri handavinnu sem hún gerði en
það var bæði útsaumur og postulíns-
málun. Á sínum yngri árum átti hún
góðar vinkonur, sem hún ferðaðist
mikið með. Þær fóru meðal annars
inn í Þórsmörk þegar það var ekki
eins auðvelt og nú í dag. Guðrún var
alla tíð sérstaklega jákvæð, og jafn-
vel nú seinni árin eftir að heilsan fór
verulega að bila, var sama jákvæðnin
og þakklæti henni efst í huga. Hún
fylgdist alla tíð vel með því sem af-
komendur hennar voru að gera og
gladdist þegar vel gekk.
Að lokum viljum við, fyrir hönd
fjölskyldunnar, þakka starfsfólki á
Hrafnistu í Hafnarfirði, sem annað-
ist hana síðustu árin, frábæra
umönnun.
Með þakklæti í huga kveðjum við
kæra tengdamóður.
Helga, Bergþóra og Sigrún.
GUÐRÚN
ÁRNADÓTTIR
Sími 562 0200
Erfisdrykkjur
Minningarkort
Krabbameinsfélagsins
540 1990
krabb.is/minning
Móðir okkar, tengdamóðir, amma og
langamma,
VIGDÍS GUÐJÓNSDÓTTIR,
áður til heimilis í
Stórholti 28,
Reykjavík,
lést á Droplaugarstöðum að kvöldi laugar-
dagsins 21. júní.
Þórir Sigurbjörnsson, Ásta Lilja Jónsdóttir,
Auður Sigurbjörnsdóttir, Henrik Granfors,
Vigdís Þórisdóttir, Ingvar Grétarsson,
Kári Þórisson, Guðrún Rut Gunnlaugsdóttir,
Björn Johan Granfors, Lisa Carlgren,
Anna Vigdís Granfors, Sven Igerud
og barnabarnabörn.
Ástkær móðir okkar, tengdamóðir, amma og
langamma,
AÐALHEIÐUR HALLDÓRA
GUÐBJÖRNSDÓTTIR,
andaðist á Landspítalanum Fossvogi
föstudaginn 20. júní.
Útför hennar fer fram frá Fríkirkjunni í
Hafnarfirði fimmtudaginn 26. júní kl. 15.00.
Oddný Lína Sigurvinsdóttir,
Guðbjörn Magnús Sigurvinsson, Þórunn Einarsdóttir,
Viktor Jón Sigurvinsson, Ólína Sverrisdóttir,
Sigurvin Heiðar Sigurvinsson, Auður Auðunsdóttir,
Jón Ásgeir Sigurvinsson, Elínborg Sturludóttir,
barnabörn og barnabarnabörn.
Ástkær móðir okkar, tengdamóðir, amma,
langamma og langalangamma,
ANNA ÓLAFSDÓTTIR
húsmóðir,
áður til heimilis
að Seljahlíð 13A, Akureyri,
andaðist á Dvalarheimilinu Hlíð, laugardaginn
21. júní.
Jarðarförin verður auglýst síðar.
Björgvin L. Pálsson, Anna Eiðsdóttir,
Þór S. Pálsson, Hrefna Sigursteinsdóttir,
Ólöf J. Pálsdóttir, Jóhannes Hjálmarsson,
Tryggvi Pálsson, Aðalbjörg Jónsdóttir,
Bragi V. Pálsson, Hafdís Jóhannesdóttir,
Friðfinnur S. Pálsson, Inga Tryggvadóttir
og fjölskyldur.
Við þökkum hlýhug og vinsemd við andlát og
útför móður okkar, tengdamóður, ömmu og
langömmu,
KRISTÍNAR SVAFARSDÓTTUR
frá Sandgerði
á Akranesi.
Börn, tengdabörn,
barnabörn og barnabarnabörn.
Elskuleg móðir okkar, tengdamóðir, amma og
langamma,
RÓSAMUNDA FRIÐRIKSDÓTTIR
frá Súðavík,
lést á hjúkrunarheimilinu Sunnuhlíð laugar-
daginn 21. júní.
Fyrir hönd ættingja,
Ásta Ákadóttir,
Börkur Ákason.
Faðir okkar, tengdafaðir, afi og langafi,
FINNBOGI ÓLAFSSON,
Sléttuvegi 17,
Reykjavík,
andaðist á heimili sínu laugardaginn 21. júní.
Jarðarförin auglýst síðar.
Sigríður Finnbogadóttir,
Aðalheiður Finnbogadóttir, Svavar Tr. Óskarsson,
Ólafur Finnbogason,
Auður Finnbogadóttir, Enrique Llorens,
Rósa Finnbogadóttir, Sigurður R. Sigurðsson,
Eggert Finnbogason, Ásgerður Ásgeirsdóttir,
barnabörn og barnabarnabörn.
Okkar kæri,
ÓLI RUNÓLFSSON,
Kleppsvegi 126,
Reykjavík,
sem andaðist á gjörgæsludeild Landspítala
Hringbraut föstudaginn 20. júní, verður jarð-
sunginn frá Fossvogskirkju föstudaginn 27. júní
kl. 10.30.
Fyrir hönd aðstandenda,
Þórunn Hallgrímsson,
Sigríður G. Óladóttir,
Guðný K. Óladóttir,
Símon Ólason,
Katrín S. Óladóttir,
Sigurbjörg Óladóttir,
Helga Óladóttir.
Afmælis- og minningargreinum má skila í tölvupósti (netfangið er minning@mbl.is, svar er
sent sjálfkrafa um leið og grein hefur borist) eða á disklingi. Ef greinin er á disklingi þarf út-
prentun að fylgja. Nauðsynlegt er að tilgreina símanúmer höfundar og/eða sendanda (vinnu-
síma og heimasíma). Þar sem pláss er takmarkað getur þurft að fresta birtingu greina, enda
þótt þær berist innan hins tiltekna frests. Nánari upplýsingar eru á mbl.is. Um hvern látinn
einstakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi. Einnig er
hægt að senda örstutta kveðju, HINSTU KVEÐJU, 5–15 línur, og votta virðingu án þess að
það sé gert með langri grein. Greinarhöfundar eru beðnir að hafa skírnarnöfn sín en ekki
stuttnefni undir greinunum.