Morgunblaðið - 24.06.2003, Blaðsíða 18

SUÐURNES
18 ÞRIÐJUDAGUR 24. JÚNÍ 2003 MORGUNBLAÐIÐ
Lindarbraut 10, Laugarvatni
Einbýlishús, 135,7 fm, byggt 1965. Húsið hefur undanfarið verið
nýtt sem skóli og er innra skipulag í samræmi við það. Vel staðsett
eign sem býður upp á mikla möguleika.
Laugarás II, Laugarási
Einbýlishús, byggt árið 1949.
Eignin telur m.a. tvö baðher-
bergi, eldhús, stofu og þrjú
svefnherb. Gróinn garður.
2.000 fm leigulóð. Laus fljót-
lega. Frábært útsýni.
Allar nánari upplýsingar á skrifstofu eða á www.log.is
Fasteignasala
Lögmanna Suðurlandi,
Austurvegi 3, 800 Selfoss,
sími 480 2900, fax 482 2801,
fasteignir@log.is
KONUR tóku á sprett í Sandgerði
eins og um allt land laugardaginn
21. júní. Konurnar hituðu upp undir
stjórn Margrétar Richardsdóttur
og hlupu síðan þrjá og hálfan kíló-
metra um götur bæjarins. Við kom-
una í mark fengu allir þátttakendur
verðlaunapening og hressingu. Að
lokum var öllum þátttakendum
kvennahlaupsins í Sandgerði boðið
í sund í Sundlaug Sandgerðis og
þáðu margar konur það með þökk-
um, enda fátt betra til að hvíla lúna
fætur en að skella sér í sund.
Að sögn Ólafs Þórs Ólafssonar,
Íþrótta- og tómstundafulltrúa
Sandgerðisbæjar, fór hlaupið vel
fram og var öll umgjörð þess til
mestu prýði.
Ljósmynd/Ólafur Þór Ólafsson
Það er mikilvægt að hita vel upp fyrir hlaup og var augljóst að jafnt stórt fólk sem smátt lét forsjá fylgja kappi.
Konur hlupu í Sandgerði
Sandgerði
KATRÍN Kjartansdóttir myndlist-
arkona opnaði sína aðra einkasýn-
ingu á pastel- og vatnslitamyndum í
Gallery-Hringlist í Keflavík á laug-
ardaginn. Viðfangsefni Katrínar eru
margvísleg, þó ríkjandi stef í sköpun
hennar séu náttúru- og landslags-
myndir leyfir hún manneskjunni
einnig að njóta sín í verkum sínum.
Katrín hefur numið myndlist hjá
Þorra Hringssyni, Reyni Katrínar-
syni og fleiri myndlistarmönnum.
Hefur Katrín sýnt á allnokkrum
samsýningum hingað til, en fyrstu
einkasýninguna hélt hún á Dalvík.
Sýning Katrínar stendur til 12. júlí
og er hún opin alla virka daga kl. 13–
18 og laugardaga kl. 11–13.
Katrín Kjartansdóttir
opnar sýningu í Hringlist
Reykjanesbær
NOKKUÐ yfir 100 manns gengu í
árlegri Jónsmessugöngu á fjallið
Þorbjörn sl. laugardagskvöld. Í
göngunni mátti sjá Hjálmar Árna-
son þingmann, Ólaf Jón Arnbjörns-
son, skólameistara Fjölbrautaskóla
Suðurnesja, og fleiri nafntogaða
menn. Einnig fylgdi göngunni
Kristján Kristjánsson alþýðusöngv-
ari, sem skemmti göngufólki þegar
á toppinn var komið af alkunnri
snilld.
Eftir gönguna var haldið í Bláa
lónið, þar sem göngufólk lét þreyt-
una líða úr fótum. Sungið var og
trallað fram eftir kvöldi við undir-
leik Kristjáns.
Var það mál manna að afar vel
hefði tekist til og þarna væri að
skapast ágætis hefð.
Gengið á sumar-
sólstöðum
Ljósmynd/Hilmar Bragi Bárðarson
Fjöldi manns fór í gönguferð á sumarsólstöðum.
Suðurnes
UNDANFARNA daga hafa menn
staðið í ströngu við að taka í sundur
nýlega loðnuverksmiðju Síldarvinnsl-
unnar í Sandgerði, en henni var ný-
lega lokað sökum skorts á hráefni.
Hermann Jóhann Ólafsson, verk-
smiðjustjóri, segir að hluti af tækj-
unum fari austur á Höfn í Hornafirði.
„Annar gufuketillinn af tveimur er
farinn til Þórshafnar, við settum hann
á bíl í morgun. Afgangnum af verk-
smiðjunni verður síðan dreift um
helstu síldar- og loðnuvinnslur um
landið og reynt að nota þetta innan-
lands að mestu. Eftir að Síldarvinnsl-
an í Neskaupstað keypti SR er það
þáttur í hagræðingu þeirra að fækka
verksmiðjunum og stækka þær.“
Aðspurður hvort eitthvað eigi að
koma í stað loðnuvinnslunnar segir
Hermann engin áform uppi um það.
„Það verður væntanlega ekki vinnsla
á uppsjávarfiski hér í bæ framar. Svo
er bara spurningin til hvers menn
geta nýtt sér þessi hús. Þetta er allt til
sölu.“ Hermann segir þessi tíðindi
dapurleg, „en þetta er bara eitthvað
sem maður ekki ræður við.“
Loðnuvinnslan í Sand-
gerði tekin sundur
Ljósmynd/Reynir Sveinsson
Vinnuflokkur á vegum síldarvinnslunnar hífir gufuketil á vagn.
Sandgerði
MENNINGAR-, íþrótta- og tóm-
stundaráð Reykjanesbæjar hefur
gert samning við Reykjanes Advent-
ure ehf. um umsjón og rekstur á
vatninu Seltjörn í landi Reykjanes-
bæjar. Samningurinn, sem er til
fimm ára, var undirritaður við hátíð-
lega athöfn síðastliðinn laugardag,
úti á vatninu.
Reykjanes Adventure ehf. mun
taka að sér að reka og sjá um upp-
byggingu á fiskistofni í Seltjörn.
Eingöngu verður boðið upp á flugu-
veiði í vatninu og er gert ráð fyrir að
sleppa í það 2–4 punda urriða. Boðið
verður upp á veiðileyfi frá kr. 3000.
Hægt verður að kaupa sumarleyfi
fyrir kr. 10.000 en þá er hægt að
veiða í vatninu að vild allt sumarið.
Ragnar Örn Pétursson, forvarnar-
og æskulýðsfulltrúi í Reykjanesbæ,
segir þetta vera einn áfanga í því að
glæða útivistarsvæðið á Seltjörn lífi.
„Okkar væntingar eru að þessir
rekstraraðilar færi meira líf í þetta
útivistarsvæði, bæði Seltjörnina og
hennar nánasta umhverfi. Bæjar-
félagið og Skógræktarfélag Suður-
nesja hafa plantað miklu af trjám
þarna undanfarin ár og þarna er
kominn vísir að skógi sem kallast
sólbrekkuskógur. Þar er aðstaða til
að grilla og einnig salernisaðstaða. Í
framtíðinni sjáum við einnig fyrir
okkur lítið tjaldsvæði á staðnum.
Margir koma þarna bæði til þess að
veiða og til þess að gera sér glaðan
dag.“
Morgunblaðið/Hilmar Bragi Bárðarson
Árni Sigfússon bæjarstjóri og Aðalsteinn Jóhannsson hjá Reykjanes
Adventure takast í hendur til að innsigla samninginn. Aðrir skipverjar eru
Tómas Knútsson og Bryndís Guðmundsdóttir, eiginkona Árna.
Samningur undirritaður um
útivistarsvæði á Seltjörn
Reykjanesbær