Morgunblaðið - 24.06.2003, Blaðsíða 16

HÖFUÐBORGARSVÆÐIÐ
16 ÞRIÐJUDAGUR 24. JÚNÍ 2003 MORGUNBLAÐIÐ
SÝNING
Á JÓNSMESSUNÓTT
Sími 568 5556
Komið og skoðið framtíðar byggingar- og
útivistarsvæði við Elliðavatn og þiggið kaffi.
Upplagt er að fá sér kvöldgöngu við
Elliðavatn, þessa náttúruperlu Kópavogs á
rómantísku kvöldi.
Sölumenn Skeifunnar fasteignamiðlunar og
starfsmenn JB Byggingafélags taka á móti
ykkur á byggingasvæði JB við Fellahvarf.
JB Byggingafélag
býður til
Jónsmessu-
sýningar í kvöld á
milli kl. 20 og 23
Verið velkomin
FRAMKVÆMDIR við gerð mis-
lægra gatnamóta Stekkjarbakka,
Reykjanesbrautar og Smiðjuvegar
standa nú sem hæst en ætlunin er
að hleypa umferð á mannvirkið 1.
nóvember. Að framkvæmdinni
stendur Vegagerðin í samvinnu við
Reykjavíkurborg og Kópavogsbæ
og er hönnun verksins unnin undir
sameiginlegri verkefnisstjórn
þeirra.
Lögð verður brú yfir Reykjanes-
braut þar sem Stekkjarbakki verður
tengdur Smiðjuvegi en hvort sínum
megin brúarinnar verða hringtorg.
Þá er áformað að byggja göngubrú
yfir Reykjanesbrautina rétt norðan
við ökubrúna en einnig verða gerð
undirgöng fyrir gangandi umferð
undir Stekkjarbakka, Breiðholts-
megin. „Það sem er einna mikilvæg-
ast í þessum framkvæmdum er það
að þarna fá íbúarnir mjög góða
gönguleið sem hefur ekki verið til
staðar áður, en fyrirhuguð er
gönguleið sem tengir saman útivist-
arperlur Kópavogs og Reykjavíkur,
það er Fossvogsdalinn og Elliðaár-
dalinn,“ segir Hafliði Jónsson, verk-
efnisstjóri hjá Vegagerðinni.
Umferð um svæðið gengið
mjög vel fyrir sig
Hann segir að framkvæmdirnar
séu nokkurn veginn á áætlun. „Það
er gert ráð fyrir að byrja undirslátt
undir brúarmannvirkið sjálft um
miðjan júlí og þá þrengjum við
meira að umferð en nú er,“ segir
hann og bendir á að umferðin um
svæðið hafi hingað til gengið mjög
vel fyrir sig, því í raun hafi afkasta-
getan lítið verið skert. Það eina sem
vegfarendur hafi orðið varir við var
þegar umferð hafi verið beint nokk-
uð til hliðar á Stekkjarbakka. Í júlí
og ágúst verður hins vegar smá rask
og nefnir hann sem dæmi að meðan
á framkvæmdunum standi verði ein
beygjuakrein inn í Stekkjarbakka í
notkun í stað tveggja.
Að sögn Hafliða verður mannvirk-
ið klárað í nóvember og umferð
hleypt á það þá um mánaðamótin.
Gróðursetning og annar smávægi-
legur frágangur bíður svo næsta
sumars. Áætlaður kostnaður við
verkið er um 800 milljónir króna.
Hafliði segir að landmótun sé
haldið í lágmarki og hún sé í sam-
ræmi við mat á umhverfisáhrifum.
Áhugasömum um framkvæmdina er
bent á að skoða framkvæmdavef
Vegagerðarinnar.
Framkvæmdir við mislæg gatnamót Stekkjarbakka á áætlun
Morgunblaðið/Arnaldur
Ný gönguleið mun tengja saman tvær helstu útivistarperlur höfuðborgarsvæðisins, Fossvogsdal og Elliðaárdal.
Tekin í notkun 1. nóvember
Mjódd
FORSVARSMENN Fjölskyldu- og
húsdýragarðsins hafa leitað til
borgarstjóra og óskað eftir því að
fá gamla ÍR-húsið til afnota, en
húsið stendur nú ónotað við höfn-
ina í Reykjavík. Að sögn Tómasar
Guðjónssonar, forstöðumanns
Fjölskyldu- og húsdýragarðsins,
var það af brýnni þörf sem óskað
var eftir því að fá gamla ÍR-húsið.
„Við erum að leita eftir húsnæði
bæði undir fræðsludeild hjá okk-
ur, sem tekur á móti skólahópum
á veturna og sinnir fræðslu-
starfsemi fyrir gesti á sumrin og
síðast en ekki síst undir Vísinda-
veröldina, sem er í tjaldi á sumrin
og þarf líka að fá varanlegri að-
stöðu,“ segir hann. En Vísinda-
veröld er heimur þar sem gestum
garðsins er sýnt fram á ýmis lög-
mál í leik, fjallað er um raunvís-
indi og það útfært í ýmsum leikj-
um. „Þessi bráðabirgðaaðstaða er
í tjaldi og það gengur ekki til
lengdar. Það fellur á hlutina á
veturna og fer illa með þá, bæði
þann rafbúnað sem notaður er,
tréverkið og annað. Veröldin þarf
að vera innandyra til framtíðar.“
Tómas segir að hugmyndin að
því að fá ÍR-húsið hafi vaknað
þegar það fréttist að það væri á
lausu, en húsið hefur staðið niðri
við höfn, bak við Slippinn, síðan í
mars 2001 þegar það var flutt af
Túngötu. Hann bætir við að húsið
henti garðinum ákaflega vel.
„Við höfum leitað til borg-
arstjóra, en húsið er í eigu
Reykjavíkurborgar. Mér skilst að
væntanlega eigi að færa húsið
upp á Árbæjarsafn,“ bendir hann
á. Hann segir að ýmis fyrirtæki
styrki Vísindaveröld, þeirra helst
Marel og það sé fremur erfitt að
ætlast til þess að þau útbúi reglu-
lega ný tæki, sem ekki þola ís-
lenska veðráttu. „Ég veit að þeir
ætluðu að leita til borgarstjóra
líka með þetta sama erindi. Ég
veit satt að segja ekki hvar málið
er statt núna en það er ekki ann-
að hægt en að bíða eftir end-
anlegu svari. Við höfum hreinlega
ekki fjármagn til að reisa nýtt
hús og þegar við vissum að hús-
inu fylgdi eitthvað fjármagn til að
gera það upp fannst okkur það
ákaflega vel við hæfi að koma
með það hingað,“ lýsir Tómas.
Hann segir að í garðinum sé
ónýtt hús sem þurfi að rífa og tel-
ur hann að ÍR-húsið geti komið í
stað þess. Það sé lágmarkskostn-
aður sem fylgi því að koma því
fyrir í garðinum og því geti þetta
verið hagkvæmt fyrir alla aðila.
Gamla ÍR-húsið var reist sem
kaþólsk kirkja árið 1897 og stóð
við Túngötu, nokkru neðar en
Kristskirkja er nú, að því er kem-
ur fram í bókinni Reykjavík,
sögustaður við sund, eftir Pál Lín-
dal. Eftir vígslu Kristskirkju árið
1929 var húsið flutt vestur fyrir
gamla prestsetrið í Landakoti. ÍR
fékk svo afnot af húsinu og var
það notað sem íþróttahús eftir
það.
Fjölskyldu- og hús-
dýragarðurinn vill
fá gamla ÍR-húsið
Laugardalur
Gamla ÍR-húsið stendur nú við Reykjavíkurhöfn.
BÆJARSTJÓRN Garðabæjar sam-
þykkti á fundi sínum hinn 19. júní
2003 að gera úttekt á launum starfs-
fólks bæjarfélagsins til að greina
launamun kynjanna. Í tilkynningu
frá bænum segir að ef úttektin sýni
óeðlilegan mun á launum karla og
kvenna í störfum á vegum Garða-
bæjar telji bæjarstjórnin nauðsyn-
legt að grípa til aðgerða sem séu til
þess fallnar að jafna og koma í veg
fyrir þennan mun. Fjölskylduráði
Garðabæjar og jafnréttisfulltrúa
hefur verið falið að vinna að úttekt-
inni í samráði við sérfróða aðila á
þessu sviði.
Í greinargerð tillöguflytjanda,
Laufeyjar Jóhannsdóttur forseta
bæjarstjórnar, segir að nýlegar
rannsóknir sýni að þó að launamun-
ur kynjanna hafi minnkað lítilshátt-
ar frá árinu 1990 þá sé hann enn
verulegur hér á landi. Hér á landi
var hlutfall launa kvenna af launum
karla 76,1% 1992 en launabilið hefur
nú minnkað þar sem hlutfallið er nú
79%. ,,Slíkur launamunur er ólíðandi
og mikilvægt að vinnuveitendur geri
það sem í þeirra valdi stendur til að
jafna og koma í veg fyrir þennan
mun. Eðlilegt er að greiða konum og
körlum jöfn laun fyrir jafnverðmæt
og sambærileg störf. Með tillögu
þessari vill bæjarstjórn Garðabæjar
leggja sitt af mörkum til að greina
vandann. Einnig er mikilvægt að
auka umræðu um þetta brýna jafn-
réttismál og gera stjórnendur innan
bæjarfélagsins meðvitaðri um það að
launamisrétti kynjanna eigi ekki að
líða. Komi í ljós óeðlilegur munur á
launum karla og kvenna í störfum á
vegum sveitarfélagsins ber bæjar-
stjóra að leggja fram tillögur sem
miða að því að draga úr þessum mun.
Fjármögnun úttektarinnar er vísað
til endurskoðunar fjárhagsáætlun-
ar,“ segir í greinargerð.
Úttekt á launamun
starfsmanna bæjarins
Garðabær