Morgunblaðið - 10.07.2003, Blaðsíða 17

SUÐURNES
MORGUNBLAÐIÐ FIMMTUDAGUR 10. JÚLÍ 2003 17
LÖGREGLAN í Keflavík var kölluð
að húsi í Sandgerði á föstudag, en til-
kynnt hafði verið um að reyk legði
frá því. Enginn var heima fyrir og
gengu því lögreglumenn inn til þess
að grennslast fyrir um aðstæður.
Fundu þeir þá tíu kannabisplöntur
sem voru í ræktun í húsinu.
Í ljós kom að skrúfað hafði verið
frá heita vatninu í húsinu og hafði
það sett af stað hita og rakaskynjara.
Líklegt þykir að heita vatnið hafi
verið látið renna til þess að ná upp
viðunandi rakastigi fyrir ræktun
plantnanna sem að öllum líkindum
voru ætlaðar til einkaneyslu, enda
um mjög lítið magn að ræða.
Tveir menn voru handteknir
vegna málsins og þykir það upplýst.
Morgunblaðið/Kristinn
Þótt kannabisplantan sé græn og
frískleg er hún ekki sérstaklega
væn til ræktunar hér á landi, þar
sem hún er ólögleg jurt.
„Gleymd-
irðu heita
vatninu
nokkuð á?“
Sandgerði
Í LANDI Norðurkots í Hvalsnesi rís
nú reisulegt hús með útsýnisturni.
Ekki er ætlun eigenda að njóta út-
sýnisins eingöngu, þó að vissulega sé
það fagurt, heldur er skýringarinnar
að leita í æðarvarpinu sem blómlegt
er við Norðurkot og þarf að vakta
allan sólarhringinn á annatíma. Tóf-
an vappar í kringum svæðið og hugs-
ar sér gott til glóðarinnar, en ekki
síður þarf að fylgjast með manna-
ferðum, því ef styggð kemur að koll-
unum er hætta á að þær fljúgi úr
hreiðrunum og ungarnir skundi í all-
ar áttir.
Oft hægt að klappa fuglunum
Hjónin Sigríður Hanna Sigurðar-
dóttir og Páll Þórðarson keyptu land
Norðurkots af föður Sigríðar í byrj-
un árs 2000 og er þetta því fjórða
sumarið sem þau hafa umsjón með
æðarvarpinu. Frá miðjum apríl og
fram í miðjan júlí þarf að fylgjast
með svæðinu allan sólarhringinn og
er það friðlýst á þeim tíma. Friðlýs-
ing þýðir að öll umferð er bönnuð
niður í sjó, nema með leyfi landeig-
enda og segir Sigríður að mikilvægt
sé að fólk athugi þetta. „Þetta er
mikil vinna sem krefst stöðugrar
viðveru okkar hér. Vöktunum skipt-
um við hjónin og pabbi með okkur
ásamt æðarbændunum í Fuglavík,
en það varpsvæði er hér við hliðina.
Við sáum ekki ástæðu til að einn
væri að vakta æðarvarpið hér við
Norðurkot og annar í Fuglavík.“
Starfið segir Sigríður hins vegar
vera mjög gefandi, ekki síst fyrir
börn þeirra hjóna, Heiðrúnu, 14 ára,
og Sigurð Bjarka, 7 ára, sem hjálpa
foreldrum sínum við dúntínslu.
„Þetta er auðvitað mikill annatími
fyrir þau líka og nýverið lukum við
tínslunni. En nálægðin við fuglana
er mjög sérstök reynsla og oft og
tíðum hafa þau geta klappað fugl-
unum. Æðarkollan er svo spök,“
sagði Sigríður í samtali við Morgun-
blaðið.
Æðarkollurnar eru þó ekki einu
fuglarnir sem Sigurður klappar því í
kringum húsið vappa hænur og han-
ar, sem tóku hraustlega á móti
blaðamanni þegar hann renndi í
hlaðið. Á meðan á viðtalinu stendur
kýs Sigurður félagsskap unghan-
anna sem reyna hvað þeir geta til að
gala eins og þeir fullorðnu.
Kollurnar reyta sig
Frá árinu 1977 hefur verið gerð
markviss talning á hreiðrum, en Sig-
ríður segir að varp hafi verið við
Norðurkot í rúma 6 áratugi. Ásamt
Fuglavík er svæðið með stærstu
varpsvæðum á Suðvesturlandi, ef
ekki það stærsta. Frá því að talning
hófst hefur varpið stækkað jafnt og
þétt nema í sumar og fyrrasumar.
„Sumarið 2001 var metár hjá okkur
og síðan þá hefur varpið farið
minnkandi. Skýringarinnar er senni-
lega að leita í því að sjófuglinn hefur
ekki haft nægt æti. Það leiðir til þess
að varpið verður minna og jafnframt
seinna en ella.“
Að sögn Sigríðar er einstaka kolla
enn á hreiðri að vakta ungana sína,
enda sé komið að lokum varptímans.
Þá er jafnframt aðaldúntínslutíminn
og nýlega lauk hún ásamt börnunum
að tína dúnin úr hreiðrunum. „Þess
misskilings hefur oft gætt að dúnn-
inn sé reyttur af kollunum, en svo er
ekki. Dúninn í hreiðrunum hafa koll-
urnar reytt af sér sjálfar og þegar
við tökum dúninn setjum við hey í
staðinn. Aðeins er tekið einu sinni úr
hverju hreiðri og bóndinn sér síðan
um að þurrka dúninn. Það þarf að
hugsa vel um hann svo hann skemm-
ist ekki.“
Þegar litið er yfir varpsvæðið sést
að krían hefur nú tekið sér bólfestu á
svæðinu, enda aðalvarptími hennar
um þessar mundir. Spurð um sam-
búðina sagði Sigríður að hún gengi
vel. „Eins og alkunna er ver krían
varpsvæði sín vel og það kemur æð-
arfuglinum til góða. Ágangurinn er
slíkur að við verðum öll að vera með
hjálma þegar við förum inn á svæðið
og auðvitað fara varlega. Það er því
miður allt of mikið um að fólk gái
ekki nógu vel að sér í kringum
varpsvæði og hér á veginum er mik-
ið af dauðri kríu,“ sagði Sigríður að
lokum og kannski er full ástæða til
að benda fólki á að fara sér hægar.
Æðarvarpstíma
senn að ljúka
Morgunblaðið/Svanhildur Eiríksdóttir
Sigríður Hanna Sigurðardóttir æðabóndi ásamt syni sínum, Sigurði Bjarka,
við húsið í Norðurkoti á Hvalsnesi. Kríurnar eru fjarri góðu gamni.
Hvalsnes
„Dúntínsla er
gefandi starf“
ÁRLEGUM námsstyrkjum í Náms-
mannaþjónustu Sparisjóðsins í
Keflavík var úthlutað mánudaginn
sjöunda júlí síðastliðinn.
Fjórir styrkir, hver að upphæð
125.000 kr., voru veittir í ár. Eftir-
taldir námsmenn hlutu þá:
Gunnhildur Þórðardóttir sem
lauk BA-gráðu í listfræði frá
Listháskólanum í Cambridge, Jón-
ína Helga Hermannsdóttir, sem
lauk kandídatsprófi í afbrotafræði
frá Háskólanum í Osló, Kristján
Guðmundsson sem útskrifaðist með
BS-gráðu í véla- og iðnaðarverk-
fræði frá Háskóla Íslands og Mar-
grét Aðalsteinsdóttir en hún út-
skrifaðist með BS-gráðu í
umhverfis- og byggingarverkfræði
frá Háskóla Íslands.
Baldur Guðmundsson, markaðs-
stjóri Sparisjóðsins í Keflavík, segir
Sparisjóðinn hafa stutt við bakið á
námsfólki frá Suðurnesjum með
ýmsum hætti í gegnum tíðina og
séu styrkveitingarnar hluti af
Námsmannaþjónustu Sparisjóðsins.
„Þetta fólk er að vinna mjög spenn-
andi verkefni og eru sumir að fara
utan í nám. Þau eiga mikið verk
fyrir höndum, allur þessi hópur
stefnir á frekari afrek í námi og
fræðum og okkur er mikil ánægja
að styðja þau í þeirri viðleitni.“
Sparisjóðurinn í Keflavík styrkir
einnig íþrótta- og menningarstarf á
starfssvæði sínu og eru námsstyrk-
irnir mikilvægur hluti af því starfi
að sögn Baldurs. Námsstyrkir hafa
nú verið veittir þrettán ár í röð og
hafa samtals 49 námsmenn fengið
styrki.
Við afhendingu Námsmannastyrkjanna. Geirmundur Kristinsson spari-
sjóðsstjóri og Baldur Guðmundsson markaðsstjóri ásamt styrkþegum.
Námsstyrkjum úthlutað
Keflavík