Morgunblaðið - 10.07.2003, Blaðsíða 49

BJÖRN Börkur Eiríksson er ungur
listamaður sem undanfarin fjögur ár
hefur verið við nám í Rotterdam í
Hollandi. Viðfangsefni hans er þó
nokkuð frábrugðið því sem dæmi-
gerðir málarar fást við en ekki hvað
síst vinnubrögðin, því hann teiknar
nær eingöngu með tölvu. Börkur
leggur stund á nám við Willem de
Kooning-listaháskólann og sérhæfir
sig í tölvuvæddri vinnslu mynda:
„Ég vinn meira og minna allt í tölvu
– skissa yfirleitt á blað með blýanti
en vinn aðalvinnuna í tölvunni.“
Ferlið fer þannig fram að eftir að
frumskissan er skönnuð inn í tölv-
una notar Börkur sérstakt rafrænt
teikniborð og vinnur þannig áfram
með skissurnar. Þessi vinna er oft
tímafrek, eins og gefur að skilja og
getur mynd eins og þær sem sýndar
eru með greininni, til dæmis af
óhræsinu í mýrinni tekið drjúgan
tíma: „Það er vitaskuld misjafnt en
þegar allt leggst saman má segja að
fari ein vinnuvika í að gera eina
svona mynd. Maður veit auðvitað
ekki í upphafi nákvæmlega hvernig
afraksturinn á eftir að líta út og þarf
að þróa myndina áfram og gera mis-
tök áður en verkið tekur á sig end-
anlega mynd.“ Það að vinna mynd-
ina á tölvu hefur ýmislegt hagræði í
för með sér fyrir Börk og þannig er
hægur vandi að stroka út og raða
myndum hverri ofan á aðra. Þannig
getur hann til dæmis unnið myndir
þannig að aðalviðfangsefni myndar-
innar er unnið sér en síðan bak-
grunnurinn búinn til sjálfstætt og
myndunum loks skeytt saman.
Tölvutæknin býður einnig upp á ým-
is stílbrigði og annað sem ekki er
heiglum hent að ná fram með hefð-
bundnum aðferðum.
Börkur starfar samhliða námi
sínu hjá hollensku tölvuleikjafyrir-
tæki, Triumph Studios sem meðal
annars lét frá sér hinn nokkuð vel
þekkta tölvuleik Age of Wonders.
„Við vinnum mikið með þrívídd og
tvívídd,“ segir Börkur. „Ég sé mikið
um tvívíðu myndvinnsluna og er til
dæmis að fást við að búa til áferð á
þrívíð módel.“ Fyrir þá sem bágt
eiga með að skilja hvaða ferli er ver-
ið að lýsa þá má líkja þrívíðum
myndmódelum í tölvu við grind sem
síðan þarf að strengja yfirborð á.
Þetta yfirborð þarf síðan að lita til
að ná fram réttum áhrifum og þann-
ig gæti til dæmis sama grindin verið
karlfígúra eða kvenfígúra eftir því
hvernig „húð“ er máluð á hana.
Björn Börkur segir að teikniáhug-
inn hafi vaknað á táningsaldri: „Þeg-
ar ég var í menntaskóla ákvað ég að
taka teikniáfanga og fannst það
frekar skemmtilegt og gekk frekar
vel, svo segja má að ég hafi uppgötv-
að eitthvað þar. Eftir það fór ég
meira eða minna að taka þessa
stefnu og hafnaði á endanum hérna
úti.“
Þessa dagana, auk þess að vinna
við tölvuleiki, starfar Börkur að
lokaverkefni sínu sem er mynd-
skreyting við spunaspil sem vonir
standa til að verði gefið út snemma á
næsta ári. Að námi loknu hyggst
hann snúa aftur heim til Íslands og
vonast til að geta haldið áfram að
starfa á sviði tölvuleikjagerðar.
Ungur Íslendingur tölvuteiknar spunaspilsskrímsli og tölvuleikjafígúrur
asgeiri@mbl.is
Skapar skringilegar skepnur og skrímsli
Meðal verkefna sem Börkur er að vinna að er myndskreyting fyrir spunaspil sem
vonir standa til að komi út snemma á næsta ári.
Börkur fæst ekki aðeins við að teikna furðuverur heldur tekur líka fyrir hversdagslegri viðfangsefni. Það er
þó óneitanlega einhver ævintýralegur bjarmi yfir þessari mynd af afa við tölvuna.
Björn Börkur Eiríksson eins og hann sér sjálfan sig.
MORGUNBLAÐIÐ FIMMTUDAGUR 10. JÚLÍ 2003 49
KRINGLAN
kl. 5.50, 8 og 10.10
AKUREYRI
kl. 10.
ÁLFABAKKI
kl. 5.50, 8 og 10.10
ÁLFABAKKI
Sýnd kl. 10. B.i. 12.

KVIKMYNDIR.COM
KVIKMYNDIR.IS

ÓHT Rás 2
KEFLAVÍK
Sýnd kl. 8 og 10.
B.i. 12 ára
ÁLFABAKKI
Kl. 4, 6, og 8
KRINGLAN
Kl. 6, 8 og 10
AKUREYRI
kl. 6 og 8.
ÁLFABAKKI
Sýnd kl. 5, 8 og 10.
AKUREYRI
Sýnd kl. 5, 8 og 10.40.
KEFLAVÍK
Sýnd kl. 8 og 10.40.
YFIR 14.000 GESTIR!
EINNIG SÝND Í LÚXUS VIP Í ÁLFABAKKA KL. 5 OG 8.