Morgunblaðið - 02.08.2003, Síða 1

STOFNAÐ 1913 207. TBL. 91. ÁRG. LAUGARDAGUR 2. ÁGÚST 2003 PRENTSMIÐJA ÁRVAKURS HF. mbl.is
Sækir efni til
sögueyjunnar
Barnsleg kátína einkennir höfund
43 barnabóka Listir 26
Diddú
og Valgeir
Sami andi svífur yfir vötnum
og fyrir átján árum Fólk 59
Bræður í
baráttunni
Tímabil knattspyrnumanna í
Þýskalandi hafið Íþróttir 52
BÍLSPRENGJA sprakk fyrir utan rúss-
neskt hersjúkrahús nærri Tétsníu í gær.
Sprengingin var það öflug að byggingin
eyðilagðist og að minnsta kosti 33 manns
fórust og 76 særðust, að sögn yfirvalda.
Sjúkrahúsið stóð í bænum Mozdok í rúss-
neska sjálfstjórnarhéraðinu Norður-Oss-
etíu, sem liggur að Tétsníu. Þar eru höf-
uðstöðvar rússnesku hersveitanna sem
berjast gegn aðskilnaðarsinnum í Tétsníu.
Boris Dzgoyev, almannavarnaráðherra
héraðsins, sagði 115 manns hafa verið á
sjúkrahúsinu. Évgení Volodchnikov, fulltrúi
rússneska almannavarnaráðuneytisins á
vettvangi, sagði minnst 33 hafa látið lífið.
Dzgoyev sagði 76 hafa særzt.
Nikolai Lityuk, foringi í rússneska hern-
um á svæðinu, sagði vörubíl hlöðnum
sprengiefni hafa verið ekið í gegn um hliðið.
Hann hafi staðnæmzt við aðalinnganginn og
sprungið í loft upp. Enginn hafði gengizt við
ábyrgð á tilræðinu í gær en tétsneskir upp-
reisnarmenn lágu undir grun.
Hersjúkra-
hús sprengt
Rostov við Don. AP.
AP
Rússnesk herþyrla á flugi yfir Tétsníu.
Búast má við hertum aðgerðum gegn upp-
reisnarmönnum eftir tilræði gærdagsins.
HÆGT verður að lyfta upp botni
nýju sundlaugarinnar sem verið
er að byggja í Laugardalnum. Til
hægri á myndinni má sjá ker
sundlaugarinnar en eftir er að
reisa burðarvirkið. Byrjað er að
steypa fyrir áhorfendasvæði fyrir
400 áhorfendur sem munu snúa
inn að garði Laugardalslauganna.
Arkitektinn Ari Már Lúðvíks-
son, sem hannaði bæði sundlaug-
ina og nýtt heilsuræktarhús sem
er fyrir miðri mynd, segir yfir-
byggingu sundlaugarinnar verða
með sama formi og heilsumið-
stöðvarinnar. Þakið mun lækka
inn að sundlaugargarðinum svo
húsið skyggi sem minnst á það
svæði. Heill glerveggur skilur að
innilaugina og garðinn og mynda
húsin þar hring um. Ari segir
hugsunina vera þá að tengja
mannvirkin sem mest garðinum.
Innilaugin verður 50 metrar á
lengd með tíu brautum og bætir
til muna aðstöðu keppnisfólks í
sundi. Að öllu jöfnu verður hún
tveggja metra djúp en hægt verð-
ur að grynnka 10 metra svo hún
hæfi nemendum í skólasundi og
foreldrum með börn sín í ung-
barnasundi.
Einnig verður færanleg brú í
sjálfu kerinu sem getur skipt
lauginni í tvær 25 metra laugar.
Ari segir hönnun þessara
mannvirkja hafa verið spennandi
verkefni. Miklir framtíðarmögu-
leikar séu á þessu svæði þar sem
boðið verður upp á fjölbreyttari
afþreyingu innan sundlaugar-
svæðisins.
Morgunblaðið/Árni Sæberg
Tæknivædd sundlaug
SAMKEPPNISSTOFNUN kemst
að þeirri niðurstöðu í frumskýrslu
um meint samráð tryggingafélag-
anna í bifreiðatryggingum, að gögn
málsins sýni að tryggingafélögin
hafi, með beinum og óbeinum hætti,
haft með sér víðtækt samráð um ið-
gjöld í ökutækjatryggingum um
langt árabil. Jafnframt hafi félögin
gripið til samstilltra aðgerða gegn
nýjum keppinautum í bifreiða-
tryggingum. Félögin hafi brotið
gegn 10. og 12. grein samkeppnis-
laga. Félögin hafi, með fulltingi
Sambands íslenskra trygginga-
félaga (SÍT), gert með sér einn
heildarsamning í skilningi sam-
keppnisréttar. Markmið samnings-
ins hafi verið að draga með öllum til-
tækum ráðum úr samkeppni á
vátryggingamarkaði.
Ólögmætar samstilltar
aðgerðir ekki sannaðar
Tryggingafélögin og Samband ís-
lenskra tryggingafélaga vísa í and-
mælum sínum öllum þessum ásök-
unum á bug. Í andmælum sínum
mótmæla tryggingafélögin öll nið-
urstöðu Samkeppnisstofnunar en
benda einnig öll á að hafi einhver
brot verið framin séu þau fyrnd.
SÍT segir í greinargerð sinni að
jafnvel þó að viðbrögð trygginga-
félaganna við útboði FÍB á lögboðn-
um ábyrgðartryggingum hafi verið
áþekk feli það ekki í sér sönnun um
ólögmætar samstilltar aðgerðir.
TM telur nálgun Samkeppnis-
stofnunar í frumathugun sinni
ranga en Sjóvá-Almennar leggja
áherslu á að samkeppni ríki á mark-
aðnum en það að Ísland sé fákeppn-
ismarkaður, skýrist af smæð mark-
aðarins en ekki samráði. VÍS bendir
á að vátryggingamarkaðurinn sé í
raun evrópskur en ekki aðeins ís-
lenskur og engar skorður séu settar
viðþví að erlend félög getið stundað
hér starfsemi.
Rannsókn Samkeppnisstofnunar
er ekki lokið, en stofnunin skilaði
frumskýrslu til tryggingafélaganna
í ársbyrjun 2002.
Víðtækara samstarf en
reglugerð ESB heimili
Í frumskýrslu Samkeppnisstofn-
unar segir að samstarf trygginga-
félaganna á vettvangi SÍT sé mun
víðtækara en reglugerð Evrópu-
sambandsins heimili. Á fundum
sambandsins hafi m.a. verið rætt
um hugsanlega innkomu nýrra
keppinauta og viðbrögð við þeim.
„Samkeppnisstofnun telur gögn
málsins sýna fram á að vátrygg-
ingafélögin innan SÍT hafi, með
beinum og óbeinum hætti, haft með
sér víðtækt samráð um m.a. iðgjöld
í ökutækjatryggingum um langt
árabil. Jafnframt hafa þessir aðilar
gripið til samstilltra aðgerða gegn
nýjum keppinautum í bifreiða-
tryggingum og í tengslum við kröfu
FÍB um lækkun iðgjalda.“
Samkeppnisstofnun gagnrýnir að
tryggingafélögin skuli ekki hafa
metið sjálfstætt áhrif nýrra skaða-
bótalaga á afkomu félaganna, en fal-
ið tryggingastærðfræðingi að meta
það á vettvangi SÍT. Þetta samráð
um áhrif laganna hafi haft skaðleg
áhrif á verðlagningu.
Samkeppnisstofnun telur að þeg-
ar horft er á málið í heild sé ljóst að
„Vátryggingafélag Íslands, Sjóvá-
Almennar tryggingar, Trygginga-
miðstöðin og Trygging hafi, með
fulltingi SÍT, a.m.k. við gildistöku
samkeppnislaga gert með sér einn
heildarsamning (e. single, overall
agreement) í skilningi samkeppnis-
réttarins. Markmið þessa samnings
var að draga með öllum tiltækum
ráðum úr samkeppni á vátrygginga-
markaði.“
Frumskýrsla Samkeppnisstofnunar um samráð vátryggingafélaganna
Sökuð um heildarsamn-
ing gegn samkeppni

Frumskýrsla og andmæli/10

Yfirlýsingar/35
Öll tryggingafélögin vísa ásök-
unum Samkeppnisstofnunar á bug
SÉRFRÆÐINGAR stjórnvalda í Banda-
ríkjunum segja að tölvuþrjótar leiti nú
leiða til að nýta sér alvarlega veilu í hinu
útbreidda Windows-stýrikerfi. Gallinn
geri það að verkum að fljótlega verði hægt
að nota tölvuvírus til að trufla netumferð í
milljónum tölva um allan heim, að því er
fram kemur á fréttavef BBC.
Upplýsingar um hvernig má notfæra sér
gallann voru settar á Netið fyrir nokkrum
dögum og síðan þá hafa netárásir tölvu-
þrjóta aukist. Bill Murray, talsmaður
bandarísku alríkislögreglunnar FBI, segir
stofnunina hafa miklar áhyggur af yfir-
vofandi stórfelldri netárás vegna þessa.
Gallann er að finna í nánast öllum út-
gáfum af Windows. Microsoft setti leið-
réttingaforrit á heimasíðu sína fyrir stuttu
og hvetur fyrirtækið tölvunotendur til að
sækja sér það í varnaðarskyni.
Óttast stórfelld-
ar netárásir
♦ ♦ ♦