Morgunblaðið - 02.08.2003, Síða 22

ÁRBORGARSVÆÐIÐ
22 LAUGARDAGUR 2. ÁGÚST 2003 MORGUNBLAÐIÐ
„VIÐ verðum verulega varir við
flutning fólks hingað á þetta svæði
hér vestast í Árnessýslu, til þétt-
býlisstaðanna Selfoss, Hveragerðis,
Þorlákshafnar, Eyrarbakka og
Stokkseyrar. Þessi tilflutningur
fólks er einn þáttur í því að fyritæki
okkar hefur þanist út,“ segir Magn-
ús Gíslason, framkvæmastjóri Foss-
raf ehf., sem er rafverktakafyrirtæki
með verslun og verkstæði á Selfossi
og verktakastarfsemi á Suðurlandi
og víðar, en verktakar í byggingar-
iðnaði verða vel varir við það þegar
eftirspurn eykst og bjartsýni vex í
þjóðfélaginu.
Magnús segist senda um 12 bíla á
hverjum degi út frá verkstæðinu, til
verkefna á svæði innanbæjar og ut-
an.
„Ég held að ástæðan fyrir þessum
áhuga fólks á að setjast hér að sé
umhverfið en það virðist sem fólki
finnist umhverfið öruggara og að-
gengilegt að vera hér með börn og
unglinga. Svo er fasteignaverð hér
fyrir austan skaplegra en á höfuð-
borgarsvæðinu. Þegar það munar 5
milljónum á sambærilegum fasteign-
um, taka margir þann kost að búa
hér og keyra til vinnu á höfuð-
borgarsvæðið. Það tekur jafnvel
styttri tíma að keyra héðan og inn í
Skeifu heldur en úr Grafarvogi í
vesturbæinn. Nálægðin við höfuð-
borgarsvæðið er góð og gott að búa
hér austan Hellisheiðarinnar,“ segir
Magnús.
Allir vilja fá allt strax
„Við erum að sinna fólki hérna í
gegnum verslunina og í heimilis-
tækjaviðgerðum og síðan í verktaka-
vinnunni sem er stærsti þátturinn í
okkar starfsemi. Það er auðvitað
reynt að leysa allt fljótt og vel en
auðvitað er andinn þannig í sam-
félaginu að allir vilja fá allt strax og
enginn vill bíða en við reynum að
sinna þessu og forgangsraða verk-
unum eftir aðstæðum hjá hverjum
og einum. Í rafverktakastarfseminni
getum við unnið hvar sem er á land-
inu þótt aðalsvæðið sé hér á Suður-
landi og á höfuðborgarsvæðinu,“
segir Magnús í Fossraf en þar starfa
18–20 manns að jafnaði.
„Selfoss er verktakabær og
sprottinn sem slíkur úr umhverfi
iðnaðar og þjónustu sem hefur
byggst upp hérna. Nálægðin við
sumarhúsabyggðina og þessar stóru
virkjanir sem hér eru rétt hjá kallar
á mikla þjónustu sem hefur mikið að
segja fyrir þetta svæði. Menn sjá
núna fram á bjarta tíma enda er boð-
uð mikil uppbygging sem þegar er
hafin. Þá hafa framkvæmdirnar við
Kárahnjúka mikil áhrif víða og virka
eins og vítamínsprauta út í allt sam-
félagið. Það er alls staðar bjartsýni
ríkjandi og verið að hefjast handa við
ýmis verkefni,“ segir Magnús.
Fyrirtækið hefur hafið vinnu við
nýjan skóla í Suðurbyggð á Selfossi
og þar er rafmagnshlutinn 1⁄7 af
heildarverkinu.
Bættar samgöngur
nauðsynlegar
Hvað framtíðina varðar segir
Magnús, eins og svo margir aðrir,
það grundvallaratriði að samgöngur
við höfuðborgarsvæðið séu góðar en
þær þurfi að batna.
„Við viljum greiðari samgöngur
við Reykjavík en vegurinn þangað er
ákveðinn flöskuháls. Leiðin um
Hellisheiði þarf að flytja meiri um-
ferð og framkvæmdir með breikkun
sem boðaðar hafa verið þurfa að
ganga eftir sem fyrst. Eftir það geta
menn síðan hugað að lýsingu á heið-
inni ef niðurstaðan er sú að hún
tryggi öryggi vegfarenda. Svo þarf
greiðari leið að okkur hérna inn í
miðbæinn og ég held að það hafi ekki
teljandi áhrif þótt Suðurlandsvegur-
inn fari yfir Ölfusá hér ofan við bæ-
inn. Slík aðgerð síar frá þunga-
umferð sem erfitt er að fá í gegnum
miðbæinn hérna.
Sumir hafa áhyggjur af þessum
áformum Vegagerðarinnar og óttast
samdrátt í verslun og þjónustu en
slík greiðari umferð eykur að mínu
mati streymi fólks og eflir svæðið í
heild. Byggðin hér fyrir austan okk-
ur mun eflast til muna við slíka sam-
göngubót og Selfoss verður áfram
miðpunkturinn í verslun og þjónustu
á Suðurlandi. Fólk á alltaf erindi
hingað inn í bæinn og hér er að
byggjast upp öflug þjónusta sem er
samkeppnisfær við höfuðborgar-
svæðið. Fólkið sækir í þjónustuna og
með fólkinu koma aukin umsvif,“
sagði Magnús Gíslason, fram-
kvæmdastjóri í Fossraf á Selfossi.
Magnús í Fossraf á Selfossi verður var við fólksfjölgun og aukna bjartsýni á svæðinu
Það er alls
staðar bjart-
sýni ríkjandi
Morgunblaðið/Sigurður Jónsson
Magnús Gíslason framkvæmdastjóri, lengst til vinstri, ásamt hluta af starfsmönnum Fossraf á Selfossi.
Selfoss
VERKEFNIÐ Vistvernd í verki hef-
ur nú staðið yfir í tæplega þrjú ár.
Verkefnið er alþjóðlegt og er Ís-
land eitt 17 landa þar sem verk-
efnið hefur náð að festa rætur. Boð-
ið er upp á þátttöku í visthópi, þar
sem heimilishaldið er tekið til at-
hugunar og endurskoðunar.
Árangurinn lætur ekki á sér
standa, hvort heldur er fyrir um-
hverfið eða pyngjuna. Nú hafa um
320 heimili vítt og breitt um landið
tekið þátt í visthópi, eða um 1.000
manns þegar allir fjölskyldu-
meðlimir eru taldir. Sem stendur
eru 18 hópar með um 150 þátttak-
endum starfandi á landinu enda
hefur verkefnið vaxið ört í vetur.
Verkefnið er í umsjón Land-
verndar en er styrkt af Sorpu,
Landsvirkjun, Toyota, Fjarðar-
kaupum, Orkuveitu Reykjavíkur og
umhverfisráðuneytinu.
Hveragerði hefur verið með frá
byrjun og í bókinni sem höfð er til
grundvallar er vísað til bæjarins.
Síðasta vistverndarhóp skipuðu
þær Guðný Ísaksdóttir, Guðrún
Olga Clausen, Herdís Þórðardóttir,
Ingibjörg Jónasdóttir, Jónína
Þrastardóttir, Margrét Ísaksdóttir,
Pálína Snorradóttir og Sirrý
Hreinsdóttir. Þessi hópur sótti um
það til ráða og nefnda að fá moltu-
tunnur. Samþykktu bæjaryfirvöld
að þessi hópur og þeir sem tækju
framvegis þátt í vistverndarhópi
fengju að gjöf moltutunnu. Í sam-
vinnu við Sorphirðuna voru Heims-
konum afhentar tunnurnar.
Í hópastarfinu er mikið lagt upp
úr því að skila marktækum árangri
og fylla þarf út á sérstöku eyðu-
blaði mælingarniðurstöður í upp-
hafi tímabils og í lokin. Þessi hópur
sýndi góðan árangur eða 3% betri
árangri en meðaltal Hvergerðinga
sem tekið hafa þátt í verkefninu.
Alls hefur 31 fjölskylda tekið þátt í
verkefninu í Hveragerði og er það
takmark bæjarins að allir Hver-
gerðingar verði vistvænni.
Morgunblaðið/Margrét Ísaksdóttir
Visthópurinn „Heimskonur“ ásamt Kolbrúnu Oddsdóttur umhverfisstjóra
og Kristni T. Haraldssyni, formanni umhverfisnefndar í Hveragerði.
Heimskonur fá
moltutunnur
Hveragerði
HÁTÍÐ var nýlega haldin í Listasafni Árnessýslu í til-
efni af því að veittar voru viðurkenningar fyrir fallega
garða í Hveragerði. Forseti bæjarstjórnar, Þorsteinn
Hjartarson, setti hátíðina og sagði m.a. að líklega hefði
bærinn aldrei verið jafnfallegur og í ár. Það bæri að
þakka vinnuskólanum, umhverfisstjóra og bæjarbúum
öllum sem tekið hafa virkan þátt í fegrun bæjarins.
Kristinn T. Haraldsson, formaður umhverfisnefndar,
sagði m.a. í ávarpi að hér væru vel hirtir garðar og græn
svæði í byggð, sem væri gott heilsufari fólks. Auk þess
hefði það áhrif á fasteignaverð til hækkunar. Þeir sem
viðurkenningarnar hljóta hafa lagt sitt af mörkum við
fegrun bæjarins og skara fram úr við umhirðu garða
sinna. Þá afhenti Kristinn ásamt umhverfisstjóra bæjar-
ins, Kolbrúnu Þóru Oddsdóttur, viðurkenningarnar. Kol-
brún sagði að undanfarið hefðu vinnuskólinn og um-
hverfisstjóri skoðað einka- og fyrirtækjalóðir, til að
vekja athygli á lóðafrágangi.
Umhverfis- og náttúruverndarnefnd veitir árið 2003
viðurkenningu fyrir nokkrar lóðir og eina fyrirtækjalóð.
Þá hefur Vinnuskólinn einnig valið lóð sem þeim finnst
bera af. Einnig eru veittar viðurkenningar fyrir áhuga-
verðan lóðarfrágang, umhirðu eða sérstöðu í plöntuvali.
Viðurkenningu fyrir snyrtilega og fallega lóð fá Sigur-
björg Vignisdóttir og Sigurdór Sigurðsson, Heiðmörk
50; Erla Ragnarsdóttir og Sigurður Sigurdórsson,
Reykjamörk 12; og Jón Helgi Hálfdánarson og Jóna
Einarsdóttir, Heiðarbrún 16.
Í toppstandi eftir tíu ár
Framfaraverðlaun í ár hlýtur Valgerður Guðmunds-
dóttir sem býr í Bröttuhlíð 12. Rúm fjögur ár eru liðin
síðan Valgerður fór að hreiðra um sig í Bröttuhlíð. Eldra
greni og birki prýðir lóðina sem er 1.300 fermetrar að
stærð. Lítill gróður var á suðausturhluta lóðarinnar,
enda Sandhólshver við lóðarmörkin. Valgerður lét keyra
mörgum vörubílahlössum af mold og möl í garðinn.
Þannig hækkaði hún lóðina, bjó til trjábeð meðfram göt-
unni og vatnið hætti að renna af götu og inn á lóðina.
Mest plantar Valgerður trjám og runnum og eru plönt-
urnar í örum vexti og umhirðan góð. Við húsið er nýr sól-
pallur. Valgerður hefur sett sér að markmiði að lóðin
verði í „toppstandi“ eftir 10 ár – og fær hún verðlaun fyr-
ir þá framtakssemi sem hún hefur þegar sýnt.
Flottasti garður bæjarins var valinn af Vinnuskól-
anum. Eigendur eru þau Fjóla Ólafsdóttir og Skarphéð-
inn Jóhannesson og stendur húsið, sem nefnt er Helga-
fell, við Hveramörk 12. Fyrirtæki sem viðurkenningu
hlaut er við Breiðumörk 19. Eigandi hússins er Ásgeir
Helgason en þar rekur Marta Birna Aðalsteinsdóttir
Söluturnin Tíuna.
Í umsögn um húsið segir: Breiðamörk 19 hefur tekið
nokkrum breytingum frá því í fyrra, búið er að endur-
klæða húsið og gera ýmsar lagfæringar á lóð. Góð að-
koma er fyrir alla. Á stéttinni meðfram húsinu er bekk-
ur, stubbaker, sorpílát ásamt stólum og borði með sól-
og/eða regnhlíf. Merkingar fyrirtækisins falla að líf-
legum litum þessa búnaðar. Endurbæturnar gefa aðal-
götunni ferskan blæ. Þessu fagnar nefndin og vill því
einnig heiðra eiganda hússins, Ásgeir Helgason.
Vinnuskólinn hefur gert umhverfismat fyrir sérhvert
fyrirtæki í Hveragerði og athugað hvort áhugi sé fyrir
hendi á að bæta eða breyta lóðum þeirra. Þau fyrirtæki
sem sýndu þessu áhuga áttu þess kost að verða valin úr
hópi annarra fyrirtækja og mun bæjarfélagið leggja til
fagmann í hönnun eða endurbætur lóðarinnar í eina
viku. Það fyrirtæki sem varð fyrir valinu í ár er fyrir-
tækið Reykjadalur sem rekur gistihúsið Ljósbrá.
Bærinn aldrei jafnfallegur
Morgunblaðið/Margrét Ísaksdóttir
Fjóla Ólafsdóttir í garði sínum við Helgafell, eða Hvera-
mörk 12 , sem vinnuskólinn kaus „flottasta garðinn.“
Viðurkenningar veittar
fyrir fallega garða
Hveragerði