Morgunblaðið - 15.08.2003, Blaðsíða 16

HÖFUÐBORGARSVÆÐIÐ
16 FÖSTUDAGUR 15. ÁGÚST 2003 MORGUNBLAÐIÐ
30 ÁRA LÁNINNRÉTTINGAR EldaskálinnBrautarholti
FORELDRAR í Vesturbænum af-
hentu í gær Árna Þór Sigurðssyni,
forseta borgarstjórnar, undir-
skriftalista þar sem á annað þús-
und manns mótmæla fyrirhugaðri
lokun gæsluvallarins við Frosta-
skjól í dag, 15. ágúst. Á fundi
hverfisráðs Vesturbæjar var sam-
þykkt tillaga þar sem hvatt er til
þess að þjónusta gæsluvallar verði
áfram tryggð í hverfinu.
Að minnsta kosti einn gæslu-
völlur í hverju borgarhverfi
Í yfirlýsingu foreldranna segir að
með lokun gæsluvallarins verði
Vesturbærinn eina hverfi borgar-
innar án þjónustu gæsluvallar, sem
er í andstöðu við fyrri yfirlýsingu
borgaryfirvalda um að að minnsta
kosti einn gæsluvöllur yrði áfram
rekinn í hverju borgarhverfi. Enn
fremur segir í kröfugerð þeirra:
„Við teljum gæsluvöll vera eðlileg-
an hluta af nærþjónustu sem veita
skal innan hverfisins en ekki í öðr-
um borgarhlutum. [...] Gæsluleik-
vellir eru ætlaðir börnum til
þroskavænlegra útileikja í öruggu
umhverfi. Þar gefst tækifæri til
frjálsra leikja fyrir börn í fé-
lagsskap jafnaldra undir eftirliti
trausts starfsfólks. Gæsluleikvellir
eru mikilvægt úrræði fyrir fjöl-
mörg börn og valkostur við aðra
dagvistun.“
Þegar ákvörðun lá fyrir um lok-
un gæsluvallarins bentu borgaryfir-
völd foreldrum á gæsluvöll við
Njálsgötu 89. Þetta fyrirkomulag
telja Vesturbæingar ekki við hæfi.
„Það færist í vöxt að annaðhvort
foreldri eða bæði kjósi að vera
heimavinnandi meðan börnin eru
ung og er mikilvægt fyrir þennan
hóp að hafa aðgang að gæsluleik-
velli innan hverfisins. Gæsluvöllur
inni við Rauðarárstíg kemur engan
veginn í stað slíkrar þjónustu í
Vesturbænum og er ljóst að sá
kostur kemur ekki til greina fyrir
bíllausa.“
Þorsteinn Sigurlaugsson, foreldri
í Vesturbænum, segir viðbrögð
íbúa Vesturbæjar hafa verið framar
öllum vonum. „Fjöldi undirskrifta
fór langt fram úr okkar væntingum
og fólk var afar jákvætt í garð
þessa framtaks.“ Þorsteinn segir
svör forseta borgarstjórnar ekki
hafa verið skýr, en þó hafi hann
sagt að málið yrði tekið upp á vett-
vangi stjórnsýslunnar og mál
gæsluvallarins endurskoðuð. Lokun
vallarins verður því frestað þangað
til niðurstaða næst í málinu.
Óraunhæfar röksemdir
Þá röksemd að ekki sé þörf á
þjónustunni vegna leikskólanna
segir Þorsteinn ranga, þar sem
gæsluvellir séu úrræði sem fólk
nýtir, sem kýs að nýta sér ekki
þjónustu leikskólanna. Þarna sé því
spurning um valfrelsi. Einnig bend-
ir Þorsteinn á að sú hugmynd að
taka svæðið undir heilsdagsvistun
sex til níu ára barna í Grandaskóla
sé ekki raunhæf. „Það var haft eftir
Þorláki Björnssyni, formanni leik-
skólaráðs, í Morgunblaðinu í morg-
un, að þar sé um að ræða þörf fyrir
vistunarúrræði fyrir níutíu börn í
Grandaskóla. Inniaðstaða gæslu-
vallarins ræður í mesta lagi við um
tíu smábörn og útiaðstaðan ræður
alls ekki við allan þennan fjölda
barna, þannig að við eigum svolítið
erfitt með að sjá hvernig það á að
geta gengið upp. Þess fyrir utan
eru aðrir möguleikar varðandi þá
vistun sem hægt er að nota, til
dæmis Frostaskjól, þangað sem
börnin eru að sækja alls kyns þjón-
ustu úr Grandaskóla nú þegar.“
Þorsteinn segir foreldrana vænta
og óska þess að vilji íbúanna á
svæðinu verði virtur og borgaryf-
irvöld snúi þessari ákvörðun sinni.
Lokun gæsluvallar mótmælt
Morgunblaðið/Þorkell
Árni Þór Sigurðsson forseti borgarstjórnar tekur við mótmælum Vestur-
bæinga vegna lokunar gæsluvallarins við Frostaskjól.
Reykjavík
INNAN um hina fjölmörgu menn-
ingarviðburði sem verða í boði á
laugardaginn leynast annars konar
uppákomur sem eru ekki síður
áhugaverðar. Ein þeirra verður
ganga um Grasagarðinn í Laugar-
dalnum, klukkan ellefu á laugar-
dagsmorgun, þar sem Óli Vali
Hansson garðyrkjukandidat og
fyrrverandi garðyrkjuráðunautur
mun leiða gesti Grasagarðsins um
svæðið og kynna fyrir þeim hinar
fjölmörgu áhugaverðu plöntuteg-
undir sem þar finnast og eru upp-
runnar víðs vegar um heim. Þar má
til dæmis nefna snælenju frá Eld-
landi, syðst í Suður-Ameríku, virg-
iníuhegg frá N-Ameríku, steinbjörk
frá Kamtsjatka og fjallalerki frá N-
Ameríku.
Ókeypis og áhugaverðar
ferðir í boði
Óli hefur verið ötull plöntusafn-
ari og átt frumkvæðið að ýmsum
söfnunarferðum m.a. til Alaska í N-
Ameríku, Magadan og Kamtsjatka.
Mun Óli Vali segja frá völdum
trjám og runnum og nokkrum teg-
undum úr fyrri leiðöngrum sínum.
Leiðsögnin hefst í lystihúsi Grasa-
garðsins og þar verður boðið upp á
jurtate í lok göngunnar. Ferðin er
ókeypis og allir eru velkomnir.
Boðið verður upp á fleiri áhuga-
verðar ferðir á laugardaginn, þann-
ig efnir Orkuveita Reykjavíkur til
fræðslugöngu frá Minjasafninu í
Elliðaárdal, upp dalinn að Gvend-
arbrunnum klukkan tíu á laugar-
dagsmorgun. Meðal annars verður
hugað að ánni, örnefnum, jarð-
fræði, gróðri og dýralífi. Fjölmarg-
ir fræðimenn koma til leiðsagnar.
Gengnir verða um 12 km en boðið
verður upp á akstur til baka um kl.
15:30.
Um kvöldið verður síðan boðið
upp á sögugöngur um Aðalstræti
og Grjótaþorp í leiðsögn Guðnýjar
Gerðar Gunnarsdóttur borgar-
minjavarðar og um gamla Vestur-
bæinn með Páli V. Bjarnasyni
arkitekt.
Morgunblaðið/Jim Smart
Grasagarðurinn er bæði fagur og fræðandi og er gönguferð um hann nær-
andi fyrir sál og líkama. Á morgun býðst gestum fróðleg fylgd um garðinn.
Menningardagur í Laugardalnum
Gengið um Grasagarðinn
Reykjavík
SENN líður að upphafi skólaársins
og stutt er í að gangar og stofur
grunnskóla höfuðborgarinnar fyllist
af fróðleiksfúsum nemendum enn á
ný. Sumarið er jafnan nýtt til þess að
stækka, bæta við og breyta í skólum,
til þess að röskun á skólastarfi verði
sem minnst. Ljóst er að nokkuð mjótt
verður á mununum hvort fram-
kvæmdum verði lokið fyrir skólasetn-
ingar, sem fara fram í næstu viku.
Meðal annars er verið að ljúka bygg-
ingu Víkurskóla í Grafarvogi og verð-
ur hann að sögn Gerðar G. Óskars-
dóttur, fræðslustjóra Reykjavíkur, að
mestu tilbúinn áður en skólastarf
hefst og kennslustarf mun ekki líða
fyrir framkvæmdir.
„Það er víða verið að laga og byggja
og bæta aðstöðu á meðan skólarnir
eru í fríi. Þar má nefna tengibyggingu
við Laugalækjarskóla, en hún verður
ekki tilbúin fyrr en um áramót. Það
kemur þó ekki niður á skólastarfi í
haust, en byggingin verður verðmæt
viðbót við skólastarfið í framtíðinni,
vegna þess að hún mun meðal annars
hýsa samkomusal og bókasafn.“
„Einnig er verið að klára viðbygg-
ingu við Hlíðaskóla og ekki er útséð
hvort hún verður tilbúin áður en
kennsla hefst. Miklar breytingar
fylgja þessum framkvæmdum innan-
húss, viðbyggingin nýja er í raun inni
í skólanum, á milli húsa, og veldur því
miklu raski á meðan hún er ókláruð.
Starfsfólk og nemendur Hlíðaskóla
þurftu að búa við þetta rask allan síð-
asta vetur, en nú sér fyrir endann á
þessu.“
Verið er að ljúka viðbyggingu við
Klébergsskóla á Kjalarnesi og er
stefnt að því að hún klárist fyrir
skólasetningu. Við Árbæjarskóla er
einnig verið að klára viðbyggingu og
er reiknað með að vinnu við hana
verði lokið að mestu þegar kennsla
hefst og muni starf alls ekki raskast.
Gerður reiknar ekki með neinni töf
á upphafi skóla og telur allar líkur á
að skólastarf hefjist á réttum tíma í
öllum skólum.
Framkvæmdir við grunn-
skóla seinka ekki skólastarfi
Reykjavík
Morgunblaðið/Árni Torfason
Í Hlíðaskóla keppast menn við að ljúka framkvæmdum áður en skóli hefst.
HAFNFIRÐINGAR fögnuðu snyrti-
legum görðum og fallegum lóðum í
Hafnarborg í gær, þegar veittar voru
árlegar viðurkenningar fyrir fallega
garða, snyrtimennsku og fegrun á
vegum bæjarins. Verðlaunin voru
veitt á vegum Fegrunarnefndar
Hafnarfjarðarbæjar, en eftirtaldir
einstaklingar og fyrirtæki hlutu verð-
laun fyrir fallega garða og almenna
snyrtimennsku lóða og aðkomu:
 Norðurvangur 29
Fyrir fallegan og hlýlegan garð.
Eigendur eru Margrét Alice Birg-
isdóttir og Ásmundur Jónsson.
 Jófríðarstaðavegur 11
Fyrir glæsilegan og vel hirtan
garð. Eigendur eru Margit Sofie
Jonsson og Árni L Jónsson.
 Vesturholt 5
Fyrir fallega útfærslu á garði þar
sem holtagrjótið fær notið sín. Eig-
endur eru Sigrún Einarsdóttir og
Gunnar Herbertsson.
 Lóuás 2
Fyrir fallegan nýjan garð. Eig-
endur eru Jónatan Garðarsson og
Rósa Sigurbergsdóttir.
 Spóaás 8
Fyrir fallegan nýjan garð. Eig-
endur eru Kristján Stefánsson og
Soffía Arinbjarnardóttir.
 Langeyrarvegur 18
Fyrir fallegan og hlýlegan garð í
gömlu hverfi. Eigendur eru Kristj-
án Róbertsson og Steinunn Eiríks-
dóttir.
 Heiðvangur 50
Fyrir fallegan og hlýlegan garð.
Eigendur eru Gréta Kjartans-
dóttir og Óli Sævar Ólafsson.
 Lækjarberg 5
Fyrir fallegan og vel hirtan garð,
byggðan upp af smekkvísi, þar
sem holtagrjótið fær notið sín. Eig-
endur eru Ellen Tyler og Hálfdán
Karlsson
 Leikskólinn Norðurberg
Fyrir fallega og vel hirta nátt-
úrulega lóð.
 Íshestar ehf.
Fyrir fallega aðkomu og snyrti-
mennsku.
 Gatan Sævangur
var valin Stjörnugatan árið 2003
vegna fallegs umhverfis og al-
mennrar umhirðu.
Fallegir garðar og snyrti-
legar lóðir verðlaunuð
Garðurinn við Heiðvang 50 þótti
sérstaklega hlýlegur og fallegur.
Garðurinn við Jófríðarveg 11 hlaut
verðlaun fyrir glæsileika og þótti
umhirða hans til fyrirmyndar.
Hafnarfjörður