Morgunblaðið - 15.08.2003, Blaðsíða 56
UMHVERFISSTOFNUN telur ekki
ástæðu til að standa gegn áform-
um um innflutning á lamadýrum
til Íslands. Þetta kemur fram í
umsögn sem stofnunin hefur sent
landbúnaðarráðuneytinu vegna
umsóknar um innflutning á dýr-
unum.
Í umsögn Umhverfisstofnunar
kemur fram að ekki sé talin hætta
á að lamadýr hafi bein áhrif á ís-
lenska dýrastofna með því að
blandast þeim en hugsanlegt sé að
dýrin geti borið með sér sjúk-
dóma. Það fellur undir verksvið
yfirdýralæknis að taka afstöðu til
þess hvort sjúkdómahætta sé slík
að koma beri í veg fyrir innflutn-
ing dýranna. Innflutningur nýrra
tegunda er háður leyfi frá yfir-
dýralækni en ekki hefur enn verið
tekin afstaða til þess hjá embætt-
inu hvort leyfa beri innflutning-
inn.
Hugmyndin að nota dýrin til
að bera farangur ferðamanna
Í umsókn um innflutning lama-
dýra kemur fram að hugmyndin
með innflutningnum sé að nota
dýrin til þess að bera farangur
fyrir ferðalanga á gönguferðum á
Lamadýr
til Ís-
lands?
svæðum þar sem vélknúin umferð
er bönnuð. Lamadýr þykja henta
ákaflega vel til burðar þar sem
þau geta verið lengi án vatns og
vista og eru góðir klifrarar.
Ekki aðkallandi að flytja
lamadýr til landsins
Lamadýr eru upprunnin í Suð-
ur-Ameríku en þau eru skyld kam-
eldýrum. Í Andesfjöllum hafa dýr-
in verið notuð til burðar í
aldaraðir auk þess sem þau eru
rúin og ullin nýtt í klæði.
Umhverfisstofnun telur ekki
sérlega aðkallandi að flytja lama-
dýr til landsins en segir að m.a.
vegna þess hversu stórir ein-
staklingar af tegundinni séu ætti
að vera auðvelt að hefta eða
stöðva útbreiðslu tegundarinnar ef
þörf krefði.
MAÐUR um áttrætt fannst lát-
inn í fjörunni skammt fyrir innan
Blakksnes í Patreksfjarðarflóa
skömmu fyrir kl. 18 í gærdag.
Maðurinn hélt til veiða frá Pat-
reksfirði á litlum plastbát með
utanborðsmótor upp úr hádegi í
fyrradag og hafði ekkert spurst
til hans síðan. Björgunarsveitirn-
ar Blakkur frá Patreksfirði og
Tálkni frá Tálknafirði hófu leit
að manninum á fjórða tímanum í
gær og skömmu síðar þyrla
Landhelgisgæslunnar, TF-SIF.
Þyrlusveit Landhelgisgæslunnar
fann manninn rétt fyrir sex.
Skömmu áður hafði bátur hans
fundist mannlaus í fjörunni um
800 metra fyrir innan Blakksnes.
Björgunarsveitarmenn ásamt
lögreglu og lækni komust á stað-
inn kl. 19 og var maðurinn úr-
skurðaður látinn.
Fannst látinn við
Blakksnes
! " #
$" #
%%
'$(
&' (
Um 40 björgunarsveitarmenn
tóku þátt í leitinni, ásamt lög-
reglu, þyrlusveit LHG og sjó-
mönnum á þremur bátum.
STÓR og tígulegur örn með tutt-
ugu punda lax í klónum situr í bíl-
skúrnum hjá Birgi Eyjólfssyni vél-
virkja í Hafnarfirði. Örninn og
bráð hans eru úr járni og sköp-
unarverk Birgis, sem þegar hefur
varið um 500 vinnustundum í gerð
fuglsins. Vænghafið er um 2,40
metrar og fjaðrirnar 1300 til 1400
og sker Birgir út hverja fjöður fyr-
ir sig og sýður þær saman.
Morgunblaðið/Árni Sæberg
Birgir Eyjólfsson í bílskúrnum heima í Hafnarfirði með nýjasta sköp-
unarverki sínu: erni úr stáli með 20 punda lax í klónum.
Fyrir um tólf árum hóf Birgir að
vinna listaverk með járnklippum og
logsuðutækjum. Hann hefur gefið
flest verka sinna vinum og vanda-
mönnum. „Það fer talsverður tími í
þetta, en mér finnst þeim tíma vel
varið. Maður sofnar þá ekki yfir
sjónvarpinu á meðan,“ segir lista-
maðurinn.
Sofnar ekki yfir
sjónvarpinu
500 vinnustundir í gerð járnarnar
Daglegt líf/6
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 15. ÁGÚST 2003 VERÐ Í LAUSASÖLU 190 KR. MEÐ VSK.
SÚ staða er nú að koma upp að
hægt sé að reka deCODE, móð-
urfélag Íslenskrar erfðagreiningar,
á eigin fé og tekjum fyrirtækisins,
að sögn Hannesar Smárasonar, að-
stoðarforstjóra ÍE. Hann segir að
afkoma félagsins á öðrum fjórðungi
þessa árs staðfesti að viðsnúningur
hafi orðið í rekstrinum. Þetta megi
rekja til góðs árangurs af þeim hag-
ræðingaraðgerðum sem gripið var
til á síðasta ári, svo og aukinna
tekna.
Handbært fé deCODE minnkaði
um tæpar 3 milljónir Bandaríkja-
dala á öðrum fjórðungi þessa árs,
samkvæmt uppgjöri félagsins sem
birt var í fyrradag. Á fyrsta fjórð-
ungi ársins minnkaði handbært fé
deCODE um 14 milljónir dala en
hins vegar um 66 milljónir dala á
árinu 2002.
Hannes segir að útlit sé fyrir að
áætlanir deCODE um að handbært
fé félagsins fyrir yfirstandandi ár í
heild minnki um 20 milljónir Banda-
ríkjadala, muni ganga eftir, og að í
lok ársins verði hætt að ganga á
handbært fé. Hann segir þetta mik-
il tímamót í starfsemi Íslenskrar
erfðagreiningar.
Íslensk erfðagreining segir árangur af hagræðingu góðan
Hætt að ganga á hand-
bært fé fyrir lok ársins
Viðsnúningur/10
FYLKIR tapaði 1:0 í undankeppni
UEFA-bikarsins fyrir AIK í Svíþjóð í
gær og Grindavík 2:1 í sömu keppni
fyrir Kärnten í
Austurríki.
Svissneska kon-
an Nicole Pet-
ignat dæmdi
leik Fylkis og
varð hún fyrst
kvenna til að
dæma hjá körl-
um í Evrópu-
keppni. Hún er
36 ára og hefur mikla reynslu, dæmdi
meðal annars úrslitaleikinn á HM
kvenna í Bandaríkjunum 1999. Mikið
var fjallað um hana vegna þessa leiks
og í fyrsta sinn í sögunni var haldinn
blaðamannafundur með dómara
leiksins, bæði fyrir hann og eftir. Hér
má sjá hana ræða við Ólaf Inga
Skúlason í rigningunni í Svíþjóð.
Fyrst til að
dæma karlaleik
Fylkismenn/46
ATVINNUTEKJUR kvenna námu
að meðaltali 59% af atvinnutekjum
karla á árinu 2002, skv. þeim upplýs-
ingum sem fjármálaráðuneytið hefur
tekið saman úr skattframtölum. Hef-
ur þetta bil minnkað um 1,6 pró-
sentustig miðað við árið á undan.
Í Vefriti fjármálaráðuneytisins er
tekið fram að í skattframtölunum
séu ekki upplýsingar um vinnutíma
kynjanna, starfshlutfall þeirra,
menntun eða starfsaldur. Þeir þætt-
ir hafi á hinn bóginn áhrif á laun og
geti útskýrt að einhverju leyti mis-
muninn á launum kynjanna.
Í Vefritinu segir að hlutfall at-
vinnutekna kvenna af sambæri-
legum tekjum karla hafi vaxið á und-
anförnum árum. „Hlutfallið byrjaði
að vaxa 1998 eftir tímabil stöðnunar í
upphafi tíunda áratugarins og hefur
á síðustu 5 árum vaxið um 7%. Á
þeim tíma hafa meðalatvinnutekjur
karla aukist um 50% en tekjur
kvenna um 68%.“ Auk þess segir:
„Konur eru að vinna á öllum víg-
stöðvum á vinnumarkaði: Vinnutími
þeirra hefur aukist, atvinnuþátttaka
sömuleiðis og menntun þeirra hefur
aukist meira en hjá körlum.“
Konur með 59%
af tekjum karla
RAINBOW Warrior, flaggskip
umhverfisverndarsamtakanna
Greenpeace, er á leið til Íslands.
Að sögn Frode
Pleym, tals-
manns samtak-
anna í Osló,
var ákveðið að
halda til Ís-
lands þegar
fregnir af fyr-
irhuguðum vís-
indaveiðum Ís-
lendinga á
hrefnu bárust. Skipið var þá á
Miðjarðarhafinu á leið til Grikk-
lands.
Að sögn Pleym hafa Grænfrið-
ungar í hyggju að kynna Íslend-
ingum sjónarmið sín en ekki að
reyna að koma í veg fyrir hval-
veiðar með beinum aðgerðum.
Annað skip Greenpeace með sama
nafni var sent til Íslands árin
1978 og 1979 til að reyna að
trufla hvalveiðar.
Geld Leipold, æðsti yfirmaður
Grænfriðunga, verður með í för
Rainbow Warrior til Íslands en
talsmenn samtakanna vonast til
þess að ná fundi Árna M. Mathie-
sen sjávarútvegsráðherra á með-
an þeir dveljast hér á landi.
Skip Græn-
friðunga til
Íslands
Flaggskip/6
♦ ♦ ♦