Morgunblaðið - 17.08.2003, Blaðsíða 41

BYGGINGAFÉLAG námsmanna er
að taka í notkun 18 nýjar íbúðir á
Laugarvatni í tveimur íbúðarblokk-
um sem standa við Laugarbraut.
Fyrir er ein blokk með 10 íbúðum
svo BN hefur nú 28 tveggja og
þriggja herbergja íbúðir til útleigu
fyrir háskólanemendur á Laugar-
vatni. Bygging nýju íbúðanna hefur
gengið vonum framar. Fyrsta
skóflustunga var tekin í september í
fyrra og fyrstu teikningar voru af-
hentar fyrir tíu mánuðum. Sem
dæmi um einmuna tíðarfar þurfti
aldrei að fresta að steypa svo mikið
sem einu sinni allan byggingartím-
ann og gat verktakinn skilað af sér
einum mánuði fyrir áætluð verklok
þrátt fyrir hinn stutta verktíma.
Nemendablokkirnar eru áberandi
miðsvæðis á Laugarvatni við hlið
gamla Héraðsskólans þegar ekið er
niður Laugarbraut að vatninu og
gamla gufubaðinu. Lóðum húsanna
er skilað fullfrágengnum með grasi,
göngustígum og lýsingu. Nokkru af
háum trjágróðri sem fyrir var á lóð-
unum hefur verið haldið en auk þess
verður bætt við runnum á völdum
svæðum.
Íbúðirnar eru allar byggðar á
sömu grunnhugmynd þar sem stofa
og eldhús njóta útsýnis til suðurs í
átt að Laugarvatni, en baðherbergi,
anddyri og svefn/vinnuherbergi
snúa að svalagöngum. Þak bygging-
arinnar nær yfir svalaganga og nýt-
ur þannig skjóls í stigarými og við
innganga. Í byggingunum eru ýmist
3 herbergja íbúðir eða 2 herbergja
íbúðir, en á Laugabraut 5 er auk
þess gert ráð fyrir einni íbúð fyrir
fatlaða á jarðhæð. Geymsla er í
hverri íbúð og gert er ráð fyrir góðu
skápaplássi. Úr íverurými hverrar
íbúðar er gengið út á svalir eða ver-
önd. Í eldhúsum eru staðlaðar eld-
húsinnréttingar með blástursofni,
viftu og keramikhelluborði. Ísskápur
og örbylgjuofn fylgir sérhverri íbúð
og tengt er fyrir þvottavél í flestum
íbúðum. Slökkvitæki og reykskynj-
arar eru staðalbúnaður í öllum íbúð-
um. Allar íbúðir eru tengdar síteng-
ingu Nets gegnum IP-einkanet BN í
kerfisvörslu Símanns.
Byggingarnar eru klæddar með
báraðri álklæðningu. Þak er valma-
þak með báruáli. Gluggar eru ál-
klæddir timburgluggar sem steyptir
eru í. Svalahandrið á svölum og
svalagöngum eru úr áli, smíðað í Sví-
þjóð.
Aðalverktaki bygginganna er Þór-
halli Einarsson, hönnun var í hönd-
um Arkís ehf. Burðaþols og vatns-
lagnahönnun sá verkfræðistofan
Víðsjá um. Raflagnir teiknaði Raf-
lagnastofa Tómasar Kaaber. Bygg-
ingafélag námsmanna á og rekur
húsnæðið.
Morgunblaðið/Kári Jónsson
Nýju íbúðablokkirnar frá Byggingafélagi námsmanna við Laugarbraut
hafa fjölgað íbúðum á Laugarvatni um hvorki meira né minna en 50%.
Erlingur Jóhannsson, námsbraut-
arstjóri íþróttabrautar KHÍ, klippir
á borða að nýju íbúðarblokkunum.
Honum til aðstoðar er Benedikt
Magnússon, formaður Bygginga-
félags námsmanna.
Átján nýj-
ar náms-
manna-
íbúðir
Laugarvatni. Morgunblaðið.
Íbúðum á Laugarvatni hefur fjölgað um 50%
FRÉTTIR
MORGUNBLAÐIÐ SUNNUDAGUR 17. ÁGÚST 2003 41
SLÖKKVILIÐ Brunavarna Árnes-
sýslu hefur fengið nýjan körfubíl
sem var keyptur frá Slökkviliði
Stavangurs í Noregi og kostaði
hingað kominn 9 milljónir króna.
Bíllinn kom með Norrænu til Seyð-
isfjarðar í síðustu viku og var síðan
ekið til Selfoss.
Tegund hans er Mercedes Benz
2632 árgerð 1980 með körfubúnaði
frá USA sem framleiddur er hjá
Simon Snokkel. Mesta vinnuhæð
körfu með tveimur til þremur
slökkviliðsmönnum er 26 metrar og
ljóst að bíllinn skapar nýja mögu-
leika fyrir slökkviliðsmenn að fást
við erfiðar aðstæður í bruna. Stig-
rör er upp í körfuna og þaðan
mögulegt að sprauta vatni á hugs-
anlegan eld en dæla þarf vatninu
upp í körfuna frá dælubíl.
Tilkoma bílsins breytir töluvert
allri vinnu slökkviliðsmanna á eld-
stað, hvort sem um er að ræða
bruna í háum húsum eða lægri
byggingum. Samkvæmt reglugerð
um brunavarnir og brunamál verð-
ur að gera ráð fyrir því að slökkvi-
liðsmenn geti unnið í stigum í hús-
um á allt að fjórum hæðum. Þegar
hús verða hærri þarf að byggja við
þau sérstök öryggisstigahús eða
slökkviliðið fær til afnota körfubíl
sem nú er orðinn staðreynd hjá
Brunavörnum Árnessýslu. Í reglu-
gerð er einnig kveðið á um að þeir
sem reisa stórar byggingar, iðn-
aðarhús eða fjölbýlishús, verða að
koma upp öryggissvæði við húsin
sem bera þung tæki eins og körfu-
bílar eru. Til dæmis verður aðkoma
að svalahlið fjölbýlishúsa að vera
trygg fyrir tækjakost slökkviliðs-
ins.
Kristján Einarsson slökkviliðs-
stjóri og Karl Bergsson aðstoðar-
slökkviliðsstjóri voru sammála um
að tilkoma bílsins efldi slökkviliðið
til mikilla muna því nýbyggingar
færu hækkandi með hverju árinu
og bíllinn því nauðsynlegur. Þá
myndi bíllinn breyta vinnubrögðum
liðsins við slökkvistarf.
Morgunblaðið/Sigurður Jónsson
Karl Bergsson aðstoðarslökkviliðs-
stjóri og Kristján Einarsson
slökkviliðsstjóri fyrir framan nýja
körfubíl Brunavarna Árnessýslu.
Skapar nýja mögu-
leika á brunastað
Selfossi. Morgunblaðið.
Nýr körfubíll til slökkviliðs
Brunavarna Árnessýslu