Morgunblaðið - 14.09.2003, Blaðsíða 4

FRÉTTIR
4 SUNNUDAGUR 14. SEPTEMBER 2003 MORGUNBLAÐIÐ
STUTT
EINN þeirra sem lenti í bílslysi
á Holtavörðuheiði á föstudag
og var lagður inn með alvarlega
áverka lá enn á gjörgæslu í
gærmorgun eftir að hafa farið í
aðgerð um nóttina. Var líðan
hans eftir atvikum, að sögn
vakthafandi læknis á gjör-
gæslu.
Enn á
gjörgæslu
eftir slys
ELDUR kom upp í íbúð í fjöl-
býlishúsi í Dalalandi 6 í Foss-
vogi aðfaranótt laugardags og
voru tveir fluttir á slysadeild
með reykeitrun. Annar mann-
anna hlaut einnig brunasár á
fæti.
Tveir lögreglumenn sem
komu fyrstir á vettvang fengu
einnig reykeitrun og þurftu að
leita til læknis. Tilkynnt var um
eldinn til lögreglu kl. 2.35 og
slökkvilið kallað út. Fjórir
reykkafarar voru sendir inn í
íbúðina en vel gekk að ráða nið-
urlögum eldsins og tók það um
klukkustund.
Skemmdir urðu talsvert
miklar vegna reyks og sóts,
bæði í íbúðinni og á stigagangi.
Eldurinn kom upp í sófa en
ekki er vitað með hvaða hætti.
Lögregla rannsakar nú málið.
Eldur í
íbúð í
Fossvogi
LÖGREGLAN á Akureyri
handtók tvo karlmenn, sem
höfðu um 180 grömm af hassi í
fórum sínum, aðfaranótt laug-
ardags.
Við yfirheyrslur viðurkenndi
annar maðurinn að eiga hassið
og að hann hafi ætlað það til
sölu í bænum. Um er að ræða
heimamenn sem hafa komið við
sögu lögreglu áður. Þeim var
sleppt eftir yfirheyrslurnar.
Teknir með
hass á
Akureyri
KRISTBJÖRG Kjeld afhenti Lands-
bókasafni Íslands – Háskóla-
bókasafni á föstudag til varðveislu
öll handrit og drög að leikritum
sem eiginmaður hennar, Guð-
mundur Steinsson leikskáld, lét eft-
ir sig en hann lést í júní 1996. Gjöfin
er færð í tilefni af því að þann sama
dag kom út heildarsafn leikrita
Guðmundar, alls 22 verk, en aðeins
þrjú þeirra hafa áður birst á bók,
en 9 þeirra hafa aldrei komið fyrir
almenningssjónir fyrr hvorki á leik-
sviði né á prenti.
Við athöfnina flutti Jón Viðar
Jónsson erindi um leikrit Guð-
mundar Steinssonar en Jón Viðar
hafði umsjón með útgáfunni og rit-
ar ítarlegan inngang um verk hans.
Leikararnir Erlingur Gíslason,
Guðrún Þ. Stephensen og Árni
Tryggvason fluttu síðan kafla úr
leikritinu Lúkasi sem frumflutt var
í Þjóðleikhúsinu 1975.
Afhenti öll handrit
Guðmundar Steinssonar
Morgunblaðið/Jim Smart
BÚIÐ var að tilkynna sjö inn-
brot í fyrirtæki og bíla til lög-
reglunnar í Keflavík á laugar-
dagsmorgun, sem höfðu átt sér
stað um nóttina.
Farið var inn í ýmis fyrirtæki
víðs vegar í bænum, m.a. í mat-
vörubúð þar sem tóbaki að
verðmæti ríflega 100.000 kr.
var stolið og hárgreiðslustofu
þaðan sem um 60.000 kr. voru
teknar. Skemmdir voru unnar,
rúður brotnar og gramsað inn-
andyra.
Taldir hafa stolið bíl
í Grindavík
Þá er talið að sami eða sömu
aðilar hafi einnig stolið bíl í
Grindavík, auk þess að hafa far-
ið farið inn í bíl í Keflavík,
skemmt hann og stolið hljóm-
flutningstækjum. Lögregla
leitaði þess eða þeirra sem
brutust inn í gærmorgun en lík-
legt er talið að sömu aðilar hafi
verið að verki á öllum stöðun-
um.
Fóru ráns-
hendi um
Keflavík
HUGMYNDIR um geimrannsóknastöð á Kröflu-
svæðinu hafa ekki komið formlega inn á borð
sveitarstjórnar í Skútustaðahreppi, að sögn Guð-
rúnar Maríu Valgeirsdóttur, oddvita hreppsins.
Hún segist hins vegar vita til þess að málið hafi
verið rætt við jarðeigendur á svæðinu.
Fram kemur í Morgunblaðinu á föstudag að
forseti Marsfélagsins í Bretlandi sé staddur hér
á landi með hópi hugsanlegra fjárfesta til að
skoða aðstæður, en félagið hafi hug á að reisa
geimrannsóknastöð á svæðinu.
Guðrún sagði aðspurð að yrði af þessum hug-
myndum myndi það þýða aukna þjónustu á
svæðinu og þar af leiðandi myndi það styðja þá
þjónustu sem fyrir er. Hins vegar væri ekki gert
ráð fyrir að þarna yrði um að ræða atvinnu fyrir
Íslendinga. Svæðið yrði lokað öðrum en þeim
sem þar störfuðu og gert væri ráð fyrir að þeir
kæmu með það með sér sem til þyrfti og mann-
skap til að setja það upp. Þetta væri sérhæfð
starfsemi.
Starfseminni fylgja ekki
spjöll sem neinu nema
Aðspurð um hversu stórt svæði væri að ræða
sagði hún að það hefði ekki verið ákveðið. Þeir
þyrftu ákveðið svæði undir húsnæði og síðan
þyrftu þeir svæði til að fara um og hún gerði ráð
fyrir að það yrði aflokað að mestu. Svæðið væri
ekki fjölfarið og starfseminni fylgdu ekki spjöll
sem neinu næmi. Þau yrðu í algeru lágmarki og
hægt að bæta fyrir þau að mestu að lokinni starf-
seminni ef af þessu yrði.
Guðrún sagði að viðræður við landeigendur
stæðu yfir og að þeim loknum væri líklegt að
málið kæmi til kasta sveitarstjórnar.
Hún sagði aðspurð að þessar hugmyndir væru
ekki nýtilkomnar heldur hefði þetta verið í um-
ræðunni í nokkra mánuði.
„Núna eru menn að vonast til að þetta geti
orðið að veruleika,“ sagði Guðrún María enn-
fremur.
Hugmyndir um geimrannsóknastöð á Kröflusvæðinu í Mývatnssveit
Ekki komið formlega til
stjórnar Skútustaðahrepps
ERLENDUM ferðamönnum sem
sótt hafa Ísland heim í sumar hefur
fjölgað umtalsvert þegar miðað er
við sumarið í fyrra. Þannig komu
16% fleiri erlendir ferðamenn til
landsins nú í nýliðnum ágústmánuði
en komu í ágúst í fyrra. Aukningin
fyrir júlí nemur 14%. Í heild hefur
komum ferðamanna á tímabilinu frá
mars til ágúst fjölgað um 12%.
Gjaldeyristekjur af ferðamönnum
á fyrri hluta ársins hafa hins vegar
lækkað nokkuð, eða um rúmlega 900
milljónir króna, sem er 6,2% sam-
dráttur miðað við fyrri helming síð-
asta árs. Gistinætur á hótelum í júlí
voru 5% fleiri nú í ár en í sama mán-
uði í fyrra, voru alls 124 þúsund á
móti 119 þúsund árið 2002.
Erna Hauksdóttir fram-
kvæmdastjóri Samtaka veitinga- og
gistihúsa sagði að það sem stæði upp
úr eftir sumarið væri hin mikla fjölg-
un ferðamanna og taldi hún jafnvel
að sett hefði verið met nú í nýliðnum
ágústmánuði þegar varð 16% aukn-
ing miðað við fyrra ár. „Þetta er auð-
vitað mjög gott en á sama tíma erum
við að sjá í tölum frá Seðlabankanum
að gjaldeyristekjur fyrstu 6 mánuði
ársins hafa lækkað nokkuð,“ sagði
Erna og benti á að lægri fargjalda-
tekjur skiptu þar miklu, en ættu
ekki að koma á óvart. Aukin sam-
keppni í flugi hefði leitt af sér lægri
flugfargjöld. Eins gæti verið að um
annars konar ferðamenn væri að
ræða en áður og loks nefndi Erna
hátt gengi íslensku krónunnar sem
skýringu á minni gjaldeyristekjum
af erlendum ferðamönnum.
„Aðrar tekjur en fargjaldatekjur
eru óbreyttar frá í fyrra sem þýðir
að hver ferðamaður er að eyða
minna fé en áður,“ sagði Erna.
Hún sagði að færra fólk kæmi nú
frá Bandaríkjunum en áður, eins
mætti nefna Svía og Asíubúa, en
þessir hópar hefðu hvað mest nýtt
sér afþreyingarferðir af ýmsu tagi.
Nú væri meira um að fólk ferðaðist á
eigin vegum. „Þetta eru ein-
staklingar í skemmtiferð og þeir eru
mjög meðvitaðir um verð,“ sagði
Erna. „Eftir allar þær plágur sem
yfir okkur hafa gengið megum við
vel við una,“ sagði hún og nefndi í því
sambandi Íraksstríðið, 11. sept-
ember, bráðalungnabólgu, of hátt
gengi og nú síðast hvalveiðar við Ís-
land. „Allt þetta gerir okkur erfitt
fyrir,“ sagði Erna, en var þó í heild
ánægð með sumarið og sagði útlitið
fyrir september gott.
Góð nýting í bændagistingu
Sævar Skaptason framkvæmda-
stjóri Ferðaþjónustu bænda sagði
sumarið hafa verið mjög gott. „Nýt-
ingin hefur verið betri og jafnari.
Þannig var til að mynda júnímán-
uður góður og mun betri en var í
fyrra,“ sagði Sævar. Hann sagði
stærstan hluta gesta í bændagist-
ingu vera útlendinga, eða rúm 80%
og endurspeglaði hin góða nýting því
ágætlega auknar komur erlendra
ferðamanna. „Við höfum fengið okk-
ar skerf af kökunni og mér virðist
ferðaþjónustubændur almennt vera
ánægðir,“ sagði Sævar og benti á að
ferðaþjónusta bænda hefði fest sig í
sessi. Markaðssetning síðustu ára
hefði skilað sér og þá væri þetta vel
þekktur gistimáti í útlöndum þannig
að menn vissu að hverju þeir gengju.
Sævar sagði að vissulega væri nýt-
ingin misjöfn eftir landsvæðum, en
almennt létu menn vel af sér og út-
litið fyrir næsta ár væri gott.
Magnús Oddsson ferðamálastjóri
sagði alveg ljóst að þegar litið væri
til fyrri hluta árs hefði umfangið
aukist til muna og gistinætur er-
lendra gesta aukist um 9%. Á sama
tíma hefði gistinóttum fækkað í okk-
ar helstu samkeppnislöndum.
Magnús nefndi að á fyrstu 8 mán-
uðum ársins næmi aukning í komum
erlendra ferðamanna til Íslands 12%
miðað við fyrra ár. Aukningin frá
Bretlandi næmi 20%, frá Þýskalandi
væri hún 13% sem og frá Frakk-
landi, frá Spáni og Ítalíu 21% en frá
Norðurlöndunum næmi hún 10%.
Mjög góður árangur
„Það er alveg ljóst að á fyrstu 8
mánuðum ársins hefur náðst mjög
góður árangur á þessum þremur
svæðum, Bretlandi, meginlandi Evr-
ópu og Norðurlöndunum, en nokkur
samdráttur er aftur á móti í komum
Bandaríkjamanna. Hins vegar virð-
ist sá markaður vera að ná sér á
strik aftur,“ sagði Magnús.
Hann benti á að Íslendingar hefðu
verið einna fyrstir til að setja í gang
aðgerðaáætlun í kjölfar atburðanna
11. september 2001 og hefðu stjórn-
völd lagt fram umtalsvert fé til
kynningar- og markaðsstarfa með
greininni. Það hefði verið gert til að
verja árangur undangenginna ára og
virtist sem það hefði tekist. „Það lít-
ur út fyrir að með samstilltum að-
gerðum hafi menn náð árangri,“
sagði Magnús.
Hann sagði að á næstu mánuðum
yrðu meiri markaðsaðgerðir í gangi
en áður þar sem greinin hefði meiri
fjármuni til ráðstöfunar. Þá hefði
framboð gistingar aukist miðað við
það sem var í fyrrahaust og vetur,
„og líklegt er að það leiði til lægra
verðs“, sagði hann og nefndi að auk-
ið framboð væri einnig í flugi frá því
sem var í fyrravetur, m.a. með til-
komu Iceland Express og Græn-
landsflugs. Þá nefndi Magnús að
krónan hefði veikst undanfarið sem
styrkti samkeppnisstöðu ferðaþjón-
ustunnar. Þá hefði ferðaþjónusta á
Íslandi náð að sanna sig á und-
anförnum árum.
Magnús sagði að allt þetta; aukin
markaðssetning, aukið sætafram-
boð, hugsanlega lægra verð í flugi og
gistingu, veikari króna, reynd vara
og aukin trú á ferðalögum ætti að
skapa forsendur til að líta með bjart-
sýni til næstu mánaða.
Mun fleiri erlendir ferðamenn hafa komið til landsins en á sama tíma í fyrra
Meira um að
fólk ferðist á
eigin vegum
Morgunblaðið/Ómar
Fleiri ferðamenn koma hingað á eigin vegum en áður.