Morgunblaðið - 14.09.2003, Blaðsíða 22
LISTIR
22 SUNNUDAGUR 14. SEPTEMBER 2003 MORGUNBLAÐIÐ
hreinsiklútar
fjarlægja andlits- og augnfarða á augabragði
Í hreinsiklútunum er andlitsvatn og kamilla, sem hefur róandi
og nærandi áhrif á húðina og viðheldur réttu rakastigi hennar.
Fást í apótekum og stórmörkuðum.
Dr. Fisher hreinsiklútarnir
eru ofnæmisprófaðir
og henta öllum húðgerðum.
lif
u
n
Auglýsendur!
Hafðu samband í síma 569 1111 eða
í gegnum netfangið lifunaugl@mbl.is
Tímaritið Lifun fylgir
Morgunblaðinu
miðvikudaginn
24. september
það er gaman
þar sem fólkið er
SÓLRÚN Bragadóttir sópr-ansöngkona býr í sveitasæluá eynni Mön í Danmörku.Hún er nú komin í stutta
heimsókn heim og ætlar að halda tón-
leika í Hjallakirkju í Kópavogi á
þriðjudagskvöld kl. 20.00 með Önnu
Guðnýju Guðmundsdóttur píanóleik-
ara. Samstarf þeirra tveggja má
rekja til síðasta vors. „Við Anna
Guðný vorum að flytja verk eftir Atla
Heimi Sveinsson í Dronningsalen í
Kaupmannahöfn,“ segir Sólrún. „Atli
hefur verið mjög duglegur að semja
fyrir mig og við höfum alltaf haldið
góðu sambandi. Það hefur verið gam-
an fyrir mig að fá fersk verk í hend-
urnar og fá að spjalla við hann um
þau. Atli samdi verk fyrir mig árið
2000 við ljóð Einars Benediktssonar,
Útsæ, það er geysimikið verk sem við
Einar Steen-Nøkleberg frumfluttum
hér í Reykjavík og fluttum síðar í
Færeyjum og á Grænlandi. Anna
Guðný tók svo yfir, af Einari og við
fórum um Norðurland og langaði
einnig til að flytja verkið í Kaup-
mannahöfn. Það voru fleiri tónlist-
armenn með okkur og eingöngu verk
eftir Atla á efnisskránni. Það var
mjög vel mætt og mjög gaman. Við
Anna Guðný smullum svo vel saman
að við ákváðum að hafa framhald á
samvinnunni. Nú er komið að því.“
Sólrún segist vera að breyta svolít-
ið um stíl, það sé sveitaloftið á Mön
sem valdi því. „Ég er að skoða sálina
og innviðina og það hefur verið gott
fyrir mig. Á tónleikunum núna ætla
ég að víkja aðeins frá því klassíska og
vel prógrammið með tilliti til þess að
það höfði til stemmninga og tilfinn-
inga. Ég hef verið að gera þetta úti,
og það hefur haft meiri áhrif en ég
hefði trúað. Ég hef jafnvel verið að
syngja a cappella, án undirleiks, og
troða upp ein við allar mögulegar að-
stæður, og fólki finnst það hafa djúp
áhrif á sig. Ég hef meira að segja ver-
ið að syngja úti í skógi – í rólu og á
öðrum óvenjulegum stöðum – og það
hefur verið rosalega gaman að prófa
þetta. Maður áttar sig betur á mætti
raddarinnar og kraftinum sem í henni
býr.“
Gott að tala við áheyrendur
Sólrún segist þó ekki hætt að
syngja hefðbundna ljóðatónleika,
ljóðaflokka og slíkt, og söng eina slíka
á Jótlandi fyrir skömmu, með söng-
lögum Schuberts og Richards
Strauss.
„Ég er líka farin að tala við áheyr-
endur. Það brýtur ísinn, og ákveðinn
vegg sem stundum myndast milli
söngvarans og áheyrenda. Maður
slakar svolítið á fullkomnunarárátt-
unni við þetta, nýtur augnabliksins
betur og gefur meira af sér.“
Sólrún segist ætla að verða með
blandað efni á tónleikunum í Hjalla-
kirkju. Hún ætlar að syngja Wesend-
onkljóðin eftir Wagner, en raða þeim
á mismunandi stað í prógramminu.
„Ég ætla líka að syngja fimm aríur og
rómantík. Það verður þvælst milli til-
finninga, allt frá því að vera uppi í
skýjunum og til ástarsársaukans. Svo
verð ég með norræn lög, sem eru svo
rosalega bundin náttúrunni og okkar
„mentaliteti“. Það var til dæmis mjög
sérstakt að vinna með Einari Nøkle-
berg, því hann skildi íslensku söng-
lögin fullkomlega, Þjóðverjarnir eiga
til dæmis ekki eins gott með þetta.
Ég syng líka Var det en dröm eftir
Sibelius, Våren eftir Grieg, Gennem
bøgeskoven, sem er mjög rómantískt,
þetta er kannski ekki mjög nýstárleg
dagskrá, en allt mjög þekkt.“
Sórún segist hafa haldið sér „undir
yfirborðinu“ að undanförnu og tekið
lífinu með ró, þótt hún sé enn að
syngja. „Að undanförnu hef ég verið
að syngja Greifynjuna í Brúðkaupi
Fígarós í Düsseldorf, en líka að vinna
mikið með píanóleikaranum Andreas
Lucewicz. Hann var eini nemandi
Sviatoslavs Richthers og spilaði oft
dúó með honum. Lucewicz er geysi-
flinkur píanóleikari og við höfum ver-
ið að spila á tónleikum og öðrum
uppákomum. Annars hef ég fjarlægst
óperuna svolítið, en er farið að langa
svolítið á sviðið aftur.“
Sólrún segir gott að búa í Dan-
mörku, og þótt hún sé uppi í sveit sé
vegalengdin til Kastrup ekki svo
löng, og þaðan sé stutt í allar áttir,
hvort sem er til Þýskalands eða Ís-
lands. „Ég vil geta skroppið að heim-
an í vinnu, en þó umfram allt að geta
farið aftur heim í friðinn. Það er svo
yndislega gott og nærandi að búa á
Mön.“
Sólrún Bragadóttir með tónleika í Hjallakirkju
Höfða til stemmn-
inga og tilfinninga
Morgunblaðið/Kristinn
Anna Guðný Guðmundsdóttir og Sólrún Bragadóttir.
RÉTTINDASTOFA Eddu –
útgáfu hefur gengið frá samn-
ingum um útgáfu á Englum al-
heimsins eftir Einar Má Guð-
mundsson við forlagið Narodna
knjiga í Serb-
íu. Þar með
hefur útgáfu-
rétturinn á
verðlaunabók
Einars Más
verið seldur til
tuttugu landa.
Englar al-
heimsins
komu út á Ís-
landi árið 1993 og hlaut Einar
Már Bókmenntaverðlaun
Norðurlandaráðs fyrir hana
tveimur árum síðar.
Fyrir utan Serbíu hefur ver-
ið gengið frá samningum um
útgáfu á Englum alheimsins í
Bretlandi, Bandaríkjunum,
Þýskalandi, Hollandi, Frakk-
landi, Danmörku, Noregi, Sví-
þjóð, Finnlandi, Færeyjum,
Grænlandi, Spáni, Portúgal,
Ítalíu, Tékklandi, Litháen,
Tyrklandi, Póllandi og Kína.
Sagan hefur hlotið mikið lof
heima og erlendis og kvikmynd
gerð eftir henni.
Englar
alheimsins
til Serbíu
Einar Már
ÞAÐ er fyrir löngu komin hefð á að
sýna norrænar barna- og unglinga-
kvikmyndir í Norræna húsinu. Að
sögn Guðrúnar Dísar Jónatansdótt-
ur upplýsingafulltrúa verða í haust
sýndar nýlegar myndir sem allar
eiga það sameiginlegt að höfða til
breiðs aldurshóps og vera mjög vin-
sælar og umtalaðar í heimalöndum
sínum.
„Að venju verða fjölskyldusýning-
ar á sunnudögum kl. 14 en í haust
tökum við upp þá nýbreytni að sýna
dönsku, norsku og sænsku myndina
fram að áramótum fyrir skólahópa.“
Á sunnudögum er frítt í bíó og kl.
14 í dag verður danska myndin Úlfa-
stelpan Tinke sýnd. Leikstjóri er
Morten Køhlert. Aðalleikarar eru
Sarah Juel Werner, Lisbet Dahl,
Erik Wedersøe og Birthe Neumann.
Myndin er ætluð börnum sex ára og
eldri.
Sagan gerist árið 1850 og fjallar
um 9 ára stelpu sem heitir Tinke.
Hún býr ein og yfirgefin fjarri
mannabyggðum og er búin að missa
báða foreldra sína. Smaladrengurinn
Larus finnur Tinke svanga og hálf-
villta og fer með hana heim á bæinn
þar sem hann vinnur. Bóndinn vill
senda hana á fátækraheimilið en
kona hans vill ala hana upp sem eigin
dóttur.
Myndin er gerð eftir sögu Cecil
Bødker, Hungerbarnet.
Með myndinni fylgir bæklingur
með hugmyndum að skólaverkefn-
um sem hægt er að nálgast í Nor-
ræna húsinu.
Barnabíó
í Norræna
húsinu
GUÐRÚN Ingi-
marsdóttir sópr-
ansöngkona fær
mjög góða dóma í
þýskum blöðum
fyrir hlutverk sitt
sem María greif-
ynja í Fuglasal-
anum (Der Vogel-
händler) eftir
Carl Zeller.
„Guðrún Ingi-
marsdóttir í hlutverki Maríu greif-
ynju var sem fullkominn holdgerv-
ingur hins arístókratíska glæsileika
og fágunar. Með þýðri sópranrödd
sinni náði hún algerlega að heilla
áhorfendur sem þökkuðu fyrir sig
með dynjandi lófataki,“ sagði m.a. í
umsögn Oberbayerisches Volks-
blatt.
Í Chiemgau Zeitung var tekið
fram að Guðrún Ingimarsdóttir væri
fyrirmannleg fram í fingurgóma,
hefði frábæra sópranrödd og hún
hefði í hlutverki Maríu geislað af
þokka, glæsileik og „rauðhærðri feg-
urð“.
Guðrún
heillandi í
hlutverki Maríu
Guðrún
Ingimarsdóttir
♦ ♦ ♦