Morgunblaðið - 26.09.2003, Blaðsíða 4
FRÉTTIR
4 FÖSTUDAGUR 26. SEPTEMBER 2003 MORGUNBLAÐIÐ
„ÞAÐ sem skiptir mestu máli er að
fyrirtækið lýsir því yfir að það muni
virða virkjunarsamninginn og það
muni gilda bæði fyrir starfsmenn
þess og aðra tengda því,“ segir Þor-
björn Guðmundsson, talsmaður
samráðsnefndar um virkjunar-
samning við Kárahnjúkavirkjun um
yfirlýsingu ítalska verktakafyrir-
tækisins Impregilo, sem nefndin og
Vinnumálastofnun fengu í gær.
Í yfirlýsingunni kemur meðal
annars fram að Impregilo ábyrgist
að laun starfsmanna verði reiknuð
út samkvæmt íslenskum kjara-
samningum og þau verði, að frátöld-
um lífeyrissjóðsgreiðslum og skött-
um, greidd inn á bankareikning
viðkomandi starfsmanns. Ennfrem-
ur að Impregilo ábyrgist launa-
greiðslur starfsmannaleiganna.
Launamálahluti samráðsnefnd-
arinnar og Þórarinn V. Þórarins-
son, lögfræðingur Impregilo, áttu
um tveggja tíma fund um málið og
síðan fór Þórarinn á fund Gissurar
Péturssonar, forstjóra Vinnumála-
stofnunar, en launamálahluti sam-
ráðsnefndarinnar og Þórarinn ætla
að hittast aftur í dag. Þorbjörn Guð-
mundsson segir að greiðslurnar séu
ekki bundnar við bankareikninga á
Íslandi og ýmislegt þurfi að skoða
betur eins og til dæmis launin og
ráðningarsamninga sem séu gerðir
erlendis, en yfirlýsingin opni málið.
„Við skiljum yfirlýsinguna þannig
að það ætti að vera hægt að tryggja
það að starfsfólkið, sem kemur í
gegnum starfsmannaleigurnar,
verði að lágmarki á þeim starfskjör-
um sem virkjunarsamningurinn
tryggir. Það er meginkjarninn.“
Gissur Pétursson segist vera
ánægður með yfirlýsingu fyrirtæk-
isins, en hafa beri í huga að hún
varði erlenda starfsmenn frá lönd-
um innan evrópska efnahagssvæð-
isins, einkum starfsmenn frá Tyrk-
landi og Rúmeníu sem vinni við það
að setja upp vinnubúðirnar. Vinnu-
málastofnunin sé hins vegar að
grennslast fyrir um þá starfsmenn
sem eru með ráðningarsamning
tengdan atvinnuleyfi. „Ég er mjög
ánægður með það að fyrirtækið
sýni þennan samstarfsvilja,“ segir
hann.
Vinnumálastofnun verði í
samskiptum við Impregilo
Fyrirsjáanlegt er að eftir á að
manna mörg verkefni með erlendu
vinnuafli og segir Gissur að Vinnu-
málastofnun verði því í stöðugum
samskiptum við Impregilo. Hann
bendir á að í eins neikvæðri um-
ræðu og fyrirtækið hafi lent í fljóti
gjarnan ýmislegt með sem sé
ósanngjarnt en tilfellið sé að for-
svarsmenn Impregilo hafi gert
margt ágætlega. „Það er verið að
setja upp þessar vinnubúðir og þær
eiga eftir að verða mjög fínar og
kannski með þeim fínustu sem hafa
þekkst við virkjunarframkvæmdir.
Þeir hafa reynt að mæta mörgum
athugasemdum sem hafa komið
fram og það hefur verið fullur sam-
starfsvilji á mörgum sviðum.“
Impregilo ábyrgist að virða
virkjunarsamninginn
Morgunblaðið/Þorkell
Þórarinn V. Þórarinsson, lögfræðingur Impregilo, kemur af fundi sem
hann átti með Gissuri Péturssyni, forstjóra Vinnumálastofnunar.
PÁLL Gunnar Pálsson, for-
stjóri Fjármálaeftirlitsins, seg-
ir að Fjármálaeftirlitið hafi
ekki tekið ákvörðun um hvort
sérstök athugun verði gerð á
sölu og rekstri Fóðurblöndunn-
ar umfram viðvarandi eftirlit.
Hann vill að öðru leyti ekki tjá
sig um málið.
Tilefni fyrirspurnarinnar er
frétt í Morgunblaðinu, sem
birtist sl. þriðjudag, en þar kom
fram að endurskoðendur Price-
WaterhouseCoopers (PWC)
gerðu í árslok 2001 alvarlegar
athugasemdir við hvernig stað-
ið var að kaupum á Fóður-
blöndunni á miðju ári 2000, en
kaupendur voru dótturfélag
Kaupþings og GB-fóður. Í
skýrslu PWC er því haldið fram
að nýir eigendur fyrirtækisins
hafi tekið 660 milljónir út úr fé-
laginu m.a. með því að láta það
greiða 182 milljónir í arð til
hluthafa. Endurskoðendur
PWC telja að ekki verði séð að
heimildir séu fyrir þessum ráð-
stöfunum í lögum. Arðurinn var
endurgreiddur inn í félagið á
árinu 2001 eftir að skýrsla
PWC hafði verið gerð.
Engin
ákvörðun
um rann-
sókn
NÓI albínói eftir Dag Kára Pét-
ursson verður framlag Íslands til
forvals Óskarsverðlaunanna að
þessu sinni. Þetta kom í ljós í dag
þegar framleiðendur Stellu í
framboði ákváðu að draga sig út
úr kosningunni, en aðeins þessar
tvær myndir uppfylla skilyrði
Bandarísku kvikmyndaakademí-
unnar um kjörgengi. Því fellur
niður kosning um framlag Íslands
til Óskars sem fara átti fram í
Kvikmyndamiðstöð Íslands á
morgun og laugardag.
Nói albínói framlag
Íslands til Óskarsins
HLUTHAFAFUNDUR hefur
verið boðaður í Íslandsbanka hf.
föstudaginn 3. október næstkom-
andi. Á fundinum verður óskað
eftir heimild til að auka hlutafé í
bankanum um allt að 1.500 millj-
ónir króna að nafnverði. Jafn-
framt verður þess óskað að hlut-
hafar falli frá forgangsrétti til
áskriftar að hinum nýju hlutum.
Í tilkynningu frá Íslandsbanka
segir að tilefni hlutafjáraukning-
arinnar séu kaup á hlutum á
Sjóvá-Almennum tryggingum hf.
Í ljósi þess að Íslandsbanki hafi
keypt yfir 40% eignarhlut í
Sjóvá-Almennum tryggingum
hafi stofnast skylda Íslandsbanka
til að gera öðrum hluthöfum yf-
irtökutilboð, samkvæmt ákvæð-
um laga um verðbréfaviðskipti.
Yfirtökutilboð á genginu 37
Fram kemur í tilkynningunni
að bankaráð Íslandsbanka áformi
að gera hluthöfum í Sjóvá-Al-
mennum tryggingum yfirtökutil-
boð þar sem boðnar verði 37
krónur fyrir hvern hlut í félag-
inu. Er það hæsta verð sem Ís-
landsbanki hefur greitt fyrir
hluti í félaginu. Hyggst bankinn
bjóða hluthöfum Sjóvár-Al-
mennra trygginga val um
greiðslu í formi reiðufjár eða með
nýjum hlutum í Íslandsbanka
miðað við gengið 5,95 krónur fyr-
ir hvern hlut, eða samsetningu
þessara tveggja greiðsluforma.
Stefnt er að því að hluthöfum
Sjóvár-Almennra tryggingar
verði sent framangreint tilboð
eigi síðar en 17. október næst-
komandi.
„Markmið Íslandsbanka er að
Sjóvá-Almennar tryggingar hf.
verði dótturfélag Íslandsbanka
hf. og þar með afkomusvið í sam-
stæðuuppgjöri bankans. Þannig
hyggst bankinn veita viðskipta-
vinum sínum heildstæða fjár-
málaþjónustu, þ.m.t. á sviði vá-
trygginga,“ segir í tilkynningu
Íslandsbanka.
Hluthafafundur boð-
aður hjá Íslandsbanka
EMBÆTTI Ríkislögreglustjórans
hafa borist upplýsingar um að ein-
staklingar séu beittir blekkingum í
þeim tilgangi að fá þá til að gefa upp
persónuupplýsingar þar á meðal um
kreditkortanúmer og svokölluð PIN-
númer kreditkorta þeirra. Blekking-
ar þessar eru gerðar með þeim hætti
að einstaklingar, sem líklega hafa allir
átt viðskipti við eBay uppboðsvefinn,
hafa fengið tölvupóst sem virðist eiga
uppruna sinn hjá eBay. Í tölvupóst-
inum er bent á að villa sé í skrám vefj-
arins og þurfi viðtakandi tölvupósts-
ins því að gefa upp
persónuupplýsingar, m.a. kredit-
kortaupplýsingar. Mjög nákvæmlega
hefur verið staðið að þessum blekk-
ingum og hefur meðal annars verið
settur upp á Netinu vefur sem svipar
til vefsvæðis eBay. Erfitt er fyrir al-
mennan notanda að átta sig á að sá
aðili sem sendir póstinn og tekur við
honum aftur er ekki tengdur fram-
angreindum uppboðsvef. Grunur leik-
ur á að hinir óprúttnu aðilar hafi með
einhverjum hætti komist yfir netföng
fólks sem átt hefur viðskipti við eBay.
Hér er hins vegar um blekkingar
að ræða og er fólk varað við að veita
þær upplýsingar sem þar er beðið um.
Þeim sem þegar hafa gefið upplýsing-
ar er ráðlagt að hafa þegar samband
við viðkomandi kreditkortafyrirtæki
og tilkynna þar um upplýsingagjöf-
ina.
Rétt er að taka fram að Ríkislög-
reglustjóri hefur ekki neinar upplýs-
ingar um að fólk hafi látið blekkjast af
póstsendingum þessum.
Varað við svindlur-
um í nafni eBay
FÉLAG íslenskra stórkaupmanna,
FÍS, hefur að gefnu tilefni ákveðið að
kanna meðal félagsmanna sinna
hvernig þeim hefur gengið að fá
greidda reikninga hjá Impregilo og
undirverktökum Ítalanna við Kára-
hnjúkavirkjun. Andrés Magnússon,
framkvæmdastjóri FÍS, segist vita
dæmi þess að reikningar upp á tugi
milljóna króna séu ógreiddir síðan
snemma í sumar.
„Þeir byrjuðu þarna í júní þannig
að úttektarmánuðirnir eru orðnir
þrír. Síðan þá hefur ekki verið greidd
króna, að því er við best vitum. Við
þurfum að átta okkur á umfanginu
og hvernig í málunum liggur,“ sagði
Andrés en tilefni þess að FÍS ákvað
að ganga í málið var að eitt fyrirtæki
hafði samband og tilkynnti að það
hefði þurft að loka á viðskipti við
Impregilo vegna mikilla vanskila.
Andrés sagði félagið vita að fleiri fyr-
irtæki væru í sömu stöðu. Aðallega
væri um að ræða fyrirtæki sem flyttu
inn rafmagns- og byggingarvörur en
einnig hefðu mörg smærri fyrirtæki
á Austurlandi sömu sögu að segja.
Að sögn Andrésar hefur FÍS sent fé-
lagsmönnum aðvörun um að vanda
sérstaklega til samninga í viðskipt-
um við Impregilo.
„Við höfum ekki ákveðið hvað við
gerum í framhaldi af þessari könnun.
Ef þetta verður af þeirri stærðar-
gráðu sem gæti verið, þá munum við
væntanlega byrja á að tala við verk-
kaupann [Landsvirkjun] og kanna
hvað hann hyggst gera. Verkkaupi
getur varla horft aðgerðalaus á ef
verið er að brjóta á öllum, hvort sem
það eru birgjar eða verkalýðshreyf-
ingin,“ sagði Andrés.
FÍS kannar hvernig Impregilo stendur í skilum
Dæmi um ógreidda reikn-
inga upp á tugi milljóna
Morgunblaðið/Steinunn