Morgunblaðið - 26.09.2003, Blaðsíða 41

MORGUNBLAÐIÐ FÖSTUDAGUR 26. SEPTEMBER 2003 41
DAGBÓK
STJÖRNUSPÁ
Frances Drake
VOG
Afmælisbörn dagsins:
Þú hefur tæknilega færni og
kemur það af því að þú held-
ur einbeitingu og ert með
fullkomnunaráráttu. Oft
treystir þú frekar rökum en
tilfinningum. Rétt er að
vinna að því að ná settu
marki. Umbunin gæti verið
skammt undan.
Hrútur
(21. mars - 19. apríl)

Þetta er góður dagur til að
velta fyrir sér hvernig eigi að
bæta samskiptin við aðra.
Mundu að þú þarft að koma
jafn vel fram við maka þinn og
hann við þig.
Naut
(20. apríl - 20. maí) 
Hvaða þrjá hluti getur þú gert
til að bæta frammistöðuna í
vinnunni. Nýtt tungl veitir
fullkomið tækifæri til fagurra
fyrirheita.
Tvíburar
(21. maí - 20. júní) 
Það eru allar líkur á að ástin
geti blómstrað í lífi þínu nú.
Nýr kraftur og endurnýjun
færist í sambönd þín.
Krabbi
(21. júní - 22. júlí) 
Þettta er góður tími til að taka
upp nýjan þráð og bæta fjöl-
skyldusamskiptin. Eitt símtal
gæti dugað. Hugleiddu það.
Ljón
(23. júlí - 22. ágúst) 
Þú ættir að íhuga alvarlega
innkaup, sem þú ráðgerir.
Rétt er að vinna heimavinn-
una og vera viss um að fá nóg
fyrir peningana.
Meyja
(23. ágúst - 22. sept.) 
Hugsaðu um ímyndina. End-
urspeglar hún þig í raun?
Fyrstu kynni eru mikilvæg.
Hvernig viltu líta út?
Vog
(23. sept. - 22. okt.) 
Bæði sól og máni eru í þínu
merki í dag. Þú ert ekki sjálf-
hverf/ur, en það er mikilvægt
að setja sjálfan sig í fyrsta
sætið núna. Svo einfalt er það.
Sporðdreki
(23. okt. - 21. nóv.) 
Enginn getur blómstrað
endalaust. Þú þarft tíma í ein-
rúmi til að átta þig á hvað þú
vilt gera á næstunni. Hjá þér
hefst brátt nýtt ár.
Bogmaður
(22. nóv. - 21. des.)
Vinir og sérstaklega vinkona
mun veita þér huggun í dag.
Leitaðu uppi tækifæri til að
tala við aðra og hlustaðu.
Steingeit
(22. des. - 19. janúar)

Þetta er góður tími til að gera
alvarlegar skuldbindingar,
sem varða almenna stefnu
lífsins. Hvar vilt þú vera eftir
tíu ár og hvað getur þú gert í
dag til að ná því marki?
Vatnsberi
(20. jan. - 18. febr.) 
Það er mikið að gerast hjá þér
í útgáfumálum, ferðalögum,
æðri menntun eða starfs-
þjálfun. Hvernig getur þú
bætt möguleika þína á þess-
um sviðum?
Fiskar
(19. feb. - 20. mars) 
Þetta er góður dagur til að
ræða sameiginlega ábyrgð og
skuldbindingar. Vertu viss um
að þú skiljir hvers er vænst af
þér.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
ÞJÓÐVÍSA
Ég hélt ég væri smámey og hugðist vera til
eins og hitt fólkið um bæinn.
Og vorið kom og glóði um glugga mína og þil
allan guðslangan daginn.
Og sextán ára varð ég á vegi hins unga manns.
Þá lá vorið yfir sænum.
Og sumarnætur margar ég svaf á armi hans.
Ég var sælust allra í bænum.
En vindar hafa borið margt visnað skógarblað
um veginn, sem við gengum.
Því meðan hjörtun sofa býst sorgin heiman að,
og sorgin gleymir engum.
– – –
Tómas Guðmundsson.
LJÓÐABROT
ÁRNAÐ HEILLA
80 ÁRA afmæli. Ámorgun, laugardag-
inn 27. september, er áttræð
Halldóra Ottósdóttir, Suð-
urgötu 17–21, Sandgerði.
Hún tekur á móti gestum í
sal eldri borgara í Mið-
húsum, Suðurgötu 17–21, í
Sandgerði frá kl. 15–18 á af-
mælisdaginn.
60 ÁRA afmæli. Í dag,föstudaginn 26. sept-
ember, verður sextug Sig-
ríður Einarsdóttir, rekstr-
arstjóri, Hörgatúni 3,
Garðabæ. Eiginmaður
hennar er Valur Tryggva-
son, framkvæmdastjóri.
Þau munu fagna þessum
tímamótum með ættingjum
og vinum milli kl. 18-21 á
Garðaholti.
Suður spilar þrjú grönd
og þarf að glíma við tví-
þætt vandamál: stíflu í
líflitnum og slæmt sam-
band við blindan.
Suður gefur; AV á
hættu.
Norður
♠ Á7
♥ 972
♦ ÁD9732
♣102
Suður
♠ K43
♥ ÁK6
♦ K
♣G96543
Vestur Norður Austur Suður
– – – 1 lauf
Pass 1 tígull Pass 2 lauf
Pass 2 tíglar Pass 2 grönd
Pass 3 grönd Pass Pass
Pass
Útspil vesturs er
spaðadrottning. Hvernig
er best að spila?
Eitt er víst – það þýðir
ekkert að eiga við laufið,
því vörnin verður löngu
búin að sprengja hálitina
áður en laufið fríast. Það
verður því að gera út á
tígulinn. Fyrsta hugs-
unin er sú að taka á
spaðakóng, leggja niður
tígulkóng og teysta síðan
á 3-3 legu eða G10
blankt. En við skulum
aðeins líta betur á hépp-
ana í tígli. Sjöan er
glettilega sterkt spil. Ef
annar mótherjanna er
með G8 eða 108 tvíspil,
má gera litinn góðan
með því að yfirdrepa
kónginn, taka drottn-
inguna og sprengja svo
út millispilið:
Norður
♠ Á7
♥ 972
♦ ÁD9732
♣102
Vestur Austur
♠ DG109 ♠ 8652
♥ G8 ♥ 10543
♦ 10654 ♦ G8
♣ÁD7 ♣K8
Suður
♠ K43
♥ ÁK6
♦ K
♣G96543
Spaðaásinn er þá enn í
borði sem innkoma.
Aðeins er þörf á fimm
tígulslögum og því kost-
ar það í mesta lagi yf-
irslag að taka þennan
aukamöguleika með í
reikninginn.
BRIDS
Guðmundur Páll Arnarson
Þessar duglegu stúlkur héldu hlutaveltu í vor og söfnuðu
1.770 kr. sem þær gáfu Krabbameinsfélagi Austur- Húna-
vatnssýslu. Þær eru Margrét Hildur, Erla Rún og Guð-
björg og eiga heima á Blönduósi.
50 ÁRA afmæli. Í dag,föstudaginn 26. sept-
ember, er fimmtug Ingi-
björg Vilhjálmsdóttir. Af
því tilefni tekur hún og eig-
inmaður hennar, Leifur
Teitsson, á móti gestum í
Baðstofunni á Prestastíg 7 í
Grafarholti frá kl. 18 á af-
mælisdaginn.
1. e4 c5 2. Rf3 e6 3. d4 cxd4
4. Rxd4 a6 5. Rc3 b5 6. Be3
Bb7 7. f3 Rf6 8. Dd2 d5 9.
exd5 Rxd5 10. Rxd5 Bxd5
11. c3 Dd7 12. Be2
Be7 13. O–O O–O 14.
Hfd1 Hd8 15. Dc2 g6
16. a4 e5 17. Rb3
De6 18. Rc5 Bxc5 19.
Bxc5 Rd7 20. c4 bxc4
21. Bf2 Hac8 22. Kh1
c3 23. Ha3 cxb2 24.
Dxb2 Rc5 25. Db4
Rb3 26. h3 Hc2 27.
Bh4 Hdc8 28. Bd3
Staðan kom upp á
Evrópumeistaramóti
öldunga sem lauk
fyrir skömmu á Ítal-
íu. Íslenski keppand-
inn, Ingvar Ás-
mundsson (2.321), hafði
svart gegn Eugen Schmidt
(1.996). 28. ... Bxf3! 29. Bf5
Hvítur hefði einnig tapað
eftir 29. gxf3 Dxh3+ og 29.
Bxc2 Dxh3+ 30. Kg1
Dxg2#. 29. ... Dxf5 og hvít-
ur gafst upp.
SKÁK
Helgi Áss
Grétarsson
Svartur á leik.
HLUTAVELTA
Í dag er einhver
mesti íhaldsmaður
landsins, Erla Vídó Ei-
ríksdóttir í Vestmanna-
eyjum, sjötíu og fimm
ára. Hallgerður lang-
brók, Guðrún Ósvífurs-
dóttir og Þuríður spaka
hefðu allar litið öfund-
araugum til Erlu Vídó
sökum snerpu hennar
og hispursleysis til
varnar þeim sem
minna mega sín. Þótt
það fari vel að tala um
Erlu í hópi mestu
kjarnakvenna Íslands-
sögunnar þá eru það mannkostirnir
góðu sem hafa meitlað hið stóra
hjarta þessarar baráttuglöðu konu
sem er svo mikill sjálfstæðismaður
og svo hörð í kosningum að mánuð-
ina fyrir kosningar dettur henni nán-
ast ekki dúr á auga. Einu sinni sem
oftar var Erla á mjög tilfinninga-
þrungnum pólitískum fundi og var
heitt í hamsi. Nokkrum dögum áður
hafði aldraður faðir hennar fallið frá.
Fundargestur kom til Erlu sem var í
hrókasamræðum við aðra fundar-
menn, og vottaði henni samúð sína.
„Ég má ekkert vera að því að tala um
það núna, ég er hérna að ræða næstu
kosningar,“ svaraði sú beinskeytta
að bragði.
Oft hefur Erla Vídó hleypt stjórn-
málafundum í bál og brand með
óvæntum spurningum og innskotum
brjóstvits hins venjulega Íslendings,
ERLA
VÍDÓ
alltaf málsvari þeirra
sem minna bera úr být-
um, en þótt hún geti
verið hvassari en þegar
hann er hvassastur á
Stórhöfða, þá er mildin
hennar sem undir býr
eins og lognið ljúfa,
hlýrra en sunnanblær-
inn brosmildi. Marga
hildina hafa þær háð í
þeim efnum hún móðir
mín og Erla sem hafa
gjarnan verið eins og
dúett á fundaferðum og
samkomum og minntu
þá ósjaldan á svalakall-
ana í Prúðuleikurunum, ekki vegna
þess að þær hefðu allt á hornum sér
heldur vegna þess að það fór ekkert
fram hjá þeim.
Erla hefur alltaf verið baráttujaxl,
einlæg, harðfylgin og skemmtilegur
húmoristi, stundum svolítið þrjósk,
en það eru vestanvindarnir líka. Erla
hefur alla tíð sett svip á samfélagið,
ein af harðskeyttustu handboltakon-
um Eyjanna fyrr á árum, verkakona
og fiskverkakona lengst af og hús-
móðir, gift Sigga heitnum Vídó, Sig-
urgeir Ólafssyni skipstjóra, útgerð-
armanni, forseta bæjarstjórnar,
hafnarstjóra og fleira. Sjálfur var
Siggi sjaldgæft eintak mannkosta-
manns sem allir, sem kynntust,
sakna. Margir hafa tilhneigingu til
þess að gera allt betra og betra, en
Vídóarnir eru þeirrar gerðar að það
þarf ekki að gera þá betri. Vídóarnir
hafa að sjálfsögðu heimasíðu, vido.is.
Það eru hátíðleg tímamót hjá
henni Erlu minni. Hún hefur þolað
þykkt og þunnt, en jafnvel hún býr
yfir stakri þolinmæði og þrautseigju.
Það er gaman að gleðjast með henni í
andanum eins og Einar í Betel hefði
sagt um góða hirðinn með von um
endurfundi og hamingjuóskirnar
bylgjast til hennar í vestangolunni.
Árni Johnsen.
AFMÆLI
Kokkabókastatíf
Verð 3.990 kr.
Klapparstíg 44
Sími 562 3614
Litir: Svart, blátt,
grænt, grátt
Nýtt! drapplitur
www.thjodmenning.is
Útsala
50-70%
afsláttur
Bankastræti 11
sími 551 3930
Afmælisþakkir
Innilegar þakkir sendi ég hinum fjölmörgu vin-
um víðsvegar á landinu, sem heiðruðu mig með
blómum, gjöfum og heillaskeytum og heimsóttu
mig á 80 ára afmælisdaginn 21. september.
Guð blessi ykkur öll.
Helena Sigtryggsdóttir frá Siglufirði,
Marbakkabraut 32, Kópavogi.