Morgunblaðið - 26.09.2003, Blaðsíða 23
DAGLEGT LÍF
MORGUNBLAÐIÐ FÖSTUDAGUR 26. SEPTEMBER 2003 23
bílar
ALLTAF Á MIÐVIKUDÖGUM
SMÁAUGLÝSING
AÐEINS 995 KR.*
Áskrifendum Morgunblaðsins
býðst smáauglýsing fyrir aðeins 995 kr.*
Pantanafrestur er til kl. 12 á þriðjudögum.
* 4 línur og mynd.
HAFÐU SAMBAND!
Auglýsingadeild Morgunblaðsins sími 569 1111 eða augl@mbl.is
Á FIMMTUDAGINNALLTAF Á MIÐVIKUDÖGUM
NÚTÍMA afar og ömmur eru svöl
og barnabörnin hafa mikla
ánægju af samvistum við þau, að
því er fram kemur í könnun Early
Learning Centre og greint er frá
í Guardian.
Í hugum fólks eru afar og
ömmur ekki lengur ströng gam-
almenni í ruggustól úr tengslum
við raunveruleikann, heldur heil-
brigðari en nokkru sinni og m.a.s.
nettengd. Könnunin náði til 750
foreldra barna sex ára og yngri
og var ætlað að kanna hlutverk
afa og ömmu í lífi barnanna.
Í ljós kom m.a. að börnin eru
meira með öfum sínum og ömm-
um en foreldrar þeirra voru með
sínum öfum og ömmum. Þrír
fjórðu hittu afa eða ömmu einu
sinni í viku, miðað við 64% kyn-
slóðarinnar á undan.
93% finnst þessar sam-
verustundir mjög skemmtilegar,
enda er amma ekki lengur úti í
horni að prjóna og afi segir ekki
lengur að börn eigi að sjást en
ekki heyrast.
80% af öfum og ömmum leika
úti við barnabörnin sín miðað við
63% fyrri kynslóðar. Og barna-
börnin fá hjálp við heimalærdóm-
inn frá afa og ömmu sem eru í
vaxandi mæli nettengd, t.d. nota
60% þeirra tölvupóst.
FJÖLSKYLDAN
Morgunblaðið/Ásdís
Gaman með
afa og ömmu
ALGENGASTA dánarorsök kvenna
eru hjarta- og æðasjúkdómar. Konur
fá sjúkdóminn u.þ.b. 10 árum síðar á
ævinni er karlar. Konur virðast vera
varðar fyrir hjartasjúkdómum fram
að tíðahvörfum vegna estrogenáhrifa.
Fram að 65 ára aldri eru hjartasjúk-
dómar fjórum sinnum algengari hjá
körlum heldur en konum. Eftir þann
aldur minnkar þetta bil
verulega.
Rannsóknir sýna að
konur eru síður líkleg-
ar til að láta skoða
áhættuþætti hjarta- og
æðasjúkdóma. Einkenni
frá hjarta geta verið van-
metin hjá konum og fá þær
því síður viðeigandi skoðun. Ein-
kenni frá brjósti eru oft ekki tekin
alvarlega og talin vera eitthvað annað
en hjartasjúkdómur, t.d. streita.
Reykingar
Stærsti áhættuþáttur hjarta- og
æðasjúkdóma eru reykingar hjá báð-
um kynjum. Til að draga verulega úr
tíðni hjarta- og æðasjúkdóma er því
áhrifaríkast að leggja áherslu á virkar
tóbaksvarnir og að leiðir til reykleysis
standi öllum til boða.
Meðal kvenna sem reykja eru
heilaáföll/heilablóðfall líklegri en hjá
konum sem ekki reykja. Reykingar
og getnaðarvarnapillan eiga ekki
góða samleið, kona sem reykir u.þ.b.
15 sígarettur daglega og er á pillunni
er í þrisvar til fimm sinnum meiri
hættu á að fá hjartasjúkdóm. Þessi
áhætta er talinn tuttugufaldast ef hún
reykir fleiri en 15 sígarettur daglega.
Reykingar geta einnig leitt til
hækkaðs blóðþrýstings, en háþrýst-
ingur er einn af áhættuþáttum hjarta-
og æðasjúkdóma.
Þótt konur lifi lengur en karlar seg-
ir árafjöldinn ekki allt, lífsgæði þessi
ár skipta sköpum. Heilbrigt hjarta
ævilangt er góð leið til að bæta lífs-
gæði. Konur sem og karlar verða að
hugsa vel um sitt hjarta. Suma
áhættuþætti er ekki hægt að hafa
áhrif á, eins og erfðir, kyn og aldur.
Aðrir eru þess eðlis að hvert og eitt
okkar getur haft áhrif á þá. Þitt fram-
lag að heilbrigðu hjarta er að sleppa
reykingum, hreyfa þig daglega, borða
hollan mat, forðast aukakílóin, draga
úr streitu og láta fylgjast
með þekktum áhættu-
þáttum hjarta- og æða-
sjúkdóma, t.d. blóð-
þrýstingi, blóðsykri og
kólesteróli.
Hjartadagur
Alþjóðlegur hjartadagur
er haldinn í 94 löndum sunnu-
daginn 28. september. Tilgangur-
inn er að vekja vitund almennings á
hjarta- og æðasjúkdómum og leiðum
til að forðast þá. Hjartaheill í Perl-
unni 26–28. september er sýning sem
Landsamtök hjartasjúklinga standa
fyrir í tilefni af 20 ára afmæli sínu. Á
sýningunni verður ýmislegt kynnt er
lýtur að hjarta- og æðasjúkdómum.
Hjartavernd mun kynna áhættu-
reiknivél Hjartaverndar á hjarta.is
þar sem fólk getur látið reikna út lík-
urnar á að fá kransæðsjúkdóm á
næstu 10 árum þegar tekið er tillit til
mældra áhættuþátta eins og kólester-
óls, blóðþrýstings og fleira.
Árleg hjartaganga Landsamtaka
hjartasjúklinga verður farin frá Perl-
unni á morgun, sunnudag kl.14. Dag-
leg hreyfing er eitt það besta sem
gert er hjartanu til góða. Hjartavernd
hvetur alla til að taka þátt í göngunni
og púla þennan dag fyrir hjartað.
Ástrós Sverrisdóttir, fræðslu-
fulltrúi Hjartaverndar
Einkenni frá hjarta oft
vanmetin hjá konum
FRÁ HJARTAVERND
TENGLAR
.....................................................
www.hjarta.is (Hjartavernd)
www.worldheartday.com
www.lhs.is
Kona,
hugsaðu um
hjarta þitt
„VIÐ vorum búin að heyra um
vefinn og skoða hann oft þegar
við ákváðum að setja upp heima-
síður fyrir báðar dætur okkar síð-
astliðið vor,“ segir Elín Ida Krist-
jánsdóttir, en hún og Auðun
Ólafsson eiga dæturnar Kristínu
Maríu sem er að verða fimm ára
og Bryndísi Mörtu, 8 mánaða. „Ég
hélt þetta væri svo flókið en í
raun og veru er mjög einfalt að
gera heimasíðuna og setja inn
myndir og texta.“
Elín segir að hver og einn geti
haft síðurnar eins og hann vill og
það sé mjög misjafnt hversu mikl-
ar upplýsingar komi fram. Einnig
sé hægt að loka síðunum með að-
gangsorði sem hægt er að gefa
aðeins nánustu fjölskyldu og vin-
um.
„Viðbrögðin við síðunum okkar
hafa verð mjög góð og Kristínu
Maríu finnst mjög spennandi að
hafa sína eigin heimasíðu. Ég kíki
stundum inn á síður annarra, ekki
síst þeirra sem hafa skrifað í
gestabókina hjá okkur því þá
kemur upp krækja inn á þeirra
síður. En maður verður líka að
passa sig á að eyða ekki of mikl-
um tíma í þetta því það er auðvelt
að gleyma sér. Fyrir utan heima-
síður barnanna skoða ég umfjöllun
um uppeldi og mér finnast grein-
arnar sem birtast bæði stuttar,
hnitmiðaðar og gagnlegar. Ég fer
ekki mikið á spjallið en þeir sem
nota vefinn eru duglegir að aug-
lýsa ýmsar barnavörur og fleira
sem það þarf að losna við eða aug-
lýsa eftir slíkum vörum. Mér sýn-
ist að á barnalandi.is sé hægt að
fá nánast allt fyrir barnið.“
Morgunblaðið/Árni Sæberg
Eigin heimasíða: Dætur Elínar Idu og Auðuns, þær Kristín María 5 ára og
Bryndís Marta 8 mánaða, eiga hvor sína heimasíðu.
Mjög einfalt að
setja upp síðu