Morgunblaðið - 26.09.2003, Blaðsíða 24
LISTIR
24 FÖSTUDAGUR 26. SEPTEMBER 2003 MORGUNBLAÐIÐ
SÖNGVARARNIR Sigrún Hjálm-
týsdóttir, betur þekkt sem Diddú,
Gunnar Guðbjörnsson og Kristinn
Sigmundsson ætla, ásamt Jónasi
Ingimundarsyni píanóleikara, að
stilla saman strengi sína á tón-
leikum í Salnum, Tónlistarhúsi
Kópavogs, í kvöld kl. 20. Á næstu
dögum mun hópurinn síðan leggja
land undir fót og halda ferna tón-
leika á landsbyggðinni.
Að sögn aðstandenda er fyrri
hluti efnisskrárinnar helgaður ís-
lenska einsöngslaginu þar sem flutt
verða lög eftir Sigfús Einarsson,
Markús Kristjánsson, Sveinbjörn
Sveinbjörnsson, Emil Thoroddsen,
Sigvalda Kaldalóns og Bjarna Þor-
steinsson. En eftir hlé verður síðan
sannkölluð óperuveisla þar sem
sungnar verða aríur og dúettar úr
Brúðkaupi Figarós og Don Giov-
anni eftir W.A. Mozart, Perluköf-
urunum eftir G. Bizet, Faust eftir
C. Gounod, La Traviata, Macbeth
og Vespri Siciliani eftir G. Verdi og
La Bohéme eftir G. Puccini.
Gaman að syngja með Diddú
Spurður um verkefnavalið segir
Jónas það fyrst og fremst hafa tek-
ið mið af raddsamsetningu söngv-
aranna. „Flestar óperuaríurnar og
dúettarnir sem ég syng er allt eitt-
hvað sem ég hef sungið áður á
sviði, nema reyndar dúettinn úr
Perluköfurunum. Kannski má
segja að ég sé svona íhaldssamur
að vilja helst bara gera það sem ég
kann og er vanur að gera,“ segir
Kristinn kíminn. „Dúettinn úr
Perluköfurunum er eina stykkið
sem telst næstum skylduverk þeg-
ar maður kemst í svo feitt að heyra
Gunnar og Kristin syngja. Það er
bara ekki hægt að sleppa honum,“
segir Jónas.
„Ég hef hins vegar ekki sungið
neitt af þessum aríum eða dúettum
áður á sviði. Þannig syng ég t.d. ar-
íu greifafrúarinnar úr Brúðkaupi
Fígarós á tónleikunum í kvöld, en á
sínum tíma söng ég hins vegar
hlutverk Súsönnu hjá Íslensku óp-
erunni,“ segir Diddú. „En við
Diddú sungum einmitt saman í
þeirri óperuuppfærslu, ég var
greifinn. Í raun má segja að sam-
bandið milli Don Giovanni og Zerl-
ínu í dúettinum sem við syngjum í
kvöld svipi einmitt nokkuð til sam-
bandsins milli persónanna í Brúð-
kaupinu,“ segir Kristinn og bætir
við: Svo er nú alltaf jafn gaman að
syngja með Diddú, en því miður
fáum við alltof sjaldan tækifæri til
þess að syngja saman.“
Þar sem Kristinn hefur sungið
nánast öll hlutverkin sem hann
bregður sér í á tónleikunum í kvöld
á sviði liggur beint við að forvitn-
ast hvaða hlutverk honum þyki
vænst um. „Don Giovanni er nátt-
úrlega alveg sérstakur og mér
finnst Méphistophélès úr Faust líka
ofsalega spennandi. Báðir eru þeir
náttúrlega skítmenni, en það virð-
ast örlög bassa að syngja ann-
aðhvort hlutverk skúrka eða
feðra,“ segir Kristinn. „Það skal nú
tekið fram að það þykir reyndar
ekki við hæfi að syngja bænirnar
hans Méphistophélèsar í kirkjum,
þar sem hann var útsendari djöf-
ulsins hér á jörðu. Þannig að á tón-
leikum okkar í kirkjum munum við
sleppa þeim,“ bætir Jónas við.
Spurður um tónleikaferðina seg-
ir Jónas að hugmyndin hafi kvikn-
að út frá einum dúettinum sem
Kristinn og Gunnar syngja. „Þeir
syngja saman Sólsetursljóð eftir
séra Bjarna Þorsteinsson sem var
prestur á Siglufirði. Við Íslend-
ingar stöndum raunar í þakk-
arskuld við Bjarna vegna þess að
hann safnaði þjóðlögunum okkar.
Þetta var nú eiginlega nostalgísk
hugmynd hjá mér að fá að flytja
lag eftir séra Bjarna í Siglufjarð-
arkirkju og þess vegna förum við
þangað,“ segir Jónas. „Mér finnst
það bara sjálfsögð kurteisi að sinna
landsbyggðinni,“ segir Diddú. „Það
er nú ekki alltaf sem maður hefur
tækifæri til þess. En ef einhverjir
hafa áhuga á að hlusta á okkur úti
á landi þá er okkur það bæði ljúft
og skylt að verða við því,“ segir
Kristinn. „Auk þess er náttúrlega
tiltölulega lítið mál að skreppa
hvert á land sem er þegar allri und-
irbúningsvinnunni við tónleikana
sjálfa er lokið,“ segir Jónas.
Þess má geta að uppselt er á tón-
leikana í kvöld og aðeins örfáir
miðar eftir á aukatónleikana í
Salnum mánudagskvöldið 29. sept-
ember. Annað kvöld verður hóp-
urinn með tónleika í Siglufjarð-
arkirkju kl. 20.30 og á
sunnudagskvöldið kl. 20 í Miðgarði
í Skagafirði. Þriðjudagskvöldið 30.
september verður hópurinn í Fjöl-
brautaskóla Suðurlands, Selfossi,
kl. 20, en lokatónleikarnir verða í
Reykholtskirkju fimmtudags-
kvöldið 2. október kl. 20.30.
„Fáum alltof
sjaldan tæki-
færi til að
syngja saman“
Morgunblaðið/Þorkell
Sigrún Hjálmtýsdóttir, Kristinn Sigmundsson og Jónas Ingimundarson. Gunnar Guðbjörnsson var fjarverandi.
SARA Björnsdóttir og Spessi eru
gestir Sjónarhornsins í kjallara Lista-
safns Íslands, en sýning á verkum
þeirra verður opnuð þar í dag. Bæði
verkin eru gerð sérstaklega fyrir
þetta tilefni.
Sara sýnir myndbandsinnsetningu
sem hún kallar Rugl í rými. Sara
vinnur með sjálft sýningarrýmið í
stað þess að flytja verk inn í sýning-
arsalinn.
„Þetta verk er ólíkt þeim sem ég
hef áður gert, en þó í ákveðnu fram-
haldi. Ég hef verið að færa mig inn á
það sem kallað er staðbundið vídeó,
og það getur verið mjög flókið. Verkið
er gert á staðnum og er um staðinn.
Þessi tegund af list hefur alltaf heillað
mig og mér hefur fundist hún forvitni-
leg. Myndlistin er mitt umráðasvæði.
Hér er þessi salur mitt umráðasvæði,
og ég er að skoða tengsl milli umráða-
svæðisins og myndlistarinnar, ásamt
því að gera staðbundið verk. Her-
bergið er tómt, og í sjálfu sér vont til
að sýna myndlist í því. En fyrir það
sem ég er að gera er það mjög gott og
mikill karakter í því.“
Við vinnslu verksins gekk Sara um
rýmið og myndaði það í bak og fyrir
frá ýmsum sjónarhornum og setti á
þrjá geisladiska. Myndefninu er svo
varpað á veggi salarins úr þremur
sýningarvélum. „Ég varpa myndun-
um hverri ofan í aðra, þannig að þær
„feida“ inn og út, lifna við og hverfa
hver í annarri. Áhorfandinn áttar sig
á því að ég er að sýna honum myndir
af rýminu sem hann stendur í. En það
sem gerist er að það myndast mjög
mikill arkitektúr á veggnum og mað-
ur finnur fyrir öllu safninu. Það verð-
ur talsverður andardráttur í verkinu,
sem verður mjög lifandi fyrir vikið.
Þetta skýrir líka nafnið, Rugl í rými.
Ég er að rugla með rýmið, en líka að
leika mér með orðin. Ég hlakka til að
sýna fólki hvað ég er að gera og fá við-
brögð við því. Það er alltaf enda-
punkturinn á þessari skrýtnu vinnu
myndlistarmannsins.“
Lifandi póstkort
Spessi notar einnig myndbandið í
verki sínu og gæðir þannig ljósmynd-
ina lífi, en Spessi er vel kunnur af ljós-
myndum sínum. „Þetta eru kyrra-
myndir teknar með vídeóvél, og verða
eins og endalaus, lifandi ljósmynd.
Verkið heitir „Tourist Spot“ eða
ferðamannastaður. Þetta eru þrír af
mest sóttu ferðamannastöðum á Ís-
landi. Skógafoss, Hallgrímskirkja og
Jökulsárlón á Breiðamerkursandi.
Þetta eru eins konar póstkort, eins og
myndin af Skógafossi. Þetta er klass-
ískt viðfangsefni, og við höfum oft séð
þessa mynd á póstkortum – með
regnboganum og öllu. Það verður
hljóð með öllum myndunum – heyrist
til dæmis í kirkjuklukkunum í Hall-
grímskirkju. Ég er að tala um tímann
í þessu verki, en líka kyrrstöðuna og
eilífðina.“
Sýningarnar standa til 26. október.
Leiðsögn verður um allar sýningar
Listasafns Íslands á sunnudaginn.
Þar mun Harpa Þórsdóttir listfræð-
ingur ganga með gestum safnsins um
yfirlitssýningu Júlíönu Sveinsdóttir
og nýopnaðar sýningar þeirra Söru
Björnsdóttur og Spessa í Sjónarhorn-
inu. Leiðsögnin hefst kl. 15 og tekur
um eina klukkustund.
Ég er að rugla
með rýmið
Morgunblaðið/Einar Falur
Sara Björnsdóttir: „Það verður talsverður andardráttur í verkinu.“
Morgunblaðið/Einar Falur
Spessi: „Ég er að tala um tímann, en líka kyrrstöðuna og eilífðina.“
FÉLAG íslenskra organleikara-
heldur aðalfund sinn á morgun,
laugardag. Áður en til hanskemur
verður fyrsta
formanns félags-
ins, dr. Páls Ís-
ólfssonar
minnst, en 12.
október nk. eru
liðin 110 ár frá
fæðingu hans. Af
tilefninu verða
klukkutíma lang-
ir tónleikar í
Hallgrímskirkju sem hefjast kl. 12.
Á undan mun Árni Heimir Ingólfs-
son fjalla um Pál og verk hans. Þá
mun Björn Steinar Sólbergsson,
organisti Akureyrarkirkju, flytja
öll verk sem Páll samdi fyrir orgel
en á næstu dögum er væntanlegur
geisladiskur þar sem Björn leikur
þessi verk.
„Afmælisins hefur verið minnst
á þessu ári en aðalhátíðin verður
12. október, á afmælisdaginn,“
segir Kjartan Sigurjónsson, for-
maður Félags organista. „Páll er
fyrsti formaður félagsins, okkar
leiðtogi til margra ára á síðustu
öld. Enn eru nokkrir okkar starf-
andi organistar, sem voru nem-
endur Páls. Auk mín eru það þeir
Árni Arinbjarnarson og Jón Stef-
ánsson, sem er yngstur okkar,“
segir Kjartan.
„Meðal þess sem verður á dag-
skrá á afmælisdegi Páls má nefna
tónleika í Dómkirkjunni. Sama dag
verður tekið í notkun nýtt orgel í
Stokkseyrarkirkju, smíðað af
Björgvini Tómassyni. Það vill nú
svo vel til að ég verð sjálfur með
útvarpsmessu í Digraneskirkju
þennan dag. Ég mun að sjálfsögðu
haga mér eftir því og flyt mikið af
tónlist eftir Pál, bæði á oreglið og
með kórnum,“ segir Kjartan.
Páls Ísólfs-
sonar minnst
á félagsfundi
organista
Páll Ísólfsson
Í BORGARBÓKASAFNINU í
Gerðubergi verður opnuð sýning í
dag á krosssaumsmyndum Guðrún-
ar Bergsdóttur. Sýningin er hluti af
listahátíðinni List án landamæra.
Guðrún saumar krosssaum í
stramma og býr sjálf til mynstrin og
litasamsetningarnar. Á sýningunni
eru 13 myndir, mismunandi að
stærð, og eru þær gerðar á tíma-
bilinu 2000 til 2003. Myndirnar eru
litskrúðugar og sýna þróun hennar
sem listakonu. Borgarbókasafnið í
Gerðubergi er opið mánudaga–
fimmtudaga kl. 10–20, föstudaga kl.
11–19, laugardaga og sunnudaga kl.
13–16. Sýningin stendur til loka
október.
Listahátíðin List án landamæra er
haldin í tilefni Evrópuárs fatlaðra
2003 og 10 ára afmælis Átaks, félags
fólks með þroskahömlun.
Krosssaumur
í Gerðubergi