Morgunblaðið - 26.09.2003, Blaðsíða 25
LISTIR
MORGUNBLAÐIÐ FÖSTUDAGUR 26. SEPTEMBER 2003 25
!""
##$%&
'!'!
(
!
)
!#)
%&
!
" #
$
% &
% " '()
% & *
+ ,
- . ,
/00. 1
+2300-+4300
(
) *
%
+,!
54000
!
" "
!
TVEIR menn og kassi nefn-ist nýtt leikrit sem frum-sýnt verður í Möguleik-húsinu við Hlemm í dag
kl. 17. Höfundur leikritsins og jafn-
framt leikstjóri er danski leikstjór-
inn og leikarinn Torkild Linde-
bjerg. Tveir menn og kassi fjallar
um tvo flutningamenn sem eru að
burðast inn með stóran kassa. „Þeir
vita hins vegar ekkert hvert þeir
eiga að fara með þennan kassa eða
hvað þeir eigi að gera við hann og
fara að leita að einhverjum til þess
að taka við honum. Síðan fara að
heyrast ýmis torkennileg hljóð úr
kassanum, en hvað upp úr kass-
anum kemur verður bara að koma í
ljós,“ segir Pétur Eggerz sem leik-
ur annan flutningamanninn.
Gamanleikur í trúðsstíl
Þó sýningin byggist aðallega á
látbragði segir Pétur mennina tvo
tala ákveðið tungumál sín á milli
sem aðeins þeir skilja. „Þó er eng-
inn texti í sýningunni sem áhorf-
endur þurfa að skilja. Kannski má
lýsa verkinu sem gamanleik í trúðs-
stíl þar sem fjallað er um þann
furðulega vanda sem fylgir því að
vera manneskja og um óbærilegan
léttleika tilverunnar. Það má segja
að verkið sé svolítill ættingi ab-
súrdleikhússins.“
Að sögn Péturs hefur það komið
leikhópnum skemmtilega á óvart
hversu sýningin höfðar til breiðs
áhorfendahóps. „Við höfum verið að
sýna fyrir bæði krakka og fullorðna
á æfingum að undanförnu og það
hefur komið okkur á óvart hvað
verkið virðist höfða jafnt til allra
aldurshópa sem við höfum prófað.
Þannig höfum við verið með krakka
í salnum allt frá leikskólaaldri og al-
veg upp í efstu bekki grunnskóla.
Fyrirfram héldum við að sýningin
væri aðallega fyrir eldri krakkana,
en hún virðist ekki síður höfða til
þeirra yngstu, þannig að við getum
sagt að þetta sé sýning fyrir alla
fjölskylduna.“
Frjótt samstarf við
danska leikstjóra
Aðspurður um samstarfið við
leikstjórann Torkild Lindebjerg
segir Pétur að þeir Möguleik-
húsmenn hafi fyrst kynnst honum
þegar hann kom til Íslands árið
1995 með trúðssýningu sína Karlinn
í tunnunni sem sýnd var á norrænni
leikhúshátíð. „Þá fórum við fyrst að
tala um að gaman væri að vinna
saman, en Torkild hefur sérhæft sig
í látbragðsleik eða leik án orða og
trúðsleik. Sýningin núna er einmitt
unnin með það í huga að vinna út
frá þessum aðferðum sem hann hef-
ur sérhæft sig í. Torkild kom hér
fyrst á vinnufund í fyrravor og þá
var kastað upp hugmyndum sem
síðan hafa verið þróaðar áfram.
Verkið er nánast algjörlega unnið
út frá hans hugmyndum, en auðvit-
að með hliðsjón af því hverjir tækju
þátt af okkar hálfu.“
Þetta er í annað sinn sem Mögu-
leikhúsið fær til liðs við sig danskan
leikstjóra, en Peter Holst leikstýrði
verðlaunasýningunni Völuspá eftir
Þórarin Eldjárn sem frumsýnd var
fyrir þremur árum. „Í báðum til-
fellum höfum við fengið til liðs við
okkur leikstjóra sem eru vanir að
vinna í dönsku barnaleikhúsi, en
það býr yfir mun meiri og ríkari
sögu en barnaleikhúsið hérlendis.
Auk þess hefur Torkild gríðarlega
mikla reynslu af því að vinna með
þessa leikhústegund, þ.e. ferðasýn-
ingar fyrir börn og unglinga. Okkur
finnst einmitt mjög mikilvægt að fá
til liðs við okkur leikstjóra sem
vinna eftir aðferðum sem eru nýjar
fyrir okkur. Og ég get lofað því að
sýningin núna verður gjörólík þeim
sýningum sem fólk hefur hingað til
séð hérna,“ segir Pétur kíminn.
eftir Torkild Lindebjerg.
Leikmynd, lýsing, búningar
og leikstjórn: Torkild Linde-
bjerg.
Tónlist: Stefán Örn Arnarson.
Módelsmíði: Justin Wallace.
Leikarar: Bjarni Ingvarsson,
Pétur Eggerz og Stefán Örn
Arnarson.
Tveir menn
og kassi
Hvað leynist í kassanum?
Morgunblaðið/Ásdís
Pétur Eggerz og Bjarni Ingvarsson í hlutverkum flutningamannanna.
Í LISTASAFNI Sigurjóns Ólafs-
sonar stendur nú yfir sýningin
Meistarar formsins. Á sýningunni,
sem kemur frá þýska Rík-
islistasafninu í Berlín, má sjá verk
eftir helstu módernista Evrópu
ásamt lykilverkum eftir brautryðj-
endur íslenskrar höggmyndalistar.
Að sögn Birgittu Spur, umsjón-
armanns safnsins, hefur aðsókn
verið mjög mikil að sýningunni og
hafa nemendur á öllum skólastig-
um nýtt sér tilboð safnsins um
leiðsögn og kennslugögn, sem
finna má á netsíðum safnsins
www.lso.is.
Sýningunni lýkur á sunnudag.
Þá verður leiðsögn um sýninguna
kl. 14.
Safnið er opið kl. 14–17.
Morgunblaðið/Ásdís
Vopnataska, listaverk Axel Lischke, vakti athygli ungu sveinanna sem
heimsóttu Listasafn Sigurjóns Ólafssonar á dögunum.
Sýningunni Meistarar
formsins að ljúka
INGVELDUR Ýr er að hefja
ný námskeið fyrir unglinga
grunnskóla og framhaldsskóla-
aldri, þ.e. 12–15 og 16–20 ára.
Kennd er raddtækni sem hent-
ar fyrir alla tegund tónlistar,
bæði dægurlagasöng og klass-
ískan söng. Kennt er allt sem
snýr að raddbeitingu; öndun,
staða, raddtækni, framkoma og
tónheyrn. Lagaval er söng-
leikja- og gospellög, lög úr
Disney-myndum og öðrum
kvikmyndum og sönglög lærð í
röddum. Fengnir verða gesta-
kennarar til að kenna spuna,
leiklistaræfingar og framkomu.
Söngnám-
skeið fyrir
unglinga
MOZART fyrir sex er yfirskrift tón-
leika Chalumeaux-tríósins og
þriggja söngvara Íslensku óperunn-
ar sem haldnir verða í Laugarborg í
Eyjafjarðarsveit á laugardag kl. 16.
Tónleikarnir áttu að vera um síðustu
helgi en var frestað vegna veðurs.
Söngvararnir þrír sem koma fram
á tónleikunum eru þau Hulda Björk
Garðarsdóttir sópran, Sesselja
Kristjánsdóttir mezzósópran og
Davíð Ólafsson bassi, en öll eru þau
fastráðin við Íslensku óperuna.
Chalumeaux-tríóið er skipað klar-
ínettuleikurunum Kjartani Óskars-
syni, Óskari Ingólfssyni og Sigurði I.
Snorrasyni.
Mozart fyrir
sex í Laug-
arborg
Gallerí Sævars Karls,
Bankastræti
Sýning Svanborgar Matt-
híasdóttur er framlengd til 8.
október.
Sýning
framlengd
♦ ♦ ♦
MYNDLISTARMENNIRNIR Sirra
Sigrún Sigurðardóttir og Erling
T.V. Klingenberg opna sýninguna
„Mökuleki“ kl. 17 á morgun, laug-
ardag, í menningarmiðstöðinni
Skaftfelli á Seyðisfirði.
„Á sýningunni vinna þau saman
sem andstætt kyn á og í yfirborð
hefðbundinna miðla myndlistar út
frá miðju síns kyns sem verkfæri
aðdráttarafls. Aðdráttaraflið og
möguleikar merkinga í verkunum
tekst á við tálbeitu miðlanna og efn-
isnotkunnar,“ segir í kynningu.
Sýningin stendur til 10. október.
Eitt verka Sirru og Erlings.
Samsýning
í Skaftfelli