Morgunblaðið - 26.09.2003, Blaðsíða 47

FÓLK Í FRÉTTUM
MORGUNBLAÐIÐ FÖSTUDAGUR 26. SEPTEMBER 2003 47
Dans og Gleðitríóið Copy & Paste
í kvöld
Leikhúsgestir, munið spennandi matseðil
SYSTKININ Anna Th.Rögnvaldsdóttir og ÓlafurRögnvaldsson hafa und-anfarin misseri verið að
vinna að undirbúningi saka-
málamyndar fyrir sjónvarp sem
bera mun titilinn Allir litir hafsins
eru kaldir. Myndin verður í þremur
hlutum og hefjast tökur í nóvember
næskomandi.
Góðar undirtektir erlendis
„Fyrstu drög að handriti fóru inn
í menningarsjóð útvarpsstöðva á
meðan hann var og hét,“ segir Anna
sem skrifar handritið og leikstýrir.
„Þar fengum við styrk. Á þessum
tíma voru aðstæður þannig að það
var ekki útlit fyrir að hægt væri að
koma svona stóru sjónvarpsverkefni
á laggirnar. Þannig að upphaflega
sáum við ekki fyrir endann á þessu
fjárhagslega. Svo þróaðist þetta
þannig að við fengum tiltölulega
góðar undirtektir erlendis, þ.e. á
meginlandi Evrópu. Þar höfum við
fengið undirbúningsstyrki og tvær
sjónvarpsstöðvar, í Írlandi og í Sví-
þjóð, eru búnar að forkaupa mynd-
ina.“
Ólafur mun framleiða og stýra
tökum. Hann segir að Ríkissjón-
varpið komi aukinheldur inn í þetta
af krafti og það hafi verið stórt
skref að ná samningum við aðila
þar.
„Hér er Sjónvarpið að sýna á sér
dálítið nýja hlið, það er að sýna vilja
til að vinna með sjálfstæðum fram-
leiðendum á þennan hátt. Því þetta
er af þeirri stærðargráðu að Sjón-
varpið getur ekki kostað þetta eitt
og sér. Frá upphafi hefur þetta ver-
ið hugsað sem samvinnuverkefni við
margar sjónvarpsstöðvar og mynd-
in hefur frá upphafi verið hugsuð
sem útflutningsvara einnig.“
Kostnaður er enda metinn á
u.þ.b. 150 milljónir og Anna segir
að þar sem um sjónvarpsmynd sé
að ræða hafi þurft að vinna þetta á
nokkuð annan hátt en þegar verið
er að fjármagna mynd sem ætluð er
til sýninga í kvikmyndahúsum.
Nauðsynlegt hafi verið að telja
marga aðila, innlenda sem erlenda,
á að koma inn í myndina strax í
upphafi.
Skortur á leiknu
íslensku sjónvarpsefni
Myndinni er eins og áður segir
skipt í þrjá hluta og er hver þeirra
fimmtíu mínútur að lengd. Einnig
verður gerð níutíu mínútna kvik-
myndaútgáfa. Ekki liggur enn fyrir
hvort kvikmyndaútgáfan fer í kvik-
myndahús eða verður eingöngu
sýnd í sjónvarpi.
„Sagan gerist á þremur til fjórum
vikum í svartasta skammdegi
Reykjavíkur,“ útskýrir Anna,
„Þetta er morðgáta sem gerist í
samtímanum og aðalpersónan er
lögmaður sem er óvænt skipaður
verjandi manns sem grunaður er
um morðið. Og eins og tíðum gerist
í svona sögum er málið ekki eins
einfalt og það virðist í upphafi
(hlær).“
Sakamálasögur hafa ætíð verið
vinsælt efni, hvort sem er sem skáld-
sögur eða kvikmyndir. Anna segir að
áþreifanlegur skortur hafi verið á
svona efni fyrir sjónvarp hérlendis.
Ólafur tekur undir þetta.
„Það er líka almennur skortur á
leiknu íslensku sjónvarpsefni,“ segir
hann. „Það er algert ginnungagap í
þeim efnum. Það er mikilvægt að
það komist skriður á þannig fram-
leiðslu því að þannig efni er svo mik-
il undirstaða undir aðra þætti. Und-
anfarin ár hefur sjónvarpsefni líka
verið að sækja í sig veðrið erlendis,
þekktari leikarar eru farnir að birt-
ast á skjánum og svo má lengi telja.“
Ein og hálf bíómynd
Þau Anna og Ólafur reikna með
að myndinni verði lokið næsta sum-
ar. Og eins og sakir standa nú eru
þau einvörðungu með hugann við
þessa mynd, sem er eins og Anna
segir réttilega „ein og hálf bíó-
mynd“. Önnur verkefni, sem í deigl-
unni eru, bíða á meðan. Að lokum
eru þau spurð hvort það sé ekki
pirrandi fyrir listamenn að þurfa að
standa í linnulausu fjársnapi. Anna
svarar því til að það sé einfaldlega
partur af því að vera kvikmynda-
gerðarmaður. „Þó það geti vissu-
lega verið lýjandi,“ segir hún og
kímir.
Íslensk sakamálamynd í þremur hlutum í bígerð
Allir litir hafsins…
Anna og Ólafur
Rögnvaldsbörn eru að
hefja tökur á íslenskri
sakamálamynd sem
gerist í nöprum
veruleika höfuðborg-
arinnar. Arnar
Eggert Thoroddsen
ræddi við kvikmynda-
gerðarmennina um
þetta metnaðarfulla
verkefni.
arnart@mbl.is
Morgunblaðið/Halldór Kolbeins
Systkinin Ólafur og Anna fyrir utan gamla hegningarhúsið í Reykjavík.
KK og Maggi Eiríks hafa þeyst um
landið að undanförnu til að kynna
plötu sína, 22 ferðalög, sem notið
hefur gríðarlegra vinsælda og selst
í yfir 10.000 eintökum. Ferðalagið
tekur nú senn enda en um helgina
verða þeir á höfuðborgarsvæðinu,
leika í Hlégarði, Mosfellsbæ, í kvöld
en í Salnum, Kópavogi, á morgun. Í
næstu viku verða þeir svo á fimmtu-
daginn í Hafnarfirði, á föstudeg-
inum á Akranesi og svo í Austurbæ,
Reykjavík, á laugardeginum. Túrn-
um verður svo slitið formlega vik-
una þar á eftir með tónleikum í
Stapanum í Keflavík, föstudags-
kvöldið 10. október og svo í Félags-
heimilinu í Hnífsdal við Ísafjörð,
laugardaginn 11. okt.
Morgunblaðið sló á þráðinn til
KK þar sem hann var á rölti við
Arnarstapa.
„Við spiluðum í Ólafsvík í gær og
verðum á Bifröst í kvöld,“ segir
hann. „Túrinn er búinn að ganga
vel. Ég var svo að heyra að það
væri byrjað að selja miða í Salinn.“
KK lýsir stemningunni á und-
angengnum tónleikum sem einkar
heimilislegri og innilegri, enda
kunni allir textana svo gott sem ut-
an að.
„Fólkið er að gera okkur at-
vinnulausa,“ segir hann og hlær.
Hann bætir því svo við að þeir séu
spenntir fyrir því að leika í Stap-
anum en þar hafi þeir aldrei spilað.
Enn fremur lítist honum vel á loka-
tónleikana í Hnífsdal, en hug-
myndin hafi verið að spila á stað
sem liggi miðsvæðis á Ísafjarð-
arsvæðinu.
„Það var aldrei ætlunin að túra
þessa plötu,“ segir hann að lokum.
„En svo fór allt af stað þannig að
eftirspurninni þurfti að sjálfsögðu
að sinna,“ segir hann og brosir í
gegnum símann.
KK og Maggi ljúka „Ferðalögum“
Morgunblaðið/Arnaldur
KK og Maggi sjá nú fyrir endann á
„Ferðalögunum“.
„Fólkið að gera
okkur atvinnulausa“
Moggabúðin
Stuttermabolir, aðeins 1.000 kr.
Moggabúðin
Íþróttataska, aðeins 2.400 kr.
AUGLÝSINGADEILD
netfang: augl@mbl.is eða sími 569 1111