Morgunblaðið - 26.09.2003, Blaðsíða 22

DAGLEGT LÍF
22 FÖSTUDAGUR 26. SEPTEMBER 2003 MORGUNBLAÐIÐ
ÞEGAR kular með haustinu er gott
að draga hlýja sokka á fætur og ekki
verra að þeir nái að umvefja sem
mest af leggnum. Því er kærkomið
fyrir ábúendur landsins hér í norðri
að sjá hnésokka í gluggum tískubúð-
anna. Þykkir, þunnir, röndóttir, tíg-
lóttir, köflóttir, einlitir og ná ýmist
yfir hné eða rétt undir hné. Þessa
hlýlegu sokka má bæði draga á bera
leggi og yfir sokkabuxur.
Samkvæmt því sem afgreiðslufólk
í sokkabúðinni Sock shop sagði sem
og í versluninni Spútnik, þá kaupa
konur á öllum aldri sér og klæðast
slíkum langsokkum, allt frá tíu ára
upp í fertugt. Og þær nota þá ekki
einvörðungu við stuttu pilsin sem nú
eru í tísku, heldur líka við buxur
enda ná margar buxur aðeins
niður á miðjan legg, svo sok-
kaprýðin fær að njóta sín.
Vissulega minnir þessi hné-
sokkatíska á Línu Langsokk og
ekki leiðum að líkjast þegar slík-
ur kvenkostur er annars vegar.
Lína gekk iðulega í háum sokkum
og helst ekki samstæðum. En stutt
pils og sportsokkar minna líka á
skólastelpubúninga frá útlöndum og
því var ekki úr vegi að fá fjórar eld-
hressar skólastelpur sem eru veikar
fyrir langsokkum, til að draga fram
úr fataskápnum sýnishorn af því
besta sem þær áttu í sokkahrúgunni.
Hver tá í sérhólfi
Diljá Rudolfsdóttir var mjög
hreykin af tásokkunum röndóttu
sem mamma hennar hafði nýlega
keypt handa henni í Amerík-
unni. Hún sagði þá hlýja og
fjölnota, þeir nýttust bæði
raða saman sem fjölbreytilegustum
klæðum og litrík hnésokkatíska fell-
ur henni því vel í geð. Hún var í
svörtum sokkum með tíglamunstri
sem hún sagðist halda mikið upp á
og nota einna helst við stutt pils.
Júlíana Sól Sigurbjörnsdóttir
hafði dregið fram úr pússi sínu
tvenna sokka sem mamma hennar
hafði keypt handa henni í London.
Hún gat ekki gert upp á milli þeirra,
fór því í sinn sokkinn á hvorn fót að
hætti Línu, annan bleikan og hinn
röndóttan. Henni finnst flottast að
vera í langsokkum við uppbrettar
gallabuxur.
Línur í langsokkum

TÍSKA
Leggjaflækja: Diljá í amerískum tásokkum, Júlíana Sól í einum bleikum og öðrum
röndóttum, Melkorka í gulu sportsokkunum og Íris í klassískum tíglasokkum.
Sitt af
hvoru tagi
Efri mynd: Svarti sokk-
urinn og sá rauði eru frá
versluninni Sock Shop
en hermannasokkurinn
og sá röndótti eru frá
Spútnik sem og rokk-
pilsin sem eru endur-
unnin úr gömlum rokk-
bolum.
Neðri mynd: Misháir og
mislitir, fyrir innskeifa
og útskeifa: Svarti sokk-
urinn, sá hvíti og sá
bleikröndótti eru frá
Sock Shop en rokkpilsið
og gulröndótti sokk-
urinn eru frá Spútnik.
Tískufyrir-
myndin: Ilmur
Kristjánsdóttir
sem Lína lang-
sokkur í sam-
nefndu leikriti í
Borgarleikhús-
inu.
sem litríkir sokkar sem gægðust
fram undan síðum buxum dags-
daglega eða sem leggjaskraut við
pils eða buxur sem næðu rétt niður
fyrir hné. Hún sagði alls ekki óþægi-
legt að vera í sokkum þar sem hver
tá væri í sérhólfi en það tæki þó smá
tíma að venjast því.
Melkorka Rut Bjarnadóttir flagg-
aði gulum, þykkum og sportlegum
sokkum úr versluninni Retro. Hún
æfir handbolta og finnst allt sem er
sportlegt dálítið flott. Hún sagðist
vera búin að nota háa sokka nokkuð
lengi og fagnar auknu úrvali slíkra
sokka í búðum. Gulu sokkana sagði
hún vera ótrúlega þægilega og auk
þess „geðveikt“ flotta. Hún gæti ým-
ist haft þá upp á læri eða brotið þá
niður fyrir hné, eftir því í hverju hún
væri.
Ballerínunni Írisi Tönju Ívars-
dóttur finnst einstaklega gaman að
khk@mbl.is
Morgunblaðið/Þorkell
ÞEGAR þau Sigríður Guðmunds-
dóttir og Þór Sigurðsson eignuðust
sitt fyrsta barn lentu þau í því að
sonurinn veiktist og þurfti að fara í
aðgerð. Þau reyndu að viða að sér
upplýsingum um veikindin en
fannst lítið um þær og erfitt að
nálgast þær. Afraksturinn af leit-
inni er vefurinn barnaland.is sem
verður þriggja ára í nóvember.
„Við komumst að því að það var
erfitt að nálgast upplýsingar um
ýmislegt varðandi börn, ekki bara
veikindi, heldur hvað sem nöfnum
tjáir að nefna. Þegar
strákurinn okkar var á
Landspítalanum
ákváðum við að safna
saman öllum bæklingum
sem við fundum og taka
með okkur. Við fylltum
heila tösku af bæklingum
um ýmis málefni og bjuggum til
okkar gagnagrunn heima í tölvunni.
En við sáum fljótt að upplýsingarn-
ar voru fljótar að úreldast og velt-
um fyrir okkur að það væri slæmt
að hafa ekki þessar upplýsingar að-
gengilegar á einum stað. Þá kvikn-
aði hugmyndin um að setja þetta
inn á Netið. Við vorum svo heppin
að kannast við tölvukarlinn Inga
Gauta Ragnarsson sem er núna
meðeigandi okkar að vefnum og sér
um tæknimálin. Barnaland var síð-
an opnað í beinni útsendingu á stöð
2 í nóvember 2000.
Sigríður segir að allan þennan
tíma hafi þau unnið við vefinn í
sjálfboðavinnu. Hann hafi í upphafi
átt að vera lítill og svona meira til
gamans.
Heimasíður til að hafa
upp í kostnað
„En þetta vatt heldur betur upp á
sig og var orðið svo kostnaðarsamt
fyrir okkur að við urðum að reyna
einhvern veginn að fá tekjur til að
geta haldið þessu úti,“segir Sigríð-
ur. „Okkur datt þá í hug að selja að-
gang að heimsíðum fyrir börn. For-
eldrar geta þá búið til
heimasíðu um börnin
sín með myndum og
texta og greitt fyrir það
lágmarksverð.
Skemmst er frá því að
segja að þessu var ótrú-
lega vel tekið. Við viss-
um í rauninni ekkert hvað við vor-
um að fara út í og fannst við vera að
taka mikla áhættu. En öðru nær.
Það bætist við fjöldi áskrifenda á
hverjum degi og nú eru heimasíður
barna orðnar yfir 6.000 talsins.“
Sigríður segist alls ekki hafa bú-
ist við að fólk væri svo fúst að setja
upplýsingar um sig og börnin sín
inn á Netið, en ýmsir kostir hafa
komið í ljós. Hún segir að foreldrar
nokkurra mjög veikra barna hafi til
dæmis verið með heimasíður og
hafa foreldrarnir verið duglegir að
skrifa inn á vefinn og skrifað sig í
gegnum erfiðleikana en jafnframt
hjálpað öðrum með upplýsingum
sínum. Einnig eru fjölmargir ís-
lenskir foreldrar sem búa í útlönd-
um með heimasíður og þannig hafa
ástvinir á Íslandi möguleika á að
fylgjast með börnunum þótt þau búi
fjarri.
Auður litla Valdimarsdóttir sem
fékk nýja lifur fyrir skömmu er til
dæmis með heimasíðu og nokkrum
mínútum eftir að aðgerðinni lauk
voru komnar upplýsingar inn á síð-
una um að allt hefði gengið vel.
Þarna gátu ættingjar og vinir nán-
ast fylgst með í beinni útsendingu.
Nú er annað barn, Hilmir Guðni, að
fara í slíka aðgerð til Bandaríkjanna
og er hann líka með heimasíðu á
barnalandi.is.
Þá skiptast foreldrar á reynslu-
sögum inni á spjallsvæðinu og þar
koma oft fram gagnlegar upplýsing-
ar. Til dæmis hafa foreldrar, búsett-
ir í Danmörku, getað spurt hvert
þeir eigi að snúa sér til að fá kenni-
tölu og slíkt. Og ekki stendur á
svörunum.“
„Þrátt fyrir að á vefnum séu
margar mjög gagnlegar upplýsing-
ar, greinar og vísanir í erlenda vefi
eru heimasíðurnar langvinsælasta
efni hans,“ segir Sigríður. Við erum
með nákvæma talningu á notkun-
inni og um þessar mundir eru um
1,4 milljónir flettinga inni á vefnum
á viku. Ég á tvo stráka, annan 5 ára
og hinn 8 mánaða og ég fer oft inn á
vefinn til að fá upplýsingar. Í hvert
skipti hugsa ég hvað það hefði verið
gott að hafa haft aðgang að svona
vef þegar eldri strákurinn var lítill.“
Sigríður eyðir frá 3 upp í 5 tímum
á dag í að svara fyrirspurnum og
vinna að öðru leyti við barnaland.is.
Hún er að ljúka sálfræðinámi og
segist leggja mikla áherslu á að
hafa upplýsingarnar áreiðanlegar.
Þau hafi ekki bolmagn til að hafa
sérfræðinga á launum, en ýmsir úr
þeirra röðum hafa boðið sig fram og
viljað skrifa greinar og komið með
ábendingar.
Barnalandsfíklar, sauma-
og föndurklúbbar
„Og svo má ekki gleyma að minn-
ast á barnalandsfíklana, því umræð-
ur hafa verið um það á vefnum að
sumir gestirnir séu farnir að hafa
áhyggjur af því hversu oft þeir
heimsækja barnaland.is. Spurning-
in sé hvort þeir þurfi að fara að leita
sér aðstoðar,“ segir Sigríður kímin
og bætir við að barnalandsvinir hafi
sumir hverjir stofnað saumaklúbba
og föndurklúbba eftir að hafa
kynnst á spjallinu.
„Ég er viss um að það er mikill
stuðningur fyrir foreldra að hafa
aðgengilegar upplýsingar. Meðal
þeirra sem eru duglegir að heim-
sækja vefinn eru ungar, einstæðar
mæður, sem ekki hafa tækifæri til
að leita ráða hjá mæðrum sínum og
veit ég að þetta hjálpar þeim mikið.
Það eru svo ótrúlega margar spurn-
ingar sem vakna þegar maður er
með lítið barn.“

NETIÐ 1,4 milljón flettingar inn á barnaland.is á viku og foreldrar duglegir að skrifa og heimsækja vefinn
Sex þúsund
börn eiga
heimasíðu
Hugmyndasmiðirnir: Sigríður Guðmundsdóttir og Þór Sigurðsson ásamt
sonum sínum Sindra Þór 5 ára og Emil Snæ 8 mánaða.
Ástvinir hafa
möguleika á að
fylgjast með
börnunum þótt
þau búi fjarri