Morgunblaðið - 26.09.2003, Blaðsíða 38

38 FÖSTUDAGUR 26. SEPTEMBER 2003 MORGUNBLAÐIÐ

 




   
 

   !"!#$%&'(&)'

%* +, --.
, %!&%
%,!+ ((
+ !$
+!/01!-2+'+
-%$$("3!'
" %!'+4-(% !!
--$ ),.-'
1! ((+!/01! !
3(5-+%3!'
* !$ %
)56 -7,
)))0! 66--+
5+!)%/(8-6
*.(5$$)%/ 
&%$%9%44:
$2-166$"00&%
*2$- 9!3,% (7.(-%3)':

%(3--+
 -"00
,

 

     

 
 
  

 
 



!

BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
SUND er ein sú afþreying sem fólk
sækir stíft í Eyjum sem og annars
staðar á landinu og eins um allan
heim. Sund bætir líðan fólks jafnt
andlega sem líkamlega. Fólk sækir
sundlaugar á öllum tímum og nýtur
þess sem þar er í boði, hvort sem
það er til þess að synda, slaka á í
heitum potti eða bara til þess að
leika sér og hafa gaman. Það er
þannig með sundlaugar sem og
aðra staði sem krakkar sækja að
þar myndast oft mikill hamagangur
og læti, oftast á afmörkuðum svæð-
um laugana. Þar leika börn og ung-
lingar sér og njóta frelsisins í vatni,
sem er alveg sérstök tilfinning. Til
að gæta fyllsta öryggis á þessum
svæðum, eins og á laugarsvæðinu
öllu, þarf sundlaugarverði sem hafa
þolinmæði og tækni til þess að
passa upp á að ekki verði slys og að
fólk fari eftir reglum sem gilda á
slíkum stöðum. Þessar reglur eru
yfirleitt ekki flóknar en í hita leiks-
ins eiga börn og unglingar oft til að
gleyma sér, færa leikinn inn á
svæði sem ætluð eru til sunds,
hlaupa á hálum bökkum og svo
framvegis. Ég hef oft séð þessar
reglur brotnar og eflaust hef ég
brotið þær sjálfur og geri jafnvel
enn.
Ég hef sótt sundlaugina í Vest-
mannaeyjum á hverjum degi síð-
ustu misseri og orðið, eins og fram
hefur komið, vitni að því að þessar
reglur eru brotnar, oftast þá af
ungum börnum og unglingum. Það
sem hefur komið mér á óvart er al-
veg einstakur skortur á þolinmæði
sumra sundlaugarvarða þar á bæ.
Þeir hafa æst sig upp úr öllu valdi,
blótað og hreytt í fólk leiðindum
sem að mínu mati hafa verið gjör-
samlega óþörf. Sumir þeirra hafa
rekið krakkana til og frá í lauginni,
gefið frá sér reið og ósanngjörn
öskur, sem mér hefur gjörsamlega
blöskrað. Því spyr ég: Getum við
ekki sent börnin okkar í sund öðru-
vísi en komið sé fram við þau af svo
miklu virðingarleysi og ósvífni að
fólk sem á horfir stendur orðlaust
og hissa? Er ekki hægt að sýna þol-
inmæði, tillitssemi og virðingu við
þau börn sem aðeins gleyma sér í
hita leiksins?
Ef svo er ekki, væri þá ekki ráð
að gera könnun á hverjir eru hæfir
til að vinna með þennan hóp barna
og unglinga, hverjir það eru sem
hafa þolinmæði til að umgangast
misjafna hegðun ungmenna og
hverjir ekki?
Að mínu mati á sundlaugin að
vera skemmtilegur staður og fjöl-
skylduvænn, svo ekki sé minnst á
BARNVÆNN. Sundlaugarverðir
eru ekki foreldrar þessara ung-
menna og hafa engan rétt á að vera
með blótsyrði og dónaskap við þessi
ágætu ungmenni.
Ég vona að stjórn Íþróttamið-
stöðvar Vestmannaeyja taki þetta
mál til skoðunar til þess að við sem
sendum börn og ungmenni til laug-
arinnar getum verið viss um að þau
séu virt þar eins og annars staðar.
Ég bið því vinsamlegast þá laug-
arverði sem halda að þeir séu
„Robocop“ að hugsa sinn gang.
BIRKIR EGILSSON,
Hólagötu 23,
900 Vestmannaeyjum.
Opið bréf til
Íþróttamiðstöðvar
Vestmannaeyja
Frá Birki Egilssyni:
ÉG las í Bréfum til blaðsins skrif
Þorbjargar Sigurðardóttur og Elsu
Þórðardóttur sem birtust 17. og 20.
september síðastliðinn. Þar vitnar
meðal annars í skrif Matthíasar Jo-
hannessen sem birtist í blaðinu 6.
september. En þá grein hef ég ekki
enn lesið, en mér ofbauð hvernig
þessar konur geystust fram á rit-
völlinn til að gera lítið úr fjölmiðla-
konu og hlustendum sem til hennar
hringja. Þær nafngreindu hvorki
konuna né heldur útvarpsstöðina
en þegar Elsa nefndi dúllurnar var
eins og mig grunaði að þarna var
ráðist að Arnþrúði Karlsdóttur og
hlustendum útvarps Sögu á
ósmekklegan hátt. Hún kallaði
hlustendur vesælt fólk og endaði
skrif sín á orðunum: „ja svei og
svei“.
Ég er hlustandi útvarps Sögu og
fullyrði að þar er mikið af vönduðu
efni. Arnþrúður Karlsdóttir er
dugleg og þorir að fjalla um mál
sem margir vilja breiða yfir og
fela. Þessir þættir hennar eru vel
unnir og til þeirra vandað. Ég hef
verið lengi í baráttunni og sem for-
maður samtaka gegn fátækt hef ég
mörgu kynnst og ofbýður hvernig
sífellt er reynt að ráðast á garðinn
þar sem hann er lægstur og oft er
farið mjög illa með þá sem minna
mega sín. Ég vil segja að lokum við
þessar konur að þær geti bara
slökkt á útvarpinu eða sett á aðra
stöð ef þær svíður svona í eyrun
við það að heyra sannleikann um
skuggahliðar mannlífsins og láta
það vera að rakka það niður sem
vel er gert í þessu útvarpi alþýð-
unnar sem er mörgu fólki ómet-
anlegt.
SIGRÚN ÁRMANNS
REYNISDÓTTIR,
Hraunbæ 38,
Reykjavík.
Skuggahliðar
mannlífsins
Frá Sigrúnu Ármanns
Reynisdóttur: