Morgunblaðið - 19.10.2003, Blaðsíða 46
MINNINGAR
46 SUNNUDAGUR 19. OKTÓBER 2003 MORGUNBLAÐIÐ
✝ Sigurjón Her-bert Sigurjóns-
son bakarameistari
fæddist á Ísafirði 3.
mars 1913. Hann
lést á Sólvangi í
Hafnarfirði 30. sept-
ember síðastliðinn.
Hann var yngstur
tíu barna hjónanna
Rósu Jóhannsdóttur
úr Húnavatnssýslu,
d. 1959, og Sigur-
jóns Sigurðssonar
sjómanns sem fórst
1914.
Herbert kvæntist
22. des. 1934 Björgu Bergþórs-
dóttur frá Flatey á Breiðafirði,
f. 9. júlí 1913, d. 14. maí 1995.
Björg og Herbert
eignuðust tvö börn,
Ingu Þóru og Sig-
urjón Herbert og
ólu upp fósturson-
inn Einar Ingþór
Einarsson. Björg og
Herbert eignuðust
sjö barnabörn, tvö
eru búsett í Noregi
og þrjú í Dan-
mörku. Barna-
barnabörnin eru
fimmtán.
Þau bjuggu á Ísa-
firði til ársins 1948
en fluttu þá til
Reykjavíkur.
Útför Herberts var gerð frá
Fossvogskirkju 7. október.
Elsku afi minn.
Með vísdómsorðunum: „Segðu
ekki með sorg; hann er dáinn,
segðu með gleði; hann lifði,“ læt
ég hugann reika til gamalla end-
urminninga.
Það var alltaf svo gott að koma í
heimsókn til þín og ömmu og ákaf-
inn ævinlega mikill að komast sem
fyrst inn til ykkar. Manstu þegar
ég hljóp í gegnum glerhurðina á
Rauðalæknum? Ég varð að komast
inn áður en þú næðir að opna. Þér
brá eins og hinum en eins og alltaf
hélst þú ró þinni. Ég fékk alltaf
mikla athygli og þið eydduð alltaf
miklum tíma í mig. Þegar ég var
lítil var litlum lófa oft stungið í
þína heitu og tryggu hönd og ann-
aðhvort gengið niður í búð til
Ragga, þótt nóg væri af kökum og
öðru góðgæti heima hjá ykkur, eða
farið í sund, oftast bara við tvö en
stundum með bræðrum mínum,
Önna frænda og strákunum hans.
Þú gekkst eiginlega aldrei afi
minn, þú dansaðir hálfpartinn,
flautandi eða syngjandi. Þú varst
stæltur og flottur maður, líka eftir
að þú eltist. Ég var alltaf svolítið
montin af að eiga svona flottan
afa. Líkaminn bar þess vitni að þú
varst íþróttamaður á yngri árum.
Þú gerðir það gott í glímu, fótbolta
og í frjálsum íþróttum. Ég fékk
stundum að vera með þegar þú
sýndir listir þínar.
Skemmtilegustu minninguna á
ég frá Ísafirði, þegar heimamenn
spiluðu fotbolta við brottflutta Ís-
firðinga og við barnabörnin þín
öskruðum áfram afi, áfram afi! svo
hátt og lengi að það tók radd-
böndin nokkra daga að jafna sig.
Nokkrum árum seinna fór ég að
iðka íþróttir og fimleika. Þá varstu
ekki seinn afi minn að gefa góð ráð
og æfa með mér úti í garði helj-
arstökk, handahlaup o.fl. æfingar.
Þú varst mjög músíkalskur,
elsku afi minn, og ég held að það
hafi glatt þig mjög, þegar ég byrj-
aði að læra að spila á píanó, þú
sast allavega frá fyrstu stund og
söngst fullum hálsi, þótt ég spilaði
hvorki rétt né fallega. Ég man enn
þegar ég spilaði Kostervalsinn í
fyrsta sinn fyrir þig, þú fórst strax
í dansstöðu og dansaðir allt lagið á
enda og ljómaði af þér ánægjan.
Þú varst upptekinn af að ég til-
einkaði mér kunnáttu ömmu um
málun, hvort sem það var að mála
á léreft eða silki. Þú varst svo
stoltur af henni og hennar list-
hæfileikum. Ég heyrði þig oft
segja; hún amma þín hefði átt að
fæðast 50 árum seinna, þá hefði
hún fengið tækifæri til að þróa
hæfileika sína. Ég var ákaflega
heppin að eiga svona ömmu og afa,
sem gáfu mér svo mikið af sjálfum
sér og voru svo upptekin af því
sem ég tók mér fyrir hendur.
Manstu afi, þegar þú kenndir mér
á bíl? Þú fórst með mig út á Álfta-
nes og á gamla veginn út að
Reykjavíkurflugvelli. Við æfðum
og æfðum og þar kom þolinmæði
þín og rólegheit sér vel. Eftir um
það bil hálft ár bauðst þú bróður
mínum og ömmu í bíltúr. Nú
skyldu þau fá að sjá hversu flink
ég væri orðin. Það vildi nú ekki
betur til en að ég náði ekki einni
beygjunni á Álftanesveginum og
ók út í móa. Þú fórst of hratt í
beygjuna, Bergþóra mín, var allt
sem þú sagðir með rólegri röddu.
Ég vona, að fyrir mig Guð vilji gjalda
þér gleðina og ástina margþúsundfalda.
Mér finnst sem ég haldi í höndina þína,
í hjartanu ógleymdar minningar skína.
En sofðu, já sofðu í ró.
(Pétur Pálsson.)
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Vald. Briem.)
Elsku afi minn, ég hef svo
margt að þakka þér og ömmu.
Takk fyrir allt sem þið voruð fyrir
mig og mína.
Þín
Bergþóra.
Dagur er að kveldi kominn í lífi
Herberts. Hebbi eins og hann var
kallaður náði háum aldri eða níutíu
árum er hann féll frá 30. sept-
ember sl. Hugljúfar minningar á
ég um þennan góða dreng. Ég átti
því láni að fagna að starfa með
honum á námsárum mínum í fyr-
irtæki föður míns. Herbert var
bakari, hann var fagmaður í sínu
fagi, trúr starfi sínu í hvívetna.
Margir kostir prýddu þennan
öðling þó að fátt eitt sé nefnt.
Stundvísi Herberts til sinna starfa
var viðbrugðið, hann var einstakt
snyrtimenni hvar sem hann fór yf-
ir völl. Hann var næmur á þarfir
unglingsins og bauðst til að taka
vinnuvaktir þegar á þurfti að
halda. Herbert var góður íþrótta-
maður á sínum yngri árum, enda
var atgervi hans allt á þannn veg.
Hann stundaði knattspyrnu í
knattspyrnufélaginu Herði á Ísa-
firði, en fimleikar voru hans grein.
Síðast sá ég hann ganga á hönd-
um, þá sjötugan eftir langan
vinnudag og fór hann létt með
drjúgan spotta.
Herbert eignaðist samhenta og
góða fjölskyldu sem ég átti því láni
að fagna að kynnast, en grunnur
að henni var yndisleg eiginkona
hans Björg Bergþóra Bergþórs-
dóttir fædd í Flatey á Breiðafirði.
Ég kynntist Beggu eins og hún
var kölluð þegar ég kom á þeirra
fallega heimili á Rauðalæk 15. Þar
fór hlý kona um híbýli og tók
drengnum eins og hún hefði þekkt
hann í áratugi. Ekki verður allt
rakið hér í stuttri grein en minn-
ingin er sterk um þessi sómahjón.
Herbert upplifði að missa konu og
son á árinu 1995 og var það há-
öldruðum manni mikil reynsla, en
hann gekk uppréttur eftir sem áð-
ur.
Guð blessi góðan dreng. Við
hjón þökkum fyrir samveruna og
biðjum aðstandendum öllum Guðs
blessunar.
Bjarni og Rín.
SIGURJÓN
HERBERT
SIGURJÓNSSON
Hin langa þraut er liðin,
nú loksins hlaustu friðinn,
og allt er orðið rótt,
nú sæll er sigur unninn
og sólin björt upp runnin
á bak við dimma dauðans nótt.
(V. Briem.)
Elsku Herbert minn,
hafðu þökk fyrir allt og allt.
Blessuð sé minning þín.
Helga.
HINSTA KVEÐJA
✝ Tryggvi Marías-son fæddist á
Faxastöðum í
Grunnavíkurhreppi í
Norður-Ísafjarðar-
sýslu 25. júní 1930.
Hann lést á Landspít-
alanum 10. október
síðastliðinn. Foreldr-
ar hans voru Marías
Þorvaldsson f. 13.
maí 1895, d. 7. ágúst
1956 og Sigríður
Jónsdóttir, f. 26. apr-
íl 1894, d. 20. septem-
ber 1974. Tryggvi
kemur úr stórum
systkinahópi, ellefu alsystkini og
fimm hálfsystkini.
Tryggvi var í sambúð með Guð-
björgu Hallgrímsdóttur frá Siglu-
firði, d. í október 1997. Dóttir
þeirra er Kristín, f.
1969, dóttir hennar
er Birgitta Ósk, f.
1988.
Síðustu 10 ár var
Tryggvi í sambúð
með Ellýju Þórðar-
dóttur frá Vest-
mannaeyjum og
bjuggu þau saman í
Kópavogi.
Fjölskyldan flutti
til Ísafjarðar 1939.
Tryggvi flutti til
Reykjavíkur í kring-
um 1965. Tryggvi
var mikið inni í Ísa-
fjarðardjúpi á bænum Ármúla.
Hann var til sjós á yngri árum en
lengst af var hann vörubílstjóri.
Útför Tryggva fór fram í kyrrþey
að ósk hins látna.
Elsku pabbi minn.
Ég veit að þú ert kominn á góðan
stað, en í hjarta mínu er mikil sorg og
söknuður.
Við áttum margar góðar stundir
saman í gegnum árum. Það var alltaf
svo gaman að fara með þér vestur og
heimsækja Rósu og Jóa á Ármúla.
Þegar ég var lítil komst þú oft í heim-
sókn í Fannarfell, þar sem ég bjó
með mömmu, ég man að krakkarnir
sögðu alltaf „Kristín, stóri maðurinn
er að koma í heimsókn“. Þú varst
stór, yfir 2 metrar og krökkunum
fannst þú eins og risi. Ég var svo glöð
að sjá þig. Þú vannst þá fyrir Ístak
og komst alltaf á vörubílnum, það
fannst mér svaka gaman. Ég ferðað-
ist mikið með þér á græna vörubíln-
um. Einu sinni vorum við á leiðinni til
Reykjavíkur frá Mjólkárvirkjun og
þú borðaðir hákarl alla leiðina og ég
var að kafna af lyktinni, þér fannst
þetta mikið fyndið. Síðustu árin
starfaðir þú fyrir Klæðningu og voru
það ánægjuleg ár hjá þér í starfi.
Við áttum frábærar stundir saman
á Mallorca ég, þú, Ellý og Birgitta í
júní 2000, þú komst í heimsókn til
okkar og við héldum uppá 70 ára af-
mælið þitt saman.
Þú kynntist Ellý fyrir 10 árum síð-
an, þið hafið átt góð ár saman og þið
áttuð líka vel saman, þið spiluðuð
bæði á harmonikku og þegar við
komum í Lundarbrekku var fjör.
Fjölskylda Ellýar, vinir og vanda-
menn tóku þér vel og vil ég þakka
þeim öllum fyrir að hafa verið þér
svona góð.
Elsku pabbi, þú hringdir í mig 5.
maí sl. Þá var ég stödd hjá Mása í
Ólafsvík, ég heyrði á þér að eitthvað
var að. Í fyrstu vildir þú ekkert segja
mér, sagðir að þú talaðir bara við mig
á morgun, en þegar ég bað þig um að
segja mér hvað væri að sagðir þú að
þú værir kominn með krabbamein.
Það var mikið áfall, ég hélt að þú
myndir verða hjá mér alltaf en auð-
vitað kveðjum við öll, það er það eina
sem er öruggt.
Pabbi, þú ert búinn að vera svo
duglegur að ég á ekki orð um það, ég
keyrði þig á spítalann mánudaginn 6.
október, þú varst orðinn svo slappur
þá og versnaðir dag frá degi, þar til
þú kvaddir föstudaginn 10. október.
Ég vil þakka lækninum þínum og
starfsfólki á 11-E, allir voru þér svo
góðir.
Sofðu rótt, pabbi minn, þar til við
hittumst á ný.
Þín dóttir
Kristín Þ. Tryggvadóttir
(Didda).
TRYGGVI
MARÍASSON
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar
ÚTFARARSTOFA
HAFNARFJARÐAR
Flatahrauni 5A, sími 565 5892
ÚTFARARSTOFA ÍSLANDS
Símar 581 3300 - 896 8242
Allan sólarhringinn - Áratuga reynsla
Suðurhlíð 35 — Fossvogi — www.utforin.is
Sverrir Olsen,
útfararstjóri.
Sverrir Einarsson,
útfararstjóri.
Kistur - Krossar
Prestur - Kirkja
Kistulagning
Blóm - Fáni
Val á sálmum
Tónlistarfólk
Sálmaskrá
Tilk. í fjölmiðla
Erfisdrykkja
Gestabók
Legstaður
Flutningur kistu á
Komum heim til aðstandenda ef óskað er
Bryndís Valbjarnardóttir,
útfararstjóri.
milli landa og
landshluta
Landsbyggðar-
þjónusta
Baldur Frederiksen,
útfararstjóri.
Sími 551 3485 • Fax 551 3645
Áratuga reynsla í umsjón útfara
Önnumst alla þætti
Davíð Osvaldsson
útfararstjóri
Sími 896 8284
Eyþór Eðvarðsson
útfararstjóri
Sími 892 5057
Vaktsími allan sólarhringinn
Útfararþjónustan ehf.
Stofnuð 1990
Rúnar Geirmundsson
Útfararstjóri
Sími 5679110, 8938638
Heimasíða okkar er
www.utfarir.is
Þar eru upplýsingar um
allt er lýtur að útför:
- Söngfólk og kórar
- Erfidrykkja
- Aðstoð við skrif
minningargreina
- Panta kross og frágang á leiði
Inger Steinsson,
útfararstjóri,
s. 691 0919
Ólafur Ö. Pétursson,
útfararstjóri,
s. 896 6544
Bárugötu 4, 101 Reykjavík.
S. 551 7080
Vönduð og persónuleg þjónusta.