Morgunblaðið - 21.10.2003, Blaðsíða 2

FRÉTTIR
2 ÞRIÐJUDAGUR 21. OKTÓBER 2003 MORGUNBLAÐIÐ
VILJA MEIRA EFTIRLIT
Í nýrri skýrslu Neytendasamtak-
anna um íslenskan tryggingamarkað
og tryggingar heimilanna er stað-
hæft að ástæða sé til að efla opinbert
eftirlit með rekstri vátryggingafélag-
anna. Leita þurfi leiða til að draga úr
kerfisbundinni tilhneigingu til
óþarfrar sjóðasöfnunar trygginga-
félaganna. Fram kemur að trygg-
ingaiðgjöld hafi hækkað um 70% að
meðaltali undanfarin sex ár en vísi-
tala neysluverðs hafi hækkað um
26% á sama tíma.
Vilja sameina prestaköll
Miklar umræður urðu á Kirkju-
þingi í gær um tillögur um að sam-
eina prestaköll í þremur prófasts-
dæmum. Lögð er til sameining
Hvammsprestakalls og Hjarð-
arholtsprestakalls, Bíldudals- og
Tálknafjarðarprestakalla og um sam-
einingu Melstaðarprestakalls og
Prestsbakkaprestakalls. Þá er lögð
til stofnun nýs prestakalls í Graf-
arholti í Reykjavík. Bílddælingar eru
ósáttir við tillöguna sem felur í sér að
prestssetur í sameinuðu prestakalli í
Barðastrandarsýslu verði í Tálkna-
firði.
2,3 milljarða hagnaður
Fjárfestingarfélagið Straumur
hagnaðist um 2,3 milljarða kr. á
fyrstu níu mánuðum ársins, en hagn-
aður sama tímabils í fyrra nam 581
milljón króna.
Tillaga um þorskveiðibann
Vísindamenn Alþjóðahaf-
rannsóknaráðsins hafa ráðlagt Evr-
ópusambandinu að banna þorsk-
veiðar algerlega í Norðursjó,
Írlandshafi og undan vesturströnd
Skotlands. Þetta er annað árið í röð
sem ráðið leggur til algert bann við
þorskveiðum á þessum hafsvæðum.
Vegvísir eina vonin
Ariel Sharon, forsætisráðherra
Ísraels, sagði í gær er hann setti ísr-
aelska þingið, að Vegvísirinn til friðar
væri eina vonin til þess, að endi yrði
bundinn á deilur Ísraela og Palest-
ínumanna. Hann ítrekaði hins vegar,
að byggingu aðskilnaðarmúrsins yrði
hraðað. Palestínumenn segja, að með
ræðunni hafi Sharon enn kynt undir
ófriðnum og Shimon Peres, leiðtogi
Verkamannaflokksins, sagði, að
Sharon væri búinn að glata öllum
tækifærum til að koma á friði.
Sultu í hel
Talið er, að tugir ólöglegra inn-
flytjenda hafi látist úr hungri og
þorsta er þeir velktust um í bátkænu
á Miðjarðarhafi í nærri þrjár vikur.
Lögðu 85 Sómalir upp frá Líbýu 3.
október en 15 voru á lífi er báturinn
fannst í fyrrinótt. Ítalir vilja, að Evr-
ópusambandsríkin sjái sameiginlega
um eftirlit á Miðjarðarhafi og nái
samkomulagi við önnur ríki um að
hefta þennan straum.
Y f i r l i t
Í dag
Sigmund 8 Viðhorf 32
Viðskipti 13 Dans 41
Erlent 14/16 Minningar 36/38
Höfuðborgin 19 Bréf 40
Akureyri 20 Dagbók 42/43
Suðurnes 21 Kvikmyndir 48
Landið 23 Fólk 48/53
Daglegt líf 24/25 Bíó 50/53
Listir 26/32 Ljósvakar 54/55
Forystugrein 28 Veður 55
* * *
FJÓRÐI 30 megavatta gufuhverfill-
inn verður settur upp á Nesjavöllum
fyrir októberlok 2005. Verður þá
virkjunin á Nesjavöllum fullnýtt og
framleiðir þá 120 megavött sem raf-
magn og 300 megavött í heitu vatni.
Þar af munu 100 megavött í heitu
vatni bætast við í vetur.
Guðmundur Þóroddsson, forstjóri
Orkuveitu Reykjavíkur, sagði að nú
væru framleidd 90 megavött í raf-
magni á Nesjavöllum en þau yrðu
120 þegar nýi gufuhverfillinn bættist
við eftir tvö ár. Þessi orka væri hugs-
uð sem viðbót inn á veitukerfið al-
mennt, en sérstök orkuöflun vegna
stækkunar Norðuráls yrði við Kol-
viðarhól á Hellisheiði. Þar myndi ný
virkjun rísa sem stefnt væri að að
kæmist í gagnið árið 2006, en reikn-
að væri með að vélbúnaður vegna
þeirrar virkjunar yrði boðinn út
snemma á næsta ári. Í fyrsta áfanga
væri stefnt að því að framleiða þar 80
megavött í rafmagni en þegar þar
hefði verið fullvirkjað væri gert ráð
fyrir að rafmgnsframleiðslan þar
yrði 120 megavött og að auki yrðu
þar framleidd 400 megavött í heitu
vatni.
Fjórða vélin sett upp á
Nesjavöllum í lok október
SVAVAR Guðni Svavarsson,
skákmeistari Sjálsfbjargar á höf-
uðborgarsvæðinu, vann á dög-
unum opna flokkinn hjá Tafl-
félagi Reykjavíkur og var í 5.
sæti á hraðskákmóti Reykjavíkur
en hraðskák kýs Svavar að kalla
„fingraleikfimi“.
Svavar, sem er með þrengsli í
mænu í baki og hálsi og gengur
bæði í belti og með kraga, segir
fulla ástæðu til þess að vekja at-
hygli á skákinni á ári fatlaðra.
Vill sjá fleiri fatlaða
leggja stund á skákina
Svavar, sem er að verða sjötug-
ur, segist gjarnan vilja sjá fleiri
fötluð ungmenni leggja stund á
skákina. „Þetta er hugarleikfimi
og líkamleg fötlun á ekki að hafa
áhrif á getu manna til þess að
stunda skákina. Þetta er íþrótt
sem er alveg upplögð fyrir fatl-
aða og ég vil vekja athygli á
því.“
Svavar segir að því miður sé
erfitt að koma fötluðum ungling-
um á æfingar hjá Taflfélagi
Reykjavíkur vegna þess að þar
séu tveir erfiðir stigar en engin
lyfta. „Ég þekki þetta sjálfur af
eigin raun enda er ég hálflamað-
ur þegar ég er búinn að fara
upp stigana. Þetta er auðvitað
ekki nógu gott og fötluðum ung-
lingum er gerður hálfgerður
grikkur með þessu.“
Svavar telur einnig að óskyn-
samlegt sé að leggja niður skák-
æfingar á sumrin eins og Íslend-
ingar geri. Bretar hafi t.d. farið
að ná góðum árangri þegar þeir
hafi tekið að æfa allt árið. Þessu
þurfi einnig að breyta hér enda
sé skákin ekki bara vetraríþrótt.
„Skákin upplögð
íþrótt fyrir fatlaða“
TALSVERT hefur borið á inn-
brotum í nýbyggingar, vinnu-
skúra og verkstæði að undan-
förnu auk þess sem þjófar hafa
verið á ferðinni á vinnusvæð-
um. Einkum sækjast þeir eftir
verkfærum, vélum, verkfæra-
kistum og áhöldum.
Lögreglan í Reykjavík hvet-
ur alla til að merkja verkfæri
og önnur áhöld og skrá hjá sér
heiti þeirra og númer. Á þetta
einnig við um heimilistæki s.s.
tölvur, sjónvarpstæki og hljóm-
flutningstæki. Ef þjófnaður er
framinn geta þessar ráðstafan-
ir auðveldað lögreglunni að
tengja hlutina við einstök til-
kynnt þjófnaðarmál og aukið
líkurnar á því að eigendurnir
endurheimti hlutina.
Varað við
innbrots-
þjófum HÁTÆKNI skapar fleiri störf enhefðbundnar atvinnugreinar. Fyrir-
tæki sem leggja áherslu á rannsókn-
ir og þróun vaxa hraðar en þau sem
gera það ekki. Þetta er meðal þess
sem fram kemur í nýrri skýrslu um
hátækniiðnaðinn á Íslandi, sem gefin
verður út í dag. Í skýrslunni er dreg-
in upp mynd af árangri og ávinningi
rannsóknafyrirtækja árin 1990 til
2002. Frá þessu er greint í frétt á
heimasíðu Rannís.
Í fréttinni segir að útflutningur
hátækniiðnaðar hafi vaxið úr 200
milljónum króna árið 1990 í um 20
milljarða króna árið 2002. Markaðs-
verðmæti fjögurra hátæknifyrir-
tækja sem skráð eru á Verðbréfa-
þing Íslands vaxi hraðar en annarra
og sé um 20% af verðmæti allra fyr-
irtækjanna á þinginu.
Höfundur skýrslunnar er Birgir
Harðarson viðskiptafræðingur og
fékk hann styrk frá Rannís til verk-
efnisins.
Hátækni
er atvinnu-
skapandi
BÆJARSTJÓRN Vestmannaeyja
vill taka yfir rekstur heilbrigðisþjón-
ustu í Vestmannaeyjum með það fyr-
ir augum að gera bæinn að heilsubæ
þar sem m.a. verður boðið upp á
þjónustu fyrir offitusjúklinga.
Á fundi bæjarstjórnar var sam-
þykkt að hefja viðræður við heil-
brigðisráðuneytið um að bærinn taki
yfir rekstur heilsugæslu, sjúkahúss,
öldrunarþjónustu og málefni fatl-
aðra í Vestmannaeyjum og að um þá
yfirtöku verði gerður sérstakur
þjónustusamningur.
„Sóknartækifærin sem við sjáum
eru m.a. í því að tengja þetta heilsu-
lækningum, við sjáum vaxtarsprota í
þessum geira,“ segir Bergur E.
Ágústsson, bæjarstjóri.
Með því að búa til eina stjórn fyrir
rekstur heilsugæslu, sjúkrahúss,
öldrunarþjónustu og málefni fatl-
aðra heima í héraði fæst nálægð við
málefnin, hægt er að leita að hag-
ræðingu og reyna að ná fram vexti
með áherslu á heilsugeirann, segir
Bergur. „Við viljum auka umsvifin
og teljum að það sé hægt með því að
fara í ákveðna sérhæfingu.“
Bergur segist vonast til þess að
fólk komi víða að til að njóta þjónust-
unnar og segir heilsusamlega ímynd
bæjarins nýtast vel. „Við teljum að
þetta passi mjög vel hérna inn.“
Hann segir að margfeldisáhrifin af
því að fá fólk til Eyja til að njóta
heilsutengdrar þjónustu umtalsverð.
Bæjarstjórnin er nýbúin að senda
heilbrigðisráðherra bréf þar sem
farið er fram á viðræður um málið.
„Við vitum að þetta er mikið mál,
menn vita að þetta er umfangsmikið
og dýrt í rekstri og við verðum bara
að sjá hvernig þau mál þróast.“
Offitusjúklingar fái
meðferð í Eyjum
BAUGUR Group hefur ákveðið að
taka þátt í alhliða tryggingastarfsemi
með vátryggingafélaginu Verði á Ak-
ureyri. Baugur mun leggja fram 300
milljónir króna og eignast helmings-
hlut í hlutafélaginu Verði. Sótt hefur
verið um heimild Fjármálaeftirlitsins
til að breyta Verði í hlutafélag, auk
þess sem Baugur hefur sótt um heim-
ild til að taka þátt í hlutafjáraukningu
félagsins. Eignir Varðar eru metnar á
300 milljónir króna og er fyrirhugað
að núverandi félag eignist helmings-
hlut í hinu væntanlega hlutafélagi.
Hreinn Loftsson, stjórnarformað-
ur Baugs Group, segir að Baugur telji
mikla möguleika á tryggingasviðinu
og með þátttöku í Verði sé stefnt að
útvíkkun á starfsemi félagsins.
Óli Þór Ástvaldsson, framkvæmda-
stjóri Varðar, segir að félagið hafi
verið rekið sem svonefnt gagnkvæmt
félag frá árinu 1926, sem þýði að það
sé í eigu viðskiptavina sinna. Hann
segir að viðskiptavinir félagsins hafi í
upphafi verið útgerðarmenn. Frá því
félagið hafi fengið heimild til að reka
alhliða vátryggingastarfsemi, í árslok
1996, hafi viðskiptavinum hins vegar
fjölgað, og nú bjóði félagið upp á al-
hliða tryggingar.
Hreinn segir að fyrir þremur árum
hafi Baugur tekið þátt í fjárhagslegri
endurskipulagningu Allianz-umboðs-
ins, sem er fyrst og fremst í söfnunar-
líftryggingum og viðbótarlífeyris-
sparnaði. Dótturfélag Baugs Group,
Hringur, á um 65% hlut í Allianz-um-
boðinu á móti minni hluthöfum.
Baugur
Group í
tryggingar
♦ ♦ ♦