Morgunblaðið - 21.10.2003, Blaðsíða 47
ÍÞRÓTTIR
MORGUNBLAÐIÐ ÞRIÐJUDAGUR 21. OKTÓBER 2003 47
ALEXANDERS Petersons, fyrrverandi handknattleiksmaður hjá Gróttu/
KR, sem nú er í herbúðum þýska 2. deildarliðsins Düsseldorf, meiddist illa í
kálfa á æfingu með liðinu á föstudaginn. Af þeim sökum leikur hann ekki
með Düsseldorf næstu tvær til þrjár vikur hið minnsta eftir því sem fram
kemur á heimasíðu félagsins.
Petersons hefur staðið sig afar vel með Düsseldorf það sem af er leiktíð-
inni, hefur skoraði 42 mörk í sex leikjum. Þrátt fyrir að Petersons hafi ekki
leikið með liðinu um helgina þá tókst því að leggja Solingen, 27:21, á úti-
velli og tryggja sér þar með efsta sætið í suðurhluta þýsku 2. deildarinnar,
hefur 12 stig að loknum sjö leikjum. Þetta var í fyrsta sinn sem Düsseldorf
vinnur leik í Solingen.
Petersons frá um tíma
FÓLK
AUÐUN Helgason lék allan leikinn
með Landskrona sem sigraði Enköp-
ing, 3:1, í sænsku úrvalsdeildinni í
knattspyrnu í gærkvöld. Lið hans er
löngu öruggt með að halda sér í deild-
inni þótt það sé í fjórða neðsta sætinu.
PÉTUR Marteinsson gat ekki leik-
ið með Hammarby sem gerði jafn-
tefli, 1:1, við Örebro í gærkvöld. Hann
er ekki orðinn góður af meiðslunum
sem hafa hrjáð hann og tvísýnt er að
hann nái lokaleik liðsins í deildinni
næsta laugardag. Hammarby berst
við Malmö um annað sætið í deildinni.
ATLI Sveinn Þórarinsson var
varamaður en kom ekki við sögu þeg-
ar lið hans, Örgryte, vann Elfsborg,
1:0, í sænsku úrvalsdeildinni í gær-
kvöld.
FORRÁÐAMENN NBA-liðanna,
Dallas Mavericks og Boston Celtic,
ákváðu í gær að ganga frá samning-
um um leikmannaskipti. Dallas lét
miðherjann Raef LaFrentz af hendi
ásamt bakvörðunum Jiri Welsch og
Chris Mills og valrétti í nýliðavalinu
árið 2004. Í staðinn fær Dallas fram-
herjann sterka Antoine Walker og
leikstjórnandann Tony Delk.
ÞAÐ eru því þrír reyndir leik-
stjórnendur í liði Dallas þessa stund-
ina, Steve Nash, Travis Best og Tony
Delk auk þeirra Jóns Arnórs Stefáns-
sonar og Marquis Daniels.
CRAIG Bellamy, leikmaður New-
castle, 24 ára, fór í gær til Bandaríkj-
anna, þar sem hann mun gangast
undir skurðaðgerð á hné. Hann hefur
fimm sinnum áður farið undir hnífinn
vegna meiðsla á hné – á báðum fótum.
Það er óljóst hvort Bellamy verði orð-
inn góður fyrir átök Wales og Rúss-
lands um farseðil á EM í Portúgal um
miðjan nóvember.
ARSENE Wenger, knattspyrnu-
stjóri Arsenal, vonar að Patrick
Vieira, fyrirliði liðsins, verði orðinn
það góður í dag að hann geti leikið
gegn Dynamo Kiev í Meistaradeild
Evrópu í Kiev. Vieira komst vel í
gegnum æfingar á sunnudag og í gær.
Þá er Fredrik Ljungberg ekki orðinn
góður af meiðslum í ökkla.
Morgunblaðið sló í gær á þráðinntil Ólafs sem var heima fyrir
að slaka á eftir Evrópuleik gegn
Zaporoshye frá
Úkraínu sem Ólafur
og félagar unnu með
níu marka mun,
24:15. „Það er nátt-
úrlega heilmikil breyting að vera
kominn til Spánar, ekki bara hvað
handboltann varðar heldur hið dag-
lega líf. Maður er farinn að gera eins
og Spánverjarnir, það er að gefa sér
góðan tíma í að borða og hvílast vel
þess á milli og við erum hægt og bít-
andi að koma okkur fyrir. Börnin eru
komin í skóla og þetta gengur bara
allt eins og það á að ganga,“ sagði
Ólafur.
Ciudad Real ætlar sér stóra hluti á
leiktíðinni og liður í þeirri áætlun var
að fá Ólaf í sínar raðir. Ólafur bættist
í hóp frábærra handknattleiks-
manna sem leika með liðinu, leik-
menn á borð við Talant Dusjhabaev,
sem um árabil hefur verið talinn einn
besti handknattleiksmaður heims,
Egyptann Hussein Zaky, Frakkann
Didier Dinart og spænsku landsliðs-
mennina Santiago Urdiales og Al-
berto Entrerrios svo einhverjir séu
nefndir. Ólafur og félagar hafa byrj-
að tímabilið vel. Liðið hefur unnið
alla sjö leiki sína í deildinni og báða
leiki sína í Meistaradeildinni.
„Þetta hefur gengið ágætlega hjá
okkur en mér finnst samt að við get-
um bætt okkur um einhver þrjátíu
prósent. Það býr miklu meira í liðinu
en það hefur sýnt hingað til,“ segir
Ólafur. Spurður út í eigin frammi-
stöðu segir hann; „Ég er bara nokk-
uð sáttur við mína frammistöðu. Ég
er orðinn þrítugur og er kominn
bæði með reynslu og sjálfstraust
sem hefur nýst mér vel. Ég hef núm-
er eitt, tvö og þrjú hugsað um að
spila vel fyrir liðið og það hefur fallið
í góðan jarðveg. Það er spænskur
landsliðsmaður sem deilir stöðunni
með mér. Ég spila yfirleitt í fjörutíu
mínútur en hann hinar tuttugu.“
Ólafur reiknar með því að Barce-
lona verði harðasti keppinauturinn í
vetur en Ciudad hefur eins stigs for-
skot á Börsunga eftir sjö umferðir.
„Jú, líklega verður þetta slagur á
milli okkar og Börsunganna en kröf-
urnar sem gerðar eru til okkar eru
skýrar, við eigum að vinna allt sem í
boði er. Það er gott að hafa þessar
kröfur á bakinu og það er aðalástæð-
an fyrir því að ég fór til liðsins.“
Finnst þér þú vera kominn í betra
lið en Magdeburg?
„Nei, þetta er ósköp svipað. Hins
vegar er Ciudad Real lið sem gæti
orðið töluvert betra en Magdeburg,
líklega um tuttugu prósent betra, ef
rétt verður haldið á spöðunum. Í
augnablikinu eru þetta jafngóð lið en
það á kannski eftir að reyna betur á
okkar lið þegar við mætum betri lið-
unum á Spáni og eins þegar við spil-
um við Lemgo í Meistaradeildinni.“
Meiri breidd í Þýskalandi
Þegar Ólafur er beðinn um að lýsa
styrkleikamun á þýsku deildinni og
þeirri spænsku segir hann; „Það er
nú líklega meiri breidd í Þýskalandi
og fleiri erfiðir leikir sem þú þarft að
fara í. Á Spáni er bestu liðin eins og
Ciudad Real, Barcelona, Portland,
og Ademar Leon jafnöflug og bestu
liðin í Þýskalandi. Mér sýnist að það
sé æft jafnmikið hér á Spáni og í
Þýskalandi og jafnvel heldur meira á
Spáni. Hins vegar eru æfingarnar
hérna ekki eins kraftmiklar og
skipulagðar og í Þýskalandi. Það er
meira um langa upphitun og maga-
æfingar teknar í tíma og ótíma og ég
er kominn með þokkalegt þvotta-
bretti á magann en við erum oft að
gera tvö til þrjú hundruð magaæf-
ingar á hverri æfingu.“
Þú hlýtur að vera stoltur af litla
bróður, Jóni Arnóri, sem er að gera
það gott með Dallas?
„Jón Arnór stendur sig frábær-
lega og ég er stoltur af honum. Ég
sagði einhvern tímann að líklega yrði
það þannig eftir nokkur ár að fólk
þekkti mig betur sem bróður Jóns
Arnórs. Hann á eftir að ná langt og
sömuleiðis Eggert í fótboltanum. Nú
eru þeirra tímar að koma.“
Morgunblaðið/RAX
Ólafur Stefánsson skorar gegn Júgóslavíu á heimsmeistaramótinu í Portúgal.
Ólafi Stefánssyni líkar lífið vel á Spáni þar sem hann leikur með Ciudad Real
Reynsla og sjálfs-
traust nýtast vel
ÓLAFUR Stefánsson handknattleiksmaður, sem ber titilinn íþrótta-
maður ársins, er ánægður með veruna á Spáni en hann hafði sem
kunnugt er vistaskipti í sumar. Ólafur kvaddi félaga sína í Magde-
burg eftir gjöful ár þar sem hann varð bæði Þýskalands- og Evrópu-
meistari, tvisvar kjörinn handknattleiksmaður ársins og gekk í raðir
spænska liðsins Ciudad Real. Ólafur, sem án nokkurs vafa er í hópi
bestu handboltamanna heims, hefur smollið vel inn í lið Ciudad
Real en þar á bæ hafa menn sett markið hátt sem Ólafur kann vel
að meta enda metnaðargjarn íþróttamaður með afbrigðum.
Guðmundur
Hilmarsson
skrifar
ENSKU 1. deildar félögin Reading
og Crystal Palace bítast um að fá ís-
lenska landsliðsmanninn Ívar Ingi-
marsson í sínar raðir. Wolverhamp-
ton Wanderers, félag Ívars, hefur
þegar samþykkt tilboð frá Reading
og von er á tilboði frá Crystal Pa-
lace í Stöðfirðinginn í dag.
Ólafur Garðarsson, umboðs-
maður Ívars, staðfesti við Morgun-
blaðið í gærkvöld að þeir Ívar ættu
fund með forráðamönnum Reading
í dag þar sem rætt yrði um kaup og
kjör.
Steve Coppell tók fyrir skömmu
við stöðu knattspyrnustjóra Read-
ing og það kemur ekki á óvart að
hann skuli strax falast eftir Ívari,
sem lék undir hans stjórn hjá
Brentford, og síðan sem lánsmaður
hjá Brighton í þrjá mánuði snemma
á þessu ári.
Reading, sem kemur frá sam-
nefndri borg skammt vestur af
London, er í 9. sæti 1. deildar, er vel
stætt fjárhagslega og á nýlegan og
glæsilegan leikvang.
Crystal Palace er í 15. sæti 1.
deildar og er að rétta úr kútnum
eftir talsverð fjárhagsvandræði síð-
ustu misserin. Það er því heldur
betur farið að rofa til hjá Ívari sem
ekki hefur fengið tækifæri í deilda-
leik með Wolves síðan í nóvember á
síðasta ári. Hann hefur verið úti í
kuldanum hjá Dave Jones, knatt-
spyrnustjóra, síðan hann valdi leik
með íslenska landsliðinu gegn Eist-
landi framyfir leik með Wolves í 1.
deildinni.
Wolves hefur samþykkt
tilboð Reading í Ívar
ÓLAFUR Stefánsson og félagar hans í Ciudad Real
hafa í nógu að snúast í vikunni. Á morgun á liðið
erfiðan útileik fyrir höndum þegar það sækir Adem-
ar Leon heim í spænsku 1. deildinni og um næstu
helgi tekur Ciuadad Real þátt í keppni um titilinn
Meistarar meistaranna sem haldin verður í Valladol-
id á Spáni.
Liðin sem keppa eru Montpellier frá Frakklandi
sem vann Meistaradeild Evrópu á síðustu leiktíð,
Ciudad Real sem vann Evrópukeppni bikarhafa,
Barcelona sem bar sigur úr býtum í EHF-keppninni
auk heimaliðsins, Valladolid.
Á laugardag mætast annars vegar Ciudad Real og
Barcelona og hins vegar Montpellier og Valladolid
og á sunnudaginn mætast sigurliðin í úrslitaleik um
titilinn Meistarar meistaranna.
Mikið að gera hjá
Ólafi og samherjum
DÓMARI í Eagle County, sýslu
í Colorado-fylki í Bandaríkj-
unum, úrskurðaði í gærkvöld
að körfuknattleiksmaðurinn
Kobe Bryant yrði leiddur fyrir
rétt, sakaður um að hafa
nauðgað 19 ára gamalli stúlku
á hóteli í sumar. Verði hann
fundinn sekur á hann lífstíð-
ardóm yfir höfði sér.
Bryant verð-
ur leiddur
fyrir rétt