Morgunblaðið - 21.10.2003, Blaðsíða 12

FRÉTTIR
12 ÞRIÐJUDAGUR 21. OKTÓBER 2003 MORGUNBLAÐIÐ
MIKIL aukning hefur orðið í sölu
farseðla á Netinu hjá íslenskum flug-
félögum. Hjá Iceland Express selj-
ast um 86% farseðla á Netinu, um 43
til 45% hjá Flugfélagi Íslands og í
sumar fór netsalan yfir 50% í fyrsta
sinn hjá Icelandair og hefur verið
álíka mikil síðan.
„Á undanförnum vikum og mán-
uðum hefur um það bil 50% af far-
seðlasölunni á íslenska markaðnum
verið á Netinu, en úti í heimi eru
þetta lægri tölur,“ segir Guðjón Arn-
grímsson, upplýsingafulltrúi Flug-
leiða. Í því sambandi segir hann að
netsalan sé um 20% í Danmörku, um
15% í Bretlandi og Bandaríkjunum
og minni á öðrum stöðum, en mis-
munurinn stafi fyrst og fremst af
mismunandi söluaðferðum, þar sem
aðrir en Icelandair sjái um söluna að
mestu leyti.
Guðjón segir að netsalan hafi vaxið
gríðarlega á undanförnum árum.
„Það er 122% meira selt á Íslandi á
Netinu á þessu ári en á síðastliðnu
ári,“ segir hann og bendir á að heim-
sóknir á Icelandair-vefina (iceland-
air.is, icelandair.net, icelandair.com
o.fl.) hafi verið sjöfalt fleiri í sept-
ember en í janúar 2002. Heimsókn-
irnar hafi verið 1,4 milljónir í sept-
ember og um 12 milljónir það sem af
sé árinu.
„Áherslan í sölu- og markaðsstarf-
inu hefur færst mjög hratt inn á Net-
ið á síðastliðnum tveimur árum,“
segir Guðjón og vísar m.a. til þess að
Icelandair sé með um 513.000 félaga
í netklúbbi sínum og þar af um 80.000
á Íslandi. Aukin tölvu- og netnotkun
fólks hafi aukið netsöluna og á sama
tíma hafi flugfélög lagt meiri áherslu
á netsölu, vegna þess að það lækkaði
kostnað við dreifingu og sölu en því
hefði verðið verið lægra á Netinu en
á venjulegum söluskrifstofum.
Allt að 93% netsala
Iceland Express flýgur til London
og Kaupmannahafnar. Fyrsta flugið
var 27. febrúar síðast liðinn og í byrj-
un þessa mánaðar flaug hundrað
þúsundasti farþeginn með félaginu.
Ólafur Hauksson, talsmaður félags-
ins, segir að framan af hafi sala far-
seðla á Netinu, IcelandExpress.is,
numið um 70 til 75% sölu farseðla, en
nú sé sjaldgæft að hún fari undir 85%
og að meðaltali seljist um 86% far-
seðla á Netinu. „Hún fer aldrei undir
80%,“ segir hann og bendir á að sala
á Netinu erlendis sé meiri en með-
altalið, enda sé aðeins um að ræða
símsvörun í Bretlandi og Bandaríkj-
unum en ekki skrifstofu. Í Dan-
mörku sé símsvörun auk þess sem
farseðlar séu seldir hjá danskri
ferðaskrifstofu. „Við höfum mest selt
upp í 93% farseðla á Netinu á einum
degi,“ segir Ólafur og bætir við að
netsala sé eðli málsins samkvæmt
mest um helgar, þegar söluskrifstof-
an í Reykjavík sé ekki opin eins lengi
og virka daga.
Aukningu netsölunnar segir Ólaf-
ur að megi meðal annars rekja til nýs
bókunarkerfis, sem hafi verið tekið í
notkun í júlí. Auk endurbóta sé það
bæði á íslensku og ensku en fyrrra
bókunarkerfi hafi eingöngu verið á
ensku.
Netsala fyrir milljarð
Netsala Flugfélags Íslands hófst á
flugfelag.is fyrir um tveimur árum
og segir Gróa Ásgeirsdóttir, verk-
efnisstjóri í fyrirtækjaþjónustu, sem
hefur yfirumsjón með sölu á Netinu
og vefsíðu FÍ, að aukning hafi verið í
netsölunni jafnt og þétt. „Netsalan
hjá okkur hefur farið hæst í 55% en
er á bilinu 43 til 45% að meðaltali eft-
ir að hafa verið um 30% í fyrra,“ seg-
ir Gróa og bendir á að netsalan árið
2002 hafi numið um 500 milljörðum
króna. „Markmiðið var að selja fyrir
um 800 milljónir á þessu ári en það
stefnir í að netsalan fari upp í tæp-
lega milljarð.“
Gróa segir að viðskiptavinir fé-
lagsins átti sig æ betur á því hvað
þægilegt sé að nota Netið, enda sé
það mjög einfalt. „Við höfum verið að
þróa þessa bókunarvél og vefsíðuna
okkar í þann farveg að fólk geti með
mjög einföldum hætti bókað sig á
hvaða fargjaldi sem er. Við höfum
kynnt þetta mjög vel og fyrirtæki
nýta sér netsöluna í ríkara mæli
frekar en að hringja. Þetta er bók-
unardeild sem er auðvitað opin í 24
tíma á sólarhring alla daga vikunnar
og því er um að ræða einfalda aðferð
til að bóka sig.“
Að sögn Gróu hafa ýmis tilboð
einnig haft áhrif. „Núna í október er-
um við til dæmis með krónufargjald
fyrir börnin en til að fá þetta tilboð
verður að bóka á Netinu,“ segir hún.
Morgunblaðið/Ásdís
Þriðji hver Íslendingur er nú meðlimur í netklúbbi Flugleiða.
Mikil aukning
í sölu flugfar-
seðla á Netinu
JUNIOR Chamber hreyfingin valdi
í gær Kristínu Rós Hákonardóttur
sundkonu úr hópi þriggja Íslend-
inga til þátttöku á heimsþingi
Junior Chamber hreyfingarinnar
um framúrskarandi unga ein-
staklinga, sem fram fer í Dan-
mörku í byrjun nóvember.
JC hreyfingin á Íslandi hélt
mótttöku sunnudagskvöldið 19.
október þar sem þremur Íslend-
ingum voru veittar viðurkenn-
ingar vegna útnefningar þeirra til
þátttöku á heimsþinginu.
Að sögn fjölmiðlafulltrúa JC á
Íslandi, Rósu Kristínar Benedikts-
dóttur, tilnefndu samtökin Stefán
Karl Stefánsson í flokki mann-
úðar- og sjálfboðaliðsstarfa fyrir
stofnun samtakanna Regnboga-
barna. Aðalheiður Birgisdóttir
hlaut tilnefningu í flokki frum-
kvöðlastarfsemi fyrir fatahönnun
og alþjóðleg við-
skipti með vöru-
merkið Nikita og
Kristín Rós hlaut
útnefningu í
flokki afreka og
einstaklingssigra
fyrir einstæðan
árangur sinn í
sundi. Alþjóða-
samtök JC
hreyfingarinnar
völdu svo Kristínu Rós úr hópi
þessa þriggja einstaklinga til að
taka þátt í heimsþinginu og veitti
Bruce Rector, heimsforseti JC
henni verðlaun við hátíðlega at-
höfn í gær. Rósa Kristín segir að
árangur Kristínar Rósar Há-
konardóttur sé einstakur, hún sé
verðlaunahafi í sextán heimsmeist-
ara- og ólympíukeppnum og sé vel
að þessari viðurkenningu komin.
Morgunblaðið/Kristinn
Bruce Rector, alheimsforseti JC, og Ragna Káradóttir, forseti JC á Íslandi.
Junior Chamber
verðlaunar Kristínu
Rós Hákonardóttur
Kristín Rós
Hákonardóttir
UM 15% ríkisstofnana hér á landi
hafa sett sér siðareglur og forstöðu-
menn 40% annarra stofnana íhuga
að setja slíkar reglur á næstu árum.
Þetta kemur meðal annars fram í
könnun Ríkisendurskoðunar þessa
efnis frá því í sumar, en embættið
hefur sent frá sér skýrslu undir
heitinu: Siðareglur í opinberri
stjórnsýslu.
41% taldi að vinnulag
hefði breyst til batnaðar
Þar er annars vegar fjallað um
þær siðareglur sem Bretar og
Bandaríkjamenn hafa sett í opin-
berri stjórnsýslu og leiðbeiningar
sem Efnahags- og framfarastofn-
unin OECD hefur gefið út um
hvernig hægt sé að stuðla að betra
siðferði í stjórnsýslu aðildarríkj-
anna. Hins vegar er gerð grein fyr-
ir spurningakönnun Ríkisendur-
skoðunar á umfangi siðareglna í
opinberri stjórnsýslu hér og við-
horfi forstöðumanna ríkisstofnana
til nokkurra valinna siðagilda.
Fram kemur að af þeim sem
höfðu sett sér siðareglur töldu um
41% að vinnulag hefði breyst til
batnaðar í kjölfarið. Starfsfólk sé
meðvitaðra um hlutverk sitt og
hvað sé við hæfi en yfirleitt hafi
verið lögð áhersla á að hafa starfs-
fólk með í ráðum við setningu
reglnanna og reglurnar svo einfald-
ar að hægt sé að leggja þær á
minnið.
Í könnuninni voru forstöðumenn
ríkisstofnanan einnig spurðir hvaða
siðagildi þeir teldu mikilvægust fyr-
ir stjórnsýsluna í heild og voru eft-
irfarandi fimm gildi oftast nefnd;
lögmæti, þjónusta í almannaþágu,
heiðarleiki, sérfræðiþekking og
óhlutdrægni. Fyrstu fjögur gildin
voru einnig talin mikilvægust þegar
spurt var um stjórnun eigin stofn-
unar, en í stað óhlutdrægni kom þá
skilvirkni.
„Forstöðumenn þeirra stofnana
sem ekki hafa í hyggju að setja
siðareglur gáfu oftast þau svör að í
gildi væru aðrar reglur sem gætu
talist ígildi siðareglna. Margir töldu
einnig að ráðuneyti eða stjórnar-
ráðið ætti að hafa frumkvæði að
setningu slíkra reglna. Enn aðrir
báru við tímaskorti. Flestir tóku þó
jákvætt í hugmyndina um slíkar
reglur enda auki þær líkur á að
stofnanir nái markmiðum sínum,“
segir meðal annars í tilkynningu
Ríkisendurskoðunar af þessu til-
efni.
Sérstakar siðareglur
í 15% ríkisstofnana
Forstöðumenn 40%
annarra ríkisstofn-
ana íhuga setningu
siðareglna
ANDRI Már Ingólfsson, forstjóri
Heimsferða, segir skíðafólk huga
fyrr að skíðaferðum til útlanda í ár
en á sama tíma í fyrra. Uppselt er
að verða í ferð í miðjum febrúar og
mikið bókað í ferðir í lok janúar og
byrjun febrúar. Heimsferðir skipu-
lögðu beint flug með skíðafólk til
Salzburg í Austurríki í fyrra og fór
salan rólega af stað að sögn Andra.
Nú fari salan mun fyrr af stað.
„Það er greinilega kominn skíða-
áhugi í Íslendinga aftur,“ segir
hann og það tengist beina fluginu
til Austurríkis og eins vilji fólk
tryggja að það komist á skíði í vet-
ur, en lítill snjór var í fjöllunum hér
á landi í fyrra.
„Margar ferðir eru fullbókaðar,“
segir Steinunn Tryggvadóttir, sölu-
og þjónustustjóri hjá Úrvali-Útsýn.
Búið sé að bóka gríðarlega mikið og
fólk sé fyrr á ferðinni í ár. Skýr-
inguna telur Steinunn vera að
margir þurftu frá að hverfa í fyrra
þegar fullbókað var í allar ferðir.
Nú vilji skíðafólk hafa vaðið fyrir
neðan sig og getað valið úr dag-
setningum, hótelum og skíðasvæð-
um.
„Við finnum fyrir áhuga,“ segir
Geir Magnús Zoëga, framkvæmda-
stjóri Terra-Nova sólar. Hann segir
stóran hóp, sem fer kannski á
hverju ári, panta ferðir snemma en
hinir þreifi lengur fyrir sér með
verð og staðsetningu.
Terra-Nova hefur ekki verið með
skipulagðar hópferðir á skíðasvæði
heldur sjálfstæðar ferðir fyrir ein-
staklinga.
Fullbókað
í margar
skíðaferðir
SETJA skal landsáætlun um með-
höndlun úrgangs hér á landi í síð-
asta lagi fyrir 1. apríl á næsta ári
skv. ákvæðum nýrrar reglugerðar
sem umhverfisráðherra hefur gef-
ið út um meðhöndlun úrgangs.
Ráðherra hefur einnig gefið út
reglugerðir um urðun úrgangs og
brennslu úrgangs og eru reglu-
gerðirnar settar á grundvelli
nýrra laga um meðhöndlun úr-
gangs sem tóku gildi fyrr á þessu
ári.
Gert er ráð fyrir að landsáætl-
un um meðhöndlun úrgangs verði
annars vegar unnin af Umhverf-
isstofnun og hins vegar með áætl-
anagerð sveitarfélaga. Skal sér-
staklega gera grein fyrir leiðum
til að draga úr magni þess lífræna
heimilisúrgangs sem berst til urð-
unarstaða.
Sveitarfélögum heimilt
að innheimta gjöld
Í reglugerð um urðun úrgangs
er m.a. kveðið á um að rekstr-
araðili urðunarstaðar skuli leggja
fram fullnægjandi fjárhagslega
tryggingu eða ábyrgð fyrir því að
staðið verði við þær skyldur sem
fylgja starfsleyfinu og í reglugerð
um brennslu úrgangs segir m.a.
að tryggja skuli að varmaorkan,
sem myndast við brennsluferlið,
sé endurheimt eftir því sem við
verður komið, t.d. til varma- og
raforkuvinnslu, gufuframleiðslu
eða til fjarhitunar.
Sveitarfélögum er heimilt að
innheimta gjöld fyrir meðhöndlun
úrgangs skv. reglugerðunum en
jafnframt skylt að innheimta þann
kostnað sem urðun úrgangs hefur
í för með sér.
Umhverfisráðherra setur reglugerðir um úrgangsmál
Semja á landsáætlun um
meðhöndlun úrgangs