Morgunblaðið - 21.11.2003, Blaðsíða 20
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund skapti@mbl.is
Bætti 23 ára Íslandsmet | Góður árangur
náðist á nóvembermóti HSÞ, í frjálsum
íþróttum í íþróttahöllinni á Húsavík. Hæst
bar að Bárðdælingurinn
Þorsteinn Ingvarsson,
sem keppir fyrir Ein-
ingu, gerði sér lítið fyrir
og setti Íslandsmet í þrí-
stökki án atrennu í
flokki 15–16 ára sveina.
Geysilega góð þátt-
taka var á mótinu og
voru keppendur yfir 160
frá 9 aðildarfélögum
HSÞ. Keppt var í eft-
irfarandi aldursflokkum
drengja og stúlkna: 10 ára og yngri, 11–12
ára, 13–14 ára, 15–16 ára og 17–18 ára.
Keppt var í sömu greinum í öllum flokkum,
kúluvarpi, hástökki, langstökki án atrennu,
þrístökki án atrennu og 40 m hlaupi.
Mikil spenna hafði myndast fyrir keppn-
ina því menn væntu þess að Þorsteinn
myndi slá metið sem er 23 ára gamalt. Ekki
brást hann vonum manna að þessu sinni og
stökk 9,34 m og bætti gamla metið um 4 cm.
Þetta stökk Þorsteins var að sjálfsögðu
einnig héraðsmet og var eitt þriggja hér-
aðsmeta sem sett voru á mótinu. Rakel Rós
Snæbjörnsdóttir, Eflingu, setti héraðsmet í
hástökki 12 ára stúlkna og Börkur Sveins-
son, Eflingu, bætti eigið héraðsmet í kúlu-
varpi 11–12 ára drengja um 30 cm þegar
hann kastaði 12,63 cm. Svavar Ingvarsson,
Einingu, kastaði einnig yfir gamla metinu
en hann kastaði 12,34 cm.
Anna Sigrún Mikaelsdóttir formaður
HSÞ var að vonum ánægð með árangur
krakkanna á mótinu og sagði jafnframt,
umgjörð mótsins mjög góða, sem skipti
miklu máli t.d. varðandi tímaáætlanir o.þ.h.
„Félögin inna HSÞ skaffa starfsmenn og
það er kominn góður kjarni með mikla
reynslu sem kann til verka sem auðveldar
okkur mjög að halda svona fjölmenn mót“.
Anna Sigrún segir mikinn áhuga á frjálsum
íþróttum á félagssvæði HSÞ og æft sé bæði
á Húsavík og á Laugum. Talsverð fjölgun
iðkenda hafi orðið á síðustu árum, þá sér í
lagi á Húsavík og eins sé foreldrastarfið
mjög gott sem hefur mikið að segja. „Síðast
og ekki síst erum við svo heppin að hafa hér
mjög góða þjálfara, Jón Fr. Benónýsson og
Bryndísi Pétursdóttur en þau gera alveg
gríðarlega góða hluti með þessa krakka.“
Úr
bæjarlífinu
Þorsteinn
Ingvarsson
HÉÐAN OG ÞAÐAN
Sigríður María Gunn-arsdóttir, eigandiSólar- og fegurðar
á Ísafirði, hélt opið hús á
stofu sinni fyrir skömmu
þar sem m.a. gat að líta
spjaralitlar konur þekja
sig leirvafningum í
heilsubótarskyni, að er
greint frá á heimasíðu
Bæjarins besta. Í vafn-
ingana er notaður leir úr
Dauðahafinu og þykja
þeir hafa mjög góð áhrif á
æðakerfi líkamans og
húð. Jafnvel eru dæmi um
að þeir minnki mitt-
ismálið verulega í einum
tíma. Þó að uppátækið
virðist skondið frá „karl-
lægum“ sjónarhóli gera
jákvæð áhrif vafninganna
ekki upp á milli kynjanna.
Fjölmargir gestir lögðu
leið sína í Sól og fegurð til
að kynna sér starfsemina.
Auk leirvafninganna vin-
sælu var boðið upp á
kynningu á heilsuvörum,
sogæðanuddi og sól-
arbekkjum stofunnar.
Leirvafningar
Mýrdalur | Það er orðinn árviss viðburður í Víkurkirkju
í Mýrdal að sóknarnefnd kirkjunnar bjóði til tónleika.
Að þessu sinni fengu þau þverflautuleikarana Guðrúnu
S. Birgisdóttur og Martial Nardeau til að halda tón-
leika, en þau hafa spilað saman á flautur síðan 1980, og
ýmis íslensk tónskáld hafa samið fyrir þau samspils-
verk, t.d. Atli Heimir Sveinsson, en þau spiluðu einmitt
tvo kafla úr verkinu Úr Handanheimum á tónleikunum.
Að auki léku þau verk frá ýmsum tímabilum, bæði bar-
okk og óperudúetta. Þau léku bæði á hefðbundnar
þverflautur og einnig á barokkflautur. Tónleikunum
var vel tekið af Mýrdælingum. Á myndinni flytja Guð-
rún S Birgisdóttir og Martial Nardeau hluta úr verki
Atla Heimis, Úr Handanheimum.
Morgunblaðið/ Jónas Erlendsson
Tónleikar í Víkurkirkju
Jón Jens Krist-jánsson frá YtriHjarðardal hefur
forvitnilega sýn á
draugasafnið á Stokks-
eyri:
Á Stokkseyri mikið mannlíf er
og menningin höfð í stafni.
Dekrað er mjög við draugaher
sem dvelur þar inni á safni.
Beinagrindurnar búa þar
með brakandi kjúkur og leggi.
Fordæmdar sálir og friðlausar
fara í gegnum veggi.
Þarna er blandið lævi loft
og ljótur er margur siður.
Höfuðin tekin ofan oft
með öskur og hlátrakviður.
Herra biskupinn hrelldur var
og harmaði rómi klökkum.
En palla og göng munu prýða þar
prestar í svörtum stökkum.
Magnúsi Halldórs-syni var falið aðyrkja um konur
og hesta. Hann sá strax
tengslin þar á milli:
Konur eru konum verstar;
konur eru mönnum bestar;
konur eru klókar flestar;
konur notist eins og hestar.
Helgi Zimsen yrkir:
Þessa vísu þrykki hér
þarflaust fer að ríma,
tilgangurinn enginn er
aðeins drep ég tíma.
Enn af draugum
pebl@mbl.is
Akureyri | Mikil hálka hefur
verið á götum Akureyrar und-
anfarna daga, auk þess sem
hált var á götum bæjarins fyrr
í haust. Einstaka ökumenn
hafa lent í hremmingum af
þeim sökum og skemmt bíla
sína en lítið hefur verið um
meiðsli á fólki. Starfsmenn
Norðurorku voru að skipta um
ljósastaur í Gilinu í vikunni, en
hann hafði skemmst við það að
verða fyrir bíl. Þetta var jafn-
framt þriðji ljósastaurinn sem
starfsmennirnir skiptu um
þann daginn. Hver staur með
ljósi kostar rúmar 50 þúsund
krónur, fyrir utan vinnu við
skiptin, þannig að hér er um
nokkurt tjón að ræða. „Þessar
skemmdir á staurunum eru
ekki hálkunni að kenna, heldur
þeim ökumönnum sem ekki
hafa ekið bílum sínum miðað
við aðstæður,“ sagði Guð-
mundur Brynjólfsson starfs-
maður Norðurorku. „Þessir
þrír staurar kosta um 160 þús-
und krónur,“ bætti Gísli Páls-
son, félagi Guðmundar við.
Morgunblaðið/Kristján
Sævar Herbertsson, Gísli Pálsson og Guðmundur Brynjólfsson, í holunni, skipta um ljósastaur í Gilinu.
Nokkrir ljósastaurar fyrir bíl
Hálka
TVEIR af frystitogurum Þormóðs
ramma-Sæbergs hf., Mánaberg ÓF og
Kleifaberg ÓF, þurftu að leita til hafnar
í vikunni til viðgerða. Kleifaberg fór inn
til Ísafjarðar vegna gangtruflana bæði í
aðalvél og ljósavél og Mánaberg er í
flotkvínni hjá Slippstöðinni á Akureyri,
eftir að leki kom að skipinu. Kleifaberg
er komið aftur á miðin fyrir vestan og
ráðgert er að Mánaberg haldi aftur til
veiða á morgun laugardag.
Mánaberg hafði verið á veiðum í 19
daga, þegar ákveðið var að sigla til hafn-
ar, eftir að menn urðu varir við leka
neðan við sjólínu. Haraldur Gunnlaugs-
son, skrifstofustjóri Þormóðs ramma-
Sæbergs, sagði að þar hefði fyrst og
fremst verið um varúðarráðstöfun að
ræða en ekki að um mikinn leka hafi
verið að ræða. Hann sagði að Kleifaberg
hefði siglt inn til Ísafjarðar undir eigin
vélarafli, þrátt fyrir gangtruflanir og
stoppað þar í einn sólarhring. Mánaberg
og Kleifaberg voru á veiðum fyrir vestan
og sagði Haraldur að veðrið hefði verið
að gera mönnum þar lífið leitt að und-
anförnu, en því mætti búast við á þess-
um árstíma.
Ágæt aflabrögð hafa verið hjá fyrsti-
togurum Þormóðs ramma-Sæbergs að
undanförnu. Sigurbjörg ÓF er á veiðum
fyrir austan land og í gær var aflaverð-
mæti skipsins orðið 35 milljónir króna
eftir 13 daga túr. Þá var aflaverðmæti
Mánabergs, eftir þessa 19 daga fyrir
viðgerð, alls um 61 milljón króna.
Frystiskipin þrjú lönduðu öll í Ólafsfirði
fyrr í mánuðinum og um síðustu mán-
aðamót. Aflaverðmæti Sigurbjargar var
tæpar 58 milljónir króna, aflaverðmæti
Mánabergs tæpar 68 milljónir króna og
aflaverðmæti Kleifabergs tæpar 63
milljónir króna.
Tveir tog-
arar þurftu
að leita
til hafnar
Í flotkvínni: Unnið að viðgerð á Mána-
bergi ÓF hjá Slippstöðinni á Akureyri.