Morgunblaðið - 21.11.2003, Blaðsíða 24

AUSTURLAND
24 FÖSTUDAGUR 21. NÓVEMBER 2003 MORGUNBLAÐIÐ
Ungt fólk | Á Haustþingi ungs
fólks á Austur-Héraði, sem haldið
var fyrir skemmstu, var áhersla lögð
á nauðsyn þess að setja á fót ung-
mennaráð og koma ungmennahúsi í
gagnið.
Ungmennaráðið hefði mótandi
áhrif á þá þætti stjórnsýslu sveitar-
félagsins sem lýtur að málefnum
ungs fólks og með ungmennahúsi
fengi unga fólkið vettvang til að hitt-
ast á eigin forsendum og njóta og
móta eigin menningu. Fræðslu- og
menningarráð Austur-Héraðs hefur
fjallað um niðurstöður þingsins og
telur hugmyndina um ungmennaráð
afar áhugaverða.
Forstöðumanni FM-ráðs hefur
verið falið að kanna hvort hliðstæð
ráð séu annars staðar á landinu og
hvernig fulltrúar séu tilnefndir.
Vinna við undirbúning ungmenna-
hússins er á lokastigi, en sú vinna
hófst í kjölfar Haustþings ungs fólks
2002.
Húsið verður til húsa við Lyngás 5
á Egilsstöðum og hefur FM-ráð lagt
til að gerður verði samstarfssamn-
ingur til tveggja ára milli Austur-
Héraðs og Rauða kross Íslands, þar
sem framlag sveitarfélagsins verði
hluti af launum forstöðumanns, sem
jafnframt gegni starfi forvarnarfull-
trúa.
  
Gjafir | Þegar Íslandsbanki opnaði
nýtt útibú sitt á Reyðarfirði í síð-
ustu viku, færði bankinn leikskól-
unum þremur í Fjarðabyggð tölvur
að gjöf. Þá fengu Hollvinasamtök
fjórðungssjúkrahússins í Neskaup-
stað 200 þúsund króna peningagjöf
og Tónskólar Eskifjarðar og Reyð-
arfjarðar myndarlega harmónikku
í tilefni dagsins.
  
Vopnafjörður | Þessar ungu dömur, sem eru í 3. bekk Vopnafjarðarskóla,
stóðu nýlega fyrir tombólu til styrktar Sjónarhóli, samtaka sérstakra barna.
Afrakstur dagsins var rúmar 6.300 kr. Frá vinstri heita þær Matthildur Ósk,
Glódís, Ingibjörg María og Anna Vilhjálms. Á myndina vantar Önnu Lilju.
Morgunblaðið/Jón Sigurðarson
Söfnuðu fyrir Sjónarhól
Reyðfirsk fjármálagata | Reyð-
firðingar gantast nú með að eiga sitt
einka „Wall Street“ í bænum síðan
Íslandsbanki opnaði útibú í sömu
götu og útibú Sparisjóðs Norð-
fjarðar og Landsbankans standa við.
  
Læknatæki | Þakkarhátíð var haldin á
Fjórðungssjúkrahúsinu í Neskaupstað í vik-
unni, vegna fjölda gjafa sem sjúkrahúsinu
hafa borist á árinu.
Við athöfnina afhentu Eskja, Íslandsbanki,
Síldarvinnslan og Félag hjartasjúklinga á
Austurlandi stofnuninni gjafabréf fyrir
hjartarafsjá.
Hollvinasamtök sjúkrahússins gáfu nýjan
ristilspegil og Rauði krossinn hlaut þakkir
fyrir lífsmarkamæli sem gefinn var fyrr á
árinu.
Þá gáfu aðstandendur sjúklinga og fyrrum
starfsmenn sjúkrahúsinu sjónvarpstæki og
hægindastóla fyrir sjúklinga.
Mikil málverkasala
FJÖLDINN allur af málverkum var seldur á
uppboði sýslumannsins á Seyðisfirði á mið-
vikudag.
Verkin, tæplega þúsund talsins, voru hald-
lögð í Norrænu í sumar og höfðu verið flutt
inn án viðhlítandi leyfa.
Var um að ræða olíumálverk á striga og
voru þau seld í 70 til 80 verka bunkum. Munu
hafa fengist eitthvað um 160 þúsund krónur
fyrir öll verkin og rennur féð í ríkissjóð.
  
Samkeppni um byggðamerki |
Auglýst er eftir tillögu að nýju
byggðamerki fyrir Austurbyggð,
fyrrum Búða- og Stöðvahrepp.
Skilafrestur er til 15. desember og
verða 20 þúsund krónur veittar fyrir
bestu hugmyndina.
Neskaupstaður | „Sársaukinn var svo
mikill og allt gerðist svo hratt að ég
hafði engan tíma til að hugsa um
hræðslu,“ sagði Cynthia Trililani frá
Reyðarfirði sem fæddi dreng í sjúkra-
bifreið við Eskifjarðará á áttunda tím-
anum í gærmorgun.
„Það var um klukkan hálfsjö í morg-
un sem hún hafði samband við mig,“
sagði Hafdís Edda Eggertsdóttir, ljós-
móðir á Fjórðungssjúkrahúsinu í Nes-
kaupstað. „Ég tók strax þá ákvörðun að
kalla út sjúkrabíl sem er á Reyðarfirði
og lækni á Heilsugæslustöð Eski-
fjarðar.“
Þegar leið á ferðina var ljóst að barn-
ið myndi fæðast í sjúkrabifreiðinni og
var henni því lagt við brúna yfir Eski-
fjarðará, þar sem sá stutti kom í heim-
inn með aðstoð sjúkraflutningamanna
og læknis á Eskifirði. Fæðingin gekk að
óskum og móður og barni heilsast vel.
Drengurinn sem ekki gat beðið eftir
því að komast í heiminn er hinn mynd-
arlegasti og var þegar tekinn til við að
drekka þegar fréttaritari heilsaði upp á
barn og móður um hádegisbilið. Hann
er þriðja barn foreldra sinna, Cynthiu
Trililani og Jónasar Rafnar Ingasonar.
Fyrir á hann bræðurna Inga Benedikt
og Jónatan Jópie.
Þetta er í annað sinn á tveimur árum
sem kona á Reyðarfirði fæðir barn í
sjúkrabifreið, en rúmlega hálfrar
klukkustundar akstur er frá Reyðarfirði
á Fjórðungssjúkrahúsið í Neskaupstað.
Það var enginn tími til
að hugsa um hræðslu
Morgunblaðið/Kristín Ágústsdóttir
Sjúkrabifreiðinni var lagt við Eskifjarðará meðan Cynthia Trililani fæddi son sinn í heiminn á átt-
unda tímanum í gærmorgun: Sá stutti mældist rúmlega 14 merkur og 53 sentimetrar.
Neskaupstaður | Í vikunni und-
irrituðu forráðamenn Verkmennta-
skólans á Austurlandi og fulltrúar
verktakafyrirækisins Bechtel, sem
byggir álverið á Reyðarfirði, samn-
ing um samstarf við þróun og upp-
byggingu námsbrautar áliðna í
skólanum. Tilgangur samstarfsins
er að gera skólanum betur kleift að
þróa námsbraut áliðna og skipu-
leggja starfsþjálfun iðnnema.
Einnig skuldbindur fyrirtækið
sig til þess að útvega skólanum
tölvu- og stýritæknibúnað sem not-
aður er við álframleiðslu. Jafnframt
mun fyrirtækið stuðla markvisst að
aukinni öryggisfræðslu innan skól-
ans með því að útvega bæði náms-
efni og öryggistæki til nemenda
hans.
Í fréttatilkynningu segir að bæði
Bectel og Alcoa leggi mikið upp úr
öryggisþáttum í allri starfsemi
sinni og vilji með samningnum hafa
áhrif á mikilvægi öryggisfræðslu
fyrir nemendur skólans og ekki síst
fyrir hina nýju atvinnustarfsemi
sem í vændum er.
Verkmenntaskóli Austurlands og Bechtel hafa gert með sér samning um
samstarf við þróun og uppbyggingu áliðnabrautar: Craig Bridge og Joe L.
Wahba frá Bechtel og Helga M. Steinsson skólameistari.
Verkmennta-
skólinn og Bechtel
í samstarfi
Neskaupstaður| Nú þegar hrein-
dýraveiðitímabilinu er lokið, gæs-
irnar flognar á sínar vetur-
setustöðvar og ekki má lengur
ganga til rjúpna, eru svart-
fuglaveiðar huggun harmi gegn hjá
skotveiðimönnum og sýna að það er
líf eftir rjúpnaveiðibann. Og það þó
að mörgum veiðimanninum þyki
ekki eins mikið til svartfuglsins
koma og rjúpnanna.
Norðfirðingar hafa verið að
skreppa á svartfugl að undanförnu,
en veiðin ekki verið mikil því fremur
lítið hefur gengið af fugli inn í Norð-
fjarðarflóa það sem af er vetri.
Það er líf þrátt fyrir
rjúpnaveiðibann
Morgunblaðið/Ágúst Blöndal
Norðfirðingar hafa verið að skreppa á svartfugl að undanförnu. Marinó og
Sverrir brugðu sér á svartfugl á dögunum og fengu ríflega í soðið.