Morgunblaðið - 21.11.2003, Blaðsíða 50

ÍÞRÓTTIR
50 FÖSTUDAGUR 21. NÓVEMBER 2003 MORGUNBLAÐIÐ
„ÉG er ánægður með að halda
hreinu – þó að það munaði
litlu þegar einn þeirra komst
einn í gegn en ég náði sem bet-
ur fer að verja það,“ sagði
Árni Gautur Arason, mark-
vörður og fyrirliði liðsins eftir
leikinn.
„Mér fannst vera fín færsla í
þessu hjá okkur og vörnin stóð
sig vel.
Mexíkanar voru meira með
boltann og oft næstum því að
skapa sér færi en náðu ekki að
fá mörg dauðafæri. Við erum
greinilega með stóran hóp – ef
til vill stærri en við héldum og
ég er virkilega sáttur við þessi
úrslit,“ sagði Árni Gautur sem
sagðist sérlega ánægður með
hversu mörg færi liðið skapaði
sér. „Helgi fékk fín færi en
náði ekki að skora. Þetta
minnti á æfingar þar sem
hann nær aldrei að skora á
móti mér,“ sagði fyrirliðinn og
glotti.
„Mjög
ánægður“
Árni Gautur
FÓLK

TVEIR leikmenn urðu að hlaupa
beinustu leið í sturtu eftir leikinn og
þaðan upp í bíl sem flutti þá út á flug-
völl þaðan sem leiðin lá til Chicago og
Lundúna. Þetta voru Helgi Kolviðs-
son og Ólafur Ingi Skúlason. Sá fyrr-
nefndi þurfti reyndar að fljúga frá
Lundúnum til Austurríkis þar sem
hann leikur með Kärnten, en Ólafur
gat farið heim til sín í Lundúnum.

ÞAÐ fór ekki illa um forráðamenn
KSÍ og blaðamenn frá Íslandi þar sem
þeir létu fara vel um sig í svítu númer
44 á vellinum, en 67 slíkar svítur eru á
leikvanginum, uppi á þriðju hæð í
stúkunni. Svíta númer 44 er fyrir tólf
manns, þar er leðursófasett, ísskápur,
sjónvarp og hljómflutnigstæki og
þegar leikur hefst fara menn út og
setjast þar í þægileg sæti, sjá vel yfir
völlinn og eru með sjónvarp við hönd-
ina til að fylgjast með. Þjónustustúlka
sá um að allur matur og drykkir væru
til staðar og fór virkilega vel um
menn. Glæsileg aðstaða
Sannarlega góð tíðindi, sérstak-lega þegar haft er í huga að
þjálfararnir gátu ekki stillt upp því
liði sem hingað til
hefur verið talið
sterkast.
Frammistaða
leikmanna var með
slíkum ágætum að þeir sendu skýr
skilaboð til þeirra sem ekki komust í
leikinn að menn geta ekki gengið að
sæti sínu í landsliðinu sem vísu.
Það var gríðarleg stemmning
meðal áhorfenda á leiknum, fólk var
litskrúðugt og mikið var spilað og
blásið í lúðra. Hvort það var það eða
eitthvað annað sem virtist setja ís-
lenska liðið út af laginu í byrjun leiks
skal ósagt látið en það tók íslensku
strákana ekki langan tíma að komast
yfir taugaveiklunina á upphafsmín-
útunum og í hönd fór hinn skemmti-
legasti leikur.
Þó svo Mexíkanar hafi verið mun
meira með boltann og náð að leika
honum á milli sín langtímum saman
var ekkert að gerast fram á við hjá
þeim – til þess var vörn Íslands of
skipulögð og þeir komust hvorki
lönd né strönd.
Tvö fyrstu skotin að marki voru ís-
lensk og í öðru tilvikinu sá maður
fyrir sér að Ísland kæmist yfir. Helgi
Sigurðsson og Veigar Páll Gunnars-
son komust tveir gegn einum varn-
armanni. Í stað þess að gefa á Veigar
Pál, sem var aleinn fyrir miðju
marki, en Helgi með mann í sér á
vinstri vængnum, tók Helgi á rás að
vítateignum og átti fínt skot sem fór
rétt framhjá.
Þegar leikurinn hafði staðið í tutt-
ugu mínútur fékk Helgi boltann
óvænt hægra megin, náði honum af
markverðinum, en var kominn í
nokkuð þröngt færi og varð að
teygja sig of mikið í boltann þannig
að honum tókst ekki að koma honum
í tómt markið.
Mexíkanar komu greinilega til
leiks til þess að sækja og sækja og
ætluðu sér augljóslega að rúlla yfir
litla Ísland. Fyrir vikið var vörn
þeirra ekki sannfærandi og það nýtti
íslenska liðið sér vel, sótti skipulega
og kom vörninni oft í bobba. Ekki
tókst þó að skora en er á leið leikinn
sáu Mexikanar að við svo búið mátti
ekki sitja og gættu þess að hafa alltaf
nægilega marga leikmenn aftar á
vellinum til að verjast sóknum Ís-
lands.
Um miðbik hálfleiksins náðu
heimamenn betri tökum á leiknum
og markið lá í loftinu. Sóknarmaður
komst einn inn fyrir en Árni Gautur
varði í horn og aftur bjargaði hann
vel með því að slá boltann yfir þver-
slána eftir lúmskt skot sem kom upp
úr hornspyrnunni. Fyrirliðinn stóð
fyrir sínu.
Skömmu eftir þessi færi fengu
heimamenn dauðafæri á hinu mark-
teigshorninu, vinstra megin, þegar
Adolfo Bautista komst í fínt skotfæri
en Árni Gautur sá við honum og
varði glæsilega með úthlaupi. Sókn
Mexíkana var þung á þessum kafla
en íslenska vörnin stóðst áganginn
og það var markalaust í hálfleik.
Helgi fékk besta færi leikins eftir
tíu mínútna leik í síðari hálfleik.
Ríkharður Daðason nikkaði þá
boltanum inn í teiginn eftir auka-
spyrnu, Helgi var inni í markteig,
náði að skjóta en markvörðurinn
varði vel. Báðir lágu þeir í jörðinni
eftir, svona tvo metra frá marklínu,
og Helgi náði að skjóta liggjandi en
boltinn fór í lærið á markveðinum og
upp í loftið og varnarmenn björguðu.
Mínútu síðar datt sóknarmaður
Mexíkó inn í vítateig Íslands, ekki í
fyrsta sinn í leiknum, en dómarinn
brosti bara út í annað og benti við-
komandi á að hætta þessum leikara-
skap ef hann hefði í hyggju að vera
áfram inn á.
Eina skiptið sem boltinn fór í net-
möskvana í nótt var þegar Veigar
Páll sendi hann þangað á 77. mínútu.
Ríkharður skallaði boltann þá út til
Veigars Páls, sem var í miðjum víta-
teignum, eftir aukaspyrnu inn á
markteiginn, en dómarinn dæmdi á
Ríkharð, sagði hann hafa verið full
aðgangsharðan við markvörðinn og
trúlega hafði hann á réttu að standa.
Íslenska liðið lék vel í nótt og það
sem var hvað jákvæðast við leik þess
var að sóknirnar voru skipulagðar og
vel útfærðar, ekki tilviljunarkenndar
eins og stundum hefur viljað brenna
við gegn sterkum þjóðum.
Varnarleikurinn var skipulagður
og agaður. Menn lokuðu vel svæðum
og voru sér greinilega meðvitaðir um
hvert þeirra hlutverk var í vörninni.
Árni Gautur átti fínan leik, varði
vel í tvígang og greip inn í þegar á
þurfti að halda. Bjarni Þorsteinsson
átti traustan leik í hægri bakverð-
inum og í miðju varnarinnar var
Ólafur Örn Bjarnason eins og kóng-
ur í ríki sínu.
Kristján Örn Sigurðsson var mjög
óöruggur í fyrri hálfleik, sérstaklega
á upphafsmínútunum en kom tvíefld-
ur í síðari hálfleikinn og lék þá eins
og hann á að sér – öryggið uppmálað.
Vængmennirnir Auðun Helgason
og Hjálmar Jónsson skiluðu varnar-
hlutverki sínu af mikilli prýði en
sendingar Hjálmars hefðu mátt vera
betri. Sama má segja um Ólaf Stígs-
son á miðjunni, það vantaði oft eitt-
hvað upp á að sendingarnar væru
nægilega nákvæmar. Gylfi Einars-
son átti fínan leik, vann hvert einasta
skallaeinvígi sem hann fór í og barð-
ist vel.
Veigar Páll átti einnig ágætan
dag, lék nokkuð framarlega, mun
framar en búast hefði mátt við í leik
á móti svo sterkri þjóð. Frammi voru
þeir Helgi Sigurðsson og Ríkharður
Daðason. Helgi var gríðarlega dug-
legur og stoppaði ekki þann tíma
sem hann lék og Ríkharður sýndi
hvers vegna hann er valinn í lands-
liðið, sterkur og útsjónarsamur leik-
maður sem skapaði mikið í sókninni.
Varamennirnir fengu mislangan
tíma. Björgólfur Takefusa kom
sterkur til leiks og kæmi ekki á óvart
að hann verði viðloðandi landsliðs-
hópinn á næstu árum. Helgi Kolviðs-
son kom einnig sterkur inn, barðist
vel og er sterkur en um leið ágætlega
útsjónarsamur og skynsamur leik-
maður. Ólafur Ingi Skúlason lék síð-
ustu fimm mínúturnar og gerði það
vel.
Íslendingar og Mexíkanar gerðu markalaust jafntefli í San Francisco
Ljósmynd/Scot Tucker
Gylfi Einarsson í leiknum gegn Mexíkó.
Sigur á Mexíkó
hefði verið
sanngjarn
ÍSLENSKA landsliðið í knattspyrnu gerði í nótt markalaust jafntefli
við Mexíkó í vináttulandsleik í San Francisco. Jafnteflið náðist ekki
með því að allir leikmenn Íslands lágu í vörn, heldur með vel skipu-
lögðum og öguðum leik, í leik þar sem íslenska liðið fékk fleiri
hættuleg marktækifæri og hefði á eðlilegum degi átt að vinna – og
það meira en með einu marki.
Skúli Unnar
Sveinsson
skrifar frá
San Francisco
„VIÐ teljum okkur eiga ágæta mögu-
leika á því að verja titilinn og saga
okkar liðs í keppninni er góð til þessa.
Við ætlum að halda
uppteknum hætti og
stefnum auðvitað á að
vinna keppnina,“
sagði Guðjón Skúla-
son, þjálfari körfuknattleiksliðs Kefla-
víkur, á fundi með fjölmiðlum á mið-
vikudag en undanúrslitaleikir
Fyrirtækjakeppni KKÍ, Hópbílabik-
arkeppnin, fara fram í Laugardalshöll
í kvöld, en úrslitaleikurinn fer fram á
sama stað á morgun kl. 16.30.
Í fyrri leik kvöldsins sem hefst kl.
18.30 eigast við Grindavík og Njarð-
vík. Friðrik Ragnarsson, þjálfari
Njarðvíkinga, sagði að allir leikmenn
liðsins væru heilir heilsu. „Að mínu
mati höfum við verið að sækja í okkur
veðrið að undanförnu. Brenton Birm-
ingham er að ná fyrri styrk og við ætl-
um okkur að fara alla leið í keppninni.
Grindvíkingar eru enn ósigraðir í
deildinni en í lið þeirra mun vanta þá
Helga Jónas Guðfinnsson og Steinar
Arason en þeir eru meiddir.
Tindastóll og Keflavík eigast við í
síðari leik kvöldsins sem hefst kl.
20.30. Lið Tindastóls er enn í mótun
þar sem Friðrik Hreinsson og Óli
Barðdal hafa bæst á ný í hópinn á und-
anförnum vikum. Hugi Halldórsson,
talsmaður Tindastóls, sagði að búast
mætti við stórum hóp stuðningsmanna
liðins, og menn þar á bær væru bjart-
sýnir á góðan árangur.
Landsbyggðarslagur
fjögurra liða í „Höllinni“
Eftir
Sigurð Elvar
Þórólfsson
Guðjón Skúlason í leik gegn
Njarðvík.
GUÐJÓN Skúlason, þjálfari meist-
ara Keflavíkur í körfuknattleik,
segir að samkeppnin um áhorf-
endur sé hörð og bendir hann á að
hægt sé að taka upp vinsælt sjón-
varpsefni sem sýnt sé á sama tíma
og leikurinn fer fram. Og átti
þjálfarinn þá við Idol-þáttinn á
Stöð 2.
Það vekur athygli að úrslita-
leikirnir fara fram í Laugardals-
höll en ekkert liðanna er frá
Reykjavík.
Í fyrra fór keppnin fram á
heimavelli Keflvíkinga sem unnu
Grindvíkinga í úrslitaleiknum
75:74, þar sem að Damon Johnson
skoraði þriggja stiga körfu rétt
fyrir leikslok. Sá möguleiki var í
stöðunni að hafa úrslitaleikina á
Suðurnesjum á ný en forsvars-
menn liðanna náðu ekki lendingu í
því máli og ef slíkt gerist á að
leika á hlutlausum velli samkvæmt
reglum KKÍ.
Sigurliðið fær 200 þúsund krón-
ur í sinn hlut og tapliðið 50 þúsund
en sama upphæð er í boði fyrir
kvennaliðin sem eigast við síðar.
Aðspurður hvort peningaverð-
launin væru áhugaverð fyrir liðin
sagði Guðjón að líklega yrði lítið
eftir af kökunni þegar veislunni
lyki. „Það fylgir því nokkur kostn-
aður að leika í Laugardalshöll og
þegar búið verður að borga alla
reikningana verður eflaust lítið
eftir til skiptanna,“ sagði Guðjón.
Í samkeppni við
skemmtiþáttinn Idol