Morgunblaðið - 27.12.2003, Blaðsíða 15

ERLENT
MORGUNBLAÐIÐ LAUGARDAGUR 27. DESEMBER 2003 15
TALNINGA-
VOGIR
Síðumúla 13, sími 588 2122
www.eltak.is

Léttu þér vinnuna
í talningunni!

Leiga eða sala

Vog á fínu verði
Hafðu samband eða
skoðaðu www.eltak.is
KÍNVERJAR minntust þess í gær
að 110 ár voru liðin frá fæðingu
Maós Zedongs, fyrrum þjóð-
arleiðtoga Kína. Mikill fjöldi
gerði sér ferð í grafhýsið þar
sem lík hans er og margir fóru
einnig í pílagrímsferðir til borg-
arinnar Shaoshan þar sem Maó
fæddist 26. desember árið 1893.
Fjallað hefur verið um Maó í rík-
isfjölmiðlum og þar hefur því
verið komið á framfæri að Maó
hafi verið maður en ekki guð.
Margar kínverskar fréttastofur
lögðu áherslu á að lýsa hinum
mannlegu þáttum Maós.
Hu Jintao, forseti Kína, tók
þátt í sérstakri ráðstefnu um
Maó, sem haldin var í Alþýðuhöll-
inni í Peking. Hu var einnig í
hópi þeirra 26 þúsund manna sem
gengu fram hjá smurðu líki Maós
í grafhýsinu við suðurenda Torgs
hins himneska friðar í borginni.
Margar kínverskar fréttastofur
lögðu áherslu á að lýsa hinum
mannlegu þáttum Maós. „Per-
sónudýrkunin er að hverfa,“
sagði í forustugrein eins dag-
blaðsins. „Í því felast mikil verð-
mæti fyrir þjóðina.“
Á myndinni virða ungir Kín-
verjar fyrir sér höggmynd af
leiðtoganum í borginni
Guangzhou, sem er höfuðstaður
Guangdong-héraðs.
Reuters
110 ár frá fæðingu Maós
DÓMSTÓLL í Berlín hefur komist
að þeirri niðurstöðu að hægrisinnuð
rokkhljómsveit í Þýskalandi sé
glæpafélag og dæmt aðalsöngvara
hennar í rúmlega þriggja ára fang-
elsi fyrir texta þar sem nasismi er
lofsunginn og kynt er undir kyn-
þáttahatri.
38 ára söngvari hljómsveitarinnar,
Michael Regener, var dæmdur í
þriggja ára og fjögurra mánaða
fangelsi eftir hálfs árs réttarhöld
sem álitin voru prófsteinn á mörk
tjáningarfrelsisins í Þýskalandi þar
sem sett hafa verið ströng lög sem
banna hatursáróður. Dómstóllinn
komst að þeirri niðurstöðu að hljóm-
sveit Regeners, Landser, ógni þýsk-
um gyðingum og milljónum innflytj-
enda frá Afríku og múslímalöndum.
Bassaleikari hljómsveitarinnar,
Andre Möricke, og trommuleikarinn
Christian Wenndorff voru dæmdir í
tveggja ára skilorðsbundið fangelsi
og 90 klukkustunda samfélagsþjón-
ustu.
Hljómsveitin var stofnuð árið 1992
og hét þá Final Solution, eða „Loka-
lausnin“. Hún hefur notið mikilla
vinsælda meðal nýnasista.
„Þetta er í fyrsta skipti sem hljóm-
sveit hefur verið úrskurðuð glæpa-
félag,“ sagði þýski saksóknarinn
Joachim Lampe.
„Hryðjuverkamenn
með rafmagnsgítara“
Hljómsveitarmeðlimirnir, sem eru
síðhærðir og klæðast svörtum leður-
jökkum, hafa sagt að þeir séu
„hryðjuverkamenn með rafmagns-
gítara“. Textar þeirra þykja vit-
rænni en flestra hljómsveita nýnas-
ískra snoðinkolla en boðskapurinn er
jafnhispurslaus. „Ráðumst á óvininn,
vörpum sprengjum á Ísrael,“ segir í
einum textanna. „Í gamla daga var
Afríka dásamleg, nú eru hvítir bræð-
ur okkar með bakið upp við vegg.“
Þýsku lögin sem banna haturs-
áróður tóku gildi eftir helförina og
eru á meðal ströngustu laga sem sett
hafa verið í heiminum til að stemma
stigu við kynþáttahatri. Landser –
sem er gamalt þýskt orð yfir fót-
gönguliða og var notað í síðari
heimsstyrjöldinni – þurfti því að gefa
út fjóra af diskum sínum utan Þýska-
lands.
Hljómsveitin varð fljótt eftirlæti
hægriöfgamanna og í textunum var
snoðinkollum hrósað fyrir morð á
innflytjendum og íkveikjur seint á
síðasta áratug. Nýnasistinn Thor-
sten Reise bar vitni fyrir réttinum og
sagði að textar Regeners væru „rót-
tækir, kaldhæðnislegir og mein-
glettnir“.
Þýsk rokkhljóm-
sveit dæmd fyrir
hatursáróður
Berlín. Los Angeles Times.
Sögð ógna gyðingum og innflytj-
endum frá Afríku og múslímalöndum
Moggabúðin
Músarmotta, aðeins 450 kr.
ATVINNA
mbl.is