Morgunblaðið - 27.12.2003, Blaðsíða 35
MORGUNBLAÐIÐ LAUGARDAGUR 27. DESEMBER 2003 35
LANDSLIÐSMENNIRNIR í hand-
knattleik, Einar Örn Jónsson og
Rúnar Sigtryggsson, voru í liði
Wallau Massenheim sem vann
óvæntan sigur á Kiel í 1. deild
þýska handknattleiksins í gær.
Tapið setti strik í reikning Kiel sem
þar með missti aðeins af efstu liðum
deildarinnar, Flensburg, Lemgo og
Magdeburg, en tvö fyrrgreindu lið-
in unnu leiki sína í gær.
Einar Örn skoraði fjögur marka
Wallau í sigrinum á Kiel en Rúnar
komst ekki á blað en var að vanda
fastur fyrir í vörn Wallau.
Essen, lið Guðjóns Vals Sigurðs-
sonar landsliðsmanns, vann einnig
og komst upp í 6. sæti deildarinnar
þegar það lagði Gylfa Gylfason,
landsliðsmann, og samherja hans í
Wilhelmshavener, 36:27, á heima-
velli. Guðjón skoraði 6 mörk fyrir
Essen en Gylfi var með 4 mörk fyrir
Wilhelmshavener.
Enn sígur á ógæfuhliðina hjá
Guðmundi Hrafnkelssyni og sam-
herjum hans í Kronau/Östringen. Í
gær töpuðu þeir á heimavelli fyrir
Wetzlar, 27:25. Kronau/Östringen
er í 16. sæti en sigurinn var Wetzlar
mikilvægur og er liðið nú um miðja
deild. Róbert Sighvatsson og Gunn-
ar Berg Viktorsson landsliðsmenn
voru í liði Wetzlar.
Sir Alex Ferguson stjóri meistar-anna gerði talsverðar breyting-
ar á liði sínu fyrir leikinn gegn Ever-
ton. Roy Keane gat ekki leikið sökum
meiðsla, Ryan Giggs, Phil Neville og
Ruud Van Nistelrooy fegnu að kvíla
sig og Paul Scholes lék aðeins síðasta
hálftímann. Það breytti engu fyrir
United því liðið vann sigur á Everton,
3:2, þar sem Duncan Ferguson
minnkaði muninn fyrir Everton
þremur mínútum fyrir leikslok.
Nicky Butt, Kleberson og David Bell-
ion nýttu tækifærin vel, allir skoruðu
þeir mark og Gary Neville sá um að
skora fyrra mark Everton þegar
hann skallaði glæsilega framhjá Tim
Howard.
„Sigurinn var það sem skipti öllu
og það var mjög mikilvægt að vinna
þar sem við eigum annan leik á
sunnudaginn. Við spiluðum á köflum
skínandi vel en mér urðu á mikil mis-
tök þegar ég skoraði sjálfsmarkið.
Sem betur fer náðum við að bæta við
tveimur mörkum en við vorum full-
kærulausir undir lokin þegar við lét-
um Ferguson minnka muninn,“ sagði
Gary Neville sem bar fyrirliðabandið
í liði Manchester United. Neville
hrósaði portúgalska táningnum Ron-
aldo en hann fór á kostum í síðari
hálfleik og lék varnarmenn Everton
oft grátt.
Henry aftur í markaskóna
Thierry Henry fann netmöskvana
á nýjan leik þegar Arsenal vann auð-
veldan sigur á botnliði Wolves, 3:0, á
Highbury. Henry skoraði tvívegis en
fyrir leikinn hafði honum ekki tekist
að skora í fimm leikjum í röð. Fyrsta
mark leiksins var sjálfsmark Jody
Craddocks en Arsenal var komið í 2:0
eftir 20 mín., leik. Arsenal réð lögum
og lofum á heimavelli sínum og hefði
hæglega getað unnið stærri sigur.
„Ég var mjög ánægður með ein-
beitingu minna manna og hversu inn-
stilltir þeir voru. Við skoruðum tvö
mörk snemma leiks sem getur oft
verið snúið að höndla en við héldum
okkar striki og hleyptum Úlfunum
aldrei inn í leikinn. Leikurinn var
kannski fullflatur en engu að síður
var ég ánægður með frammistöðu
liðsins,“ sagði Arsene Wenger, stjóri
Arsenal.
Jóhannes Karl Guðjónsson var
ekki í leikmannahópi Úlfanna sem
virðast á hraðri leið niður í 1. deild.
Fulham lyfti sér upp í fjórða sætið
með 2:0 sigri á Southampton og skor-
aði Louis Saha bæði mörkin, það síð-
ara úr vítaspyrnu. Saha hefur sterk-
lega verið orðaður við Manchester
United á undanförnum dögum og
sjálfur hefur hann sagt að hann vildi
leika með meisturunum.
„Það er alveg skýrt í mínum huga.
Saha er ekki til sölu og hann verður
hjá okkur að minnsta kosti til loka
þessa tímabils,“ sagði Chris Coleman,
stjóri Fulham.
Ranieri ósáttur
Claudio Ranieri, stjóri Chelsea,
sagði að sínir menn hefðu alveg getað
tapað stærra á móti Charlton.
„Við vorum illa á verði og ég er
ákaflega ósáttir við úrslitin. Charlton
skoraði fjögur mörk og fékk nokkur
góð færi til að bæta fleiri mörkum við.
Það er alveg ljóst að eitthvað fór úr-
skeiðis og við verðum að taka okkur
saman í andlitinu fyrir leikinn á móti
Portsmouth,“ sagði Claudio Ranieri.
Það gengur hvorki né rekur hjá
lærisveinum Kevins Keegans í Man-
chester City. Finninn Mikael Forsell
tryggði Birmingham sigur á sveinum
Keegans með þegar hann kom sínum
mönnum í 2:1 þremur mínútur fyrir
leikslok. Robbie Fowler kom City yfir
en Jeff Kenna jafnaði tíu mínútum
fyrir leikslok fyrir Birmingham.
Leikmenn Liverpool gáfu stuðn-
ingsmönnum sínum bestu mögulegu
jólagjöfina þegar þeir lögðu Bolton á
sannfærandi hátt á Anfield, 3:1, en
Liverpool hefur ekki tapað heimaleik
á Anfield á öðrum degi jóla síðan
1986. Sami Hyypia, Sinama Pongolle
og Vladimir Smicer komu Liverpool í
3:0 en Daninn Henrik Pedersen
minnkaði muninn fyrir Bolton
skömmu fyrir leikslok.
Tékkinn Patrick Berger skoraði
bæði mörk Portsmouth sem vann
langþráðan sigur með því að leggja
Tottenham að velli, 2:0.
Markus Babbel skoraði í
tvígang fyrir Blackburn
Þýski varnarmaðurinn Markus
Babbel skorar ekki á hverjum degi en
hann var svo sannarlega hetja Black-
burn þegar liðið gerði jafntefli við
Middlesbrough. Babbel skoraði bæði
mörk Blackburn og jafnaði á lokamín-
útu leiksins. Brasilíumaðurinn Jun-
inho var sömuleiðis á skotskónum í
liði Boro en hann skoraði bæði mörk
liðsins sem tekur á móti Manchester
United á morgun.
Leeds er ósigrað í fimm leikjum í
röð en Leeds og Aston Villa gerðu
markalaust jafntefli á Elland Road.
„Þetta var erfiður leikur en ég er
ánægður með leik liðsins. Ég held
samt að úrslitin hafi verið sanngjörn,“
sagði Eddie Gray, stjóri Leeds.
ÍVAR Ingimarsson var í liði Read-
ing sem steinlá á heimavelli fyrir
Wimbledon, 3:0. Reading hefur held-
ur betur misst flugið en þetta var
þriðji ósigur liðsins í röð og allir hafa
leikirnir tapast, 3:0.
HEIÐAR Helguson lék allan tím-
ann fyrir Watford sem tapaði fyrir
Gillingham, 1:0. Heiðar skallaði
boltann í slá í fyrri hálfleik.
FRANSKI knattspyrnusnillingur-
inn Zinedine Zidane ætlar að enda
knattspyrnuferl sinn hjá spænska
liðinu Real Madrid. „Ég er sann-
færður um að ég verði hjá Real
Madrid það sem eftir er af mínum
ferli og það er það besta sem gæti
gerst hjá mér,“ sagði Zidane við
spænska íþróttablaðið Marca.
ZIDANE, sem er 31 árs gamall og
var á dögunum útnefndur knatt-
spyrnumaður ársins hjá FIFA í
þriðja sinn, er samningsbundinn
Real Madrid til 2005. Zidane segist
ætla að ákveða eftir EM í Portúgal
næsta sumar hvort hann hætti þá
með franska landsliðinu.
STEVE Mclaren, knattspyrnu-
stjóri Middlesbrough, segir ekki
koma til greina að selja varnarmann-
inn Gareth Southgate en ýjað hefur
verið að því að Sir Alex Ferguson
knattspyrnustjóri Manchester Unit-
ed ætli að bjóða í Southgate.
ARSENE Wenger, knattspyrnu-
stjóri Arsenal, hefur trú á að dóm-
urinn yfir Rio Ferdinand varnar-
manni Manchester Utd á dögunum
verði til að efla liðsandann hjá Unit-
ed og hjálpi liðinu við að leiða í bar-
áttuna um enska meistaratitilinn.
TOTTENHAM hefur gengið frá
samningi við Sheffield Utd um kaup
á varnarmanninum Michael Brown.
Leikmaðurinn, sem er 26 ára gamall,
gengur til liðs við Tottenham 1. jan-
úar eða um leið og leikmannamark-
aðurinn opnar. Samningur Browns
við Sheffield átti að renna út í sumar
og því greiðir Tottenham aðeins
500.000 pund fyrir hann.
HELDER Postiga, framherji
enska úrvalsdeildarliðsins Totten-
ham, segir við íþróttablað í heima-
landi sínu, Portúgal, að hann verði
að finna leiðina að marki andstæð-
inganna á nýju ári. Postiga var
keyptur frá Porto fyrir um 800 millj.
kr. en hinn tvítugi framherji hefur
aðeins skorað eitt mark á leiktíðinni,
5. desember gegn Manchester City í
enska deildabikarnum.
RONALDO og Roberto Carlos eru
sagðir vera tilbúnir að leika með
U-23 ára landsliði Brasilíu á Ólymp-
íuleikunum í Aþenu á næsta ári. Það
er spænska íþróttadagblaðið AS sem
greinir frá þessu. Í hverju liði mega
vera þrír leikmenn sem eru eldri en
23 ára og eru félagarnir frá Real
Madrid á Spáni sagðir vera tilbúnir
að taka þátt í einhverjum af leikjum
liðsins í Aþenu.
FÓLK
Sörenstam
mætir körl-
um á Hawaii
SÆNSKI kylfingurinn Ann-
ika Sörenstam ætlar að
keppa við karlmenn í golf-
íþróttinni en hún tekur þátt
í atvinnumannamót á Hawa-
ii 7. janúar. Sörenstam vakti
athygli er hún tók þátt á
PGA-mótaröðinni á Colonial
fyrr á þessu ári.
Á Hawaii mun Sörenstam
eiga í höggi við áhugamenn
sem og atvinnumenn en þar
verður einnig hin 14 ára
gamla Michelle Wie með.
Mótið fer fram á mið-
vikudegi en bandaríska
mótaröðin hefst á ný á dag-
inn eftir á Hawaii oig þá-
verða Tiger Woods og Ernie
Els með en þeir taka einnig
þátt í mótinu dagin áður.
Wallau setti strik í
reikning Kiel
Reuters
Nicky Butt, leikmaður Manchester United, skoraði fyrsta mark leiksins í viðureign liðsins við
Everton með þrumuskoti af tuttugu metra færi.
United og Arsenal
héldu sínu striki
MANCHESTER United og Arsenal héldu sínu striki í ensku úrvals-
deildinni í knattspyrnu í gær. Chelsea fór hins vegar í jólaköttinn og
eitthvað hefur jólasteikin farið illa liðsmenn, einkum og sér í lagi
varnarmennina. Charlton með Hermann Hreiðarsson í fararbroddi
skellti milljarðarliðinu, 4:2, og Chelsea hefur þar með tapað þremur
af fjórum síðustu leikjum sínum. Ekkert verður leikið í deildinni í
dag en á morgun verður leikin heil umferð.
ÍÞRÓTTIR