Morgunblaðið - 27.12.2003, Blaðsíða 19
H
vað er hægt að gera
með fullan ísskáp af
afgöngum, þegar
maður er búin að fá
nóg af því að kroppa
í kaldan hamborgarhrygg eða
kalkúna?
Möguleikarnir eru margir og
freistandi eins og Guðjón Harð-
arson yfirmatreiðslumeistari hjá
Veisluréttum – Múlakaffi bendir
okkur á. Og það sem meira er að
þær uppskriftir sem hann gefur
okkur hér eru á léttu nótunum
þannig að við þurfum ekki að hafa
samviskubit yfir að borða meira af
kræsingum. Algengt er að afgang-
ar af jólamatnum lendi ofan í
tartalettum og þær geta verið með
ýmsu móti.
Óalgengara er að hann breytist í
pastarétt en sá möguleiki er
spennandi enda nýtur pasta mik-
illa vinsælda hér á landi.
Baka (quiche) er skemmtilegur
og einfaldur réttur sem má hafa
bæði heitan og kaldan. Og þeir
sem kjósa hollustuna geta valið
kalkúnasalatið.
Kalkúnasalat
Ferkt jöklasalat
rifinn kalkún
sólþurkaðir tómatar
paprika
ananas
ristaðar furuhnetur
brauðteningar
grænmetisafgangar úr
kæliskápnum.
Blandað saman og borið fram
með hvítlauksbrauði og balsamik-
dressingu.
Baka (quiche)
Deig:
100 g hveiti
50 g smjör
50 g rifinn ostur
1 eggjarauða
1 msk. kalt vatn
salt, cayennepipar.
Hnoðið saman og látið hvíla í ½
klst. Flatt út í bökunarform.
Hægt er að nota hvað sem er í
fyllinguna; hangikjöt, hamborgar-
hrygg, kalkún, lambakjöt eða villi-
bráð, ásamt grænmeti.
Fylling
2 egg
1 eggjarauða
1 dl rjómi
Hrærið eggjum og rjóma saman
og blandið við kjöt og grænmeti.
Bakið í 30 mín. við 180º C.
Borið fram með fersku salati.
Tagliatelle-pastaréttur
Allir grænmetisafgangar, ham-
borgarhryggurinn eða kalkúninn
saxað niður, ristað saman á pönnu.
Smá rjóma og kjötkrafti blandað
saman við og soðið í 1 mín. Taglia-
telle-pasta soðið, sett í skál og sós-
unni hellt yfir. Ferskur parmes-
anostur rifinn yfir.
Borið fram með heitu brauði og
fersku salati.
Hangikjöt í tartalettum
Hangikjötið saxað í teninga og
baunum og gulrótum blandað sam-
an við. Jafningurinn hitaður upp
og kjöti og grænmeti blandað sam-
an við.
Borið fram í tartalettum með
eplasalati og rauðkáli.
Þeir sem gæddu sér á rjúpum
eða annarri villibráð um hátíðarnar
geta svo saxað kjötafgangana út í
sósuna og borið fram í tartalettum.
MATARKISTAN | Jólamaturinn nýttur til fullnustu
Kræsingar úr
afgöngunum
Í hugum margra er ekk-
ert jólalegra en afgang-
ur af jólamatnum, narta
í kalt kjötið eða borða
restina af desertnum,
daginn eftir. Það má
líka búa til skemmtilega
rétti úr afgöngunum.
Morgunblaðið/EggertKokkurinn: Guðjón Harð-
arson, yfirmatreiðslumeist-
ari hjá Veisluréttum –
Múlakaffi, segir að mat-
reiða megi afgangana á
ýmsa vegu.
Taglíatelle: Pastaréttur
gerður úr afgöngum
gærdagsins.
Jólamaturinn: Hangikjöt í
tartalettum með eplasalati
og rauðkáli.
Hollt og gott: Kalkúna-
salat fyrir þá sem vilja
eitthvað létt eftir
hátíðarmatinn.
DAGLEGT LÍF
MORGUNBLAÐIÐ LAUGARDAGUR 27. DESEMBER 2003 19
gisting í Kaupmannahöfn frá DKK 90,-
www.gisting.dk
sími: 0045 32552044
Undirföt fyrir konur
Skálastærðir: B-FF
undirfataverslun
Síðumúla 3