Morgunblaðið - 24.01.2004, Blaðsíða 13

VIÐSKIPTI/ATHAFNALÍF
MORGUNBLAÐIÐ LAUGARDAGUR 24. JANÚAR 2004 13
KARL Bretaprins heimsótti í gær
höfuðstöðvar Coldwater Seafood,
dótturfélags SH í Gimsby í Bretlandi,
og kynnti sér starfsemi félagsins.
„Prinsinn var einfaldlega að þiggja
boð mitt frá því í október síðastliðnum
um að heimsækja fyrirtækið og kynna
sér starfsemi þess og stefnu í sjálf-
bærri nýtingu auðlinda. Hann hitti
hér helstu viðskiptavini fyrirtækisins
og fulltrúa Marine Stewardship
Council en við höfum unnið töluvert
með þeim samtökum í gegnum við-
skiptavini okkar, sérstaklega Marks
& Spencer og McDonalds,“ segir
Agnar Friðriksson, forstjóri Cold-
water UK.
Karl ríkisarfi var í um þrjár
klukkustundir í höfðustöðvum
Coldwater og tók meðal annars þátt í
umræðum um fiskveiðistjórn, ásamt
fulltrúum Coldwater, dreifingaraðila
sjávarafurða og umhverfissamtaka.
Einnig skoðaði hann fiskréttaverk-
smiðju félagsins og bragðaði á fram-
leiðslunni.
Agnar segir það vissulega mikinn
heiður að hafa fengið prinsinn í heim-
sókn. „Það er sömuleiðis töluverður
akkur fólginn í því fyrir okkur að fá
hann í heimsókn. Margir viðskiptavin-
ir okkar eru mjög stór fyrirtæki og við
fengum hér tækifæri til að hitta æðstu
stjórnendur þessara fyrirtækja, sem
vitanlega vildu koma til að hitta hans
hátign og taka þátt í umræðum um
fiskveiðistjórn og þá ábyrgð sem hvíl-
ir á okkur öllum varðandi nýtingu á
fiskistofnum. Þetta eru menn sem við
erum ekki í daglegu sambandi við og
notuðum að sjálfsögðu tækifærið til
að kynna þeim hvað fyrirtækið er að
gera og hvert það er að stefna.“
Spurði mikið um Ísland
Agnar segir ennfremur felast
ákveðna viðurkenningu í því að Karl
prins hafi þegið boð um að kynna sér
fyrirtækið. „Hann þáði boð mitt um
hæl. Við höfum tekið mjög virkan þátt
í umræðum og starfi um sjálfbæra
nýtingu fiskistofna og Coldwater fékk
í fyrra viðurkenningu frá McDonald’s
fyrir störf sín á þessum vettvangi.
Ríkisarfinn er mikill áhugamaður um
þessi mál og ég geri ráð fyrir því að
honum hafi verið kunnugt um þetta
framlag okkar og þess vegna þegið
boð okkar. Hann var mjög vel að sér
um þessi mál og spurði meðal annars
mikið um Ísland og íslenska fiskveiði-
stjórnunarkerfið. Hann rifjaði upp
veiðiferðir sínar til Íslands og sagðist
eiga þaðan ljúfar minningar. Prinsinn
kom mér fyrir sjónir sem mjög við-
kunnanlegur maður og hlýr. Hann gaf
sér góðan tíma til að tala við starfs-
fólkið og hafði greinilega mjög gaman
af því.“
Agnar segir mikið umstang fylgja
því að fá erfingja bresku krúnunnar í
heimsókn. „Hér hefur undirbúningur
verið mikill í margar vikur, öll heim-
sóknin er skipulögð í smáatriðum og
öryggisgæslan gríðarleg.“
Neytendur komi til bjargar
Karl Bretaprins ávarpaði starfs-
menn Coldwater í gær og sagðist vera
innilega þakkalátur fyrirtækinu fyrir
að fá tækifæri til að kynna sér starf-
semi þess. Hann rifjaði einnig um
hina miklu útgerðarsögu Grimsby en
allt væri breytingum háð og í stað
þess að vera lengur ein fremsta út-
gerðarhöfn heimsins væri nú
Grimsby leiðandi í framleiðslu sjáv-
arafurða.
Prinsinn sagði að ein af afleiðingum
nútímatækni væri ofnýting náttúru-
legra auðlinda, meðal annars fiski-
stofna sem hefði gríðarleg áhrif á um-
hverfi, en ekki síður efnahagsleg og
samfélagsleg áhrif. Þetta ætti þó ekki
við um nærri alla fiskistofna og fólk
mætti alls ekki hætta að borða fisk.
Auk betri rannsókna og bættrar fisk-
veiðistjórnunar þyrfti að virkja kraft
neytenda til að koma illa stöddum
fiskistofnum til bjargar. Nefndi prins-
inn Marine Stewardship Council í
þessu sambandi en hann hefur stutt
starfsemi samtakanna frá upphafi.
Sagði hann að nú væru um 200 sjáv-
arafurðir merktar umhverfisvottun
samtakanna og seldar í 14 löndum.
Stöðugt fleiri fiskistofnar fengju nú
vottun samtakanna, nú síðast hefðu
Norðmenn leitað eftir vottun fyrir
veiðar úr fjórum stofnum, meðal ann-
ars þorski og ýsu.
Konungleg heim-
sókn í Coldwater
Karl Bretaprins kynnti sér starfsemi Coldwater UK
Agnar Friðriksson, forstjóri Coldwater Seafood, ásamt Karli Bretaprinsi í fiskréttaverksmiðju félagsins.
Agnar Friðriksson, forstjóri Coldwater Seafood, kynnir Karl Bretaprins
fyrir Helga Antoni Eiríkssyni, innkaupastjóra félagsins.
KAMBARÖST SU 220 kom til
heimahafnar á Stöðvarfirði nýlega.
Þessi tog- og netaveiðibátur hét áður
Erling KE 140. Það er Albert Ó.
Geirsson, útgerðarmaður, ásamt
fjölskyldu sinni hér á Stöðvarfirði
sem keypti bátinn af Saltveri í Kefla-
vík.
Kambaröst SU er 180 brúttórúm-
lestir að stærð, en þetta nafn hafa
mörg happaskip borið í gegnum ára-
tugina hér á Stöðvarfirði. Nýtt út-
gerðarfélag, Vesturholt, mun gera
Kambaröst SU út til veiða og verður
farið til netaveiða á næstunni.
Skipstjóri Kambarastar er Sig-
urður Guðmundsson frá Höfn í
Hornafirði. Kaupin á skipinu fóru í
gegnum skipasölu Benedikts Sverr-
issonar í Kópavogi.
Ný Kambaröst
til Stöðvarfjarðar
LOÐNUSKIPIÐ Faxi RE landaði
fullfermi á Akranesi í gær. Þetta
er fyrsta „Grandaskipið“ sem
landar á Akranesi eftir að Grandi
keypti allt hlutafé Eimskips í HB.
„Þetta er ósköp einfalt. Það var
hagkvæmast að láta Faxa landa á
Akranesi og þannig verða fyr-
irtækin rekin í framtíðinni, að
gera það sem er hagkvæmast og
kemur þeim báðum vel. Fyrsta
merkið um samvinnuna var nú
fyrr í janúar, þegar bein ofan af
Akranesi voru flutt til bræðslu í
beinamjölsverksmiðju Faxamjöls
á Granda svo ekki þyrfti að gang-
setja verksmiðjuna uppfrá fyrir
smáslatta,“ segir Kristján Dav-
íðsson, framkvæmdastjóri
Granda.
Hann segir að þessi löndun nú
merki alls ekki að Faxamjöl á
Granda verði ekki starfrækt í
vetur. „Við gerum einfaldlega
það sem er hagkvæmast hverju
sinni.“
Loðnuveiðin gengur vel þegar
veður leyfir og veiðist loðnan
bæði í nót og troll. Samkvæmt
upplýsingum Samtaka fisk-
vinnslustöðva hefur um 14.600
tonnum af loðnu verið landað á
vertíðinni, tæplega helming þess
á Eskifirði.
Morgunblaðið/Jón Á. Gunnlaugsson
Faxi landar loðnu á Akranesi í fyrsta sinn eftir sameiningu HB og Granda.
Faxi landar á Akranesi