Morgunblaðið - 24.01.2004, Blaðsíða 8
FRÉTTIR
8 LAUGARDAGUR 24. JANÚAR 2004 MORGUNBLAÐIÐ
Læknadagar
Víðtæk
naflaskoðun
Læknadagar eru ár-legir fræðsludagarfyrir lækna, haldn-
ir af Læknafélagi Íslands í
samvinnu við framhalds-
menntunarráð lækna-
deildar Háskóla Íslands.
Á Læknadögum sem lauk
formlega í gær var boðið
upp á fjölbreytta dagskrá
um málefni sem snerta
fjölmörg læknisfræðileg
vandamál. Auk fram-
kvæmdanefndar sem sá
um skipulagningu Lækna-
daga, og Arnór Víkings-
son er í forsvari fyrir,
hafði Margrét Aðalsteins-
dóttir framkvæmdastjóri
veg og vanda af allri um-
sýslu þingsins.
– Hafa Læknadagar
verið haldnir reglulega að
undanförnu?
Þeir hafa verið haldnir árlega
að ég held frá því 1993. Lækna-
dagar urðu til upp úr framhalds-
menntunarnámskeiði fyrir ung-
lækna á sjúkrahúsunum en þau
hófust upp úr 1980 og síðan var
ákveðið að útvíkka Læknadaga
yfir í að vera í raun og veru
fræðsluráðstefna fyrir alla lækna,
bæði unglækna og heimilislækna
sem og aðra sérfræðinga.
– Hversu langan tíma tekur
undirbúningur fyrir Læknadaga?
Undirbúningur hefst í mars-
mánuði, sem sagt tíu mánuðum
fyrir þingið og þetta hefur verið í
þeim farvegi að hin ýmsu sér-
fræðifélög lækna og ýmsir aðrir
hópar lækna senda inn hugmynd-
ir að efni og síðan er valið úr og
reynt að setja saman dagskrá
sem inniheldur efni sem tengist
vandamálum líðandi stundar en
jafnframt efni sem á að höfða til
hinna ýmsu og misleitu hópa
lækna. Það sem er mjög
skemmtilegt og jákvætt við þetta
er hvað læknar eru viljugir að
taka þátt í að setja saman dag-
skrána og það er gert án nánast
nokkurs endurgjalds og ár eftir
ár eru sömu aðilar að koma aftur
og aftur með nýtt efni. Menn
leggja mikinn metnað í dag-
skrána og síðan hefur verið reynt
að krydda hana með erlendum
gestafyrirlesurum.
– Þurfið þið að velja og hafna
fyrirlesurum og/eða umræðuefn-
um?
Já, við höfum orðið að hafna
u.þ.b. 40 prósent af innsendum
hugmyndum núna á síðasta ári.
Það byggðist ekki síst á því að við
þurftum að hafa fjölbreytni í dag-
skránni og kannski voru oft svip-
aðar eða sambærilegar óskir
sendar inn.
– Hvaða þýðingu telur þú að
Læknadagar hafi fyrir lækna?
Ég held að þeir hafi mikla og
vaxandi þýðingu vegna þess að
þetta er í raun stærsta innlenda
læknasamkoman á hverju ári og
hún er ólík flestum öðrum lækna-
samkomum að því leyti að þetta
er í raun og veru ráðstefna fyrir
alla lækna. Og þarna gefst geysi-
lega gott tækifæri til
að ná fram sjónarmið-
um hinna ýmsu hópa.
Sem dæmi að þá eru
t.d. innan meltingar-
færasjúkdóma, melt-
ingarlyflæknar, skurðlæknar sem
koma að slíkum sjúkdómum og
krabbameinslæknar og þessir að-
ilar hafa t.d. oftsinnins sameinast
um dagskrá og reynt að ná sam-
hljóm í því hvernig þeir vilja með-
höndla slíka sjúkdóma í samein-
ingu. Þannig að þetta hefur verið
mjög góður grundvöllur fyrir alls
kyns slík verkefni og hefur tekist
býsna vel oft á tíðum.
– Hvað segja læknar sjálfir?
Eru þeir ánægðir með hvernig til
hefur tekist í ár?
Það er almennt góður rómur
gerður að Læknadögum. Við er-
um með gæðakönnun í gangi og
eigum eftir að fara yfir hana en
mér sýnist hljóðið vera gott í
mönnum og menn ánægðir með
þetta enda er þetta dagskrá sem
læknar settu saman sjálfir með
aðstoð okkar, framkvæmda-
nefndarinnar. Og ég held að þetta
hafi geysilega mikið félagslegt
gildi líka fyrir lækna og fyrir heil-
brigðispólitík í landinu. Við höf-
um blandað inn í þetta talsvert af
heilbrigðispólitískri umræðu. Við
vorum með þing í gær [fyrradag]
um heilsuhagfræði og fengum þá
valinkunna aðila úr háskóla-
samfélaginu til liðs við okkur. Og
annað þing héldum við um Alz-
heimer og viðhorf samfélags og
fjölskyldna til þessa sjúkdóms og
buðum þá aðstandendum og öðr-
um heilbrigðisstéttum að taka
þátt í því. Þannig að þetta er vett-
vangur fyrir víðtæka naflaskoðun
og skipulagningu og útlistun á
vandamálum.
– Eru einhver málþing eða um-
fjöllunarefni sem standa upp úr
að þínu mati?
Ég hef sjálfur ekki getað sótt
nema lítinn hluta af þessu en ég
held að það sé mjög erfitt að gera
upp á milli. Það voru fjölmörg at-
riði og málþing sem hafa vakið
ánægju og verið mjög athyglis-
verð á nánast flestum sviðum
læknisfræðinnar.
– Nú veitið þið verð-
laun á Læknadögum.
Hvaða verðlaun eru
það og fyrir hvað eru
þau veitt?
Við höfum verið með getraun í
gangi daglega um sjúkratilfelli og
menn fá að spreyta sig á fullyrð-
ingum og svara og við höfum veitt
bókaverðlaun fyrir það. Svo erum
við með glens í lokin. Við erum
með spurningakeppni á milli
tveggja liða í Gettu betur-stíl og
þar erum við með verðlaun fyrir
bæði sigurvegara og fyrir þá sem
voru næstbestir.
Arnór Víkingsson
Arnór Víkingsson er fæddur 6.
nóvember 1959. Stúdent frá
Menntaskólanum við Hamrahlíð
1978 og lauk prófi frá lækna-
deild Háskóla Íslands 1985.
Stundaði sérnám í Madison í
Wisconsin í Bandaríkjunum í lyf-
lækningum og gigtarsjúkdómum
1988–1995. Hefur unnið á Land-
spítala – háskólasjúkrahúsi frá
1995 og við rannsóknir hjá
Lyfjaþróun hf. frá 2000.
Maki er Ragnheiður J. Jónsdóttir
og eiga þau fjögur börn: Hrafn-
hildi, Víking Heiðar, Marinellu
og Jón Ágúst.
Stærsta inn-
lenda lækna-
samkoman
Verðmæti heilbrigðisþjónustu á Íslandi. Einar Karl Haraldsson ræðir við Birgi Jakobsson, forstjóra
St. Göran sjúkrahússins í Stokkhólmi, Ragnar Daníelsson lækni og Þórólf Matthíasson, hagfræðing
um heilbrigði og hagþróun, miðstýringu og markaðsbúskap og eftirspurn og framboð.
Á ÚTVARPI SÖGU, 99,4 Í DAG KL. 13:00
ÁSKRIFTARDEILD netfang: askrift@mbl.is, sími 569 1122